ପ୍ୟାରିସ (ଫ୍ରାନ୍ସ): ପାରା ଅଲିମ୍ପିକ୍ସରେ 4 ଦିନରେ ଭାରତକୁ 7 ପଦକ । ହାଇଜମ୍ପରେ ସିଲଭର ମେଡାଲ ଜିତିଲେ ନିଶାଦ କୁମାର । ଟୋକିଓରେ ବି ଜିତିଥିଲେ ରୌପ୍ୟ ପଦକ । ହାଇଜମ୍ପରେ ପୁଣି ରୌପ୍ୟ ଜିତିଲେ ନିଶାଦ କୁମାର । ପୂର୍ବରୁ ଟୋକିଓ ଅଲିମ୍ପିକ୍ସରେ ରୌପ୍ୟ ଜିତିଥିଲେ ନିଶାଦ । ପ୍ୟାରିସ ପାରା ଅଲିମ୍ପିକ୍ସରେ ଭାରତର ପଦକ ସଂଖ୍ୟା ୭କୁ ବୃଦ୍ଧି । ପ୍ୟାରିସ ପାରାଅଲିମ୍ପିକ୍ସ 2024ରେ ଭାରତକୁ 7ମ ପଦକ ମିଳିଛି । ନିଶାଦ କୁମାର ପ୍ୟାରିସ ପାରାଅଲିମ୍ପିକ୍ସ 2024 ପୁରୁଷ ଉଚ୍ଚଡିଆଁ t-47ରେ ଶାନଦାର ପ୍ରଦର୍ଶନ କରି ରୌପ୍ୟ ପଦକ ହାସଲ କରିଛନ୍ତି । ସିଲଭର ମେଡାଲ ହାସଲ ପରେ ନୂଆ ଇତିହାସ ଲେଖିଛନ୍ତି ନିଶାଦ । ସେ ଭାରତର ପାରା ଅଲିମ୍ପିକ୍ସରେ ସର୍ବକନିଷ୍ଠ ଅଥଲେଟ ଭାବେ ବ୍ୟାକ୍ ଟୁ ବ୍ୟାକ (ପଛକୁ ପଛ) ପଦକ ଜିତି ରେକର୍ଡ କରିଛନ୍ତି । ଗତ 2020 ଟୋକିଓ ପାରା ଅଲିମ୍ପିକ୍ସରେ ମଧ୍ୟ ନିଶାଦ ରୌପ୍ୟ ପଦକ ଜିତିଥିଲେ ।
Nishad Kumar wins Silver Medal for India 🇮🇳♥️ pic.twitter.com/NNowbqlCQL
— The Khel India (@TheKhelIndia) September 1, 2024
ପାରାଅଲିମ୍ପିକ୍ସ 2024 ହାଇଜମ୍ପ ଫାଇନାଲ ଇଭେଣ୍ଟରେ ନିଶାଦ ରେକର୍ଡ 2.04 ମିଟର ଉଚ୍ଚଡିଆଁ ମାରିଥିଲେ । ନିଶାଦଙ୍କ ଆଗରେ ରହିଥିଲେ ଆମେରିକାର ରୋଡରିକ୍ ଟାଉନସେଣ୍ଡ ।ତେବେ ଫାଇନାଲ ଇଭେଣ୍ଟରେ ଡେଇଁଥିବା 2.04 ମିଟର ନିଶାଦଙ୍କ ସର୍ବାଧିକ ବ୍ୟକ୍ତିଗତ ଉଚ୍ଚଡିଆଁ ରେକର୍ଡ । ଆମେରିକାର ରୋଡରିକ୍ ଟାଉନସେଣ୍ଡ 2.12 ମିଟର ଡେଇଁଥିଲେ । ସେ ସ୍ବର୍ଣ୍ଣ ପଦକ ଜିତିଛନ୍ତି । ଏହା ପଛକୁ କାଂସ୍ୟ ପଦକ ଜିତିଥିବା ଆଥଲେଟ 2.00 ମିଟର ଉଚ୍ଚଡିଆଁ ମାରିଥିଲେ ।
Medal no. 7⃣ for 🇮🇳 at #ParisParalympics2024! High jumper Nishad Kumar shines again, clinching SILVER 🥈 in the T47 category with a season's best of 2.04m. His second successive Paralympic silver—India is proud! 🇮🇳 #Cheer4Bharat pic.twitter.com/e32HN9J7fZ
— India in France (@IndiaembFrance) September 1, 2024
ନିଶାଦ 2020 ଟୋକିଓ ଅଲିମ୍ପିକ୍ସରେ ମଧ୍ୟ ରୌପ୍ୟ ପଦକ ଜିତିଥିଲେ । ସେ ସେତେବେଳେ ଟୋକିଓରେ 2.06 ମିଟର ଉଚ୍ଚ ଡିଆଁ ମାରିଥିଲେ । T-47 ପ୍ରତିଯୋଗୀତାରେ ସେହି ଆଥଲେଟ ମାନେ ଖେଳିଥାନ୍ତି ଯେଉଁମାନଙ୍କ ହାତର କଚଡି କଟାଯାଇଥିବା କିମ୍ବା ଦିବ୍ୟାଙ୍ଗ ହୋଇଥିବେ । ଏହା ପୂର୍ବରୁ ପ୍ରୀତି ପାଲ ମଧ୍ୟ ଭାରତ ପାଇଁ ଇତିହାସ ରଚିଥିଲେ । ସେ ପାରାଅଲିମ୍ପିକ୍ସରେ ଦୁଇ ପଦକ ଜିତିଥିବା ପ୍ରଥମ ଟ୍ରାକ୍ ଏବଂ ଫିଲ୍ଡ ଆଥଲେଟ ବନିଛନ୍ତି ।
ପ୍ରୀତି ପାଲ 200 ମିଟର ଟି-35 ଫାଇନାଲ ଇଭେଣ୍ଟରେ 30.01 ସେକେଣ୍ଡରେ ଦୌଡ ଶେଷ କରି ବ୍ୟକ୍ତିଗତ ସର୍ବଶ୍ରେଷ୍ଠ ପ୍ରଦର୍ଶନ ଦେବା ସହିତ କାଂସ୍ୟ ପଦକ ଜିତିଛନ୍ତି । 23 ବର୍ଷୀୟା ପ୍ରୀତି ଗୋଟିଏ ଅଲିମ୍ପିକ୍ସରେ ଦୁଇ ଦୁଇଟି କାଂସ୍ୟ ପଦକ ଜିତିଥିବା ଦ୍ବିତୀୟ ଭାରତୀୟ ମହିଳା ଆଥଲେଟ ବନିଛନ୍ତି । ଏହା ପୂର୍ବରୁ ସୁଟିଂରେ ଅବନୀ ଲେଖରା ମଧ୍ୟ ଚଳିତ ପ୍ୟାରିସ ପାରାଅଲିମ୍ପିକ୍ସରେ ଗୋଟିଏ ଗୋଲ୍ଡ ଏବଂ ଗୋଟିଏ କାଂସ୍ୟ ଜିତିଛନ୍ତି ।
