ଭୁବନେଶ୍ବର: ବାଲେଶ୍ବର ସାଂସଦ ପ୍ରତାପ ଷଡ଼ଙ୍ଗୀ ସଂସଦରେ ଆହତ ହେବା ଘଟଣା । ରାହୁଲ ଗାନ୍ଧୀଙ୍କ ଉପରେ ବର୍ଷିଲେ ବିଜେପି ରାଜ୍ୟ ସଭାପତି ମନମୋହନ ସାମଲ । ସେ କହିଛନ୍ତି, ''ଏପରି ଘଟଣାକୁ ସାରା ଦେଶ ନିନ୍ଦା କରୁଛି । ସଂସଦୀୟ ଗଣତନ୍ତ୍ରରେ ଆଜି ଦୁଃଖ ଦାୟକ ଓ ଦୁର୍ଭାଗ୍ୟ ଜନକ ଦିନ । ଗଣତନ୍ତ୍ରକୁ ସମ୍ମାନ ଦେବା ଉଚିତ । ଗଣତନ୍ତ୍ରରେ ଗୁଣ୍ଡା ଗର୍ଦ୍ଦିର ସ୍ଥାନ ନାହିଁ । ଦାୟିତ୍ଵ ସମ୍ପନ୍ନ ଦଳର ବିରୋଧୀ ଦଳ ନେତା ଦାବି କରୁଥିବା ରାହୁଲ ଗାନ୍ଧୀ ଯେଉଁ ଭଳି ବ୍ୟବହାର ପ୍ରଦର୍ଶନ କରିଛନ୍ତି, ଏହାକୁ 140 କୋଟି ଭାରତୀୟ ନିନ୍ଦା କରୁଛନ୍ତି । ''
ରାହୁଲଙ୍କ ଉପରେ ବର୍ଷିଲେ ମନମୋହନ:
ବିଜେପି ରାଜ୍ୟ ସଭାପତି ମନମୋହନ ସାମଲ କହିଛନ୍ତି, ''75 ବର୍ଷର ଗଣତନ୍ତ୍ରର ଛବି ଆଜି ଖରାପ ହୋଇଛି । ଯେତେ ନିନ୍ଦା କଲେ କମ୍ ହେବ । ଯେଉଁ ମାନଙ୍କୁ ଆମେ ନିର୍ବାଚିତ କରୁଛନ୍ତି, ସେମାନଙ୍କ ଆଚରଣ ଉଚ୍ଚାରଣ, ବ୍ୟବହାର ପରିବର୍ତ୍ତନ ହେବା ଉଚିତ । ବିରୋଧୀ ଦଳ ନେତା ଯେଉଁଭଳି ଗୁଣ୍ଡା ଗର୍ଦ୍ଦି କଲେ, ଜଣେ ମାନସିକ ସନ୍ତୁଳନ ଥିବା ଲୋକ ଏଭଳି ବ୍ୟବହାର କେବେ କରିବେ ନାହିଁ । ପ୍ରତାପ ଷଡ଼ଙ୍ଗୀ ଶୀଘ୍ର ଆରୋଗ୍ୟ ହୁଅନ୍ତୁ । 56 ବର୍ଷ କ୍ଷମତାରେ ରହିବା ପରେ, ଏବେ କ୍ଷମତା ଅନ୍ଧ ହୋଇଯାଇଛି କଂଗ୍ରେସ । ନିରୁତ୍ସାହିତ ହୋଇଯାଇଛି କଂଗ୍ରେସ । ଜରୁରୀ କାଳୀନ ପରିସ୍ଥିତି ଘଟଣାରେ ଗଣତନ୍ତ୍ରକୁ ହତ୍ୟା କରିଥିଲା କଂଗ୍ରେସ । ''
ଆମର ସାଂସଦ ମାନେ ପ୍ରତାପ ଷଡ଼ଙ୍ଗୀଙ୍କୁ ଭେଟିଛନ୍ତି:
ମନମୋହନ ସାମଲ କହିଛନ୍ତି, '' ଆମର ସାଂସଦମାନେ ହସ୍ପିଟାଲରେ ପ୍ରତାପ ଷଡ଼ଙ୍ଗୀଙ୍କୁ ଭେଟିଛନ୍ତି । ସଂସଦ ଆଗରେ ଆନ୍ଦୋଳନ ଜାରି ରହିଛି । ସଂସଦରେ ସିଡ଼ିରୁ ପଡ଼ି ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ ଆହତ ହୋଇଛନ୍ତି। ସାଂସଦ ଷଡ଼ଙ୍ଗୀଙ୍କ ମୁଣ୍ଡରେ ଲାଗିଛି ଗଭୀର ଆଘାତ। କଂଗ୍ରେସ ସାଂସଦ ରାହୁଲ ଗାନ୍ଧୀ ଠେଲି ଦେଇଥିବାରୁ ଏଭଳି ଦୁର୍ଘଟଣାର ସମ୍ମୁଖୀନ ହୋଇଥିବା କହିଛନ୍ତି ଖୋଦ ପ୍ରତାପ ଷଡଙ୍ଗୀ । ଆହତ ଅବସ୍ଥାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି। '' ଦିଲ୍ଲୀର ଆରଏମଏଲ ହସ୍ପିଟାଲରେ ଭର୍ତ୍ତି ହୋଇଛନ୍ତି ପ୍ରତାପ ଷଡ଼ଙ୍ଗୀ । ବର୍ତ୍ତମାନ ସେ ଚିକିତ୍ସାଧୀନ ଅବସ୍ଥାରେ ଅଛନ୍ତି । ହସ୍ପିଟାଲରେ ତାଙ୍କୁ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଭେଟିଛନ୍ତି ।
