ଇଂଲଣ୍ଡକୁ ସିରାଜଙ୍କ ଖୋଲା ଚ୍ୟାଲେଞ୍ଜ; କହିଲେ ବାଜ୍‌ବଲ୍‌ କ୍ରିକେଟ ଖେଳିଲେ...

Mohammed Siraj warns England: ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରେ ଘରୋଇ ଗ୍ରାଉଣ୍ଡରେ ଖେଳିବେ ସ୍ପିଡ୍‌ଷ୍ଟାର ମହମ୍ମଦ ସିରାଜ । ଇଂଲଣ୍ଡକୁ ବାଜ୍‌ବଲ୍‌ ନଖେଳିବାକୁ ଦେଲେ ଚେତାବନୀ । ବାପାଙ୍କ ନିଧନ କଥା କହି ହେଲେ ଭାବବିହ୍ବଳ । ଅଧିକ ପଢ଼ନ୍ତୁ

ହାଇଦ୍ରାବାଦ: ଭାରତ ଓ ଇଂଲଣ୍ଡ ମଧ୍ୟରେ ଗୁରୁବାର (ଜାନୁଆରୀ 25) ଠାରୁ ଆରମ୍ଭ ହେବ 5 ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ୍‌ । ହାଇଦ୍ରାବାଦସ୍ଥିତ ରାଜୀବ ଗାନ୍ଧୀ ଅନ୍ତର୍ଜାତୀୟ କ୍ରିକେଟ୍‌ ଷ୍ଟାଡିୟମରେ ପ୍ରଥମ ମ୍ଯାଚ୍‌ ଗୁରୁବାର ସକାଳ 9.30ରୁ ଆରମ୍ଭ ହେବ । ଏହା ପୂର୍ବରୁ ଉଭୟ ଦଳର ସମସ୍ତ ଖେଳାଳି ଏଠାରେ ପହଞ୍ଚି ଜୋରଦାର ଅଭ୍ୟାସ କରିଛନ୍ତି । ତେବେ ଘରୋଇ ମୈଦାନରେ ମ୍ୟାଚ୍‌ ଖେଳିବା ଆଗରୁ ବାପାଙ୍କୁ ହରାଇଥିବା କଥା କହି ଭାବୁକ ହୋଇଛନ୍ତି ଭାରତୀୟ ଦଳର ଷ୍ଟାର ପେସର ମହମ୍ମଦ ସିରାଜ । ତେବେ ମ୍ୟାଚ୍‌ ପୂର୍ବରୁ ସେ ଇଂଲଣ୍ଡକୁ ମଧ୍ୟ ଏକ ଖୋଲା ଚେତାବନୀ ଦେଇଛନ୍ତି ।

• Mohammad Siraj said - "Bazball won't work in India. If England plays Bazball then match might end in one & half or two days". pic.twitter.com/2gsKEsGvCW

  — CricketMAN2 (@ImTanujSingh) January 24, 2024 " class="align-text-top noRightClick twitterSection" data="

  Mohammad Siraj said - "Bazball won't work in India. If England plays Bazball then match might end in one & half or two days". pic.twitter.com/2gsKEsGvCW

  — CricketMAN2 (@ImTanujSingh) January 24, 2024

  ">

  Mohammad Siraj said - "Bazball won't work in India. If England plays Bazball then match might end in one & half or two days". pic.twitter.com/2gsKEsGvCW

  — CricketMAN2 (@ImTanujSingh) January 24, 2024

ବାପାଙ୍କ ମୃତ୍ୟୁ ନେଇ ଭାବୁକ ହେଲେ ସିରାଜ: ମ୍ୟାଚ୍‌ ପୂର୍ବରୁ ଜିଓ ସିନେମା ସହ ବାର୍ତ୍ତାଳାପ ବେଳେ ନିଜ ବାପାଙ୍କ ନିଧନ ନେଇ ଭାବୁକ ହୋଇଛନ୍ତି ସିରାଜ । ସେ କହିଛନ୍ତି, "ଅଷ୍ଟ୍ରେଲିଆରେ ମୋର ଟେଷ୍ଟ ଡେବ୍ୟୁ ପୂର୍ବରୁ ମୁଁ ମୋ ବାପାଙ୍କୁ ହରାଇଥିଲି । ଏହି ସମୟ ମୋ ଜୀବନର ସବୁଠାରୁ କଷ୍ଟଦାୟକ ସମୟ ଥିଲା । ମୁଁ ସେତେବେଳେ ସଙ୍ଗରୋଧରେ ଏକା ଥିଲି । କେହି ଆସି ମୋତେ ଭେଟି ପାରୁନଥିଲେ । ଏହାପରେ ମୁଁ ଭାବିଲି ଯେ, ମୁଁ ଭାରତ ପାଇଁ ଟେଷ୍ଟ କ୍ରିକେଟ୍‌ ଖେଳିବା ଉଚିତ୍‌, ଏହା ମୋର ବାପାଙ୍କ ସ୍ୱପ୍ନ ଥିଲା । ମୁଁ କେବଳ ମୋ ବାପାଙ୍କ ସ୍ୱପ୍ନକୁ ପୂରଣ କରିବାକୁ ଚାହୁଁଥିଲି ।" ଏଭଳି କହି କ୍ୟାମେରା ଆଗରେ ହିଁ କାନ୍ଦ କାନ୍ଦ ହୋଇଯାଇଥିଲେ ସିରାଜ ।

