ହାଇଦ୍ରାବାଦ: କୋଲକତା ନାଇଟ ରାଇଡର୍ସ (କେକେଆର) ଫ୍ୟାନ୍ସଙ୍କ ପାଇଁ ଦୁଃଖଦ ଖବର । ଯଦି ଆଗାମୀ ମେଗା ରିଟେନସନରେ ରିଙ୍କୁ ସିଂଙ୍କୁ ଟିମରେ ନରଖେ କେକେଆର ତେବେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁଲୁ ( ଆରସିବି ) ପକ୍ଷରୁ ଖେଳିବେ ଫିନିସର ରିଙ୍କୁ । କୋହଲିଙ୍କ ଟିମରେ ଏଣ୍ଟ୍ରେ ମାରିବା ବଡ ସ୍ବପ୍ନ ବୋଲି କହିଛନ୍ତି ରିଙ୍କୁ । 2025 ଆଇପିଏଲ ସିଜିନ ପାଇଁ ସବୁଠି ମାହୋଲ ସରଗରମ । ଫ୍ରାଞ୍ଚାଇଜ୍ ଟିମର ମାଲିକଙ୍କ ମିଟିଂ, ଧୋନୀଙ୍କୁ ଅନକ୍ୟାପଡ ଖେଳାଳି ଭାବେ ବିଚାର କରିବାକୁ ନେଇ ଚର୍ଚ୍ଚା ମଧ୍ୟରେ କେକେଆର ଫିନିସର ରିଙ୍କୁ ସିଂଙ୍କ ବଡ ବୟାନ । ଯଦି କେକେଆର ରିଙ୍କୁକୁ ନରଖେ ମେଗା ରିଟେନସନରେ ତାହାଲେ ରିଙ୍କୁ ଖେଳିବେ କୋହଲିଙ୍କ ଟିମରେ । ନିଜର ସବୁଠୁ ବଡ ଇଛା ବୟାନ କରି ଆଇପିଏଲ ମାହୋଲକୁ ବର୍ତ୍ତମାନ ଅଧିକ ଗରମ କରିଛନ୍ତି । କାରଣ କେକେଆର ଗତ ବର୍ଷ ଚମ୍ପିଆନ ହୋଇଥିବା ବେଳେ ଆରସିବି 15 ବର୍ଷରୁ ଅଧିକ ସମୟ ଧରି ଚାମ୍ପିଅନ ତାଜ ପାଇଁ ସଂଘର୍ଷ କରୁଛି ।
Rinku Singh picks RCB as a team he would like to play for if KKR doesn't retain him. (Sports Tak). pic.twitter.com/yhIIDvnKDk
— Mufaddal Vohra (@mufaddal_vohra) August 18, 2024
ଫିନିସର ରିଙ୍କୁ ସିଂ-
ରିଙ୍କୁ ସିଂ କେକେଆର ପାଇଁ ଏକାଧିକ ମ୍ୟାଚରେ ଶେଷ ଆଡକୁ ଧମାକାଦାର ଇନିଂସ ଖେଳି ଦଳକୁ ବିଜୟୀ କରିଛନ୍ତି । ସିଜିନ 2023ରେ ଗୁଜୁରାଟ ବିପକ୍ଷରେ ଶଷ ଓଭରରେ 5 ବଲରେ 5 ଛକା ମାରି ସେ ଚର୍ଚ୍ଚାକୁ ଆସିଥିଲେ । ଏହା ସହିତ ସେ ଆଇପିଏଲରେ ଚାପରେ ମଧ୍ୟ କେକେଆର ପାଇଁ ଦମଦାର ଇନଂସ ଖେଳିଛନ୍ତି ।
Rinku Singh said - " i would like to play for rcb, if kkr doesn't retain me". pic.twitter.com/AViabSleCO
— Tanuj Singh (@ImTanujSingh) August 18, 2024
କେକେଆର ଛାଡିବେ ରିଙ୍କୁ !
ରିଙ୍କୁ ସିଂ ନିକଟରେ ଏକ ଜାତୀୟ ମିଡିଆକୁ ସାକ୍ଷାତକାର ଦେବା ସମୟରେ କହିଥିଲେ କି, "2025 ସିଜିନରେ ମୁଁ ଦଳ ପାଇଁ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରିବକୁ ଚାହୁଁଛି । ତେବେ ଯଦି କେକେଆର ମୋତେ ରିଟେନ ନ କରେ ତାହାଲେ ମୁଁ ଅନ୍ୟଦଳ ବିଶଷ କରି ଆରସିବି ପକ୍ଷରୁ ଖେଳିବାକୁ ଇଛୁକ ।"
ରିଙ୍କୁ ସିଂଙ୍କ କ୍ୟାରିଅର-
ରିଙ୍କୁ ସିଂ ଜଣେ ମଧ୍ୟକ୍ରମ ବାମହାତୀ ବ୍ୟାଟ୍ସମ୍ୟାନ । ସେ ଟିମ୍ ଇଣ୍ଡିଆ ପାଇଁ ଟି-20 ଫର୍ମାଟରେ କମାଲ କରିଛନ୍ତି । ବିସ୍ଫୋରକ ବ୍ୟାଟିଂ ସାଙ୍ଗକୁ ଦମଦାର ଫିଲ୍ଡିଂ ପାଇଁ ରିଙ୍କୁ ଜଣାଶୁଣା । ରିଙ୍କୁ ସିଂଙ୍କୁ ଗତ ଟି-20 ଓ୍ବାର୍ଲ୍ଡ କପରେ ସ୍ଥାନ ନମିଳିବା ପରେ ବିବାଦ ସୃଷ୍ଟି ହୋଇଥିଲା ।
