ହାଇଦ୍ରାବାଦ: ଆସନ୍ତା ନଭେମ୍ବରରେ ଅନୁଷ୍ଠିତ ହେବ ସବୁଠାରୁ ଶକ୍ତିଶାଳୀ ଦେଶ ଆମେରିକାର ରାଷ୍ଟ୍ରପତି ନିର୍ବାଚନ । ନିର୍ବାଚନକୁ ନେଇ ସରଗରମ ଦେଶର ରାଜନୀତି । ଏହାରି ମଧ୍ୟରେ ଆମେରିକା ରାଷ୍ଟ୍ରପତି ନିର୍ବାଚନ ନୂଆମୋଡ ନେଇଛି । ନିର୍ବାଚନରୁ ଓହରିଛନ୍ତି ଜୋ ବାଇଡେନ । ଏହି ରେସରେ ଏବେ ସାମିଲ ହୋଇଛନ୍ତି ଉପରାଷ୍ଟ୍ରପତି କମଲା ହାରିସ । ଡେମୋକ୍ରାଟିକ ଦଳର ପ୍ରାର୍ଥୀ ହୋଇପାରନ୍ତି ଉପରାଷ୍ଟ୍ରପତି ହାରିସ । ଯଦି ଏପରି ହୁଏ ତେବେ ପ୍ରଥମ ଥର ପାଇଁ କୌଣସି ଭାରତୀୟ ବଂଶୋଦ୍ଭବ ଆମେରିକା ରାଷ୍ଟ୍ରପତି ନିର୍ବାଚନ ଲଢିବେ । ଏଥିସହ ପ୍ରଥମ କୃଷ୍ଣକାୟ ମହିଳା ଓ ଦକ୍ଷିଣ ଏସୀୟ ଆମେରିକୀୟ ଭାବେ ଆମେରିକାର ମୁଖ୍ୟ ପଦରେ ଲଢିବେ । ଗତ ଥର ଉପରାଷ୍ଟ୍ରପତି ନିର୍ବାଚନରେ ବାଜି ମାରିଥିବା ହାରିସ ଏଥର ରାଷ୍ଟ୍ରପତି ନିର୍ବାଚନ ଲଢିପାରନ୍ତି । ତେବେ ହାରିସଙ୍କୁ ସମର୍ଥନ ଦେଇନାହାଁନ୍ତି ପୂର୍ବତନ ରାଷ୍ଟ୍ରପତି ବାରାକ ଓବାମା ଏବଂ ପୂର୍ବତନ ବାଚସ୍ପତି ନାନସି ପେଲୋସୀ ।
କମଳା ହାରିସ କିଏ?: ବର୍ତ୍ତମାନ ଆମେରିକାର ଉପରାଷ୍ଟ୍ରପତି ରହିଛନ୍ତି କମଲା ହାରିସ । 2021 ଜାନୁଆରୀ 20 ତାରିଖରେ ସେ ଆମେରିକାର ଉପରାଷ୍ଟ୍ରପତି ଭାବେ ଶପଥ ଗ୍ରହଣ କରିଥିଲେ । ପ୍ରଥମ ଥର ପାଇଁ ଜଣେ କୃଷ୍ଣକାୟ ମହିଳା ଓ ଦକ୍ଷିଣ ଏସୀୟ ଆମେରିକୀୟ ଭାବେ ସେ ଏହି ପଦବୀ ପାଇଁ ନିର୍ବାଚିତ ହୋଇଥିଲେ । 59 ବର୍ଷିୟ ହାରିସ 1964ରେ କାଲିଫର୍ନିଆର ଓକଲ୍ୟାଣ୍ଡରେ ଜନ୍ମଗ୍ରହଣ କରିଥିଲେ। ତାଙ୍କ ମାତା ଶ୍ୟାମାଲା ଗୋପାଳନ ଜଣେ ସ୍ତନ କର୍କଟ ଗବେଷକ ଥିଲେ ଯିଏକି ୟୁ.