ହାଇଦ୍ରାବାଦ: ଅଲିମ୍ପିକ୍ସରେ ଭାରତ ପାଇଁ ପ୍ରଥମ ପଦକ ଜିତି ଇତିହାସ ରଚିଛନ୍ତି ଶୁଟର ମନୁ ଭାକର । ଦେଶକୁ ବିଦେଶରେ ଚମକାଇଥିବାରୁ ଏବେ ଚର୍ଚ୍ଚାରେ ମନୁ । ଟୋକିଓରେ ବନ୍ଧୁକ ଧୋକା ଦେଇଥିଲା, ପ୍ୟାରିସରେ ଭାଗ୍ୟସାଥ ଦେଲା । ଅଧୁରା ସ୍ବପ୍ନକୁ ପୁରଣ କରି 10 ମିଟର ଏୟାର ପିସ୍ତଲ ଇଭେଣ୍ଟରେ ବ୍ରୋଞ୍ଜ ପଦକ ହାସଲ କରିଛନ୍ତି 22 ବର୍ଷୀୟ ହରିୟାଣା ସୁଟର । ମେଡାଲ ଜିତିବା ପରେ ଏହା ପଛର କାହାଣୀ କହିଲେ ମନୁ । ଶ୍ରୀମଦଭାଗବତ ଗୀତା ବାଣୀ (ଶ୍ଲୋକ) ଗାନ କରି ମେଡାଲ ହାସଲ କରିଛନ୍ତି । ପ୍ରତିଯୋଗିତା ସମୟରେ ତାଙ୍କ ମୁଣ୍ଡରେ ଗୀତା ଶ୍ଲୋକ ଚାଲୁଥିବା ସେ କହିଛନ୍ତି । ପ୍ୟାରିସରେ ବ୍ରୋଞ୍ଜ ପଦକ ହାସଲ ପରେ ରାଷ୍ଟ୍ରପତିଙ୍କ ଠାରୁ ଆରମ୍ଭ କରି ପ୍ରଧାନମନ୍ତ୍ରୀ ସମସ୍ତେ ମନୁଙ୍କ ପାଇଁ ଖୁସିରେ ଗଦ ଗଦ ହୋଇ ଶୁଭେଚ୍ଛା ଜଣାଇଛନ୍ତି । ତେବେ ଏହି ମନୁ ଭାକର କିଏ ? କିପରି ଏହି ଇଭେଣ୍ଟରେ କ୍ୟାରିୟର ଗଢିବାକୁ ମନୋ ବଳାଇଲେ ଜାଣନ୍ତୁ ...
#WATCH | Olympic Medalist Shooter Manu Bhaker's mother, Sumedha Bhaker, says, " i always wanted my daughter to be happy. i have always been feeling good." #ParisOlympics2024 pic.twitter.com/SzUsNeNZG4
— ANI (@ANI) July 28, 2024
ମନୁଙ୍କ ବ୍ରୋଞ୍ଜ ପଦକ ପଛରେ ଶ୍ରୀମଦ ଭାଗବତ, ମେଡାଲ ଜିତିଲା ପରେ କହିଲେ, ‘ମୁଣ୍ଡରେ ଚାଲୁଥିଲା ଗୀତା ବାଣୀ’:
ପ୍ରଥମ ପଦକ ଭେଟି ଭାରତକୁ ଖୁସି କରିଥିବା ବ୍ରୋଞ୍ଜ କୁଇନ୍ ଭାକର ବିଜୟକୁ ନେଇ ଦେଇଛନ୍ତି ବଡ ମତ । ଭାକର କହିଛନ୍ତି ଫାଇନାଲ ଇଭେଣ୍ଟରେ ଲକ୍ଷ୍ୟ ଥିଲା ଟାର୍ଗେଟ୍ ପଏଣ୍ଟରେ କିନ୍ତୁ ମୁଣ୍ଡରେ ମୋର ଚାଲୁଥିବା ଶ୍ରୀମଦଭାଗବତ ଗୀତା ବାଣୀ । ଦେଶକୁ ଶୁଟିଂରେ ପ୍ରଥମ ମହିଳା ଭାବେ ଅଲିମ୍ପିକ୍ସରେ ପଦକ ଦେଇଥିବା ଭାକର ବିଜୟ ପାଇଁ ଗୀତା ବାଣୀକୁ ଶ୍ରେୟ ଦେଇଥିବା ଖବର ଆସିବା ପରେ ଏହା ବର୍ତ୍ତମାନ ଚାରିଆଡେ ଚର୍ଚ୍ଚା ସୃଷ୍ଟି କରିଛି । ଭକର ପୋଡିୟମ୍ ଫିନିସ ପରେ ମିଡିଆକୁ ସମ୍ବୋଧନ ସମୟରେ କହିଛନ୍ତି, "ମୁଁ ଗୀତା ବାଣୀକୁ ଅନୁସରଣ କରେ । ମୁଁ ଗୀତା ବାଣୀରେ ପ୍ରଭାବିତ । ମୋର ସଫଳତା ପଛରେ ଶ୍ରୀମଦ ଭାଗବତ ଗୀତାର ବଡ ଭୂମିକା ରହିଛି । ଭଗବାନ ଶ୍ରୀକୃଷ୍ଣଙ୍କ ପ୍ରତି ମୋର ଯଥେଷ୍ଟ ଭକ୍ତି ଅଛି । ଗୀତାରେ ଶ୍ରୀକୃଷ୍ଣ ଅର୍ଜୁନଙ୍କୁ କର୍ମ ଉପରେ ବିଶ୍ବାସ କରିବାକୁ ପରାମର୍ଶ ଦେଉଥିଲେ । ଇଭେଣ୍ଟ ସମୟରେ ମୋ ମନ ଭିତରେ ଏହିସବୁ ଚାଲୁଥିଲା ।''
