ଭୁବନେଶ୍ୱର: ରାଜ୍ୟରେ ଚତୁର୍ଥ ପର୍ଯ୍ୟାୟ ଲୋକସଭା ଓ ବିଧାନସଭା ନିର୍ବାଚନ ପାଇଁ ପ୍ରକାଶ ପାଇଲା ବିଜ୍ଞପ୍ତି । ଆଜିଠୁ ନାମାଙ୍କନ ଭରିବେ ପ୍ରତିଦ୍ବନ୍ଦ୍ବି ପ୍ରାର୍ଥୀ । ମେ 14 ତାରିଖ ନାମାଙ୍କନ ଦାଖଲର ଶେଷ ତାରିଖ ରହିଛି । ମେ 15 ତାରିଖରେ ନାମାଙ୍କନ ଯାଞ୍ଚ 17 ତାରିଖରେ ନାମାଙ୍କନ ପ୍ରତ୍ୟାହାର ରହିଛି । ଏନେଇ ନିର୍ବାଚନ ଆୟୋଗକଙ୍କ ପକ୍ଷରୁ ସୂଚନା ଦିଆୟାଇଛି । ଚତୁର୍ଥ ପର୍ଯ୍ୟାୟରେ ରାଜ୍ୟର 6 ଲୋକସଭା ଆସନ ଓ 42 ବିଧାନସଭା ଆସନରେ ମତଦାନ ଅନୁଷ୍ଠିତ ହେବ । ସେହିପରି ଦେଶରେ ଅନ୍ତିମ ତଥା ସପ୍ତମ ପର୍ଯ୍ୟାୟ ନିର୍ବାଚନ ପାଇଁ ମଧ୍ୟ ଆଜିଠାରୁ ନାମାଙ୍କନ ଭରିବେ ପ୍ରାର୍ଥୀ । ଏହି ପର୍ଯ୍ୟାୟରେ ଦେଶର 7ଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳର 57ଟି ଆସନରେ ଜୁନ 1ରେ ହେବ ମତଦାନ ।
| ଅନ୍ତିମ ପର୍ଯ୍ୟାୟ ବିଜ୍ଞପ୍ତି |
| ମେ 7 | ନାମାଙ୍କନ ଦାଖଲ |
| ମେ 14 | ନାମାଙ୍କନ ଦାଖଲର ଶେଷ ତାରିଖ |
| ମେ 15 | ନାମାଙ୍କନ ଯାଞ୍ଚ |
| ମେ 17 | ନାମାଙ୍କନ ପତ୍ର ପ୍ରତ୍ୟାହାର |
ଏହା ମଧ୍ୟ ପଢନ୍ତୁ-ତୃତୀୟ ପର୍ଯ୍ୟାୟ ମତଦାନ: ଅହମ୍ମଦାବାଦରେ ଭୋଟ ଦେଲେ ମୋଦି ଓ ଶାହ - LOK SABHA ELECTION 2024
ଏହି ସବୁ ଆସନ ପାଇଁ ନାମାଙ୍କନ ଭରିବେ ପ୍ରାର୍ଥୀ: ଜୁନ 1ରେ ଦେଶରେ ସପ୍ତମ ପର୍ଯ୍ୟାୟ ଭୋଟ ଗ୍ରହଣ ହେବ । 7ଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳର 57ଟି ଆସନରେ ଭୋଟ ପଡିବ । ଉତ୍ତରପ୍ରଦେଶରେ 13 ଏବଂ ପଞ୍ଜାବରେ 13, ପଶ୍ଚିମବଙ୍ଗରେ 9, ବିହାରେ 8 , ଓଡିଶାର6 , ହିମାଚଳ ପ୍ରଦେଶର 4, ଝାଡଖଣ୍ଡର 3 ଏବଂ ଚଣ୍ଡିଗଡ଼ରର ଗୋଟିଏ ସିଟରେ ହେବ ଭୋଟ ଗ୍ରହଣ । ଓଡିଶାର ମୟୂରଭଞ୍ଜ, ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର 6 ଲୋକସଭା ଆସନରେ ପ୍ରାର୍ଥୀ ହୋଇଥିବା ନେତା ଆଜି ନାମାଙ୍କନ ଭରିବେ । ସେହିପରି 42 ବିଧାନସଭା ଆସନରେ ପ୍ରତିଦ୍ବନ୍ଦ୍ବୀତା କରୁଥିବା ଦଳର ପ୍ରାର୍ଥୀ ମଧ୍ୟ ପ୍ରାର୍ଥୀପତ୍ର ଦାଖଲ କରିବେ । ସକାଳ 7ଟାରୁ ସନ୍ଧ୍ୟା 6ଟା ଯାଏ ହେବ ମତଦାନ ।
| ଓଡିଶାର 6 ଲୋକସଭା ଓ 42 ବିଧାନସଭା |
| ମୟୂରଭଞ୍ଜ | ଯଶୀପୁର | ସାରସକଣା | ରାଇରଙ୍ଗପୁର | ବାଙ୍ଗିରିପୋଷି | ଉଦଳା | ବାରିପଦା | ବାରିପଦା |
| ବାଲେଶ୍ବର | ବଡ଼ସାହି | ଜଳେଶ୍ବର | ଭୋଗରାଇ | ବସ୍ତା | ବାଲେଶ୍ବର | ରେମୁଣା | ନୀଳଗିରି |
| ଭଦ୍ରକ | ସୋର | ସିମୁଳିଆ | ଭଣ୍ଡାରୀପୋଖରୀ | ଭଦ୍ରକ | ବାସୁଦେବପୁର | ଧାମନଗର | ଚାନ୍ଦବାଲି |
| ଯାଜପୁର | ବିଞ୍ଝାରପୁର | ବରୀ | ବଡ଼ଚଣା | ଧର୍ମଶାଳା | ଯାଜପୁର | ସୁକିନ୍ଦା | କୋରେଇ |
| କେନ୍ଦ୍ରାପଡ଼ା | ସାଲେପୁର | ମାହାଙ୍ଗା | ପାଟକୁରା | କେନ୍ଦ୍ରାପଡ଼ା | ଆଳି | ରାଜନଗର | ମହାକାଳପଡ଼ା |
| ଜଗତସିଂହପୁର | ନିଆଳି | ପାରାଦୀପ | ତିର୍ତ୍ତୋଲ | ବାଲିକୁଦା ଏରସମା | ଜଗତସିଂହପୁର | ନିମାପଡ଼ା | କାକଟପୁର |
ଇଟିଭି ଭାରତ, ଭୁବନେଶ୍ବର