ସି ବରେଲିରେ ଏଣ୍ଡୋକ୍ରିନୋଲୋଜିରେ ଡକ୍ଟରେଟ ପଢିବା ପାଇଁ 1960ରେ ଆମେରିକା ଆସିଥିଲେ । ଯେଉଁଠାରେ ସେ ଅର୍ଥନୀତି ଅଧ୍ୟୟନ କରୁଥିବା ଜାମାଇକର ଡୋନାଲ୍ଡ ହାରିସଙ୍କୁ ଭେଟିଥିଲେ। କମଲାଙ୍କର ଏକ ଭଉଣୀ ମାୟା ହାରିସ ଅଛନ୍ତି, ଯିଏକି ଜଣେ ରାଜନୈତିକ କାର୍ଯ୍ୟକର୍ତ୍ତା ଏବଂ ହିଲାରୀ କ୍ଲିଣ୍ଟନ ରାଷ୍ଟ୍ରପତି ଅଭିଯାନରେ କାର୍ଯ୍ୟ କରିଛନ୍ତି। କମଲା ଯେତବେଳେ 7 ବର୍ଷ ବୟସର ଥିଲେ ତାଙ୍କ ପିତାମାତାଙ୍କର ଛାଡପତ୍ର ହୋଇଯାଇଥିଲା । ସେନେଇ ହାରିସ ତାଙ୍କ ଭଉଣୀଙ୍କର ମାତା ପିତା ଉଭୟ ଥିଲେ । 2009 ରେ ତାଙ୍କ ମାଆ ଙ୍କର ଦେହାନ୍ତ ହୋଇଥିଲା ।
ମାତାଙ୍କ ଠାରୁ ଅନୁପ୍ରାଣିତ କମଲା: କମଲା ତାଙ୍କ ମାଆ ଓ ଉଭଣୀ ଶ୍ୟାମଲା ଗୋପାଲନଙ୍କ ଦ୍ବାରା ଅନୁପ୍ରାଣିତ ହୋଇଥିଲେ । ତାଙ୍କ ମାଆ ମାତ୍ର 19 ବର୍ଷ ବୟସରେ ଆମେରିକା ଆସିଥିଲେ । ଯେଉଁ ବର୍ଷ ସେ ଡକ୍ଟରେଟ ହାସଲ କଲେ ସେହି ବର୍ଷ କମଲା ଜନ୍ମ ହୋଇଥିଲେ । କମଲା କହିଛନ୍ତି, ମୋର ମୋତେ ଦେଖିବେ ଓ କହିବେ,‘ କମଲା, ତୁମେ ଅନେକ କାର୍ଯ୍ୟ କରିବାରେ ପ୍ରଥମ ହୋଇପାରିବ, କିନ୍ତୁ ନିଶ୍ଚିତ କର ଏହା ଶେଷ ନୁହେଁ। ’'
କମଲାଙ୍କ ଶିକ୍ଷା ଓ ଜିବନୀ: ହାରିସ ପିଲା ଦିନରୁ ଜଣେ ଓକିଲ ହେବାକୁ ଇଚ୍ଛା ରଖିଥିଲେ । ସେ ହାଓଡ ୟୁନିଭରସିଟି ଏବଂ କାଲିଫର୍ନିଆ ୟୁନିଭରସିଟି, ହାଷ୍ଟିଙ୍ଗସ କଲେଜ ଅଫ ଲରୁ ସ୍ନାତକ ହାସଲ କରିଛନ୍ତି ।1989ରେ ଆଇନରେ ସ୍ନାତକ ପାସ କରିବା ପରେ ହାରିସ ଆଲାମେଡା ଜିଲ୍ଲା ଓକିଲ କାର୍ଯ୍ୟାଳୟରେ ନିଜର କ୍ୟାରିଅର ଆରମ୍ଭ କରିଥିଲେ । ପରେ 1990 ସେ ସାନ ଫ୍ରାନ୍ସିସ୍କୋ ଜିଲ୍ଲା ଓକିଲ କାର୍ଯ୍ୟାଳୟରେ ନିଯୁକ୍ତ ହୋଇଥିଲେ ଏବଂ ପରେ ସାନ ଫ୍ରାନ୍ସିସ୍କୋ କାର୍ଯ୍ୟାଳୟର ସିଟି ଆଟର୍ଣ୍ଣିରେ କାର୍ଯ୍ୟ କରିଥିଲେ।ଓକଲ୍ୟାଣ୍ଡ ହାରିସଙ୍କ ଓକିଲ ଯୌନ ଅପରାଧ ଉପରେ ଧ୍ୟାନ ଦେଇଥିଲେ। 2003 ରେ, ସେ ସାନ ଫ୍ରାନ୍ସିସ୍କୋର 27 ତମ ଜିଲ୍ଲା ଓକିଲ ଭାବରେ ନିର୍ବାଚିତ ହୋଇଥିଲେ, 2011 ପର୍ଯ୍ୟନ୍ତ କାର୍ଯ୍ୟ କରିଥିଲେ। ହ୍ୟାରିସ 2010 ରେ କାଲିଫର୍ନିଆର ଆଟର୍ଣ୍ଣି ଜେନେରାଲ ଭାବରେ ନିର୍ବାଚିତ ହୋଇଥିଲେ ଏବଂ 2014 ରେ ପୁନଃ ନିର୍ବାଚିତ ହୋଇଥିଲେ।ସେ କାଲିଫର୍ଣ୍ଣିଆର ଆଟର୍ଣ୍ଣି ଜେନେରାଲ ଥିବାବେଳେ କଠୋର ଅପରାଧ ନୀତି ପାଇଁ ସଂସ୍କାରକମାନଙ୍କ ସମାଲୋଚନାର ସମ୍ମୁଖୀନ ହୋଇଥିଲେ।
କାଲିଫର୍ଣ୍ଣିଆର ଆଟର୍ଣ୍ଣି ଜେନେରାଲ ଭାବରେ ଜଣାଶୁଣା ଚେହେରା ଥିଲେ ହାରିସ, ନଭେମ୍ବର 2016 ରେ ସେ ଆମେରିକାର ସିନେଟ ପାଇଁ ଚେଷ୍ଟା କରିଥିଲେ ଏବଂ ଲୋରେଟା ସାଞ୍ଚେଜଙ୍କୁ ହରେଇ କାଲିଫର୍ଣ୍ଣିଆର ତୃତୀୟ ମହିଳା ସିନେଟର, ଦ୍ୱିତୀୟ ଆଫ୍ରିକୀୟ-ଆମେରିକୀୟ ମହିଳା ଏବଂ ଯୁକ୍ତରାଷ୍ଟ୍ରର ସିନେଟରେ କାର୍ଯ୍ୟ କରୁଥିବା ପ୍ରଥମ ଦକ୍ଷିଣ ଏସୀୟ-ଆମେରିକୀୟ ହୋଇଥିଲେ। ଜଣେ ସିନେଟର ଭାବରେ ହାରିସ ସ୍ୱାସ୍ଥ୍ୟସେବା ସୁଧାର, ଫେଡେରାଲ ଡି-ସିଡ୍ୟୁଲିଂ ଅଫ କାନାବିସ, ଡକ୍ୟୁମେଣ୍ଟ ହୋଇନଥିବା ପ୍ରବାସୀମାନଙ୍କ ପାଇଁ ନାଗରିକତ୍ୱର ମାର୍ଗ, DREAM ଆକ୍ଟ, ଆକ୍ରମଣ ଅସ୍ତ୍ର ଉପରେ ପ୍ରତିବନ୍ଧକ ଏବଂ ପ୍ରଗତିଶୀଳ ଟିକସ ସଂସ୍କାରକୁ ସମର୍ଥନ କରିଥିଲେ।
