ଓ୍ବାଶିଂଟନ: ଟି-20 ବିଶ୍ବକପରେ ଦ୍ବିତୀୟ ଦଳ ଭାବେ ସେମିଫାଇନାଲରେ ପ୍ରବେଶ କଲା ଦକ୍ଷିଣ ଆଫ୍ରିକା । ଓ୍ବେଷ୍ଟଇଣ୍ଡିଜକୁ 3 ଓ୍ବିକେଟରେ ହରାଇ ସେମିରେ ସିଧା ଏଣ୍ଟ୍ରିମାରିଛି ଦଳ । ବର୍ଷା କାରଣରୁ ମ୍ୟାଚ ଅଧାରେ ଅଟକିବା ପରେ ଡିଏଲଏସ ମେଥଡରେ ବିଜୟୀ ହୋଇଛି ଦକ୍ଷିଣ ଆଫ୍ରିକା । ତାବ୍ରାଇଜ ସାମ୍ସି ଘାତକ ବୋଲିଂ କରି 3 ଓ୍ବିକେଟ ନେଇ ମ୍ୟାନ ଅଫ ଦ ମ୍ୟାଚ ବିବେଚିତ ହୋଇଛନ୍ତି । ବୃଥା ଗଲା ରୋଷ୍ଟନ ଚାଷେଙ୍କ ଅଲରାଉଣ୍ଡର ପ୍ରଦର୍ଶନ । ପରାଜୟ ପରେ ଟି-20 ବିଶ୍ବକପ ଅଭିଯାନ ଶେଷ କରିଛି ଦଳ । ପ୍ରଥମ ଦଳ ଭାବେ ଇଂଲଣ୍ଡ ଆମେରିକାକୁ ହରାଇ ସେମିରେ ପ୍ରବେଶ କରିଛି ।
ସୁପର8ରେ ଗ୍ରୁପ ବିରେ ଆଜି ଅନ୍ତମ ମ୍ୟାଚ ରହିଥିଲା । ଭିଭିଆନ ରିଡାର୍ଡ ଷ୍ଟାଡିୟମରେ ଦକ୍ଷିଣ ଆଫ୍ରିକା ଓ ଓ୍ବେଷ୍ଟଇଣ୍ଡିଜ ମଧ୍ୟରେ ମୁକାବିଲା ହୋଇଥିଲା । ଟସ ଜିତି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିଲା ଦକ୍ଷିଣ ଆଫ୍ରିକା । ଓ୍ବେଷ୍ଟଇଣ୍ଡିଜକୁ ଦଳ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା । 20 ଓଭରରେ 8 ଓ୍ବିକେଟ ହରାଇ 135 ରନ କରିଥିଲା ଦଳ । ରୋଷ୍ଟନ ଚାଷେ 42 ବଲରେ 52 ରନ କରିଥିବା ବେଳେ ମେୟର୍ସ 35 ଓ ଆଣ୍ଡ୍ରୋ ରସେଲ 15 ରନ କରିଥିଲେ । ଦକ୍ଷିଣ ଆଫ୍ରିକା ବୋଲର ଘାତକ ବୋଲିଂ କରିଥିଲେ । ତାବ୍ରାଇଜ ସାମ୍ସି 3ଟି ଓ୍ବିକେଟ ନେଇଥିବା ବେଳେ କାଗିସୋ ରାବଡା ଓ ମାରକୋ ଜନସନ ଗୋଟିଏ ଲେଖାଏଁ ଓ୍ବିକେଟ ନେଇଥିଲେ ।
