ପ୍ୟାରିସ୍ (ଫ୍ରାନ୍ସ): ପ୍ୟାରିସ୍ ଅଲିମ୍ପିକ୍ସ 2024ର ତୃତୀୟ ଦିନ ଭାରତ ପାଇଁ ସେତେଟା ଭଲ ନଥିଲା । ଶୁଟିଂରେ ଭାରତୀୟ ଶୁଟରଙ୍କୁ ଦୁଇଟି ପଦକ ଜିତିବାର ସୁଯୋଗ ଥିଲା, କିନ୍ତୁ ରମିତା ଜିନ୍ଦଲ ଏବଂ ଅର୍ଜୁନ ବାବୁତା ଫାଇନାଲରେ ଦମଦାର ପ୍ରଦର୍ଶନ ସତ୍ତ୍ବେ ନିଜ ନିଜ ମ୍ୟାଚ୍ ହାରିଥିଲେ । ଏହା ଫଳରେ ଭାରତ ଦୁଇଟି ପଦକ ଜିତିବାରୁ ବଞ୍ଚିତ ହୋଇଥିଲା । କିନ୍ତୁ ଆଜି (ଜୁଲାଇ 30), ଅର୍ଥାତ୍ ପ୍ୟାରିସ୍ ଅଲିମ୍ପିକ୍ସର ଚତୁର୍ଥ ଦିନରେ ଭାରତର ଆଥଲେଟ୍ଙ୍କ ଠାରୁ ଭଲ ପ୍ରଦର୍ଶନର ଆଶା ରହିଛି । ଏଠାରେ ନଜର ପକାନ୍ତୁ ଆଜି କେଉଁ ଇଭେଣ୍ଟରେ ଖେଳିବେ ଭାରତୀୟ ଖେଳାଳି ଏବଂ ପ୍ୟାରିସରୁ ଆଜି କେଉଁ ପଦକ ଆସିବାର ରହିଛି ଆଶା ।
30 ଜୁଲାଇ (ମଙ୍ଗଳବାର) ଖେଳାଯିବାକୁ ଥିବା ଭାରତୀୟ ଖେଳାଳିଙ୍କ କ୍ରୀଡ଼ାସୂଚୀ:-
ସୁଟିଂ- ମହିଳା ସିଙ୍ଗଲ୍ସ 10 ମିଟର ଏୟାର ପିସ୍ତଲରେ ବ୍ରୋଞ୍ଜ ପଦକ ଜିତି ସାରିଥିବା ଭାରତର ମନୁ ଭକର, ତାଙ୍କ ସାଥୀ ସରବଜୋତ ସିଂଙ୍କ ସହ ଆଜି 10 ମିଟର ଏୟାର ପିସ୍ତଲ ମିଶ୍ରିତ ଇଭେଣ୍ଟରେ ଦେଖିବାକୁ ମିଳିବ । ଏହା ବ୍ୟତୀତ ଶ୍ରେୟାସୀ ସିଂ ଏବଂ ରାଜେଶ୍ୱରୀ କୁମାରୀଙ୍କୁ ମହିଳା ଯୋଗ୍ୟତା ମ୍ୟାଚରେ ଭାରତ ପାଇଁ ପ୍ରତିପକ୍ଷଙ୍କ ସହ ସଂଘର୍ଷ କରୁଥିବା ଦେଖିବାକୁ ମିଳିବ ।
- ଟ୍ରାପ ମହିଳା ଯୋଗ୍ୟତା (ଶ୍ରେୟାସୀ ସିଂ ଏବଂ ରାଜେଶ୍ୱରୀ କୁମାରୀ)- ରାତି 12:30
- 10 ମିଟର ଏୟାର ପିସ୍ତଲ ମିଶ୍ରିତ ଦଳ ପଦକ ମ୍ୟାଚ୍ (ମନୁ ଭାକର ଏବଂ ସରବଜୋତ ସିଂ) - 1 PM
