ନୂଆଦିଲ୍ଲୀ: ଆରମ୍ଭ ହୋଇଯାଇଛି ଆଇପିଏଲ ସିଜିନ 17 । ଫଟାଫଟ୍ କ୍ରିକେଟ ଟୁର୍ଣ୍ଣାମେଣ୍ଟର ମଜା ନେଉଛନ୍ତି ଫ୍ୟାନ୍ସ । ଷ୍ଟାଡିୟମରେ ହେଉଛି ଛକା ଚୌକାର ବର୍ଷା । ଦର୍ଶକଙ୍କ କରତାଳିରେ କମ୍ପିଛି ଷ୍ଟାଡିୟମ । ବର୍ତ୍ତମାନ ସୁଦ୍ଧା ଚଳିତ ସିଜିନରେ 6ଟି ମ୍ୟାଚ ଶେଷ ହୋଇସାରିଛି । ଏହାରି ମଧ୍ୟରେ ଆଇପିଏଲର ସମ୍ପୂର୍ଣ୍ଣ ଖେଳ ସୂଚୀ ପ୍ରକାଶ ପାଇଛି । ଲୋକସଭା ନିର୍ବାଚନ ଥିବାରୁ ପୂର୍ବରୁ ଅଧା କ୍ରୀଡାସୂଚୀ ପ୍ରକାଶ ପାଇଥିଲା ।
ଚଳିତ ଆଇପିଏଲର ଫାଇନାଲ ମୁକାବିଲା ମେ' 26 ତାରିଖରେ ଖେଳାଯିବ । ଚେନ୍ନାଇର ଏମ ଚିଦାମ୍ବରମ ଷ୍ଟାଡିୟମରେ ଖେଳାଯିବ ମ୍ୟାଚ । ସେହିପରି ପ୍ରଥମ କ୍ବାଲିଫାୟର ମ୍ୟାଚ ମେ' 21 ତାରଖରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ । ଏହାପରେ ମେ' 22ରେ ଏଲିମିନେଟର ମ୍ୟାଚ ସେହି ଷ୍ଟାଡିୟମରେ ଖେଳାଯିବ । ମେ' 24 ତାରିଖରେ ଦ୍ବିତୀୟ କ୍ବାଲିଫାୟର ମ୍ୟାଚ ଚେନ୍ନାଇରେ ଅନୁଷ୍ଠିତ ହେବ । ମାର୍ଚ୍ଚ 22ରୁ ଏପ୍ରିଲ 7 ତାରିଖ ମଧ୍ୟରେ 21 ମ୍ୟାଚର କ୍ରୀଡାସୂଚୀ ପୂର୍ବରୁ ଘୋଷଣା କରାଯାଇଥିଲା । ଏପ୍ରିଲ 8 ତାରିଖରୁ ମେ' 19 ତାରିଖ ମଧ୍ୟରେ 49ଟି ଲିଗ ମ୍ୟାଚ ଖେଳାଯିବ । ଏହାପରେ ପ୍ରଥମ କ୍ବାଲିଫାୟର, ଏଲିମିନେଟର, ଦ୍ବିତୀୟ କ୍ବାଲିଫାୟର ଓ ଶେଷରେ ଫାଇନାଲ ମ୍ୟାଚ ଖେଳାଯିବ । ଚଳିତ ସିଜିନରେ ମୋଟ 74ଟି ମ୍ୟାଚ ଖେଳାଯିବ ।
ଏହା ମଧ୍ୟ ପଢନ୍ତୁ-ଆଇପିଏଲ ସିଜିନ 17: ପ୍ରଥମ ବିଜୟ ହାସଲ କଲା RCB, 4 ଓ୍ବିକେଟରେ ହାରିଲା ପଞ୍ଜାବ - IPL 2024
| ମେ 21 | ପ୍ରଥମ କ୍ବାଲିଫାୟର | ନରେନ୍ଦ୍ର ମୋଦି ଷ୍ଟାଡିୟମ |
| ମେ 22 | ଏଲିମିନେଟର | ନରେନ୍ଦ୍ର ମୋଦି ଷ୍ଟାଡିୟମ |
| ମେ 24 | ଦ୍ବିତୀୟ କ୍ବାଲିଫାୟର | ଏମ ଚିଦାମ୍ବରମ ଷ୍ଟାଡିୟମ |
| ମେ 26 | ଫାଇନାଲ | ଏମ ଚିଦାମ୍ବରମ ଷ୍ଟାଡିୟମ |
ଆଇପିଏଲ ସିଜିନ 17ରେ ମୋଟ 10ଟି ଦଳ ରହିଛନ୍ତି । 11ଟି ଭେନ୍ୟୁରେ ମୋଟ ସମସ୍ତ ମ୍ୟାଚ ଖେଳାଯିବ । 10 ଦଳ ମଧ୍ୟରେ 70ଟି ମ୍ୟାଚ ଖେଳାଯିବ । ପ୍ରତିଟି ଦଳ 14ଟି ଲେଖାଏଁ ମ୍ୟାଚ ଖେଳିବେ । ଚଳିତ ବର୍ଷ ଦେଶରେ ନିର୍ବାଚନ ଥିବାରୁ ଆଇପିଏଲର ପ୍ରଥମ କାର୍ଯ୍ୟସୂଚୀ ତାଲିକା ଘୋଷଣା ହୋଇଥିଲା । ବର୍ତ୍ତମାନ ନିର୍ବାଚନ ତାରିଖ ଘୋଷଣା ହୋଇସାରିଥିବା ବେଳେ ବଳକା ତାଲିକା ଘୋଷଣା କରାଯାଇଛି । ବର୍ତ୍ତମାନ ସୁଦ୍ଧା ମୋଟ 6ଟି ମ୍ୟାଚ ଆଇପିଏଲରେ ଖେଳାଯାଇ ସାରିଛି । ଆହୁରି 64ଟି ଲିଗ ମ୍ୟାଚ ବାକି ରହିଛି । ବେଙ୍ଗାଲୁରୁ ଓ ପଞ୍ଜାବ 14ଟି ମ୍ୟାଚ ମଧ୍ୟରୁ 2 ଲେଖାଏଁ ଖେଳିସାରିଛନ୍ତି ।
