ହାଇଦ୍ରାବାଦ : ଇଣ୍ଡିଆନ୍ ପ୍ରିମିୟର ଲିଗ୍ (IPL)ର ଡିଫେଣ୍ଡିଂ ଚାମ୍ପିଅନ୍ କୋଲକାତା ନାଇଟ୍ ରାଇଡର୍ସ (କେକେଆର୍) 2025 ପାଇଁ ଏହାର ନୂଆ ମେଣ୍ଟରଙ୍କ ନାଁ ଘୋଷଣା କରିଛି । ପ୍ରକାଶ ଥାଉ, ଗୌତମ ଗମ୍ଭୀର ଭାରତୀୟ କ୍ରିକେଟ୍ ଦଳର କୋଚ୍ ଭାବେ ନିଯୁକ୍ତ ହେବା ପରେ କୋଲକାତାର ମେଣ୍ଟର ପଦ ଖାଲି ପଡିଛି । ବର୍ତ୍ତମାନ ପରବର୍ତ୍ତୀ ସିଜିନ ଆରମ୍ଭ ପୂର୍ବରୁ ଫ୍ରାଞ୍ଚାଇଜ୍ ଚେନ୍ନାଇ ସୁପର କିଙ୍ଗସ୍ (ସିଏସ୍କେ)ର ଭେଟେରାନ ଖେଳାଳିଙ୍କୁ ଏହାର ନୂତନ ପରାମର୍ଶଦାତା ଭାବରେ ନିଯୁକ୍ତ କରିଛି ।
Say hello to our new Mentor, DJ 'sir champion' Bravo! 💜
— KolkataKnightRiders (@KKRiders) September 27, 2024
Welcome to the City of Champions! 🎶🏆 pic.twitter.com/Kq03t4J4ia
KKRର ନୂଆ ମେଣ୍ଟର ଘୋଷଣା :-
ପୂର୍ବତନ କାରିବିଆନ ଅଲରାଉଣ୍ଡର ଡ୍ବେନ ବ୍ରାଭୋ କୋଲକାତା ନାଇଟ୍ ରାଇଡର୍ସ (କେକେଆର୍)ରେ ଗୌତମ ଗମ୍ଭୀରଙ୍କ ସ୍ଥାନ ନେବେ । ଭାରତୀୟ ଜାତୀୟ କ୍ରିକେଟ୍ ଦଳର ମୁଖ୍ୟ ପ୍ରଶିକ୍ଷକ ନିଯୁକ୍ତ ହେବାପରେ କେକେଆର୍ରେ ନିଜ ପଦରୁ ଇସ୍ତଫା ଦେଇଥିଲେ ଗମ୍ଭୀର । ପୂର୍ବତନ ୱେଷ୍ଟଇଣ୍ଡିଜ୍ ତାରକା ଅଲରାଉଣ୍ଡର ବ୍ରାଭୋ କ୍ରିକେଟର ସମସ୍ତ ଫର୍ମାଟରୁ ଅବସର ଘୋଷଣା କରିବାର କିଛି ସମୟ ପରେ ହିଁ ଫ୍ରାଞ୍ଚାଇଜ୍ ଦ୍ବାରା ଏହି ଘୋଷଣା କରାଯାଇଛି ।
କେକେଆର ସିଇଓ ଭେଙ୍କି ମାଇସୋର ସ୍ପଷ୍ଟ କରିଛନ୍ତି ଯେ ବ୍ରାଭୋ ବିଶ୍ବର ବିଭିନ୍ନ ଲିଗରେ ଥିବା ଅନ୍ୟ ନାଇଟ୍ ରାଇଡର୍ସ ଫ୍ରାଞ୍ଚାଇଜ୍ ସହିତ ମଧ୍ୟ କାର୍ଯ୍ୟ କରିବେ । ମାଇସୋର ଏକ ବିବୃତ୍ତିରେ କହିଛନ୍ତି, "ଡିଜେ ବ୍ରାଭୋ ଆମ ସହ ଯୋଗଦେବା ଏକ ଉତ୍ସାହଜନକ ବିକାଶ । ସେ ଯେଉଁଠାରେ ବି ଖେଳନ୍ତି, ଜିତିବାର ଗଭୀର ଇଚ୍ଛା ଓ ତାଙ୍କ ଅଭିଜ୍ଞତା ଫ୍ରାଞ୍ଚାଇଜ୍ ଏବଂ ସମସ୍ତ ଖେଳାଳିଙ୍କ ପାଇଁ ବହୁତ ଲାଭଦାୟକ ହେବ । ଆମେ ମଧ୍ୟ ବହୁତ ଖୁସି ଯେ ସେ ଆମର ଅନ୍ୟ ସମସ୍ତ ଫ୍ରାଞ୍ଚାଇଜ୍ - CPL, MLC ଏବଂ ILT20ରେ ମଧ୍ୟ ନାଇଟ୍ ରାଇଡର୍ସ ଦଳ ସହ ଯୋଗଦେବେ ।
