ଭୁବନେଶ୍ୱର: ହାବିଷ୍ୟାଳିଙ୍କ ସମସ୍ୟାକୁ ନେଇ ଆରମ୍ଭ ହୋଇଛି ରାଜନୀତି । ଓଡ଼ିଆ ଅସ୍ମିତା କଥା କହି ସରକାରକୁ ଆସିଥିବା ବିଜେପି ହାବିଷ୍ୟାଳୀଙ୍କ ଲାଗି ବ୍ୟବସ୍ଥା କରିପାରିନଥିବା ଅଭିଯୋଗ କରିଛି ବିଜେଡି । ସାମ୍ବାଦିକ ସମ୍ମିଳନୀ କରି ଶାସକ ଦଳ ଟାର୍ଗେଟ କରିଛନ୍ତି ବିଜେଡି ମୁଖପାତ୍ର ଲେଖାଶ୍ରୀ ସାମନ୍ତସିଂହାର । ହାବିଷ୍ୟାଳୀଙ୍କୁ କଷ୍ଟ ଦେବା ବିଜେପି ସରକାରକୁ ପାପ ଓ ଅଭିଶାପ ଲାଗିବ ବୋଲି ଲେଖାଶ୍ରୀ ଚେତାବନୀ ଦେବା ପରେ ଜବାବ ରଖିଛନ୍ତି ଆଇନ ମନ୍ତ୍ରୀ ପୃଥ୍ଵୀରାଜ ହରିଚନ୍ଦନ ।
ଓଡ଼ିଆ ଅସ୍ମିତାକୁ କୁଠାରଘୋତ: ବିଜେଡି
ବିଜେଡି ମୁଖପାତ୍ର ଲେଖାଶ୍ରୀ ସାମନ୍ତସିଂହାର କହିଛନ୍ତି, "ଓଡ଼ିଆ ଅସ୍ମିତାର କଥା କହି ଓଡିଶାବାସୀଙ୍କୁ ଭାବବିହ୍ବଳ କରି ବିଜେପି ସରକାରକୁ ଆସିଛି । କିନ୍ତୁ ପ୍ରତ୍ୟେକ ଦିନ ଓଡ଼ିଆ ଅସ୍ମିତା ଉପରେ କୁଠାରଘାତ ହେଉଛି । ଓଡ଼ିଆତ୍ୱକୁ ଅପମାନିତ କରିବା ବିଜେପି ସରକାରର ନୀତି ହୋଇଛି । କାର୍ତ୍ତିକ ମାସ ପ୍ରତ୍ୟେକ ଓଡ଼ିଆଙ୍କ ଲାଗି ପବିତ୍ର ମାସ । ରଥଯାତ୍ରା ପରେ କାର୍ତ୍ତିକ ମାସ ହିଁ ପ୍ରତ୍ୟେକ ଓଡ଼ିଆର ପୂର୍ଣ୍ଣ ଅର୍ଜ୍ଜିବାର ପର୍ବ ଓ ପରମ୍ପରା । କାର୍ତ୍ତିକ ମାସରେ ପ୍ରତ୍ୟେକ ଓଡ଼ିଆ ମହିଳା; ବିଶେଷ କରି ବୟସ୍କ ମହିଳା, ବିଧବା ମା' ପୂର୍ଣ୍ଣ ଅର୍ଜିବା ଲାଗି ମହାପ୍ରଭୁଙ୍କ ପାଖକୁ ଆସନ୍ତି । ହାବିଷ୍ୟାଳିଙ୍କ ମୋକ୍ଷ ପ୍ରାପ୍ତି ଲାଗି ଅନ୍ୟାନ୍ୟ ବାଟ କହିଲେ ଅତ୍ୟୁକ୍ତି ହେବନାହିଁ । ଆଉ କୌଣସି ରାଜ୍ୟରେ ହାବିଷ୍ୟର ପ୍ରଥା ନାହିଁ । ଓଡ଼ିଆ ଅସ୍ମିତାରେ ହାବିଷ୍ୟ ଓ ହାବିଷ୍ୟାଳୀଙ୍କ କଥା ରହିଛି ।"
'ଦିନରେ ଖରା, ରାତିରେ କାକର'
ଲେଖାଶ୍ରୀ ଆହୁରି ମଧ୍ୟ କହିଛନ୍ତି, "ବିଜେପି ସରକାରରେ ଓଡ଼ିଆଙ୍କ ଧର୍ମ, ବିଶ୍ୱାସ ଓ ପ୍ରଥାକୁ କୁଠାରଘାତ ହେଉଛି । ହଜାର ହଜାର ହାବିଷ୍ୟାଳି ପୁରୀରେ ଏକାଠି ହେଲେ । ଦିନରେ ଖରା ଓ ରାତିରେ କାକର ମାଡ଼ ଖାଇଲେ । ରାଜ୍ୟ ସରକାର ସେମାନଙ୍କ ଲାଗି