ଟେଷ୍ଟ ଡେବ୍ୟୁ ନେଇ ଏମିତି କହିଲେ: ସିରାଜ ନିଜର ଟେଷ୍ଟ ପଦାର୍ପଣ ନେଇ କହିଲେ, "ମେଲବର୍ଣ୍ଣରେ ବକ୍ସିଂ ଡେ' ଟେଷ୍ଟରେ ଡେବ୍ୟୁ କରିବାର ସୁଯୋଗ ପାଇଲି । ସେତେବେଳେ ମୁଁ ଭାବୁଥିଲି ଯଦି ମୋ ବାପା ସେଠାରେ ଥାଆନ୍ତେ, କେତେ ଖୁସି ହୋଇଥାଆନ୍ତେ । କିନ୍ତୁ ତାଙ୍କର ଆଶୀର୍ବାଦ ମୋ ସହିତ ଥିଲା ଏବଂ ତାହା ହିଁ ମୋତେ ଆଗକୁ ବଢ଼ାଇଥିଲା । ଡେବ୍ୟୁ ବିଷୟରେ ଜାଣିବା ପରେ ମୁଁ ମୋ ପରିବାରକୁ ପ୍ରଥମେ କହିଥିଲି ଯେ ମୁଁ କାଲି ଖେଳୁଛି । ଏତେ ଖୁସିରେ ମୋତେ ନିଦ ବି ହେଲା ନାହିଁ ।"

'ଇଂଲଣ୍ଡର ବାଜବଲ କ୍ରିକେଟ୍‌ ଆମ ପାଇଁ ଭଲ': ଭାରତ ବିପକ୍ଷରେ ଇଂଲଣ୍ଡ ବାଜବଲ୍‌ ଶୈଳୀ ଆପଣାଇବାର ସମ୍ଭାବନା ରହିଛି । ଏନେଇ ସିରାଜ କହିଛନ୍ତି, "ସେମାନଙ୍କର ବାଜ୍‌ବଲ ଭାରତରେ କାମ କରିବ ନାହିଁ । ଯଦି ଇଂଲଣ୍ଡ ବାଜ୍‌ବଲ୍‌ କ୍ରିକେଟ୍‌ ଖେଳିବାକୁ ଚେଷ୍ଟା କରେ, ତେବେ ଏହି ମ୍ୟାଚ୍‌ ଦେଢ଼ କିମ୍ବା ଦୁଇ ଦିନ ମଧ୍ୟରେ ଶେଷ ହୋଇପାରେ । ଏଠାରେ ପ୍ରତ୍ୟେକ ବଲକୁ ମାରିବା ଏତେ ସହଜ ହେବ ନାହିଁ । ଯଦି ବଲ୍‌ ଏଠାରେ ଟର୍ଣ୍ଣ ହୁଏ, ତେବେ ସେମାନଙ୍କ ପାଇଁ ବାଜ୍‌ବଲ୍‌ ସହଜ ହେବ ନାହିଁ । ଯଦି ସେମାନେ ବାଜ୍‌ବଲ୍‌ ଖେଳନ୍ତି, ଏହା ଆମ ପାଇଁ ଭଲ କାରଣ ମ୍ୟାଚ୍‌ ତୁରନ୍ତ ଶେଷ ହୋଇପାରେ ।"

ହୋମ୍‌ ଗ୍ରାଉଣ୍ଡରେ ଦମ ଦେଖାଇବେ ସିରାଜ: 2020 ମସିହାରେ ଅଷ୍ଟ୍ରେଲିଆ ବିପକ୍ଷରେ ସିରାଜ ଟେଷ୍ଟ ଡେବ୍ୟୁ କରିଥିଲେ । ସେତେବେଳେ ଭାରତ ସମେତ ସମଗ୍ର ବିଶ୍ବରେ କୋରୋନା କାୟା ବିସ୍ତାର କରିଥିଲା । ଏବେ ସେ ପୁଣିଥରେ ନିଜ ଘରୋଇ ଗ୍ରାଉଣ୍ଡରେ ଖେଳିବାକୁ ଯାଉଛନ୍ତି । ହାଇଦ୍ରାବାଦରେ ତାଙ୍କ ଘର ହୋଇଥିବାରୁ ଏହି ମ୍ୟାଚ୍‌ରେ ସ୍ଥାନୀୟ ପ୍ରଶଂସକଙ୍କ ଠାରୁ ସିରାଜ ବହୁତ ସମର୍ଥନ ପାଇବାକୁ ଯାଉଛନ୍ତି । ଭାରତୀୟ ପିଚ୍‌ରେ ଭାରତ ସର୍ବାଧିକ ଦ୍ରୁତ ବୋଲରଙ୍କ ସହ ମ୍ୟାଚ୍‌ ଖେଳିପାରେ । ଏଭଳି ପରିସ୍ଥିତିରେ ସିରାଜ ଏବଂ ଯସପ୍ରୀତ ବୁମ୍‌ରା ଚୂଡ଼ାନ୍ତ ଏକାଦଶରେ ସ୍ଥାନ ପାଇବା ନିଶ୍ଚିତ ।

ବ୍ୟୁରୋ ରିପୋର୍ଟ, ଇଟିଭି ଭାରତ