'ପାକିସ୍ତାନଠୁ ମ୍ୟାଚ୍‌ କେବଳ କୋହଲି ହିଁ ଜିତାଇ ପାରିବେ' : ମହମ୍ମଦ ରିଜୱାନ - Mohammad Rizwan on Virat Kohli

Mohammad Rizwan on Virat Kohli: ଷ୍ଟାର ପାକିସ୍ତାନୀ ବ୍ୟାଟର ଓ ୱିକେଟ୍ କିପର ମହମ୍ମଦ ରିଜୱାନ୍ ଏବେ ବିରାଟ କୋହଲିଙ୍କ ବିଷୟରେ ଏକ ବଡ଼ କଥା କହିଛନ୍ତି । ପାକିସ୍ତାନ ବିପକ୍ଷରେ ମ୍ୟାଚ୍‌ ଜିତିବା କ୍ଷମତା କେବଳ କୋହଲିଙ୍କର ହିଁ ଅଛି କହିଛନ୍ତି ରିଜୱାନ । ଅଧିକ ପଢ଼ନ୍ତୁ

ନୂଆଦିଲ୍ଲୀ : ସାରା ବିଶ୍ବରେ ଭାରତୀୟ ଷ୍ଟାର କ୍ରିକେଟର ବିରାଟ କୋହଲିଙ୍କର କ୍ରେଜ ବହୁତ ଉଚ୍ଚରେ । ବିଶ୍ବ କ୍ରିକେଟକୁ ନୂଆ ସ୍ତରକୁ ନେଇଥିବା କୋହଲିଙ୍କୁ ଏବେ ବିଶ୍ବ କ୍ରିକେଟର ଫେସ୍‌ ବୋଲି ମଧ୍ୟ କୁହାଯାଉଛି । କେବଳ କ୍ରିକେଟପ୍ରେମୀ କାହିଁକି, ବିଭିନ୍ନ ଦେଶର ଷ୍ଟାର କ୍ରିକେଟରମାନେ ମଧ୍ୟ ବିରାଟ କୋହଲିଙ୍କର ଫ୍ୟାନ୍‌ ଅଟନ୍ତି । ଖୋଦ ପାକିସ୍ତାନର ଷ୍ଟାର ବ୍ୟାଟର ଓ ୱିକେଟ୍ କିପର ମହମ୍ମଦ ରିଜୱାନ୍ ଏବେ ବିରାଟ କୋହଲିଙ୍କ ବିଷୟରେ ଏକ ବଡ଼ କଥା କହିଛନ୍ତି । ଟି20 ବିଶ୍ବକପ 2022ରେ ଏମସିଜି ଗ୍ରାଉଣ୍ଡରେ ପାକିସ୍ତାନ ବିପକ୍ଷରେ କୋହଲି ଖେଳିଥିବା 82 ରନର ପାଳିକୁ ସର୍ବୋତ୍ତମ ଇନିଂସ ବୋଲି ବର୍ଣ୍ଣନା କରିଛନ୍ତି ରିଜୱାନ । ରିଜୱାନଙ୍କ କହିବାନୁଯାୟୀ, ସେହି ମ୍ୟାଚ୍‌ରେ କୋହଲି ଯାହା କରିଛନ୍ତି, ଅନ୍ୟ କେହି ତାହା କରିପାରିନଥାନ୍ତେ ।

Mohammad Rizwan said - " only virat kohli could have played that innings in t20 wc 2022. only he could have won the match and no one else could have done it, and virat kohli did it".(star sports). pic.twitter.com/GW20T1quGb

