ଭୁବନେଶ୍ବର: ଦିନିକିଆ ଗସ୍ତରେ ଭୁବନେଶ୍ବରରେ ପହଞ୍ଚିଛନ୍ତି ବିଜେପି ରାଷ୍ଟ୍ରୀୟ ସଭାପତି ଜେ.ପି ନଡ୍ଡା । ପୂର୍ବାହ୍ନ ପ୍ରାୟ 11 ଟାରେ ବିମାନ ବନ୍ଦରରେ ପହଞ୍ଚିବା ପହଞ୍ଚିବା ପରେ ତାଙ୍କୁ ଦଳୀୟ କାର୍ଯ୍ୟକର୍ତ୍ତା ସ୍ବାଗତ କରିଥିଲେ । ପରେ ଦଳର ସଦସ୍ୟତା ସଂଗ୍ରହ ଅଭିଯାନରେ ସାମିଲ ହୋଇଛନ୍ତି । କାର୍ଯ୍ୟକ୍ରମରେ ଦଳର ମନ୍ତ୍ରୀ, ସାଂସଦ ବିଧାୟକ ଓ ସାଙ୍ଗଠନିକ କାର୍ଯ୍ୟକର୍ତ୍ତାଙ୍କୁ ନଡ୍ଡା ସମ୍ବୋଧିତ କରିଛନ୍ତି । ମୋଦି ସରକାରର ବିକାଶ ଓ ସଂସ୍କାରମୂଳକ ପଦକ୍ଷେପର କଥା ବଖାଣିବା ସହ ବିରୋଧୀ କଂଗ୍ରେସ ଉପରେ ବର୍ଷିଛନ୍ତି ।
‘କଂଗ୍ରେସ ଦଳ ସହରୀ ନକ୍ସଲବାଦୀର ମୁଖପାତ୍ର’:
ଜେପି ନଡ୍ଡା ସମ୍ବୋଧନ କରି କହିଛନ୍ତି, ‘କୌଣସି ଏମିତି ଦଳ ଅଛି ଯିଏ ବିଚାରଧାରା ଉପରେ ଚାଲୁଛି । ଆମର ବାମପନ୍ଥୀ ଦଳ ଗୁଡିକ କେଉଁଠି ଚାଲୁଥିଲେ କେଉଁଠି ପହଞ୍ଚି ଗଲେଣି । କାହା ସହ ଶତ୍ରୁତା କାହା ସହ ମିତ୍ରତା କିଛି ବୁଝିହେଉନାହିଁ । ଆଜି କେରଳରେ ପରସ୍ପର ମଧ୍ୟରେ ଲଢେଇ କରୁଛନ୍ତି ଦିଲ୍ଲୀରେ ବନ୍ଧୁତା କରୁଛନ୍ତି । ପଶ୍ଚିମବଙ୍ଗରେ ଲଢୁଛନ୍ତି, ଦିଲ୍ଲୀରେ ଏକାଠି ଛିଡା ହେଉଛନ୍ତି । କଂଗ୍ରେସ ଦଳ ସହରୀ ନକ୍ସଲବାଦୀର ମୁଖପାତ୍ର ହୋଇଯାଇଛି ।’
ଧାରା 370 ଉପରେ କହିଲେ ନଡ୍ଡା:
#WATCH | Addressing the membership campaign program in Khordha, Odisha, BJP national president JP Nadda says, " which is the party that runs on ideology?... where did our leftist party colleagues start from and where did they reach? we did not understand who they were friends with… pic.twitter.com/tgLvu4kiMq
— ANI (@ANI) September 26, 2024
