ପ୍ୟାରିସ (ଫ୍ରାନ୍ସ): ପ୍ୟାରିସ୍ ଅଲିମ୍ପିକ୍ସ 2024ରେ ଭାରତର ଅଭିଯାନ ଏପର୍ଯ୍ୟନ୍ତ ସେତେଟା ଖାସ ହୋଇପାରିନାହିଁ । ଏପର୍ଯ୍ୟନ୍ତ ଦେଶକୁ କେବଳ 3ଟି ବ୍ରୋଞ୍ଜ ପଦକ ମିଳିଛି । ତେଣୁ 140 କୋଟି ଭାରତୀୟଙ୍କ ଆଖି ବର୍ତ୍ତମାନ ଷ୍ଟାର ଜାଭେଲିନ୍ ଥ୍ରୋୟର ଏବଂ ବର୍ତ୍ତମାନର ଅଲିମ୍ପିକ୍ ଚମ୍ପିଆନ୍ ନୀରଜ ଚୋପ୍ରାଙ୍କ ଉପରେ ରହିଛି । ଟୋକିଓ ଅଲିମ୍ପିକ୍ସରେ ଐତିହାସିକ ସ୍ବର୍ଣ୍ଣ ପଦକ ଜିତିବା ପରେ ନୀରଜ ଦେଶର ଗର୍ବର ପ୍ରତୀକ ପାଲଟିଛନ୍ତି । ନୀରଜ ଇତିହାସ ପୁନରାବୃତ୍ତି କରିପାରିବେ କି ନାହିଁ ଦେଖିବା ପାଇଁ ପ୍ରଶଂସକମାନେ ଚାହିଁ ବସିଛନ୍ତି । ସେପଟେ ଓଡ଼ିଆ ପୁଅ କିଶୋର ଜେନା ମଧ୍ୟ ନୀରଜଙ୍କ ସହ ଦେଶକୁ ମେଡାଲ ଆଣିବା ପାଇଁ ଶତଚେଷ୍ଟା କରିବେ । ଆଜି ଉଭୟ କିଶୋର ଓ ନୀରଜ ଚୋପ୍ରା ମୈଦାନକୁ ଓହ୍ଲାଇବେ । ଚଳିତ ଅଲିମ୍ପିକ୍ସରେ ହକି ଷ୍ଟାର ଅମିତ ରୋହିଦାସଙ୍କ ପରେ ଓଡ଼ିଶାବାସୀଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିବେ କିଶୋର ଜେନା ।
नमस्कार, Paris! 🇮🇳🇫🇷
— Neeraj Chopra (@Neeraj_chopra1) July 30, 2024
Excited to finally reach the Olympic Games village. #Paris2024 pic.twitter.com/qinx6MsMDl
ପ୍ୟାରିସରେ ନୀରଜ ଓ କିଶୋର ଆଜି ଫିଙ୍ଗିବେ ଜାଭେଲିନ :-
ଷ୍ଟାର୍ ଜାଭେଲିନ୍ ଫିଙ୍ଗାଳି ନୀରଜ ଚୋପ୍ରା ଓ କିଶୋର ଜେନା ଆଜି (ଅଗଷ୍ଟ 6) ଜାଭେଲିନ୍ ଥ୍ରୋ ଇଭେଣ୍ଟରେ ଅଂଶଗ୍ରହଣ କରିବେ । ଗ୍ରୁପ୍ 'ଏ'ର ଯୋଗ୍ୟତା ପର୍ଯ୍ୟାୟ ଆଜି ଦିନ 1:50ରେ ଆରମ୍ଭ ହେବ ଏବଂ ଗ୍ରୁପ୍ 'ବି' ଯୋଗ୍ୟତା ମ୍ୟାଚ୍ ମଧ୍ୟ ଆଜି ଅପରାହ୍ନ 3:20ରେ ଆରମ୍ଭ ହେବ । ଯଦି ନୀରଜ ଓ କିଶୋର ଯୋଗ୍ୟତା ପର୍ଯ୍ୟାୟରେ ଆଜି ଆଗକୁ ବଢ଼ନ୍ତି, ତେବେ ସେ ଅଗଷ୍ଟ 8ରେ ଭାରତୀୟ ସମୟ ରାତି 11:55ରୁ ଫାଇନାଲ ମ୍ୟାଚ୍ରେ ଅଂଶଗ୍ରହଣ କରିବେ ।
𝐊𝐧𝐨𝐰 𝐘𝐨𝐮𝐫 𝐎𝐥𝐲𝐦𝐩𝐢𝐚𝐧 𝐒𝐞𝐫𝐢𝐞𝐬
— Navin Mittal (@Navinsports) July 15, 2024
(𝟑𝟑) - 𝐊𝐢𝐬𝐡𝐨𝐫𝐞 𝐉𝐞𝐧𝐚
Kishore Jena is an 🇮🇳 Indian Javelin Thrower🚀 From Brahmagiri, Odisha .