— Tanuj Singh (@ImTanujSingh) August 23, 2024

କେବଳ ବିରାଟ ହିଁ ଏମିତି ଖେଳି ପାରନ୍ତି :- ରିଜୱାନ

ଷ୍ଟାର ସ୍ପୋର୍ଟସ ସହ କଥାବାର୍ତ୍ତା ବେଳେ ମହମ୍ମଦ ରିଜୱାନ କହିଛନ୍ତି, "ଟି20 ବିଶ୍ବକପ 2022ରେ ଭାରତ ପାଇଁ କେବଳ ବିରାଟ କୋହଲି ହିଁ ସେଭଳି ଇନିଂସ ଖେଳି ପାରିଥାନ୍ତେ । କେବଳ କୋହଲିଙ୍କ ବ୍ୟତୀତ ଅନ୍ୟ କୌଣସି ଖେଳାଳି ସେଭଳି ପାଳି ଖେଳି ଦଳକୁ ଜିତାଇ ପାରିନଥାନ୍ତେ, ଆଉ ବିରାଟ କୋହଲି ଏହା କରି ଦେଖାଇଲେ ମଧ୍ୟ ।" ଏହି ମ୍ୟାଚ୍‌ରେ ଜିତିବା ପାଇଁ ଭାରତକୁ 4 ଓଭରରେ 54 ରନର ଆବଶ୍ୟକତା ଥିଲା । ସେହିଭଳି 20ତମ ଓଭରରେ ଦଳକୁ 16 ରନ୍ ଆବଶ୍ୟକ ଥିଲା । ଏଭଳି ପରିସ୍ଥିତିରେ କୋହଲି 53ଟି ବଲରେ 6 ଚୌକା ଓ 4 ଛକା ସହ 82 ରନର ଅପରାଜିତ ଇନିଂସ ଖେଳି ଭାରତ ପାଇଁ ମ୍ୟାଚ ଜିତାଇଥିଲେ । ସେ ଏହି ମ୍ୟାଚର 19ତମ ଓଭରରେ ପାକିସ୍ତନର ଷ୍ଟାର ପେସର ହାରିସ ରୌଫଙ୍କୁ ଏଭଳି ଚମତ୍କାର ଛକା ମାରିଥିଲେ, ଯାହାକୁ 'ଆଇସିସି ସଟ୍‌ ଅଫ୍‌ ଦି ସେଞ୍ଚୁରୀ' ଘୋଷଣା କରିଛି ।

WHAT. A. SHOT 💥

Virat Kohli’s breathtaking six down the ground against Pakistan in the ICC Men’s #T20WorldCup 2022 is voted the @0xFanCraze Greatest Moment 👑

Details 👉 https://t.co/p3jT1zP7l7 pic.twitter.com/GYq5mXAm6w

— ICC (@ICC) June 1, 2024

ପାକିସ୍ତାନଠୁ ବିଜୟ ଛଡ଼ାଇ ଆଣିଥିଲେ ବିରାଟ :-

ଉଲ୍ଲେଖ ଯୋଗ୍ୟ, ଶାହୀନ୍ ଯେଉଁ ମ୍ୟାଚ୍ ବିଷୟରେ କହିଛନ୍ତି, ତାହା ଟି20 ବିଶ୍ବକପ 2022ରେ ଭାରତ ଏବଂ ପାକିସ୍ତାନ ମଧ୍ୟରେ ଖେଳାଯାଇଥିଲା । ଏହା ଅଷ୍ଟ୍ରେଲିଆର ଏମସିଜି କ୍ରିକେଟ୍ ଗ୍ରାଉଣ୍ଡରେ ଖେଳାଯାଇଥିଲା । ଏହି ମ୍ୟାଚ୍‌ରେ ପ୍ରଥମ ବ୍ୟାଟିଂ କରି ପାକିସ୍ତାନ 20 ଓଭରରେ 8 ୱିକେଟ୍ ହରାଇ 159 ରନ୍ ସଂଗ୍ରହ କରିଥିଲା । 160 ରନର ଟାର୍ଗେଟ ନେଇ ବ୍ୟାଟିଂ କରୁଥିବା ଭାରତର ପରାଜୟ ଗୋଟିଏ ସମୟରେ ପ୍ରାୟ ନିଶ୍ଚିତ ମନେ ହେଉଥିଲା । କାରଣ ଦଳର ପ୍ରମୁଖ ବ୍ୟାଟରମାନେ ଚାପ ନିୟନ୍ତ୍ରଣ କରିନପାରି ଶୀଘ୍ର ଆଉଟ୍‌ ହୋଇଯାଇଥେଲେ । କିନ୍ତୁ ବିରାଟ କୋହଲି ଦଳ ପାଇଁ ଚିରାଚରିତ ଭାବେ ବଡ଼ ମ୍ୟାଚ୍‌ରେ ସାଜିଲେ ସଙ୍କଟମୋଚକ । ସେ ଦଳକୁ କେବଳ ପରାଜୟରୁ ରକ୍ଷା କରିନଥିଲେ ବରଂ ଚମତ୍କାର ବ୍ୟାଟିଂ କରି ପାକିସ୍ତାନ ହାତମୁଠାରୁ ବିଜୟ ଛଡ଼ାଇ ଆଣିଥିଲେ । ଏହି ମ୍ୟାଚ୍‌ରେ କୋହଲି 53ଟି ବଲରେ 6ଟି ଚୌକା ଓ 4ଟି ଛକା ସହିତ 82 ରନ୍‌ର ଅପରାଜିତ ଇନିଂସ ଖେଳିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