Here's to creating more 'Champion'™️ memories! 💜@VenkyMysore | @DJBravo47 pic.twitter.com/KweWi895Ug
— KolkataKnightRiders (@KKRiders) September 27, 2024
ଆଇପିଏଲ୍ରେ ରହିଛି ଅନେକ ନାଁ :-
ପ୍ରକାଶଯୋଗ୍ୟ, ବ୍ରାଭୋ ଆଇପିଏଲରେ ମୁମ୍ବାଇ ଇଣ୍ଡିଆନ୍ସ (ଏମ୍ଆଇ) ଏବଂ ଚେନ୍ନାଇ ସୁପର କିଙ୍ଗସ୍ (ସିଏସ୍କେ) ପାଇଁ ଖେଳିଥିଲେ, କିନ୍ତୁ ତାଙ୍କର କାରିବିଆନ୍ ପ୍ରିମିୟର ଲିଗ୍ (ସିପିଏଲ୍) କ୍ୟାରିୟରରେ ନାଇଟ୍ ରାଇଡର୍ସ ସହ ତାଙ୍କର ଦୀର୍ଘ ଦିନର ସମ୍ପର୍କ ରହିଆସିଛି । ବ୍ରାଭୋ 2022 ଏବଂ 2023 ସିଜନରେ CSKର ବୋଲିଂ କୋଚ୍ ଭାବରେ ନିଯୁକ୍ତ ହୋଇଥିଲେ ।
IPL 2024: Bowling coach of CSK
— Johns. (@CricCrazyJohns) September 27, 2024
IPL 2025: Mentor of KKR.
DWAYNE BRAVO has moved from CSK to KKR...!!!!! pic.twitter.com/NzYRakjPQW
ସମସ୍ତ ଫର୍ମାଟରୁ ଅବସର ଘୋଷଣା କଲେ ବ୍ରାଭୋ :-
40 ବର୍ଷୀୟ ବ୍ରାଭୋ 2021ରେ ଅନ୍ତର୍ଜାତୀୟ କ୍ରିକେଟକୁ ଅଲବିଦା କହିଥିଲେ । କିନ୍ତୁ ଏହାପରେ ଲିଗ୍ କ୍ରିକେଟ୍ ଖେଳିବା ଜାରି ରଖିଥିଲେ । ନିକଟରେ ସେ ଆଫଗାନିସ୍ତାନ ଦଳ ସହିତ 2024 ଟି20 ବିଶ୍ବକପରେ ସେମାନଙ୍କର ବୋଲିଂ ପରାମର୍ଶଦାତା ଭାବରେ କାର୍ଯ୍ୟ କରିଥିଲେ । ସେ ସିପିଏଲ୍ର ଚଳିତ ସିଜିନରେ ଖେଳୁଥିଲେ, କିନ୍ତୁ ପିଠିରେ ଆଘାତ କାରଣରୁ ବେଶୀଦିନ ଖେଳିପାରିନଥିଲେ । ପୂର୍ବରୁ ସେ ସ୍ପଷ୍ଟ କରିଥିଲେ ଯେ ଏହି ଲିଗ୍ ତାଙ୍କର ଶେଷ ଲିଗ୍ ହେବ । ସେହିକ୍ରମରେ ସେ ଏକ ଇନଷ୍ଟାଗ୍ରାମ ପୋଷ୍ଟ ମାଧ୍ୟମରେ ନିଜର ଅବସର ଘୋଷଣା କରିଛନ୍ତି ।
ଏହା ମଧ୍ୟ ପଢ଼ନ୍ତୁ :-
- IPL ମେଗା ଅକ୍ସନ; MI, RCB, CSK...ଏହି 5 ଖେଳାଳିଙ୍କୁ ରିଟେନ୍ କରିବେ ଫ୍ରାଞ୍ଚାଇଜ୍ ! ଦେଖନ୍ତୁ ଲିଷ୍ଟ - Players Retention for IPL 2025
- ଆଇପିଏଲ୍ 2025 ବଡ଼ ଅପଡେଟ୍; ପଞ୍ଜାବ କିଙ୍ଗସ୍କୁ ଆସିଲେ ଅଷ୍ଟ୍ରେଲିଆର ଏହି ବିଶ୍ବ ବିଜୟୀ କ୍ୟାପ୍ଟେନ - IPL 2025
ବ୍ୟୁରୋ ରିପୋର୍ଟ, ଇଟିଭି ଭାରତ
