ନୂଆଦିଲ୍ଲୀ : ଆସନ୍ତା ବର୍ଷ ପାକିସ୍ତାନ ଆୟୋଜନ କରିବ ଆଇସିସି ଚାମ୍ପିୟନ୍ସ ଟ୍ରଫି 2025 । ଏଥିପାଇଁ ପାକିସ୍ତାନ କ୍ରିକେଟ ବୋର୍ଡ (ପିସିବି) ଜୋରଦାର ପ୍ରସ୍ତୁତି ଚଳାଇଛି । ତେବେ ଚାମ୍ପିୟନ୍ସ ଟ୍ରଫି ଖେଳିବା ପାଇଁ ଭାରତୀୟ ଦଳ ପାକିସ୍ତାନ ଯିବ କି ନାହିଁ, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ତଥାପି ଚାମ୍ପିୟନ୍ସ ଟ୍ରଫି ଖେଳିବା ପାଇଁ ଭାରତ ପାକିସ୍ତାନ ଗସ୍ତ କରିବ ବୋଲି ପିସିବି ସମ୍ପୂର୍ଣ୍ଣ ଆଶାବାଦୀ । ଏଭଳି ସ୍ଥିତିରେ ପାକିସ୍ତାନର ପୂର୍ବତନ କ୍ରିକେଟର ଭାରତୀୟ ଦଳକୁ ଚାମ୍ପିୟନ୍ସ ଟ୍ରଫି ପାଇଁ ପାକିସ୍ତାନ ନଆସିବାକୁ ପରାମର୍ଶ ଦେଇଛନ୍ତି । ସେ ଭାରତୀୟ ଦଳର ସୁରକ୍ଷାକୁ ନେଇ ଉଦ୍ବେଗ ପ୍ରକାଶ କରିଛନ୍ତି ।
Former Pakistan player Danish Kaneria said - " look at the situation in pakistan. i have to say that the indian team should not go to pakistan. the safety of the players is the first priority. most likely it will be a hybrid model in champions trophy 2025". (sports tak). pic.twitter.com/Q9EPL3jyUC
— Tanuj Singh (@ImTanujSingh) August 31, 2024
'ଖେଳାଳିଙ୍କ ସୁରକ୍ଷା ହେଉଛି ପ୍ରଥମ ପ୍ରାଥମିକତା' :-
ପାକିସ୍ତାନର ପୂର୍ବତନ କ୍ରିକେଟର ଦାନିଶ କନେରିଆ 'ସ୍ପୋର୍ଟସ ତକ୍'କୁ କହିଛନ୍ତି, "ପାକିସ୍ତାନର ପରିସ୍ଥିତିକୁ ଦେଖ, ମୁଁ କହୁଛି ଭାରତୀୟ ଦଳ ଖେଳିବା ପାଇଁ ପାକିସ୍ତାନ ଯିବା ଉଚିତ ନୁହେଁ । ପାକିସ୍ତାନ ଏହା ବିଷୟରେ ଚିନ୍ତା କରିବା ଉଚିତ୍, ତା’ପରେ ଆଇସିସି ଏହା ଉପରେ ନିଷ୍ପତ୍ତି ନେବ । ସମ୍ଭବତଃ ଏହା ଏକ ହାଇବ୍ରିଡ୍ ମଡେଲ୍ରେ ହେବ ଏବଂ ଏହା ଦୁବାଇରେ ଖେଳାଯିବ । ଖେଳାଳିଙ୍କ ସୁରକ୍ଷା ହେଉଛି ପ୍ରଥମ ପ୍ରାଥମିକତା । ସମ୍ମାନ ହେଉଛି ଦ୍ୱିତୀୟ ପ୍ରାଥମିକତା । ଅନେକ କଥା ରହିଛି । ବିସିସିଆଇ ବହୁତ ଭଲ କାମ କରୁଛି । ମୁଁ ଭାବୁଛି ସମସ୍ତ ଦେଶ ଚାମ୍ପିୟନ୍ସ ଟ୍ରଫିକୁ ନେଇ ଚୂଡ଼ାନ୍ତ ନିଷ୍ପତ୍ତିକୁ ଗ୍ରହଣ କରିବେ ।"
ଏହାପୂର୍ବରୁ ପାକିସ୍ତାନର ପୂର୍ବତନ ୱିକେଟ୍ କିପର ଓ ବ୍ୟାଟର ରସିଦ ଲତିଫ କହିଥିଲେ ଯେ ଭାରତୀୟ ଦଳ ପାକିସ୍ତାନ ଗସ୍ତ କରିବ ଏହା 50 ପ୍ରତିଶତ ନିଶ୍ଚିତ । ଏହା ପଛର କାରଣ ହେଉଛି ଯେ ଆଇସିସିର ଚେୟାରମ୍ୟାନ୍ ହେବା ପାଇଁ ପାକିସ୍ତାନ ଜୟ ଶାହାଙ୍କୁ ବିରୋଧ କରି ନାହିଁ, ଯାହା ଭାରତ ପାକିସ୍ତାନ ଗସ୍ତ ପ୍ରାୟ ସମ୍ଭବ ବୋଲି ନିଶ୍ଚିତ କରିଛି ।
ସରକାର ଅନୁମତି ଦେଲେ ପାକିସ୍ତାନ ଯିବ ଭାରତୀୟ ଦଳ ! :-
ଭାରତ ପକ୍ଷରୁ ସେପରି କୌଣସି ସ୍ପଷ୍ଟତା ଆସିନାହିଁ । ତଥାପି ଭାରତ ଚାହୁଁଛି ଯେ ହାଇବ୍ରିଡ ମଡେଲ ଆଧାରରେ ଭାରତର ମ୍ୟାଚ୍ ଅନ୍ୟ କୌଣସି ନିୟୁଟ୍ରାଲ ସ୍ଥାନରେ ଅନୁଷ୍ଠିତ ହେଉ । ତେବେ ବିସିସିଆଇର ଉପାଧ୍ୟକ୍ଷ ରାଜୀବ ଶୁକ୍ଳା ଭାରତୀୟ ଦଳ ପାକିସ୍ତାନ ଗସ୍ତ କରିବାର ସମ୍ଭାବନା ଉପରେ ମନ୍ତବ୍ୟ ଦେଇଥିଲେ । ତେବେ ଏଥିପାଇଁ ବିସିସିଆଇ ସରକାରଙ୍କ ଅନୁମତି ଉପରେ ନିର୍ଭର କରୁଥିବା ସେ କହିଥିଲେ ।
ପ୍ରକାଶ ଥାଉ, ଯଦି ଭାରତ ସରକାର କ୍ରିକେଟ୍ ଦଳକୁ ଚାମ୍ପିୟନ୍ସ ଟ୍ରଫି ଖେଳିବା ପାଇଁ ପାକିସ୍ତାନ ଯିବାକୁ ଅନୁମତି ଦିଅନ୍ତି, ତେବେ ଏହା 2008 ପରଠାରୁ ପ୍ରଥମ ଥର ହେବ ଏବଂ 16 ବର୍ଷ ପରେ ଭାରତ ପାକିସ୍ତାନ ଗସ୍ତ କରିବ । ପ୍ରାରମ୍ଭିକ ରିପୋର୍ଟରେ ଦର୍ଶାଯାଇଛି ଯେ, ଭାରତର ମ୍ୟାଚ୍ ଗୁଡ଼ିକ ଲାହୋରରେ ଅନୁଷ୍ଠିତ ହୋଇପାରେ, କାରଣ ଏହା ସୀମା ନିକଟସ୍ଥ ଏକ ସ୍ଥାନ । ଫଳରେ ସୁରକ୍ଷାଜନିତ ଚିନ୍ତା ଅଧିକ ରହିବ ନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
