ପ୍ୟାରିସ (ଫ୍ରାନ୍ସ): 16 ଦିନର କ୍ରୀଡା ମହାକୁମ୍ଭ ପ୍ୟାରିସ ଅଲିମ୍ପିକ୍ସ 2024 ଶେଷ ହୋଇଛି । 32 କ୍ରୀଡାରେ ପ୍ରତିଯୋଗିତା କରି ଖେଳାଳି ଦେଶ ପାଇଁ ମେଡାଲ ଜିତି ଇତିହାସ ରଚିଛନ୍ତି । ଏହା ସହିତ ବିଶ୍ବ କ୍ରୀଡା ମହାମଞ୍ଚରେ ଦେଶବାସୀଙ୍କୁ ମେଡାଲ ଗିଫ୍ଟ କରି ଗୌରବାନ୍ବିତ କରିଛନ୍ତି । 206 ଦେଶର 10 ହଜାରରୁ ଅଧିକ କ୍ରୀଡାବିତ ଦମଦାର ଶାନଦାର ଜବରଦସ୍ତ ଦର୍ଶନୀୟ ପ୍ରଦର୍ଶନ କରି ଗୋଲ୍ଡ, ସିଲଭର ଏବଂ ବ୍ରୋଞ୍ଜ ପଦକ ଜିତି ଇତିହାସରେ ନିଜ ନାମକୁ ଲିପିବବ୍ଧ କରିଛନ୍ତି । ଏପଟେ ଭାରତ ଏହି କ୍ରୀଡା ମହାକୁମ୍ଭରେ ସାମିଲ ହୋଇ 6ଟି ପଦକ ଜିତିଛି ।
ତେବେ ସଦ୍ୟତମ ଉଦଯାପିତ 2024 ପ୍ୟାରିସ ଅଲିମ୍ପିକ୍ସରେ ବିଭିନ୍ନ ଦେଶର ଖେଳାଳି ପ୍ରଥମ ଥର ପାଇଁ ବ୍ୟକ୍ତିଗତ ସ୍ତରରେ ଦେଶ ପାଇଁ ପଦକ ଜିତିଛନ୍ତି । ଏଥରି ସାମିଲ ହୋଇଛି ପାକିସ୍ତାନ, ସେଣ୍ଟ ଲୁସିଆ, ଡୋମିନିକା, ବୋଟ୍ସଓ୍ବାନା ଏବଂ ଗୁଟେମାଲା ।
ପାକିସ୍ତାନ- ଅସରଦ ନଦୀମ
ପାକିସ୍ତାନର ଷ୍ଟାର ଜାଭଲିନ୍ ଥ୍ରୋୟର ଅସରଦ ନଦୀମ 32 ବର୍ଷ ପରେ ଦେଶ ପାଇଁ ଅଲିମ୍ପିକ୍ସରେ ପଦକ ଜିତିଛନ୍ତି । ତା ପୁଣି ବ୍ୟକ୍ତିଗତ ସ୍ତରରେ ଆଥଲେଟିକ୍ସ ବର୍ଗରେ ସ୍ବର୍ଣ୍ଣ । ଜାଭଲିନ ଥ୍ରୋ ଫାଇନାଲ ଇଭେଣ୍ଟରେ ଭାରତର ଗୋଲ୍ଡେନ ବୟ ନୀରଜ ଚୋପ୍ରାଙ୍କୁ ପରାସ୍ତ କରି ଗୋଲ୍ଡ ଜିତିଛନ୍ତି ନଦୀମ । ରେକର୍ଡ 92 ମିଟରରୁ ଅଧିକ ଜାଭଲିନ ଥ୍ରୋ କରି ଏହି ପଦକ ହାତେଇଛନ୍ତି ଅସରଦ । ଏହି ଇଭେଣ୍ଟର ଭାରତର ଜାଭଲିନ ଥ୍ରୋୟର ସିଲଭର ଜିତିଛନ୍ତି ।
ଡୋମିନିକା- ଥିଆ ଲାଫୋନଡ୍
ଡୋମିନିକାର ଷ୍ଟାର ଅଲିମ୍ପିଆନ୍ ଥିଆ ଲାଫୋନଡ ଦେଶ ପାଇଁ ପ୍ରଥମ ବ୍ୟକ୍ତିଗତ ସ୍ତରରେ ସ୍ବର୍ଣ୍ଣ ପଦକ ଜିତିଛନ୍ତି । ସେ ମହିଳା ଟ୍ରିପଲ ଜମ୍ପରେ ଏହି ରେକର୍ଡ କରିଛନ୍ତି ।
ଗୁଟେମାଲା- ଆଡ୍ରିଆନା ରୁଆନୋ
ମହିଳା ଟ୍ରାପରେ ସ୍ବର୍ଣ୍ଣ ଜିତି ଦେଶ ପାଇଁ ନାଁ କରିଛନ୍ତି ଆଡ୍ରିଆନା ରୁଆନୋ । ଗୁଟେମାଲାର ପ୍ରଥମ ଅଲିମ୍ପିଆନ ଭାବେ ପ୍ରଥମ ବ୍ୟକ୍ତିଗତ ସ୍ବର୍ଣ୍ଣ ଅଲିମ୍ପିକ୍ସରେ ହାସଲ କରିଛନ୍ତି ।
ସେଣ୍ଟ ଲୁସିଆ, ଜୁଲିଏନ୍ ଆଲଫ୍ରେଡ୍
ମହିଳା 100 ମିଟର ଦୌଡ ପ୍ରତିଯୋଗିତାରେ ସ୍ବର୍ଣ୍ଣ ଜିତିଛନ୍ତି ଜୁଲିଏନ୍ ଆଲଫ୍ରେଡ୍ । ଏହା ହେଉଛି ସେଣ୍ଟ ଲୁସିଆର କୌଣସି ଖେଳାଳି ବ୍ୟକ୍ତିଗତ ସ୍ତରରେ ଅଲିମ୍ପିକ୍ସରେ ସ୍ବର୍ଣ୍ଣ ଜିତିବାର ସ୍ବର୍ଣ୍ଣିମ ରେକର୍ଡ ।
ବୋଟ୍ସଓ୍ବାନା- ଲେଷ୍ଟିଲେ ଟେବୋଗୋ
ପୁରୁଷ 200 ମିଟର ଦୌଡ କୁଦ ପ୍ରତିଯୋଗତିତାରେ ସ୍ବର୍ଣ୍ଣ ଜିତିଛନ୍ତି ଲେଷ୍ଟିଲେ ଟେବୋଗୋ ।