କୌଣସି ବ୍ୟବସ୍ଥା କରିପାରିଲେ ନାହିଁ । ତଥାକଥିତ ଓଡ଼ିଆ ଅସ୍ମିତାର ସରକାର ହାବିଷ୍ୟାଳୀଙ୍କୁ ଧୋକା ଦେଇଛନ୍ତି । ଏହାର ଦୋଷ ବିଜେପି ସରକାର ଉପରେ ପଡିବ । ନବୀନ ସରକାର ସମୟରେ 39 କୋଟି ଟଙ୍କା ବ୍ୟୟ ବରାଦରେ 7 ମହଲା ବିଶିଷ୍ଟ ବୃନ୍ଦାବତୀ ନିବାସ ନିର୍ମାଣ ହୋଇଥିଲା । ହାବିଷ୍ୟାଳିଙ୍କ ରହିବା, ପ୍ରସାଦ ସେବନ, ଜଗା ଦର୍ଶନ, ନେବା ଆଣିବା ସ୍ୱାସ୍ଥ୍ୟ ସେବା ବ୍ୟବସ୍ଥା ହୋଇଥିଲା । ହାବିଷ୍ୟାଳୀଙ୍କ ଆବେଗ ବୁଝି ନବୀନ ବାବୁ ବ୍ୟବସ୍ଥା କରିଥିଲେ ।"
— Shree Jagannatha Temple Office, Puri (@SJTA_Puri) October 16, 2024
ଗତବର୍ଷ ୩୨୦୦, ଏବର୍ଷ ୨୫୦୦ :
ଲେଖାଶ୍ରୀ ଏହା ମଧ୍ୟ କହିଛନ୍ତି, "ଗତବର୍ଷ 3200 ହାବିଷ୍ୟାଳୀଙ୍କ ରହିବା ଲାଗି ବ୍ୟବସ୍ଥା ହୋଇଥିଲା । କିନ୍ତୁ ଚଳିତ ବର୍ଷ ମାତ୍ର 2500 ହାବିଷ୍ୟାଳିଙ୍କ ଲାଗି ବୃନ୍ଦାବତୀ ନିବାସରେ ବ୍ୟବସ୍ଥା ହୋଇଛି । ଏହାଠୁ ଅଧିକ ଆସିଥିବା ମହିଳାଙ୍କୁ ରଖାଯାଉନାହିଁ । ଅନଲାଇନରେ ପଞ୍ଜିକରଣ କରିନଥିବା ମହିଳାଙ୍କୁ ଭିତରେ ପସିବାକୁ ଦିଆଯାଇନଥିଲା । ବୟସ୍କ ମହିଳା ଦିନରେ ଖରା ତାତି ଓ ରାତିରେ କାକର ମାଡ଼ ଖାଇ କାନ୍ଦୁଛନ୍ତି । ସେମାନଙ୍କ ଲାଗି ସମନ୍ୟତମ ସୁବିଧା ହୋଇନାହିଁ । ହାବିଷ୍ୟାଳିଙ୍କୁ ହାବିଷ୍ୟ କରେଇବା ମଧ୍ୟ ମହାପୂର୍ଣ୍ଣ । ଯାହା ନବୀନ ବାବୁ ବୁଝିଥିଲେ, କିନ୍ତୁ ଏବେର ବିଜେପି ସରକାର ବୁଝିନାହାନ୍ତି । ରାଜ୍ୟ ସରକାରଙ୍କ ଅପାରଗତା ଓ ଅଯୋଗ୍ୟତା ସ୍ପଷ୍ଟ ଭାବେ ଜଣାପଡୁଛି ।"
Today, an elderly devotee received special assistance from our Police Personnel for a peaceful and fulfilling Darshan at the Jagannath Temple. Ensuring comfort and safety for all devotees is our priority. pic.twitter.com/BONwWw7NlE
— Puri Police (@SPPuri1) October 18, 2024