ନଡ୍ଡା ଆହୁରି କହିଛନ୍ତି, ‘ଏହା ଭାଜପା ଅଟେ ଯିଏ ଭାରତୀୟ ଜନସଂଘ ନାଁରେ 1952ରେ କହିଥିଲା, ଗୋଟିଏ ଦେଶରେ ଦୁଇଟି ନିୟମ (ବିଧାନ) ଦୁଇଟି ପ୍ରଧାନ(ମୁଖିଆ) ଚଳିବନି । ଆମେ ଏକ ଲମ୍ବା ଯାତ୍ରା କରିଛୁ ଏବଂ 2019ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ଓ ଗୃହମନ୍ତ୍ରୀ ଅମିତ ଶାହଙ୍କ ନେତୃତ୍ବରେ ଧାରା 370 ହଟାଇଛୁ । ଜମ୍ମୁ କାଶ୍ମୀରର ସମ୍ବିଧାନ ଅଲଗା ଥିଲା ଭାରତର ସମ୍ବିଧାନ ଅଲଗା ଥିଲା । ଭାରତ ପାଖାପାଖି 200 ନିୟମ ଏପରି ଥିଲା ଯାହା ଜମ୍ମୁ କାଶ୍ମୀରରେ ଲାଗୁ ହେଉନଥିଲା ।’
ତିନ ତଲାକ୍ କଥା କହିଲେ ନଡ୍ଡା:
ଏହି ଅବସରରେ ତିନ ତଲାକ ଉପରେ କହିଛନ୍ତି ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜଗତପ୍ରକାଶ ନଡ୍ଡା । ସେ କହିଛନ୍ତି, ‘ସୁପ୍ରିମକୋର୍ଟ କହିଥିଲେ ତିନ ତଲାକ ସମାପ୍ତ କର । ଏଠାରେ ବସିଥିବା ସମସ୍ତ ଲୋକଙ୍କୁ ମୁଁ କହିବାକୁ ଚାହେଁ ବାଂଲାଦେଶରେ ତିନ ତଲାକ ନାହିଁ । ପାକିସ୍ତାନ, ଆଫଗାନିସ୍ତାନ, ଇରାନ, ସିରିୟା, ଇଣ୍ଡୋନେସିଆ ତିନ ତଲାକ ନାହିଁ । ଏମାନେ ଇସାଲାମିକ ରାଷ୍ଟ୍ର ହୋଇ ଏମାନଙ୍କର ତିନ ତଲାକ ନାହିଁ । କିନ୍ତୁ ଭାରତରେ ଏହା ଚାଲିଥିଲା । ଏବଂ ମୁସଲିମ ଭଉଣୀ ମାନଙ୍କୁ ମୁଖ୍ୟଧାରାରୁ ବଞ୍ଚିତ କରାଯାଉଥିଲା । ସେମାନଙ୍କୁ ଅଧିକାର ଦେବା କାମ ପ୍ରଧାନମନ୍ତ୍ରୀ ମୋଦି କଲେ । ଏହା ଥିଲା ଆମର ଆଇଡୋଲୋଜି ।
ନଡ୍ଡା ଆହୁରି କହିଛନ୍ତି, ‘ଏଠାରେ ସବୁ କ୍ଷେତ୍ରରେ ଲୋକ ଆସିଛନ୍ତି ଯାହା ମୋ ପାଇଁ ସବୁଠାରୁ ବଡ଼ ଖୁସିର କଥା । ବିଜେପି ସଦସ୍ୟ ହେବା ଆପଣ ମାନେ ମଞ୍ଜୁରୀ ଦେଇଛନ୍ତି ଏଣୁ ବହୁତ ବହୁତ କୃତଜ୍ଞ । ଆପଣ ମାନଙ୍କୁ ସଦସ୍ୟ କରିବା ସୁଯୋଗ ମୋତେ ମିଳିଛି ତାହା ମୋ ପାଇଁ ଗୌରବର ବିଷୟ । ମୋର ସାଙ୍ଗ କଂଗ୍ରେସରେ, ବାମ ଦଳରେ ଅଛନ୍ତି । ନୀତି ଓ ଆଦର୍ଶ ପାର୍ଥକ୍ୟ ଆମ ମାନଙ୍କ ମଧ୍ୟରେ ରହିଛି । ଦେଶରେ 50 ପାଖାପାଖି ସକ୍ରିୟ ଦଳ ରହିଛି । ହେଲେ ବିଜେପି ଏକମାତ୍ର ଦଳ ଯାହା ରାଷ୍ଟ୍ରୀୟ ଓ ଗଣତାନ୍ତ୍ରିକ ପାର୍ଟି । କଂଗ୍ରେସ ଦଳର ସଦସ୍ୟ ଏପରି କେବେ ହେବାର ଦେଖିଛନ୍ତି । ଆମର ସଦସ୍ୟତା ମଧ୍ୟରେ ଟ୍ରାନ୍ସପାରେନ୍ସି ଅଛି ।’
ବିଜେପି ନେତାର ପୁଅ ନେତା ନୁହେଁ:
ସେ ଆହୁରି କହିଛନ୍ତି ‘ସଦସ୍ୟତା ଆମର କହିବାରେ ନୁହେଁ ଅନ୍ ରେକର୍ଡ ଅଛି । ଏହି ସଦସ୍ୟତା ପରେ ଆକ୍ଟିଭ ସଦସ୍ୟ ଚୟନ ହେବେ । ଏହାପରେ ମଣ୍ଡଳ ନିର୍ବାଚନ, ଜିଲ୍ଲା ଓ ରାଜ୍ୟ ଏହାପରେ ନିର୍ବାଚନ ହୋଇ ରାଷ୍ଟ୍ରୀୟ ଅଧ୍ୟକ୍ଷ ବଛାଯିବ । ଏଣୁ ଆମର ନେତାର ପୁଅ ନେତା ନୁହେଁ ତୃଣମୂଳରୁ ଆସିଥିବା ଲୋକ ନେତା ହୋଇଥାଏ ।’ ଏପରି କୌଣସି ଦଳ ଅଛି ଯାହାର ଗଣତନ୍ତ୍ର ଅଛି ବୋଲି ପ୍ରଶ୍ନ କଲେ ନଡ଼ା । ବାମ ଦଳ କେଉଁଠୁ ଆସିଥିଲେ ଆଉ କେଉଁଠି ପହଁଚିଲେ । କେରଳରେ ଲଢେଇ ଓ ଦିଲ୍ଲୀରେ ଦୋସ୍ତି କରୁଛନ୍ତି । ପଶ୍ଚିମବଙ୍ଗରେ ଲଢେଇ ଓ ଦିଲ୍ଲୀରେ ଏକାଠି ହେଉଛନ୍ତି ।
‘ସହରାଞ୍ଚଳରେ ନକ୍ସଲର ମୁଖପାତ୍ର କଂଗ୍ରେସ ହୋଇଛି’
ସେ ଆହୁରି କହିଛନ୍ତି, ‘ସହରାଞ୍ଚଳରେ ନକ୍ସଲର ମୁଖପାତ୍ର କଂଗ୍ରେସ ହୋଇଯାଇଛି । ପ୍ରଧାନମନ୍ତ୍ରୀଙ୍କ ନେତୃତ୍ବରେ ଆମେ 2019ରେ 370 ଧାରା ହଟାଇ ଜାମ୍ମୁ କାଶ୍ମୀରର ସମ୍ବିଧାନ ଓ ଭାରତର ସମ୍ବିଧାନ ଏକ କଲୁ । ପଶ୍ଚିମ ପାକିସ୍ତାନରୁ ଆସିଥିବା ମନମୋହନ ସିଂ ପ୍ରଧାନମନ୍ତ୍ରୀ ହୋଇଥିଲେ ହେଲେ କାଶ୍ମୀରବାସୀଙ୍କ ଅଧିକାର ନଥିଲା । ରାମ ମନ୍ଦିର, ତିନ ତଲାକ ଉଚ୍ଛେଦ ଆମେ କରିଛୁ । ଆମ ଦଳ ଆଦର୍ଶ ଗତ ଦଳ । ସମସ୍ତଙ୍କ ସାଥି ସମସ୍ତଙ୍କ ବିକାଶ ଆମର ଲକ୍ଷ୍ୟ ।’
ଆମର ତୃତୀୟ ଅର୍ଥନୀତି ହେବାର ଲକ୍ଷ୍ୟ:
