କାନପୁର: ଭାରତ ଏବଂ ବାଂଲାଦେଶ ମଧ୍ୟରେ ଆସନ୍ତାକାଲି (27 ସେପ୍ଟେମ୍ବର)ରୁ ସ୍ଥାନୀୟ ଗ୍ରାଉଣ୍ଡରେ ଦ୍ବିତୀୟ ଟେଷ୍ଟ ମ୍ୟାଚ ଖେଳାଯିବ । ମ୍ୟାଚ ପୂର୍ବରୁ ଦୁଇ ଟିମର ଚାଲିଛି ଜୋରଦାର ପ୍ରାକ୍ଟିସ୍ । ବୁଧବାର ମଧ୍ୟାହ୍ଣରେ ବାଂଲାଦେଶ ଟିମ୍ ଗ୍ରାଉଣ୍ଡରେ ଜୋରଦାର ଝାଳ ବୁହାଇଥିବା ବେଳେ ଅପରାହ୍ଣରେ ଟିମ୍ ଇଣ୍ଡିଆ ମଧ୍ୟ ଜୋରଦାର ଅଭ୍ୟାସ କରିଥିଲା । ତେବେ ଘରୋଇ ଦଳ ଭାରତର ଅଭ୍ୟାସ ସମୟରେ ପଡିଆର ଏକ ଫଟୋ ସାମ୍ନାକୁ ଆସିଛି । ଯେଉଁଥିରେ ଷ୍ଟାର ବ୍ୟାଟର କୋହିଲ ଏବଂ ହେଡ୍ କୋଚ ଗମ୍ଭୀରଙ୍କର ପୁଣି ଘନିଷ୍ଠତା ବଢୁଥିବା ଜଣାପଡିଛି । ବର୍ତ୍ତମାନ ଏହି ଫଟୋ ସୋସିଆଲ୍ ମିଡିଆରେ ପ୍ରବଳ ମାତ୍ରାରେ ଭାଇରାଲ ହେବାରେ ଲାଗିଛି ।
ଭାଇରାଲ ଫଟୋରେ ଭେଟେରାନ ବ୍ୟାଟର ବିରାଟ କୋହିଲଙ୍କ ଦାଢୀରେ ହେଡ୍ କୋଚ ଗୌତମ ଗମ୍ଭୀର ହାତ ଲଗାଉଥିବ ଦେଖାଯାଉଛି । ଭାଇରାଲ ଫଟୋକୁ ବର୍ତ୍ତମାନ ଫ୍ୟାନ୍ସ ପ୍ରବଳ ମତ୍ରାରେ ଲାଇକ୍ କରୁଛନ୍ତି । ଦ୍ବିତୀୟ ଟେଷ୍ଟ ମ୍ୟାଚ ପୂର୍ବରୁ ଭାରତୀୟ କ୍ରିକେଟ ଟିମ୍ ଖେଳାଳି ପ୍ରବଳ ଗରମରେ ଅଭ୍ୟାସ କରିଥିଲେ । ପ୍ରାକ୍ଟିସ୍ ସେସନରେ ସମସ୍ତ ଖେଳାଳି ଭାଗ ନେଇଥିଲେ ।
Virat Kohli and Gautam Gambhir in today's practice session 🥰❤️ pic.twitter.com/eipLWdOeWW
— Virat Kohli Fan Club (@Trend_VKohli) September 25, 2024
ଯେତେବେଳେ ଗ୍ରାଉଣ୍ଡରେ ସମସ୍ତ ଖେଳାଳି ଜୋସ ସହିତ ଜୋରଦାର ଅଭ୍ୟାସରେ ଲାଗିପଡିଥିଲେ, ସେତିକିବେଳେ କ୍ୟାପଚର୍ ହୋଇଥିଲା ବିରାଟ-ଗମ୍ଭୀର ଫ୍ରେଣ୍ଡସିପ୍ ଫଟୋ । ଆଉ ପରେ ସୋସିଆଲ ମିଡିଆର ସମସ୍ତ ପ୍ଲାଟଫର୍ମରେ ଏହି ଫଟେ ନିଆଁ ଲଗାଇଦେଇଛି । ପ୍ରାକ୍ଟିସ ସମୟରେ କୋହଲି ଏବଂ ଗମ୍ଭୀର କଥାବାର୍ତ୍ତା ହେଉଥିବା ସମୟରେ ଗୌତମ କୋହିଲଙ୍କ ଦାଢୀରେ ହାତ ମାରିଥିଲେ ।
