ପ୍ୟାରିସ (ଫ୍ରାନ୍ସ): ଅଳ୍ପକେ ହାତରୁ ଖସିଗଲା ଆଉ ଏକ ମେଡାଲ । ପୁରଷ 10 ମିଟର ଏୟାର ରାଇଫଲ ବ୍ୟକ୍ତିଗତ ଇଭେଣ୍ଟରେ ଦମଦାର ପ୍ରଦର୍ଶନ ସତ୍ତ୍ବେ ହାର ମାନିଲେ ଭାରତୀୟ ଷ୍ଟାର ଶୁଟର ଅର୍ଜୁନ ବାବୁତା । ଆରମ୍ଭରୁ ଦମଦାର ପ୍ରଦର୍ଶନ କରିଥିବା ଅର୍ଜୁନ 4ର୍ଥ ସ୍ଥାନରେ ରହି ନିଜ ବ୍ୟକ୍ତିଗତ ଅଭିଯାନ ଶେଷ କରିଛନ୍ତି ।
10m Air Rifle Men's Final
— SAI Media (@Media_SAI) July 29, 2024
Valiant effort from Arjun Babuta, who shot a 208.4 to finish 4th.
The shooter was in fine fettle as he pushed the medallists all the way at #ParisOlympics2024. pic.twitter.com/JLMlBmBTCe
ଅଳ୍ପକେ ହାତରୁ ଖସିଗଲା ମେଡାଲ:-
ମନୁ ଭାକର ଭାରତ ପାଇଁ ବ୍ରୋଞ୍ଜ ପଦକ ଜିତିବାର ଗୋଟିଏ ଦିନ ପରେ ସୋମବାର ପ୍ୟାରିସ ଅଲିମ୍ପିକ୍ ଗେମ୍ସରେ ଶୁଟିଂ ଇଭେଣ୍ଟରେ ଭାରତୀୟ ଷ୍ଟାର ଶୁଟର ଅର୍ଜୁନ ବାବୁତା ଭାରତ ପାଇଁ ଦ୍ବିତୀୟ ପଦକ ଜିତିବାର ସୁଯୋଗ ପାଇଥିଲେ । କିନ୍ତୁ ଅର୍ଜୁନ ଖୁବ ସଂକୀର୍ଣ୍ଣ ବ୍ୟବଧାନରେ ହାତରୁ ପଦକ ହରାଇଛନ୍ତି । 10 ମିଟର ଏୟାର ରାଇଫଲ ବ୍ୟକ୍ତିଗତ ବର୍ଗ ଫାଇନାଲରେ ସେ ଚତୁର୍ଥ ସ୍ଥାନ ଅଧିକାର କରିଛନ୍ତି ।
Arjun Babuta finishes 4th. Was very close to a medal finish, but a great effort nonetheless! 👏🏽👏🏽#JeetKiAur | #Cheer4Bharat pic.twitter.com/DmQjyw5WSO
— Team India (@WeAreTeamIndia) July 29, 2024
17ତମ ସଟ୍ ଭାଙ୍ଗିଦେଲା ଆଶା:-
ପ୍ରଥମ 16ଟି ସଟ୍ରେ ଅର୍ଜୁନ ଦ୍ବିତୀୟ ସ୍ଥାନ ବଜାୟ ରଖିଥିଲେ ଏବଂ ରୌପ୍ୟ ପଦକ ରେସ୍ରେ ଦୃଢ଼ ଦାବିଦାର ଥିଲେ । ହେଲେ ତାଙ୍କର 17 ତମ ପ୍ରୟାସ (10.1) ଟିକିଏ ଖରାପ ସଟ୍ ତାଙ୍କୁ ଚତୁର୍ଥ ସ୍ଥାନକୁ ଠେଲିଦେଲା ।
ଅର୍ଜୁନ 20ତମ ପ୍ରୟାସରେ କ୍ରୋଏସିଆର ମେରିସିକ୍ ମିରାନଙ୍କ ସହ ବରାବର ସ୍ଥିତିକୁ ଆସିବା ପାଇଁ 10.9ର ଏକ ଗୁରୁତ୍ବପୂର୍ଣ୍ଣ ଷ୍ଟ୍ରାଇକ୍ ଆବଶ୍ୟକ କରିଥିଲେ । କିନ୍ତୁ ସେ କେବଳ 9.5 ସ୍କୋର କରିବାରେ ସଫଳ ହୋଇଥିଲେ । ଯାହା ଇଭେଣ୍ଟରେ ତାଙ୍କର ଶେଷ ସଟ୍ ରହିଥିଲା । ଅର୍ଜୁନ ମୋଟ 208.4 ପଏଣ୍ଟ ହାସଲ କରିଥିବାବେଳେ ତୃତୀୟ ସ୍ଥାନରେ ଥିବା କ୍ରୋଏସିଆ ସୁଟର 209.8 ପଏଣ୍ଟ ହାସଲ କରି ପଦକ ଦୌଡ଼ରୁ 1.4 ପଏଣ୍ଟ ପଛରେ ପଡ଼ିଥିଲେ ।
So close, yet so far 💔
— JioCinema (@JioCinema) July 29, 2024
Arjun Babuta finishes 4th in the final of the men's 10m Air Rifle event.
Keep watching the Olympics LIVE on #Sports18 & stream for FREE on #JioCinema 👈#OlympicsOnJioCinema #OlympicsOnSports18 #JioCinemaSports #Cheer4Bharat #Paris2024 pic.twitter.com/FU9MpguDKY
ମିଶ୍ରିତ ବର୍ଗରେ ବି ନିରାଶ କରିଥିଲେ ଅର୍ଜୁନ:-
2022 ମସିହାରେ ଚାଙ୍ଗୱନ୍ ବିଶ୍ୱକପ୍ରେ ଦୁଇଥର ସ୍ବର୍ଣ୍ଣ ପଦକ ଜିତିଥିବା ଭାରତୀୟ ଷ୍ଟାର ଶୁଟର ଅର୍ଜୁନ ବାବୁତା ପ୍ୟାରିସ୍ରେ ନିଜର ଡେବ୍ୟୁ ଅଲିମ୍ପିକ୍ସରେ ଖେଳିଛନ୍ତି । ଏଥିରେ ସେ ରମିତା ଜିନ୍ଦଲଙ୍କ ସହ 10 ମିଟର ଏୟାର ରାଇଫଲ ମିଶ୍ରିତ ବର୍ଗ ଇଭେଣ୍ଟରେ ମଧ୍ୟ ଭାଗ ନେଇଥିଲେ । ହେଲେ ଏହି ଇଭେଣ୍ଟରେ ଭାରତ ଷଷ୍ଠ ସ୍ଥାନରେ ରହିଥିଲା ।
ଏହା ମଧ୍ୟ ପଢ଼ନ୍ତୁ...ଚୁରମାର ହୋଇଗଲା ପଦକ ଆଶା; ଫାଇନାଲ୍ରେ ହାରିଗଲେ ରମିତା ଜିନ୍ଦଲ - Paris Olympics 2024
ବ୍ୟୁରୋ ରିପୋର୍ଟ, ଇଟିଭି ଭାରତ