ସେ ଆହୁରି କହିଛନ୍ତି, ‘ପୂର୍ବ ସଦସ୍ୟ ଆମର 18 କୋଟି ହୋଇଥିଲା । ପ୍ରତି 6 ବର୍ଷରେ ସମସ୍ତେ ନୂଆ ସଦସ୍ୟ ହୋଇଥାନ୍ତି । ଦେଶ ଦେଢ଼ ଲକ୍ଷ ଶକ୍ତିମଣ୍ଡଳ ଅଛି । 350 ମେମ୍ବର ଲୋକସଭା, 1500ରୁ ଅଧିକ ବିଧାୟକ, 7000ରୁ ଅଧିକ କର୍ପୋରେଟର, ମେୟର , ମ୍ୟୁନିସିପାଲଟି ସଦସ୍ୟ ଅଛନ୍ତି । ଅର୍ଥନୀତିରେ ଆମେରିକା, ୟୁରୋପ, ଅଷ୍ଟ୍ରେଲିଆ, ଚାଇନା,ଜାପାନର ଖସିଛି 5 ପ୍ରତିଶତକୁ । ସମସ୍ତଙ୍କ ଅର୍ଥନୀତି ବିଗିଡିଛି ଆମର ଅର୍ଥନୀତି 7 ପ୍ରତିଶତ ହେବ ଅନୁମାନ କରାଯାଉଛି । ବ୍ରିଟେନକୁ ପଛେଇ ଆମେ 11 ରୁ 5ମ ସ୍ଥାନରେ ପହଞ୍ଚିଛେ ଆମର ତୃତୀୟ ଅର୍ଥନୀତି ହେବାର ଲକ୍ଷ୍ୟ ।
97% ମୋବାଇଲ ଭାରତରେ ହେଉଛି ତିଆରି:
ନଡ୍ଡା ଆହୁରି କହିଛନ୍ତି, ‘97 ପ୍ରତିଶତ ମୋବାଇଲ ଏବେ ଭାରତରେ ତିଆରି ହେଉଛି । ଅଟୋ ମୋବାଇଲରେ ଆମେ ତୃତୀୟ ଅର୍ଥନୀତିରେ ପହଞ୍ଚିଛେ । ବିଶ୍ବସ୍ତରୀୟ ରାସ୍ତା ଆଜି ଭାରତରେ ହେଉଛି । ଆଗକୁ 10 ଲକ୍ଷ କୋଟି ନିର୍ମାଣରେ ଖର୍ଚ୍ଚ ହେବ । ଆୟୁଷ୍ମାନ ଯେଉଁଠି ଲାଗୁ ହୋଇଛି ସେଠି ବ୍ୟାଙ୍କର ଋଣ କମିଛି । 3 କୋଟି ନୂଆ ଘର ଅନୁମୋଦନ ହୋଇଛି । ଆଗରୁ ସୀମା ପାର ଆତଙ୍କବାଦୀଙ୍କ ସମ୍ପର୍କରେ ପ୍ରଧାନମନ୍ତ୍ରୀ ବିଦେଶ ଯାଇ କହୁଥିଲେ ହେଲେ ଏବେ ବିକାଶର କଥା କହୁଛନ୍ତି ପ୍ରଧାନମନ୍ତ୍ରୀ ମୋଦି । ସମସ୍ତେ ସଦସ୍ୟ ହୁଅନ୍ତୁ ଏବଂ ଅନ୍ୟ ମାନଙ୍କୁ ମଧ୍ୟ ସଦସ୍ୟ କରନ୍ତୁ । ଏହି କାର୍ଯ୍ୟକ୍ରମ ହେଉଛି ଭାରତୀୟ ଜନତା ପାର୍ଟିକୁ ଜାଣିବାର କାର୍ଯ୍ୟକ୍ରମ।’
ପାର୍ଟିର ସଦସ୍ୟ ବଢାଇବା ହେଉଛି ଶକ୍ତି ବଢାଇବା:
ସେହିପରି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି, ‘ଭାରତୀୟ ଜନତା ପାର୍ଟିକୁ ଆହୁରି ସଶକ୍ତିକରଣ ଓ ସଦସ୍ୟ ବଢାଇବେ ପାଇଁ ସଦସ୍ୟତା ଅଭିଯାନ କରାଯାଉଛି । ଗତଥର ରାଜ୍ୟରେ 41 ଲକ୍ଷ ସଦସ୍ୟ ବୃଦ୍ଧି ପାଇଥିଲେ । ପାର୍ଟିର ସଦସ୍ୟ ବଢାଇବା ହେଉଛି ଶକ୍ତି ବଢାଇବା । ପାର୍ଟି କୁ ଶସକ୍ତ କଲେ ସରକାରକୁ ଆସିବା ସହିତ ଜନସାଧାରଣଙ୍କ ସେବା କରିବାକୁ ଅଧିକ ସୁଯୋଗ ମିଳିଥାଏ । ସଦସ୍ୟତା ଅଭିଯାନର 25 ଦିନିଆ ପ୍ରଥମ ପର୍ଯ୍ୟାୟ କାର୍ଯ୍ୟକ୍ରମ ହେଉଛି । ଏହା ଭିତରେ ଗତକାଲି ବିଶାଳ ସଦସ୍ୟତା କାର୍ଯ୍ୟକ୍ରମ ସାରା ଭାରତ ବର୍ଷରେ ହୋଇଛି । ବିଜେପି ଏକ ଭିନ୍ନ ପରିଚିତ ଦଳ ଲୋକଙ୍କ ସେବା କରିବା ପାଇଁ ଦଳ ଆସିଛି ଓ ଲୋକଙ୍କ ସମର୍ଥନ ପାଇ ଦଳ ସରକାରକୁ ଆସିଛି ।’
ସମସ୍ତଙ୍କୁ ଧନ୍ୟବାଦ ଦେଲେ ମୁଖ୍ୟମନ୍ତ୍ରୀ:
ସେ ଆହୁରି କହିଛନ୍ତି, ‘ମୋଦି ଯେତେବେଳେ ଡବଲ ଇଞ୍ଜିନ ସରକାର କରିବା ପାଇଁ ଆହ୍ବାନ ଦେଇଥିଲେ ଏହାକୁ ସମର୍ଥନ କରି ଆପଣ ମାନେ ମଧ୍ୟ ନୂଆ ସରକାର ଗଠନ କରିଛନ୍ତି । 2019 ମସିହାରେ ଆମକୁ ବିରୋଧୀ ଦଳ ଆସନରେ ବସିଥିଲୁ। ନୂଆ ସରକାର ଗଠନ କରିଥିବାରୁ ମୁଁ ଧନ୍ୟବାଦ ଦେଉଛି ଓ ଅନେକ ଅନେକ ଶୁଭେଚ୍ଛା ଜଣାଉଛି। ସଦସ୍ୟତା ଅଭିଯାନ ଚାଲିଛି ଏହି ଅଭିଯାନରେ ଏକ କୋଟି ସଦସ୍ୟ କରିବା ଲକ୍ଷ୍ୟ ଧାର୍ଯ୍ୟ ହୋଇଛି ତାହା ନିଶ୍ଚିତ ଭାବରେ ପୂରଣ ହେବ। ଏହିପରିପ୍ରେକ୍ଷୀରେ ଜେପି ନଡ୍ଡା ଆସିଛନ୍ତି ଆମକୁ ଉତ୍ସାହିତ କରିବା । ସଦସ୍ୟତା ଅଭିଯାନ ମହାନ ପର୍ବରେ ଆପଣ ମାନେ ଯେଉଁ ସାମିଲ ହେବାକୁ ଆସିଛନ୍ତି ମୁଁ ଆଶା କରିବି ଏନେଇ ଦଳ ଆହୁରି ଶକ୍ତିଶାଳୀ ହେବ। ’
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆହୁରି କହିଛନ୍ତି, ‘2036 ମସିହା ସ୍ବତନ୍ତ୍ର ଓଡ଼ିଶା ପ୍ରଦେଶ ଗଠନର ୧୦୦ ବର୍ଷ ହେବ ସେତେବେଳେ ଆମେ ବିକାଶ ରାଜ୍ୟ । 2047 ବେଳକୁ ଭାରତ ବିକାଶର ଓଡିଶା ହେବ ପ୍ରଥମ ବଗି । 12 ବର୍ଷ କାଳ ଖଣ୍ଡ ମଧ୍ୟରେ ଓଡିଶାର ସାଡ଼େ 4 କୋଟି ଲୋକ ଯେଉଁ ଦାୟିତ୍ବ ଦେଇଛନ୍ତି ତାହାକୁ ନେଇ ସରକାର କେବଳ ଏକୁଟିଆ ବିକାଶ କରିବା ସମ୍ଭବ ନୁହେଁ ଯେତେବେଳେ ସଂଗଠନର ଶକ୍ତି ଓ ଲୋକଙ୍କ ସମର୍ଥନକୁ ସାଥିରେ ନେଇ କାର୍ଯ୍ୟ କରିହେବ ତାହା ସମ୍ଭବ ହେବ।