ହକି- ଭାରତୀୟ ପୁରୁଷ ହକି ଦଳ ଆଜି ଗ୍ରୁପ୍ ପର୍ଯ୍ୟାୟର ତୃତୀୟ ମ୍ୟାଚରେ ଖେଳୁଥିବା ଦେଖିବାକୁ ମିଳିବ । ପୁଲ୍ Bରେ ଏହାର ମ୍ୟାଚ୍ ଆୟର୍ଲାଣ୍ଡ ବିପକ୍ଷରେ ହେବାକୁ ଯାଉଛି । ପ୍ରଥମ ମ୍ୟାଚ୍ରେ ଭାରତୀୟ ଦଳ ନ୍ୟୁଜିଲାଣ୍ଡକୁ ପରାସ୍ତ କରିଥିବାବେଳେ ଦ୍ୱିତୀୟ ମ୍ୟାଚ୍ରେ ଆର୍ଜେଣ୍ଟିନା ବିପକ୍ଷପରେ ଦମଦାର ପ୍ରଦର୍ଶନ କରି ଡ୍ର' ରଖିଥିଲା ଟିମ୍ ଇଣ୍ଡିଆ ।
- ପୁରୁଷ ହକି ମ୍ୟାଚ୍ (ଭାରତ ବନାମ ଆୟର୍ଲାଣ୍ଡ) - 4:45 PM
ତୀରନ୍ଦାଜ- ଭାରତର ଅଙ୍କିତା ଭକ୍ତ ଏବଂ ଭଜନ କୌର 32 ତମ ମ୍ୟାଚ୍ ମହିଳା ସିଙ୍ଗଲ୍ସ ରାଉଣ୍ଡରେ ଖେଳୁଥିବା ଦେଖିବାକୁ ମିଳିବ । 41 ତମ ମ୍ୟାଚରେ ଅଙ୍କିତା ପୋଲାଣ୍ଡର ଭାୟୋଲେଟା ମାଜୋର ସହିତ ଖେଳିବେ, ଯେତେବେଳେ ଭଜନ ଇଣ୍ଡୋନେସିଆର କମଲସ ନୁରାଫିଫାଙ୍କ ସହ ଖେଳିବେ । ଉଭୟ ଭାରତୀୟ ଆଥଲେଟଙ୍କ ମ୍ୟାଚ୍ ହେଉଛି ଏଲିମିନେସନ୍ ମ୍ୟାଚ୍ । ହାରିଥିବା ଦଳ ଏଠାରୁ ହଟାଯିବ । 32ଟି ଏଲିମିନେସନ୍ ମ୍ୟାଚରେ ପୁରୁଷ ସିଙ୍ଗଲ୍ସ ରାଉଣ୍ଡରେ ଧିରଜ ବୋମାଡେଭାରା ଚେକର ଆଡାମ ଲିଙ୍କ ସହିତ ଖେଳୁଥିବା ଦେଖିବାକୁ ମିଳିବ ।
- ମହିଳା ଏକକ ରାଉଣ୍ଡ 32 ଏଲିମିନେସନ୍ ମ୍ୟାଚ୍ (ଅଙ୍କିତା ଭକ୍ତ) - 5:14 PM
- ମହିଳା ଏକକ ରାଉଣ୍ଡ 32 ଏଲିମିନେସନ୍ ମ୍ୟାଚ୍ (ଭଜନ କୌର ) - 5:27 PM
- 32 ଏଲିମିନେସନ୍ ମ୍ୟାଚରେ ପୁରୁଷ ସିଙ୍ଗଲ୍ସ ରାଉଣ୍ଡ (ଧିରଜ ବୋମାଡେଭାରା)- 10:46 PM
ବ୍ୟାଡମିଣ୍ଟନ୍- ଭାରତର ତାରକା ଯୋଡି ସାତିକସାଇରାଜ୍ ରାଙ୍କେରେଡି ଏବଂ ଚିରାଗ ଶେଟ୍ଟୀଙ୍କୁ ପୁରୁଷ ଡବଲ୍ସର ଦଳ ପର୍ଯ୍ୟାୟରେ ଇଣ୍ଡୋନେସିଆର ଫାଜର ଆଲଫିଆନ୍ ଏବଂ ମହମ୍ମଦ ରିଆନ୍ ଆର୍ଡିଆଣ୍ଟୋଙ୍କ ସହ ଖେଳିବେ । ଭାରତ ପାଇଁ ଅଶ୍ୱିନୀ ପୋନ୍ନାପ୍ପା ଏବଂ ତନିଶା କ୍ରାଷ୍ଟୋଙ୍କୁ ମହିଳା ଡବଲ୍ସର ଗ୍ରୁପ୍ ପର୍ଯ୍ୟାୟ ମ୍ୟାଚ୍ ଖେଳିବାକୁ ପଡିବ ।
