ଭୁବନେଶ୍ବର/ସମ୍ବଲପୁର: ଓଡ଼ିଶା ପାଇଁ କେନ୍ଦ୍ରର ବଡ଼ ଭେଟି । କେନ୍ଦ୍ର ରେଳମନ୍ତ୍ରୀ ଅଶ୍ଵିନୀ ବୈଷ୍ଣବଙ୍କ ବଡ଼ ଘୋଷଣା । ରେଳ ମନ୍ତ୍ରଣାଳୟ ଆଜି ଓଡିଶା ପାଇଁ ୨ଟି ନୂଆ ରେଳ ପ୍ରକଳ୍ପ ପାଇଁ ଅନୁମୋଦିତ ଦେଇଛନ୍ତି । ପୂର୍ବ ଭାରତରୁ ରାଷ୍ଟ୍ର ଉଦୟ ଦିଗରେ ମୋଦି ସରକାରଙ୍କ ଏହା ଏକ ବଡ଼ ପଦକ୍ଷେପ । ଏହି ୨ଟି ପ୍ରୋଜେକ୍ଟ ଓଡିଶା ପାଇଁ ବହୁ ମହତ୍ତ୍ୱପୂର୍ଣ୍ଣ ପ୍ରୋଜେକ୍ଟ । ଓଡିଶାରୁ କୋଇଲା ଓ ଲୌହ ଖଣିଜପଦାର୍ଥ ପରିବହନ କ୍ଷେତ୍ରରେ ଏହି ୨ଟି ପ୍ରୋଜେକ୍ଟ ବହୁତ ମହତ୍ତ୍ୱପୂର୍ଣ୍ଣ ଅଟେ ।
ଓଡିଶାରେ ୨ଟି ରେଳ ପ୍ରକଳ୍ପ ଭେଟି:
ଆଜି ରେଳ ମନ୍ତ୍ରଣାଳୟର ମୋଟ ୬ ହଜାର ୪୫୬ କୋଟି ଟଙ୍କା ବ୍ୟୟ ଅଟକଳର ୩ଟି ପ୍ରକଳ୍ପକୁ ଅନୁମୋଦନ କରିଛନ୍ତି । ଏହା ମଧ୍ୟରୁ ପଶ୍ଚିମ ଓଡ଼ିଶାରେ ୨ଟି ନୂଆ ରେଳ ପ୍ରକଳ୍ପ ନିର୍ମାଣକୁ କେନ୍ଦ୍ର କ୍ୟାବିନେଟ୍ ମଞ୍ଜୁରୀ ଦେଇଛନ୍ତି । ଏହି ୨ଟି ପ୍ରକଳ୍ପ ବରଗଡ଼, ନୂଆପଡ଼ା ଓ ସୁନ୍ଦରଗଡ଼ ଜିଲ୍ଲା ଦେଇ ଯିବ । ଏନେଇ କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ବଡ଼ ଘୋଷଣା କରିଛନ୍ତି । ଏହି ୨ଟି ନୂଆ ରେଳ ପ୍ରକଳ୍ପରୁ ଗୋଟିଏ ବରଗଡ଼ରୁ ନୂଆପଡା ଭାୟା ପଦ୍ମପୁର ପାଇକମାଳ ରେଳପଥର ଚୂଡାନ୍ତ ମଞ୍ଜୁରୀ କେନ୍ଦ୍ରୀୟ କ୍ୟାବିନେଟ କରିଛନ୍ତି । ଏହି ୧୩୮ କିମି ରେଳପଥ ପାଇଁ ୨,୯୨୬ କୋଟି ଟଙ୍କା ବ୍ୟୟ ଅଟକଳ କରାଯାଇଛି । ତେବେ ବରଗଡ଼-ନୂଆପଡା ପ୍ରୋଜେକ୍ଟରେ ଦୁଇଟି ଲାଭ ହେବ । ପ୍ରଥମେ ଟିଟିଲାଗଡ଼ ଦେଇ ଯାଉଥିବା ପଥକୁ ଏହା କମ୍ କରିବ ରାୟପୁରକୁ ଯାଉଥିବା ଖଣିଜ ପଦାର୍ଥ ଗାଡ଼ି 80 କିଲୋମିଟର ରାସ୍ତା କମ ହେବ । ଏହି ଟ୍ରେନ ଲାଇନ ପଦ୍ମପୁର ଦେଇଯିବ । ଯାହା ପଦ୍ମପୁରବାସୀଙ୍କ ବହୁଦିନର ସ୍ବପ୍ନ ପୂରଣ ହେବ । ସେହିପରି ଅନ୍ୟଟି ୩୭ କିଲୋମିଟର ଲମ୍ବ ସରଡେଗା-ଭାଲୁମୁଡ଼ା ଡବଲ୍ ରେଳ ଲାଇନ ଓଡ଼ିଶାର ସୁନ୍ଦରଗଡ଼ ଜିଲ୍ଲାକୁ ଛତିଶଗଡ଼ର ରାୟଗଡ଼ ଜିଲ୍ଲା ସହ ଯୋଡ଼ିବ । ଏଥିପାଇଁ ୧,୩୬୦ କୋଟି ଟଙ୍କା ବ୍ୟୟ ଅଟକଳ କରାଯାଇଛି ।
