ନୂଆଦିଲ୍ଲୀ; ଭାରତୀୟ କ୍ରିକେଟ ଟିମର ଷ୍ଟାର ତଥା ଭେଟେରାନ ବ୍ୟାଟର ବିରାଟ କୋହଲି ପୁଣି ଚର୍ଚ୍ଚାରେ । ସୋସିଆଲ ମିଡିଆ ଖୋଲୁଖୋଲୁ ଭାଇରଲ ହେଉଛି କ୍ରିକେଟ ଆଇକନ ତଥା ଲିଜେଣ୍ଡଙ୍କ ଡିପ୍ଫେକ୍ ଭିଡିଓ । ଇଣ୍ଟରନେଟର ସେନସେସନ୍ ବର୍ତ୍ତମାନ ପୁଣି ଭାଇରାଲ ଭିଡିଓ ତାହା ପୁଣି ଏଆଇ ( କୃତିମ ବୁଦ୍ଧିମତା) ଦ୍ବାରା ନିର୍ମିତ ଡିପ୍ଫେକ ଭିଡିଓର ଶିକାର ହୋଇଛନ୍ତି । ସୋସିଆଲ ମିଡିଆରେ କୋହଲିଙ୍କ ଏକ ଡିପ୍ଫେକ୍ ଭିଡିଓ ଭାଇରାଲ ହେବାରେ ଲାଗିଛି ।
ଏହି ଡିପ୍ଫେକ୍ ଭିଡିଓରେ ଷ୍ଟାର କ୍ରିକେଟର କୋହଲି ୟଙ୍ଗ୍ ଷ୍ଟାର ଶୁଭମନ ଗିଲଙ୍କୁ ସମାଲୋଚନା କରୁଛନ୍ତି । ଖାଲି ସେତିକି ନୁହେଁ, ଏହି ଭିଡିଓରେ କୋହଲି ନିଜକୁ ଟିମ୍ ଇଣ୍ଡିଆର ଏକମାତ୍ର ଆଉ କେବଳ ଟିମ୍ ଇଣ୍ଡିଆରେ ଜଣେ ବିରାଟ କୋହଲି ଅଛନ୍ତି ବୋଲି କହୁଛନ୍ତି । ଏହା ସହିତ ଗିଲଙ୍କୁ କୋହଲି ବନିବାକୁ ହେଲେ ବହୁତ ଲମ୍ବା ଯାତ୍ରା କରିବାକୁ ପଡିବବୋଲି କହୁଛନ୍ତି । ପ୍ରଥମରୁ ଆସି କିଛି ବର୍ଷ କିମ୍ବା କିଛି ଇନିଂସରେ ଭଲ ଖେଳିଦେଲେ କେହି କୋହଲି ହୋଇଯିବେନି ବରଂ ବର୍ଷ ବର୍ଷର ପରିଶ୍ରମ ଏବଂ ସ୍ଥିର ପ୍ରଦର୍ଶନ ଦେବାକୁ ପଡିବ ବୋଲି ଭାଇରାଲ ଭିଡିଓରେ କହିଛନ୍ତି କୋହଲି ।
ଭାଇରାଲ ଭିଡିଓରେ କୋହଲି କହୁଛନ୍ତି, "ଯେତେବେଳେ ମୁଁ ଅଷ୍ଟ୍ରେଲିଆରୁ ଫେରିଲି ମୁଁ ଜାଣିଲି କେତେ ପରିଶ୍ରମ କଲେ କ୍ରିକେଟରେ ଦିଗଜ୍ ଶ୍ରେଣୀରେ ସାମିଲ ହେବେ । ମୁଁ ଗିଲଙ୍କୁ କିଛି ବର୍ଷ ଧରି ଅତି ନିକଟରୁ ଦେଖୁଛି, କାହାର ଟିକିଏ ହେଲେ ବି ସନ୍ଦେହ ନାହିଁ ଯେ ଗିଲ ବାସ୍ତବରେ ବହୁତ ଟ୍ୟାଲେଣ୍ଟେଡ୍ ଅର୍ଥାତ ଗିଲଙ୍କ ନିକଟରେ କ୍ରିକେଟର କଳା ଭରପୁର ରହିଛି । ତେବେ ଜଣଙ୍କୁ ଶ୍ରେଷ୍ଟ କ୍ରିକେଟର ଅର୍ଥାତ ଲିଜେଣ୍ଡ କ୍ଲବରେ ପହଞ୍ଚିବାକୁ ହେଲେ ବହୁତ ପରିଶ୍ରମ କରି ସ୍ଥିର ଏବଂ ନିରନ୍ତର ପ୍ରଦର୍ଶନ କରିବାକୁ ପଡିବ । ଖାଲି ଜଣେ ଖେଳାଳିଙ୍କ ନିକଟରେ କ୍ରିକେଟର କଳା ଥିଲେ ହେବନି ଲିଜେଣ୍ଡ ହେବାକୁ ହେଲେ କ୍ରିକେଟକୁ ଶ୍ରେଷ୍ଠ ସ୍ଥରରେ ଖେଳିବାକୁ ପଡିବ । ତେବେ ଗିଲଙ୍କ ଟେକନିକ୍ ବା ଖେଳିବା ଶୈଳୀ ଅତି ଚମତ୍କାର କିନ୍ତୁ ସେ ବର୍ତ୍ତମାନ ଆମଠୁ ଆଗରେ ନୁହଁନ୍ତି । ଲୋକମାନେ ତାଙ୍କୁ ପରବର୍ତ୍ତୀ ବିରୋଟ କୋହଲି କୁହନ୍ତି ତେବେ ମୁଁ ଏଠାରେ ସଭିଙ୍କୁ କହିଦଉଛି କି ଟିମ୍ ଇଣ୍ଡିଆରେ କେବଳ ମାତ୍ର ଜଣେ ହିଁ ବିରୋଟ କୋହଲି ଅଛନ୍ତି । ମୁଁ ସବୁଠାରୁ କଷ୍ଟକର ବୋଲରଙ୍କୁ ଖେଳିଛି, ଫସଥିବା ମ୍ୟାଚରେ ରନ ସ୍କୋର କରି ଟିମକୁ ଜିତାଇଛି । ଦିନେ କି ଦୁଇ ଦିନ ନୁହେଁ ବର୍ଷ ବର୍ଷ ଏପରିକି 10 ବର୍ଷ ଧରି ଏପରି ଶ୍ରେଷ୍ଠ ପ୍ରଦର୍ଶନ ଦେଇ ଆସୁଛି । ଆପଣଙ୍କ ମାତ୍ କିଛିଟା ଭଲ ଇନିଂସ ପାଇଁ ଗିଲଙ୍କୁ ମୋ ସହିତ ତୁଳନା କରିପାରିବେ ନାହିଁ । ଯଦି ମୁଁ ଭୁଲ ନିଷ୍ପତ୍ତି ନିଅ, ବାହାରେ ବସେ ଏବଂ ତାଳି ମାରେ ।"