पेरिस ओलंपिक में कांस्य पदक जीतकर, शूटिंग में भारत की पहली महिला पदक विजेता बन हर भारतीय को गौरव का क्षण प्रदान करने वाली @realmanubhaker से प्रधानमंत्री @NarendraModi जी ने फोन पर बातचीत कर उन्हें बधाई दी एवं अन्य प्रतिस्पर्धाओं के लिए उनका हौंसला बढ़ाया। #Cheer4Bharat pic.twitter.com/0Acnmffx6l
— Dr Mansukh Mandaviya (@mansukhmandviya) July 28, 2024
ଟୋକିଓରେ ବିଫଳ, ପ୍ୟାରିସରେ ସଫଳ:
ଟୋକିଓ ଅଲିମ୍ପିକ୍ସରେ 10 ମିଟର ଏୟାର ପିସ୍ତଲରେ ଅଂଶ ଗ୍ରହଣ କରିଥିଲେ ମନୁ । ପଦକ ଦାବିଦାର ଥିଲେ ମଧ୍ୟ ଯୋଗ୍ୟତା ପର୍ଯ୍ୟାୟରେ ପିସ୍ତଲ ନଚାଲିବାରୁ ସେ ଫେଲ ମାରିଥିଲେ । ଯାହା ତାଙ୍କୁ ବେଶ ବ୍ୟଥିତ କରିଥିଲା । 2 ପଏଣ୍ଟ ପଛରେ ରହି ଫାଇାନଲରୁ ଗୋଟିଏ ପାଦ ପଛରେ ରହିଯାଇଥିଲେ । ସେଦିନର ଦୁଃଖ ସେ 3 ବର୍ଷ ପର୍ଯ୍ୟନ୍ତ ଭୁଲି ପାରିନଥିଲେ । ଟୋକିଓରେ ଧୋକା ଦେଇଥିଲା ପିସ୍ତଲ କିନ୍ତୁ ପ୍ୟାରିସରେ ସାଥ ଦେଲା ଭାଗ୍ୟ । ସେ ଦିନର ଅଧୁରା ସ୍ବପ୍ନକୁ ଗତକାଲି ପୂରଣ କରିଥିଲେ ମନୁ । 10 ମିଟର ଏୟାର ପିସ୍ତଲରେ ହାସଲ କରିଥିଲେ ବ୍ରୋଞ୍ଜ । ଏନେଇ ସେ କହିଥିଲେ ଯେ, ଟୋକିଓରେ ମୁଁ ନିରାଶ ହୋଇଥିଲି, ଏବେ କିନ୍ତୁ ସେ ସବୁକୁ ବୁଲି ଗର୍ବ କରିବାର ସମୟ ଆସିଛି । ଏ ପଦକ ଭାରତବାସୀଙ୍କ ପାଇଁ ।
#WATCH | After winning the Bronze medal in Women’s 10 M Air Pistol at #ParisOlympics2024, Olympic medalist Manu Bhaker says, " ...the feeling is surreal. i feel so good and happy that i could win this medal for all of us. this is coming home after so long. i am very happy. maybe,… pic.twitter.com/bLzEiQNhwF
— ANI (@ANI) July 28, 2024
ମନୁ ଭାକର କିଏ?:
ସୁଟର ମନୁ ଭାକର ହେଉଛନ୍ତି ହରିୟାଣା ଜିଲ୍ଲାର ଝାଡର ଜିଲ୍ଲାର ଗୋରିଆ ଗ୍ରାମର ବାସିନ୍ଦା । 