The three new railways related projects approved by the Cabinet today will greatly benefit Odisha, Jharkhand, West Bengal and Chhattisgarh. The benefits include seamless transportation of goods and easier travel for passengers.https://t.co/8Z80deEUXu
— Narendra Modi (@narendramodi) August 28, 2024
ଏହା ମଧ୍ୟ ପଢ଼ନ୍ତୁ...ୱେଟିଂ ଟିକଟରେ ଟ୍ରେନ ଯାତ୍ରା ବନ୍ଦ ! VIP ସମେତ ୧୬ଟି କୋଟାରେ କରିପାରିବେ କନଫର୍ମ, ଜାଣନ୍ତୁ ରେଳବାଇ ରିଜର୍ଭେସନ ନିୟମ - Train waiting ticket new rules
ପ୍ରଥମେ ୩ ଓ ଆଜି ୨ଟି ପ୍ରୋଜେକ୍ଟ:
ଓଡ଼ଶାକୁ କିଛି ଦିନ ମଧ୍ୟରେ ପ୍ରଥମେ ୩ ଓ ଆଜି ୨ଟି ପ୍ରୋଜେକ୍ଟ ଆସିଛି । ଏହାମଧ୍ୟରୁ ଗୋଟିଏ ଇଷ୍ଟ କୋଷ୍ଟ ପ୍ରୋଜେକ୍ଟ ରହିଛି । ଓଡିଶାର ବିକାଶ ପାଇଁ ଆବଶ୍ୟକୀୟ ସମସ୍ତ ମହତ୍ତ୍ୱପୂର୍ଣ୍ଣ ପ୍ରୋଜେକ୍ଟ ଆସିଛି । ଏପାଇଁ ପୂର୍ବତଟ ରେଳବାଇ ମଧ୍ୟ କାର୍ଯ୍ୟ କରୁଛି । ଖୋର୍ଦ୍ଧା ବଲାଙ୍ଗୀର ମଧ୍ୟରେ ଯେଉଁ ଟର୍ନଲ କାର୍ଯ୍ୟ ଏଥିରେ ବହୁତ ସଫଳତା ମିଳିଛି । ସେହିପରି କିଛି ପ୍ରୋଜେକ୍ଟ ଦୁଇ ପକ୍ଷରେ ଫେନ୍ସିଂ ଲଗାଇବା ପ୍ରୋଜେକ୍ଟ ସାକ୍ସନ ହେଉଛି । ଦୁଇ ଦିନ ତଳେ ସମ୍ବଲପୁରରୁ ବରଗଡ଼ ପ୍ରୋଜେକ୍ଟ ସାକ୍ସନ ହୋଇଛି । 547 କିଲୋମିଟର ରେଳପଥ ପୂର୍ବତଟ ରେଳବାଇର ଲକ୍ଷ୍ୟ ଯେଉଁଥିରୁ 161 ପୁରା ହୋଇଛି । ନୂଆପଡ଼ା ବରଗଡ଼ରେ ମୋଟ 13ଟି ଷ୍ଟେସନ ରହିବ 11ଟି କ୍ରସିଂ ଷ୍ଟେସନ ଓ 2 ଟି ଜଙ୍କସନ୍ ରହିବ । ସେପଟେ ନୂଆଖାଇ ପୂର୍ବରୁ ଭାରତ ସରକାର ଏବଂ ଓଡିଶା ସରକାରଙ୍କ ପଶ୍ଚିମ ଓଡିଶାବାସୀଙ୍କୁ ମିଳିଥିବା ଏହି ବଡ଼ ଭେଟି ପାଇଁ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ଧନ୍ୟବାଦ ଜଣାଇଛନ୍ତୁ ରାଜ୍ୟ ରାଜସ୍ବ ମନ୍ତ୍ରୀ ସୁରେଶ ପୂଜାରୀ ।
ଇଟିଭି ଭାରତ, ଭୁବନେଶ୍ବର/ସମ୍ବଲପୁର