ଆମେରିକା ଗାଣତାନ୍ତ୍ରିକ ବ୍ୟବସ୍ଥା ଅନୁସାରେ, ସିନେଟର ସଭାପତି ଭାବରେ ଉପରାଷ୍ଟ୍ରପତି କମଲା ଆମେରିକା ଇତିହାସରେ ଜଣେ ରେକର୍ଡ ହାସଲକାରୀ ନେତ୍ରୀ ଭାବେ ପରିଚୟ ସୃଷ୍ଟି କରିଛନ୍ତି । ଆମେରିକା ଇତିହାସରେ ସେ ସର୍ବାଧିକ ଭୋଟ ବ୍ୟବଧାନରେ ବିଜୟୀ ହୋଇଥିବା ଉପରାଷ୍ଟ୍ରପତି ମଧ୍ୟ । 200 ଶହ ବର୍ଷର ରେକର୍ଡକୁ ଅତିକ୍ରମ କରିବାରେ ସଫଳ ହୋଇଥିଲେ କମଲା । ସେହିପରି ତାଙ୍କ କାର୍ଯ୍ୟକାଳରେ ବିଭିନ୍ନ ପ୍ରସଙ୍ଗରେ ଗୁରୁତ୍ୱପୂର୍ଣ୍ଣ ଭୋଟ ପଡିଥିଲା । ଜଳବାୟୁ ସଙ୍କଟର ମୁକାବିଲା ପାଇଁ ସର୍ବବୃହତ ବିନିଯୋଗ ହୋଇଥିବା ଐତିହାସିକ ମୁଦ୍ରାସ୍ଫିତି ହ୍ରାସ ଆଇନକୁ ପାସ କରିବା ପାଇଁ ତାଙ୍କ ଅଧ୍ୟକ୍ଷତାରେ ଆମେରିକା କଂଗ୍ରେସରେ (ସଂସଦ) ନିର୍ଣ୍ଣାୟକ ଭୋଟ ପଡିଥିଲା । ସେ ମଧ୍ୟ ପ୍ରଥମ କୃଷକାୟ ମହିଳା ଜଷ୍ଟିସ କେଟାନଜୀ ବ୍ରାଉନ ଜ୍ୟାକସନଙ୍କୁ ସୁପ୍ରିମକୋର୍ଟରେ ସୁନିଶ୍ଚିତ କରିବା ପାଇଁ ରାଷ୍ଟ୍ରପତି ବାଇଡେନଙ୍କ ସହ କାର୍ଯ୍ୟ କରିଥିଲେ । କମଲା 2017ରେ ଆମେରିକା ସିନେଟର ଭାବେ ଶପଥ ଗ୍ରହଣ କରିଥିଲେ । କ୍ଷୁଧା ବିରୋଧୀ ଲଢେଇ, ମାତୃ ସ୍ୱାସ୍ଥ୍ୟସେବାରେ ଉନ୍ନତି ଆଣିବା, ଛୋଟ ବ୍ୟବସାୟ କ୍ଷେତ୍ରର ବ୍ୟବସାୟୀଙ୍କ ପ୍ରବେଶକୁ ବିସ୍ତାର କରିବା ଏବଂ ଆମେରିକାର ଭିତ୍ତିଭୂମିକୁ ପୁନଃଜୀବିତ କରିବା ପାଇଁ ପ୍ରତିଶ୍ରୁତି ଦେଇଥିଲେ । ସେ ରାଜନୈତିକ ଜୀବନ ଆରମ୍ଭ କରିବା ପୂର୍ବରୁ ଆମେରିକୀୟ ନ୍ୟାୟପାଳିକା କମିଟିରେ କାର୍ଯ୍ୟ କରୁଥିବା ବେଳେ ସୁପ୍ରିମକୋର୍ଟର କିଛି ବ୍ୟବସ୍ଥାରେ ସଂସ୍କାର ମଧ୍ୟ କରିଥିଲେ ।
