ପ୍ୟାରିସ (ଫ୍ରାନ୍ସ): ‘ପ୍ୟାରିସ୍ ଅଲିମ୍ପିକ୍ସ’ ବ୍ୟାଡମିଣ୍ଟନରେ କମାଲ କରୁଛନ୍ତି ଉଭୟ ଭାରତୀୟ ଦଳର ବ୍ୟାଡମିଣ୍ଟନ ତାରକା । ବ୍ୟାଡମିଣ୍ଟନ ମେନ ସିଙ୍ଗିଲ୍ସ ଗ୍ରୁପ ଷ୍ଟେଜରେ ଦମଦାର ପରଦର୍ଶନ କରି ରାଉଣ୍ଡ 16 ରେ ପ୍ରବେଶ କରିଛନ୍ତି ଭାରତୀୟ ଷ୍ଟାର ସଟ୍ଲର୍ ଏଚ.ଏସ ପ୍ରଣୟ । ପ୍ରି-କ୍ବାଟର ଫାଇନାଲରେ ଦୁଇ ଭାରତୀୟ ଲକ୍ଷ୍ୟ ସେନ୍ ଓ ଏଚଏସ ପ୍ରଣୟ ମୁହାଁମୁହିଁ ହେବେ । ଗତକାଲି ରାତିରେ ଗ୍ରୁପ୍ ପର୍ଯ୍ୟାୟ ମ୍ୟାଚରେ ଭିଏତନାମର ଡ୍ୟୁକ୍ ଫାଟ ଲେ'ଙ୍କୁ 2-1ରେ ହରାଇ ସେ ପ୍ରି- କ୍ୱାର୍ଟର ଫାଇନାଲ୍ ଯୋଗ୍ୟତା ଅର୍ଜନ କରିଥିଲେ । ଇଣ୍ଡୋନେସିଆର ଜୋନାଥନ୍ ଖ୍ରୀଷ୍ଟିଙ୍କୁ ମାତ୍ ଦେଇ ରାଉଣ୍ଡ ଅଫ୍ 16ରେ ପ୍ରବେଶ କରିଥିଲେ ଲକ୍ଷ୍ୟ ସେନ୍ ।
🇮🇳 Result Update: #Badminton🏸Men’s Singles Group Stage👇@PRANNOYHSPRI , the rockstar, qualifies for the Round of 16 at #ParisOlympics2024.
— SAI Media (@Media_SAI) July 31, 2024
After a tough battle against Vietnam’s Le Duc Phat, Prannoy makes his way into the Round of 16 as he wins with a scoreline of 16-21,… pic.twitter.com/io4iv5hfnF
ଆଜି ପ୍ରି-କ୍ୱାଟର ଫାଇନାଲରେ ଲକ୍ଷ୍ଯ VS ପ୍ରଣୟ :
ଆଜି ପ୍ୟାରିସ ଅଲିମ୍ପିକ୍ସ ବ୍ୟାଡମିଣ୍ଟନ ସିଙ୍ଗଲ୍ସରେ ଏକ ରୋମାଞ୍ଚକର ମୁକାବିଲା ଦେଖିବାକୁ ମିଳିବ । ପ୍ରି-କ୍ୱାଟରଫାଇନାରେ ଲଢିବେ ଦୁଇ ଭାରତୀୟ ସଟ୍ଲର୍ ଲକ୍ଷ୍ୟ ସେନ୍ ଓ ଏଚ.ଏସ ପ୍ରଣୟ । ଆଜି ଦିନ 12ଟା ସମୟରେ ମ୍ୟାଚ ଖେଳାଯିବ । କାହାକୁ କି’ଏ ହରାଉଛି ତା’ ଉପରେ ସମସ୍ତଙ୍କ ନଜର ରହିଛି ।
ଏହା ମଧ୍ୟ ପଢନ୍ତୁ-ମେଡାଲ ଆଡ଼କୁ ଲକ୍ଷ୍ୟ; ପ୍ରି-କ୍ବାର୍ଟର ଫାଇନାଲ୍ରେ ଲକ୍ଷ୍ୟ ସେନ୍ - Paris Olympics 2024
କେମିତି ଥିଲା ପ୍ରଣୟଙ୍କ ପ୍ରଦର୍ଶନ? :
ବୁଧବାର ରାତିରେ ବ୍ୟାଡମିଣ୍ଡନ ମେନ ସିଙ୍ଗିଲ୍ସ ଗ୍ରୁପ ଷ୍ଟେଜ ମ୍ୟାଚ ଖେଳାଯାଇଥିଲା । ଭାରତୀୟ ଷ୍ଟାର ସଟ୍ଲର୍ ଏଚ.ଏସ ପ୍ରଣୟ ଭିଏତନାମର ଡ୍ୟୁକ୍ ଫାଟ ଲେ'ଙ୍କୁ ଯଥାକ୍ରମେ 16-21 ଓ 21-11, 21-12 ସ୍କୋରରେ ପରାସ୍ତ କରି ରାଉଣ୍ଡ ଅଫ 16ରେ ପ୍ରବେଶ କରିଥିଲେ ।
Prannoy cruised through with a brilliant comeback victory to enter the pre-quarterfinal at his maiden #Olympics! 🫡🔥
— BAI Media (@BAI_Media) July 31, 2024
📸: @badmintonphoto#Paris2024#IndiaAtParis24#Cheer4Bharat#IndiaontheRise#Badminton pic.twitter.com/t5UGhMIjna
କେମିତି ଥିଲା ଲକ୍ଷ୍ୟଙ୍କ ପ୍ରଦର୍ଶନ:
ଗତକାଲି ଦିନ ବେଳା ବ୍ୟାଡମିଣ୍ଟନ ମେନ ସିଙ୍ଗିଲ୍ସ ଗ୍ରୁପ ଷ୍ଟେଜରେ ଇଣ୍ଡୋନେସିଆର ଜୋନାଥନ୍ ଖ୍ରୀଷ୍ଟିଙ୍କୁ ଯଥାକ୍ରମେ 21-18 ଓ 21-12 ସ୍କୋରରେ ପରାସ୍ତ କରିଥିଲେ ଲକ୍ଷ୍ୟ ସେନ୍ । ଏହାପରେ ସେ ରାଉଣ୍ଡ ଅଫ୍ 16ରେ ପ୍ରବେଶ କରିଥିଲେ । କଡ଼ା ସଂଘର୍ଷପୂର୍ଣ୍ଣ ପ୍ରଥମ ସେଟ୍କୁ 21-18ରେ ଜିତି ନେଇଥିଲେ ଲକ୍ଷ୍ୟ ସେନ୍ । ଏହାପରେ ଦ୍ୱିତୀୟ ସେଟ୍ରେ ସେ ଆହୁରି ପ୍ରଭାବୀ ପ୍ରଦର୍ଶନ କରିଥିଲେ । ଏହି ସେଟ୍କୁ ସେ 21-12 ସ୍କୋର ସହିତ ସହଜରେ ଜିତି ନେଇଥିଲେ ।