ଏହା ବି ପଢନ୍ତୁ- ହବିଷ୍ୟାଳୀ ବ୍ରତ ପାଇଁ ୬ରୁ ଆବେଦନ, 2500 ମା’ଙ୍କ ପାଇଁ ବ୍ୟବସ୍ଥା - Habishyalis Registration
କୁଆଡ଼େ ଗଲେ ଉପମୁଖ୍ୟମନ୍ତ୍ରୀ: ଲେଖାଶ୍ରୀ
ସେ ଆହୁରି ମଧ୍ୟ କହିଛନ୍ତି, "ବିଜେପି ସରକାର କଣ ବତେଇବ କିଏ ଧର୍ମ କରିବ ଆଉ ନକରିବ ? ପଞ୍ଜିକରଣ କରିଥିବା ଲୋକର ହିଁ କଣ କେବଳ ଧର୍ମ କରିବା ଅଧିକାର ଅଛି ? ମନ୍ତ୍ରୀ କହୁଛନ୍ତି ଅନଲାଇନ ପଞ୍ଜିକରଣ କରିଥିବା ବ୍ୟକ୍ତି ରହିବେ । ଏହା କି ଉଦ୍ଭଟ ଚନ୍ତାଧାରା ? 80 ବର୍ଷର ବୟସ୍କାଙ୍କ ଅନଲାଇନ ପଞ୍ଜିକରଣ ବାବଦରେ କଣ ଜାଣିଛନ୍ତି ? ମହିଳାଙ୍କୁ ଖରା, କାକରରେ ବସେଇବା ଦୁର୍ଭାଗ୍ୟଜନକ । ଆବଶ୍ୟକତାରୁ ଅଧିକ ଆସିଲେ ମଧ୍ୟ ତାଙ୍କ ଲାଗି ବ୍ୟବସ୍ଥା କରିବା ରାଜ୍ୟ ସରକାରଙ୍କ ଦାଇତ୍ୱ । ସୁଭଦ୍ରା ଯୋଜନା କଥା କହି ବୃଦ୍ଧାଙ୍କୁ ରାସ୍ତାରେ ପକାଇଛନ୍ତି । ଉପମୁଖ୍ୟମନ୍ତ୍ରୀ ଜଣେ ମହିଳା । ସୁଭଦ୍ରା ଯୋଜନା ନେଇ ଏତେ କଥା କହୁଛନ୍ତି । ମହିଳା କାନ୍ଦୁଥିଲେ ତାଙ୍କର ଦେଖାନାହିଁ ।"
Seamless Darshan for Habisyalis and Devotees: Police Control Room at Singhadwar ensures smooth crowd management and a hassle-free experience at Jagannath Temple. pic.twitter.com/8Z27xucSlB
— Puri Police (@SPPuri1) October 18, 2024
ପାପ ଲାଗିବ: ଲେଖାଶ୍ରୀ
ସେ ଏହା ମଧ୍ୟ କହିଛନ୍ତି, "ବିଜେପି ସରକାର ଉପରେ ପାପ ଲାଗିବ । ବଡ଼ ଅଭିଶାପ ମଧ୍ୟ । ଆନ୍ତରିକତା ଥିଲେ ସବୁ ମା'ମାନଙ୍କ ଲାଗି ସରକାର ବ୍ୟବସ୍ଥା କରିବେ । ଓଡ଼ିଆ ଅସ୍ମିତା ଲାଗି ବିଜେପିର ଚିନ୍ତା ନାହିଁ । ଓଡ଼ିଆ ଅସ୍ମିତା ଏକ ଧୋକା । ଏହା ପ୍ରବଞ୍ଚନା ବୋଲି ଏମାନେ ପ୍ରତ୍ୟେକ ଦିନ ପ୍ରମାଣିତ କରୁଛନ୍ତି । ଓଡିଶା ସରକାର ବିଜେପିର ଏକ ବ୍ରାଞ୍ଚ ଅଫିସ । ଏହା ମୁଖ୍ୟ ଅଫିସ ନୁହେଁ । ମୁଖ୍ୟ ଅଫିସ ଦିଲ୍ଲୀରେ ଅଛି । ଦିଲ୍ଲୀରେ ହାବିଷ୍ୟାଳୀ ପ୍ରଥା ନାହିଁ । ବିଜେପିର ମୂଳ ନାଗପୁରରେ ମଧ୍ୟ ହାବିଷ୍ୟାଳୀ ବ୍ରତର କଥା ନାହିଁ । ତେଣୁ ଏ ବ୍ରାଞ୍ଚ ଅଫିସ ହାବିଷ୍ୟାଳୀଙ୍କ ଦୁଃଖ କଷ୍ଟ ବୁଝିପାରିବ ଏ ଆଶା ଆମର ନାହିଁ । ବିଜେପି ସରକାର ବିନାଶ ଭିତରେ ଗୋଟେ ଗୋଡେ ପକେଇ ସାରିଲେଣି ।"