Olympics - Debut
World Rankings - 7
Personal best - 87.54
Season best - 80.84
Achievements:
⏫ 🥈 2023 Asian Games
⏫5th… pic.twitter.com/2fvd3FTSUP
ନୀରଜ ଚୋପ୍ରା ଓ କିଶୋର ଜେନାଙ୍କ ମ୍ୟାଚ୍ କେଉଁଠି ଦେଖିବେ ? :-
ପ୍ୟାରିସ୍ ଅଲିମ୍ପିକ୍ସ 2024ର ଏକାଧିକ ଇଭେଣ୍ଟ ଭାରତରେ Sports18 ନେଟୱାର୍କ ଟିଭି ଚ୍ୟାନେଲରେ ସିଧା ପ୍ରସାରଣ ହେଉଛି । ପ୍ୟାରିସ୍ ଅଲିମ୍ପିକ୍ସର ବିଭିନ୍ନ ଇଭେଣ୍ଟ Sports18 1 ଏବଂ Sports18 1 HDରେ ଇଂରାଜୀରେ ପ୍ରସାରିତ ହେଉଛି । ଏଥିରେ ତାମିଲ ଏବଂ ତେଲୁଗୁ ଭାଷା ବିକଳ୍ପ ମଧ୍ୟ ଉପଲବ୍ଧ ଅଛି । Sports18 ଓ Sports18 2ରେ ମଧ୍ୟ ଆପଣ ହିନ୍ଦୀରେ ଇଭେଣ୍ଟ ଗୁଡ଼ିକ ଦେଖିପାରିବେ । ଆପଣ ଏହି ସବୁ ଚ୍ୟାନେଲରେ ନୀରଜ ଚୋପ୍ରା ଓ ଓଡ଼ିଆ ପୁଅ କିଶୋର ଜେନାଙ୍କୁ ଲାଇଭ୍ ଦେଖିବାର ସୁଯୋଗ ପାଇବେ ।
Athletes to watch out for on Day 1⃣1⃣ of the #ParisOlympics2024👇#TeamIndia will be in action soon, featuring Neeraj Chopra, Vinesh Phogat, the Men's #TableTennis team, the Men's Hockey team and many others🥳🥳
— SAI Media (@Media_SAI) August 6, 2024
Check this video to find out the remaining athletes who are ready… pic.twitter.com/DiyRcRzlGF
ମୋବାଇଲ ଫୋନ୍ରେ ଲାଇଭ ଷ୍ଟ୍ରିମିଂ କେମିତି ଦେଖିବେ ? :-
ଆପଣ ପ୍ୟାରିସ୍ ଅଲିମ୍ପିକ୍ସ 2024ର ଲାଇଭ୍ ଷ୍ଟ୍ରିମିଂ JioCinema ଆପ୍ ଏବଂ ୱେବସାଇଟରେ ଦେଖିପାରିବେ, ଯାହା ସମ୍ପୂର୍ଣ୍ଣ ମାଗଣା । ଆପଣ ଏଠାରେ ନୀରଜ ଚୋପ୍ରା ଏବଂ ଓଡ଼ିଆ ପୁଅ କିଶୋର ଜେନାଙ୍କ ଲାଇଭ ମ୍ୟାଚ୍ ମଧ୍ୟ ଦେଖିପାରିବେ ।
HE'S BACK!