2002 ଫେବୃଆରୀ 18 ତାରିଖରେ ସେ ଜନ୍ମ ଗ୍ରହଣ କରିଥିଲେ । ତାଙ୍କ ବାପା ହେଉଛନ୍ତି ରାମ କିଶନ ଭାକର ଓ ମାତା ସୁମେଧା ଭାକର । କିଶନ ଭାକର ମର୍ଚାଣ୍ଟ ନାବିରେ ଚିଫ ଇଞ୍ଜିନିୟର ଭାବେ କାର୍ଯ୍ୟରତ । ଶୁଟିଂରେ କ୍ୟାରିୟର ଆରମ୍ଭ କରିବାର ମନୁଙ୍କ କାହାଣୀ ଟିକିଏ ଭିନ୍ନ । ଦିନେ ତାଙ୍କ ପିତାଙ୍କ ସହ ସୁଟିଂ ରେଞ୍ଜ ପରିଦର୍ଶନ କରିବା ସମୟରେ ମନୁ ହଠାତ୍ ଶୁଟିଂ ଆରମ୍ଭ କରିଥିଲେ। ସେ ଟାର୍ଗେଟ କରି ଗୁଳିକୁ ସିଧା ନିଶାନା କରିଥିଲେ, ଏହା ପରେ ତାଙ୍କ ପିତା ତାଙ୍କୁ ସୁଟିଂ କରିବାକୁ ଉତ୍ସାହିତ କରିଥିଲେ । ଝିଅକୁ ଏକ ବନ୍ଧୁକ କିଣି ବାପା ଦେଇଥିଲେ। ଏହା ପରେ କୋଚ ଯଶପାଲ ରଣା ମନୁଙ୍କୁ ଶୁଟିଂର କୌଶଳ ଶିଖାଇଥିଲେ।
#WATCH | After winning the Bronze medal in Women’s 10 M Air Pistol at #ParisOlympics2024, Olympic medalist Manu Bhaker says, " it probably gives confidence even if i have heard about someone winning a medal on day one. i would be energised too...i am grateful that i could do it… pic.twitter.com/xzU2s6Txk1
— ANI (@ANI) July 28, 2024
ଅଲରାଉଣ୍ଡର ମନୁ:
ସୁଟିଂରେ ମାହିର ଥିବା ମନୁ ପୂର୍ବରୁ କରାଟେ, ସ୍କେଟିଂ, ସନ୍ତରଣ ଏବଂ ଟେନିସଖେଳିଥିଲେ । ମନୁ କରାଟେରେ ଜାତୀୟ ସ୍ତରରେ ପଦକ ମଧ୍ୟ ହାସଲ କରିଛନ୍ତି । ସେହିପରି ସ୍କେଟିଂରେ ରାଜ୍ୟ ପଦକ ଜିତିଛନ୍ତି। ସ୍କୁଲରେ ପଢିବା ସମୟରେ ସନ୍ତରଣ ଓ ଟେନିସରେ ମଧ୍ୟ ଭାଗ ନେଉଥିଲେ।
ମନୁଙ୍କ ପରିବାରରେ ଖୁସିର ଲହରି:
ମନୁ ଅଲିମ୍ପିକ୍ସରେ ପଦକ ହାସଲ କରିବା ପରେ ପୁରା ଦେଶ ସମେତ ହରିୟାଣାବାସୀ ଖୁସିରେ ଝୁମି ଉଠିଛନ୍ତି । ଝିଅର ବିଜୟ ପରେ ପରିବାରରେ ଖୁସି କହିଲେ ନସରେ । ମନୁଙ୍କ ମାଆ କହିଛନ୍ତି ଯେ, ପ୍ୟାରିସ ଅଲିମ୍ପିକ୍ସରେ ଝିଅ ବ୍ରୋଞ୍ଜ ପଦକ ଜିତିବାରେ ଆମେ ବହୁତ ଖୁସି । ସ୍ବର୍ଣ୍ଣ ପଦକ ହାସଲ କରିଥିଲେ ଆମେ ଆହୁରି ଖୁସି ହୋଇଥାଆନ୍ତୁ । କିନ୍ତୁ ବ୍ରୋଞ୍ଚ ପଦକ ଜିତି ସେ ଇତିହାସ ସୃଷ୍ଟି କରିଛି । ତା ପାଇଁ ଆଜି ସାରା ଦେଶ କର୍ବିତ । ମୋ ଝିଅ ମୋର ସ୍ବପ୍ନ ପୂରଣ କରିଛି । ଅଲିମ୍ପିକ୍ସରେ ପଦକ ଜିତିବା ପ୍ରତି ପିତା ମାତାଙ୍କର ସ୍ବପ୍ନ ଥାଏ ।
10 ମିଟର ଏୟାର ରାଇଫଲ ଫାଇନାଲ ଇଭେଣ୍ଟରେ 221.7 ପଏଣ୍ଟ ଶୁଟ କରିଥିଲେ ମନୁ ଭାକର । ଫାଇନାଲ ଇଭେଣ୍ଟର ପ୍ରଥମ ରାଉଣ୍ଡରେ ଭକର ସଂଘର୍ଷ କରଥିଲେ । ଟପ୍ -3ରେ ଆସି ନଥିଲେ । କିନ୍ତୁ ପରେ ହୋଇଥିଲା ଚମତ୍କାର । ପରବର୍ତ୍ତୀ ଇଭେଣ୍ଟରେ ଅବିଶ୍ବସନୀୟ ଶୁଟ୍ କରିଥିଲେ ଭାକର । ଆଉ ଏଣ୍ଟ୍ରି କରିଥିଲେ ଟପ୍ -3ରେ । କୋରିଆନ୍ ସୁଟରଙ୍କ ପଛରେ ରହି ବ୍ରୋଞ୍ଜ ଜିତିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