#WATCH | BJP MPs injured | Union Minister Ashwini Vaishnaw says, " a very detailed discussion on constitution was done in the parliament. the manner in which congress' history was presented before the country, congress is baffled due to that. their real manner of functioning has… pic.twitter.com/OPrlPHCD7b
— ANI (@ANI) December 19, 2024
'ରାହୁଲ ଗାନ୍ଧୀ ଜୋର ଜବରଦସ୍ତ ଧକ୍କା ମାରି ଭିତରକୁ ପଶିଥିଲେ':
ଏନେଇ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି, '' ରାହୁଲ ଗାନ୍ଧୀ ଜୋର ଜବରଦସ୍ତ ଧକ୍କା ମାରି ଭିତରକୁ ପଶିଥିଲେ । ଏହି କାରଣରୁ ତିନିରୁ ଚାରିଜଣ ସାଂସଦ ତଳେ ପଡ଼ି ଯାଇଥିଲେ । ଏଥିରେ ବିଜେପି ସାଂସଦ ପ୍ରତାପ ଷଡ଼ଙ୍ଗୀ ଆହତ ହୋଇଥିଲେ । ମୁକେଶ ରାଜପୁତ ମଧ୍ୟ ଗୁରୁତର ହୋଇ ଆଇସିୟୁରେ ଭର୍ତ୍ତି ହୋଇଛନ୍ତି ।
#WATCH | Delhi | Union Minister Dharmendra Pradhan says, " ...he (rahul gandhi) pushed forcefully. due to this, around 3-4 mps fell and in it, bjp mps pratap sarangi and mukesh rajput were badly injured... pratap sarangi has been badly injured and mukesh rajput has been admitted… pic.twitter.com/EGf8JjqPL9
— ANI (@ANI) December 19, 2024
'କଂଗ୍ରେସର ପ୍ରକୃତ କାର୍ଯ୍ୟକଳାପ ସାମ୍ନାକୁ ଆସିଛି' :
ଏନେଇ ରେଳମନ୍ତ୍ରୀ ଅଶ୍ବିନୀ ବୈଷ୍ଣବ କହିଛନ୍ତି, '' ସଂସଦରେ ସମ୍ବିଧାନ ଉପରେ ବିସ୍ତୃତ ଆଲୋଚନା କରାଯାଇଥିଲା । କଂଗ୍ରେସର ଇତିହାସ ଯେପରି ଦେଶ ଆଗରେ ଉପସ୍ଥାପିତ ହୋଇଥିଲା, ସେହି କାରଣରୁ କଂଗ୍ରେସ ଚିହିଁକି ଉଠିଥିଲା । ସେମାନଙ୍କର ପ୍ରକୃତ କାର୍ଯ୍ୟକଳାପ ଆଜି ସମସ୍ତଙ୍କ ସାମ୍ନାକୁ ଆସିଛି । ସେମାନେ ଆମର ଦୁଇ ସାଂସଦଙ୍କୁ ଧକ୍କା ଦେଇ ଆହତ କରିଛନ୍ତି । ସେମାନେ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଏହା କଣ ସଂସଦର ମର୍ଯ୍ୟାଦା ? କଣ ସଂସଦରେ ଆପଣ ଏପରି କାର୍ଯ୍ୟ କରନ୍ତି ? କଂଗ୍ରେସ ବୁଝିବା ଉଚିତ ଯେ ସମଗ୍ର ଦେଶ ସ୍ପଷ୍ଟ ଭାବେ ଜାଣେ ଯେ, କଂଗ୍ରେସ ସର୍ବଦା ଆମ୍ବେଦକରଙ୍କୁ ବିରୋଧ କରି ତାଙ୍କୁ ଅପମାନିତ କରିଛି। ''
ଇଟିଭି ଭାରତ, ଭୁବନେଶ୍ବର