- ପୁରୁଷ ଡବଲ୍ସ ଗ୍ରୁପ୍ ପର୍ଯ୍ୟାୟ - (ସାତିକସାଇରାଜ୍ ରାଙ୍କେରେଡି ଏବଂ ଚିରାଗ ଶେଟ୍ଟୀ) - 5:30 ଅପରାହ୍ନ
- ମହିଳା ଡବଲ୍ସ ଗ୍ରୁପ୍ ପର୍ଯ୍ୟାୟ - (ଅଶ୍ୱିନୀ ପୋନ୍ନାପ୍ପା ଏବଂ ତନିଶା କ୍ରାଷ୍ଟୋ) - 6:20 ଅପରାହ୍ନ
- ଏହା ମଧ୍ୟ ପଢ଼ନ୍ତୁ...ଚମକିଲେ ହରମନପ୍ରୀତ; ହକିରେ ଆର୍ଜେଣ୍ଟିନା ବିପକ୍ଷ ମ୍ୟାଚ୍ ଡ୍ର' - Paris Olympics 2024
ବକ୍ସିଂ- ଅମିତ ପାଗଲ ଭାରତ ପାଇଁ ପୁରୁଷ 51 କେଜି ବର୍ଗ ବକ୍ସିଂ ମ୍ୟାଚର ରାଉଣ୍ଡ 16 ମ୍ୟାଚରେ ଦେଖିବାକୁ ମିଳିବ । ସେ ଜାମ୍ବିଆର ପାଟ୍ରିକ୍ ଚିନିମ୍ବାଙ୍କ ସହ ଖେଳିବେ । ସେହିପରି ମହିଳା 57 କେଜି ବର୍ଗ ପ୍ରତିଯୋଗିତାର 32 ତମ ମ୍ୟାଚରେ ଜସ୍ମିନ ଲମ୍ବୋରିଆ ଫିଲିପାଇନ୍ସର ନେଷ୍ଟୀ ପେଟେସିଓଙ୍କ ସହ ଖେଳିବେ ।
- ପୁରୁଷଙ୍କ 51 କେଜି ବର୍ଗର ରାଉଣ୍ଡ 16 - (ଅମିତ ପାଗଲ) - ସନ୍ଧ୍ୟା 7:16
- ମହିଳାଙ୍କର 57 କେଜି ବର୍ଗର ରାଉଣ୍ଡ 32 - (ଜସ୍ମିନ୍ ଲମ୍ବୋରିଆ) - ରାତି 9:24
ବକ୍ସିଂର ଅନ୍ତିମ ମ୍ୟାଚ ରାତି 1:22ରେ ଅନୁଷ୍ଠିତ ହେବ । ଯେଉଁଥିରେ ପ୍ରୀତ ପାୱାର କଲୋମ୍ବିଆର ଆରିୟାସ କାଷ୍ଟେଡା ଏବଂ ୟେନି ମାର୍ସେଲାଙ୍କ ସହିତ ମହିଳା 54 କେଜି ବର୍ଗର 16ତମ ରାଉଣ୍ଡ ମ୍ୟାଚରେ ମୁୁହାଁମୁହିଁ ହେବେ । ତେବେ ଆଜିର ଏହା ଶେଷ ମ୍ୟାଚ । ଯାହା 31 ଜୁଲାଇରେ ରାତି 1:22ରେ ଖେଳାଯିବ ।
- ମହିଳାମାନଙ୍କର 54 କେଜି ବର୍ଗ 16 ତମ ରାଉଣ୍ଡ (ପ୍ରୀତ ପାୱାର)- ରାତି 1:22
ଏହା ମଧ୍ୟ ପଢ଼ନ୍ତୁ...ମେଡାଲ ଆଣିବେ ମନୁ-ସର୍ବଜୋତ; ଡବଲ୍ସରେ ଖେଳିବେ ବ୍ରୋଞ୍ଜ ମେଡାଲ ମ୍ୟାଚ୍ - Paris Olympics 2024
ବ୍ୟୁରୋ ରିପୋର୍ଟ, ଇଟିଭି ଭାରତ
