ନିର୍ଯାତିତ ଶ୍ରମିକଙ୍କୁ ନ୍ୟାୟ ଦାବି, ଶ୍ରମ ମନ୍ତ୍ରୀଙ୍କ ବାସଭବନ ଘେରିଲା ଯୁବ କଂଗ୍ରେସ

ଶ୍ରମିକଙ୍କ ଉପରେ ଅତ୍ୟାଚାର ପ୍ରତିବାଦରେ ଶ୍ରମ ମନ୍ତ୍ରୀଙ୍କ ବାସଭବନ ଘେରାଓ କଲା ଯୁବ କଂଗ୍ରେସ । ପୋଲିସ ଦୋଷୀଙ୍କୁ ଘଣ୍ଟ ଘୋଡାଉଥିବା ଅଭିଯୋଗ ଆଣି ବର୍ଷିଛି ଦଳ ।

ଭୁବନେଶ୍ବର: ଶ୍ରମ ମନ୍ତ୍ରୀଙ୍କ ବାସଭବନ ଘେରାଓ କଲା ଯୁବ କଂଗ୍ରେସ । ଦଳିତ ଶ୍ରମିକଙ୍କ ଉପରେ ଅତ୍ୟାଚାର ପ୍ରତିବାଦରେ ଶ୍ରମ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆଙ୍କ ସରକାରୀ ବାସଭବନ ଘେରାଉ କରିଛି କଂଗ୍ରେସ । ଆଜି ଭୁବନେଶ୍ୱରରେ ଶ୍ରମ ମନ୍ତ୍ରୀଙ୍କ ସରକାରୀ ବାସଭବନ ସମ୍ମୁଖରେ ବିରୋଧ ପ୍ରଦର୍ଶନ କରିଛି ଯୁବ କଂଗ୍ରେସ । ସୂଚନା ଅନୁସାରେ, ଢେଙ୍କାନାଳ ସ୍ଥିତ ଏକ ଘରୋଇ କମ୍ପାନୀରେ କାର୍ଯ୍ୟରତ ଦୁଇ ଦଳିତ ଯୁବକ ମୁନା ନାୟକ ଏବଂ ଜିଲୁ ନାୟକଙ୍କୁ କମ୍ପାନୀ ମାଲିକ ମିଥ୍ୟା ଚୋରି ଅଭିଯୋଗରେ ଅମାନୁଷିକ ଅତ୍ୟାଚାର କରୁଥିବା ଅଭିଯୋଗ ହୋଇଥିଲା । ଏହି ଘଟଣାରେ ଯୁବ କଂଗ୍ରେସର ଏକ ପ୍ରତିନିଧି ଦଳ ଡିଏସପିଙ୍କୁ ଭେଟି ଏ ବିଷୟରେ ଲିଖିତ ଅଭିଯୋଗ କରିଥିଲେ । ପୋଲିସ ଦୋଷୀଙ୍କୁ ଘଣ୍ଟ ଘୋଡାଉଥିବା ଅଭିଯୋଗରେ ବର୍ଷିଛି କଂଗ୍ରେସ ।

କାହିଁକି ନିଆଯାଉନି କାର୍ଯ୍ୟାନୁଷ୍ଠାନ ?

ଯୁବ କଂଗ୍ରେସ ନେତା ବିଶ୍ୱଜିତ ଲେଙ୍କା କହିଛନ୍ତି, "କାହା ଚାପରେ ପୋଲିସ କାର୍ଯ୍ୟାନୁଷ୍ଠାନ ନେଉନାହିଁ । ଏପର୍ଯ୍ୟନ୍ତ କମ୍ପାନୀ ମାଲିକ ଗିରଫ ହେଲେ ନାହିଁ । ସେଥିପାଇଁ ଶ୍ରମ ମନ୍ତ୍ରୀଙ୍କ ଘର ଘେରାଉ କରିଛୁ । ପୀଡିତମାନଙ୍କୁ ଉପଯୁକ୍ତ ନ୍ୟାୟ ଦାବିରେ ଆଜି ଶ୍ରମ ମନ୍ତ୍ରୀଙ୍କ ବାସଭବନକୁ ଯୁବ କଂଗ୍ରେସ କର୍ମୀମାନେ ଘେରାଉ କରିଥିଲେ । 5 ଦିନ ହେବ ଏତଲା ଦିଆଗଲାଣି । କିନ୍ତୁ ପୋଲିସ ପ୍ରଶାସନ ନିରବଦ୍ରଷ୍ଟା ସାଜିଛନ୍ତି । ଏଥିରେ ରାଜନୈତିକ ସମ୍ପୃକ୍ତି ରହିଛି । କାହା ଚାପରେ ପୋଲିସ ଆକ୍ସନ ନେଉନାହିଁ? ଦିନରେ ଯେଉଁ କଙ୍ଗାରୁ କୋର୍ଟ ଚାଲିଛି ତାକୁ ବନ୍ଦ କରିବାର ଆବଶ୍ୟକତା ରହିଛି ।"

Labour Minister Residence (ETV Bharat Odisha)

ଯଦି ତୁରନ୍ତ ଦୋଷୀଙ୍କ ବିରୁଧରେ କାର୍ଯ୍ୟାନୁଷ୍ଠାନ ନିଆନଯାଏ ଏବଂ ମାଲିକ ପ୍ରଭାକର ସାହୁ, MD ସତ୍ୟଭାନୁ ସାହୁ AGM ସରୋଜ ମଲ୍ଲିକ ଗିରଫ ନ କରାଯାଏ, ତେବେ ଏହି ଆନ୍ଦୋଳନ ରାଜ୍ୟବ୍ୟାପୀ ହେବ ବୋଲି ମଧ୍ୟ ଯୁବ କଂଗ୍ରେସ ପକ୍ଷରୁ କୁହାଯାଇଛି । ଆଜିର ଏହି ପ୍ରତିବାଦ କାର୍ଯ୍ୟକ୍ରମରେ ଯୁବ କଂଗ୍ରେସ ନେତା, ଜ୍ଞାନ ରାଉତ, ବିଶ୍ଵଜିତ ଲେଙ୍କା, ହୃଦାନନ୍ଦ ସେନାପତି, କାହ୍ନା ନାୟକ, ଦେବାଶିଷ ଦାସ ଏବଂ ଅନେକ ଯୁବ କଂଗ୍ରେସ ନେତା ଓ କର୍ମୀ ଉପସ୍ଥିତ ଥିଲେ।

Protest By Youth Congress (ETV Bharat Odisha)

ଏହା ବି ପଢନ୍ତୁ... Congress Strike: ତେଜିଲା ଛାତ୍ର ସଂସଦ ଆନ୍ଦୋଳନ ଦାବି, ଆଜି ବିଧାନସଭା ଘେରାଉ କରିବ ଛାତ୍ର କଂଗ୍ରେସ - Student Congress Protest

ଏହା ବି ପଢନ୍ତୁ...NEET ପରୀକ୍ଷାରେ ଅନିୟମିତତା ମାମଲା; ଛାତ୍ର କଂଗ୍ରେସର ବିକ୍ଷୋଭ - Student Congress Protest

ଇଟିଭି ଭାରତ, ଭୁବନେଶ୍ବର