— SAI Media (@Media_SAI) August 6, 2024
Tune into Neeraj Chopra this afternoon! The golden boy returns to the Olympic arena 🇮🇳#Paris2024Olympics #Cheer4Bharat pic.twitter.com/obDa57KZA4
ଟୋକିଓ ଅଲିମ୍ପିକ୍ସ ଇତିହାସ ଦୋହରାଇବେ ନୀରଜ :-
ଟୋକିଓ ଅଲିମ୍ପିକ୍ସ 2020ରେ ଆଥଲେଟିକ୍ସରେ ଭାରତ ପାଇଁ ପ୍ରଥମ ଅଲିମ୍ପିକ୍ ସ୍ବର୍ଣ୍ଣ ଜିତି ନୀରଜ ଚୋପ୍ରା ଇତିହାସ ସୃଷ୍ଟି କରିଥିଲେ । ଟୋକିଓ ଗେମ୍ସରେ ତାଙ୍କର ଚମତ୍କାର ପ୍ରଦର୍ଶନ ପରେ, ନୀରଜ 2022ରେ ଡାଇମଣ୍ଡ ଲିଗ୍ ଟାଇଟଲ୍ ଏବଂ 2023ରେ ଏସୀୟ କ୍ରୀଡ଼ାରେ ସ୍ବର୍ଣ୍ଣ ପଦକ ଜିତି ନିଜ ଦବଦବା ଜାହିର କରିଥିଲେ । ବର୍ତ୍ତମାନ ସେ ଜାଭେଲିନ୍ ଥ୍ରୋରେ ବର୍ତ୍ତମାନର ବିଶ୍ବ ଚମ୍ପିଆନ୍ ଭାବରେ ପ୍ୟାରିସ୍ ଅଲିମ୍ପିକ୍ସରେ ପହଞ୍ଚିଛନ୍ତି । ଭାରତ ପୁଣିଥରେ ନୀରଜ ଚୋପ୍ରାଙ୍କ ସ୍ବର୍ଣ୍ଣ ପଦକ ପାଇଁ ଆଶା ରଖିଛି । ପ୍ୟାରିସ୍ ଅଲିମ୍ପିକ୍ସରେ ଆଉ ଏକ ଐତିହାସିକ ପ୍ରଦର୍ଶନ ଦେବା ଉଦ୍ଦେଶ୍ୟରେ ନୀରଜ ଚୋପ୍ରାଙ୍କ ଉପରେ ଭାରତ ନଜର ରଖିବ । ଦେଶର ପଦକ ଆଶାର ଭାରକୁ ନିଜ କାନ୍ଧରେ ନେଇ ନୀରଜ ପୁଣି ଥରେ ଜାଭେଲିନ ଫିଙ୍ଗିବାକୁ ପ୍ରସ୍ତୁତ ଅଛନ୍ତି ।
NEERAJ CHOPRA 🇮🇳 WILL BE LIVE IN ACTION pic.twitter.com/WExzjIwYK9
— The Khel India (@TheKhelIndia) August 6, 2024
କିଶୋରଙ୍କ ଉପରେ ସାରା ଦେଶର ନଜର :-
2015 ମସିହାରୁ କିଶୋର ଜାଭେଲିନ ଥ୍ରୋରେ ସାମିଲ ହୋଇଥିଲେ । ଭୁବନେଶ୍ବର କଳିଙ୍ଗ ଷ୍ଟାଡିୟମ ଥିଲା କିଶୋରଙ୍କ କ୍ରୀଡ଼ା କ୍ୟାରିୟରର ଏନ୍ତୁଡ଼ିଶାଳ । ଏଇଠୁ ଆରମ୍ଭ ହୁଏ କିଶୋରଙ୍କ ଅଭ୍ୟାସ । ଏହାପରଠୁ ସେ ଆଉ ପଛକୁ ଫେରି ଚାହିଁନାହାନ୍ତି । ଜିଲ୍ଲାସ୍ତରରୁ ରାଜ୍ୟସ୍ତରୀୟ, ବିଭିନ୍ନ କ୍ରୀଡା ପ୍ରତିଯୋଗିତାରେ ସାମିଲ ହୋଇ ପଦକ ହାସଲ କରିଥିଲେ । 2023 ଜୁନରେ ଭୁବନେଶ୍ବରରେ ହୋଇଥିବା ଜାତୀୟସ୍ତରୀୟ ପ୍ରତିଯୋଗିତାରେ କିଶୋର ରୌପ୍ୟ ପଦକ ଜିତିଥିଲେ । ସେହିପରି 2023ରେ ବୁଦାପେଷ୍ଟ ଅନୁଷ୍ଠିତ ବିଶ୍ବ ଆଥଲେଟିକ ଚମ୍ପିଆନସିପରେ ପଞ୍ଚମ ସ୍ଥାନ ହାସଲ କରିଥିଲେ । 84.77 ମିଟର ଜାଭେଲିନ ଫିଙ୍ଗି ସେ ନିଜର ସବୁଠୁ ଭଲ ରେକର୍ଡ କରିଥଲେ । ଗତ 2023 ଅକ୍ଟୋବର 4 ତାରିଖରେ ଚୀନରେ ଅନୁଷ୍ଠିତ ଏସିଆନ ଗେମ୍ସରେ ରୌପ୍ୟ ପଦକ ହାସଲ କରି ଭାରତ ପାଇଁ ଗୌରବ ଆଣିଥିଲେ । ସେଠାରେ ତାଙ୍କର ବ୍ୟକ୍ତିଗତ ରେକର୍ଡ ଥ୍ରୋ ଥିଲା 87.54 ମିଟର । ଆଜି ସେ ମଧ୍ୟ ନାରଜଙ୍କ ସହ ଦେଶକୁ ମେଡାଲ ଆଣିବାକୁ ଶତପ୍ରତିଶତ ଚେଷ୍ଟା କରିବେ
ବ୍ୟୁରୋ ରିପୋର୍ଟ, ଇଟିଭି ଭାରତ