SP Puri visited Brundabati Habisyali Nivas, interacted with Habisyali devotees, and briefed Police Personnel to ensure their safety and comfort during their stay. pic.twitter.com/C1q183YUHA
— Puri Police (@SPPuri1) October 17, 2024
ନିଆଁରେ ଘିଅ ଢାଳିବା ବନ୍ଦ କର: ଆଇନମନ୍ତ୍ରୀ
ବିଜେଡି ଅଭିଯୋଗର ଜବାବ ରଖିଛନ୍ତି ଆଇନ ମନ୍ତ୍ରୀ ପୃଥ୍ଵୀରାଜ ହରିଚନ୍ଦନ । ଆଇନ ମନ୍ତ୍ରୀ ପୃଥ୍ଵୀରାଜ ହରିଚନ୍ଦନ କହିଛନ୍ତି, "ହାବିଷ୍ୟାଳିଙ୍କ ଲାଗି ଦୀର୍ଘ ଦିନ ପୂର୍ବରୁ ପଞ୍ଜିକରଣ ସରିଛି । ସେମାନଙ୍କର ରହିବା ଲାଗି ସମସ୍ତ ଆନୁଷଙ୍ଗିକ ବ୍ୟବସ୍ଥା କରାଯାଇଛି । ଜିଲ୍ଲା ପ୍ରଶାସନ ସମସ୍ତ ବ୍ୟବସ୍ଥା କରିଛି । ହାବିଷ୍ୟାଳିଙ୍କର କୌଣସି ଅସୁବିଧା ନହେଉ ବୋଲି ଆମେ ଚେଷ୍ଟା କରୁଛୁ । ରେଜିଷ୍ଟ୍ରେସନ କରିଥିବା ହାବିଷ୍ୟାଳିଙ୍କ ଲାଗି ବ୍ୟବସ୍ଥା ହୋଇଛି । ପରବର୍ତ୍ତୀ ସମୟରେ ବିଭିନ୍ନ ଅଞ୍ଚଳରୁ ହାବିଷ୍ୟାଳୀଙ୍କୁ ରଖିବାକୁ ଆସିଥିବା ଅନୁରୋଧ ଅନୁସାରେ ବ୍ୟବସ୍ଥା ହୋଇଛି । ଅତିରିକ୍ତ ଭାବେ ଆସିଥିବା ହାବିଷ୍ୟାଳୀଙ୍କ ଲାଗି ବ୍ୟବସ୍ଥା କରିବା କଷ୍ଟକର । ଏହାକୁ ରାଜନୈତିକ ପ୍ରସଙ୍ଗ କରିବା ଅନାବଶ୍ୟକ । ଗତବର୍ଷ ହାବିଷ୍ୟାଳିଙ୍କ ବ୍ୟବସ୍ଥା ଓ ଦୁରାବସ୍ଥା ବାବଦରେ ଲେଖାଶ୍ରୀ ସାମନ୍ତସିଂହାର ଜାଣିନଥିଲେ । ଅତୀତରେ ହାବିଷ୍ୟାଳିଙ୍କୁ ଜିଲ୍ଲା ପ୍ରଶାସନ ପଚାରୁ ନଥିଲା । ହାବିଷ୍ୟାଳି ପ୍ରସଙ୍ଗରେ ବିରୋଧୀ ରାଜନୀତି କରିବା ବନ୍ଦ କରନ୍ତୁ । ପ୍ରସଙ୍ଗରେ ନିଆଁରେ ଘିଅ ଢାଳିବା ବି ବନ୍ଦ ହେଉ । ଜିଲ୍ଲା ପ୍ରଶାସନ ଠିକ ଢଙ୍ଗରେ ଦାୟିତ୍ୱ ତୁଳାଉଛନ୍ତି ।"
ଇଟିଭି ଭାରତ, ଭୁବନେଶ୍ବର