A journey full of smiles from Chennai to Kanpur 😃👌#TeamIndia | #INDvBAN | @IDFCFIRSTBank pic.twitter.com/awGef5q1Jd
— BCCI (@BCCI) September 25, 2024
ସୂଚନା ଥାଉ କି, ଭାରତ- ବାଂଲାଦେଶ ମଧ୍ୟରେ ଖେଳାଯାଇଥିବା ପ୍ରଥମ ଟେଷ୍ଟ ମ୍ୟାଚରେ ଘରୋଇ ଦଳ ଅତିଥି ଦଳକୁ ପରାସ୍ତ କରି ସିରିଜରେ 1-0ରେ ଆଗରେ ରହିଛି । ଚେନ୍ନାଇରେ ଖେଳାଯାଇଥିବା ଏହି ମ୍ୟାଚରେ ଭାରତୀୟ ଦଳ ଶାନଦାର ପ୍ରଦର୍ଶନ କରି ମ୍ୟାଚକୁ ଏକ ତରଫା ଜିତିନେଇଥିବା ବେଳେ କୋହିଲଙ୍କ ବ୍ୟାଟ କିନ୍ତୁ ଶାନ୍ତ ରହିଥିଲା ।
🗣️ Watching the hard work and dedication of the legends in the team motivates you to work harder#TeamIndia pacer Akash Deep talks about his major learnings
— BCCI (@BCCI) September 25, 2024
#INDvBAN | @IDFCFIRSTBank pic.twitter.com/mvrJ3tgA2P
ବିରୋଟ କୋହଲି ଚେନ୍ନାଇ ମ୍ୟାଚର ପ୍ରଥମ ଇନିଂସରେ 6 ରନ ଏବଂ ଦ୍ବିତୀୟ ଇନିଂସରେ 17 ରନ ସ୍କୋର କରିଥିଲେ । ତେବେ କାନକୁର ଗ୍ରୀନ୍ ପାର୍କ ଷ୍ଟାଡିୟମରେ ବିରାଟଙ୍କ ବ୍ୟାଟ କମାଲ କରିବ ବୋଲି ଆଶା ବାନ୍ଧିଛନ୍ତି ଫ୍ୟାନ୍ସ ।
📍 Kanpur#TeamIndia hit the ground running ahead of the 2nd #INDvBAN Test 🙌@IDFCFIRSTBank pic.twitter.com/EMPiOa8HII
— BCCI (@BCCI) September 26, 2024
ବୁଧବାର ପ୍ରାକ୍ଟିସ୍ ସେସେନ ସମୟରେ କୋହଲିଙ୍କ ବ୍ୟାଟରୁ ଦମଦାର ସର୍ଟ ବାହାରିଥିଲା । ବିରାଟଙ୍କ ପ୍ରାକ୍ଟିସ୍ ସେସେନ ମଧ୍ୟ ଅନେକ ଫ୍ୟାନ୍ସ ଦେଖିଥିଲେ ଏବଂ ପସନ୍ଦ କରିଥିଲେ । ତେବେ ଟି-20 ଫାଇନାଲ ମ୍ୟାଚକୁ ଛାଡିଦେଲେ ବିରାଟଙ୍କ ବ୍ୟାଟ ବର୍ଷ ତମାମ ଶାନ୍ତ ରହଛି । ଟି-20 ଫାଇନାଲରେ କୋହଲ ଦମଦାର ଅର୍ଦ୍ଧଶତକ ହାସଲ କରିଥିଲେ ।
