ନୂଆଦିଲ୍ଲୀ: ପୁଣି ବିଶ୍ବକୁ ଘାରିଲା ମଙ୍କିପକ୍ସ(Mpox) ଚିନ୍ତା । ଆଫ୍ରିକାରେ ମଙ୍କିପକ୍ସ ମାଡି ଚାଲିଥିବା ବେଳେ ଏହାକୁ ନେଇ ବିଶ୍ବ ସ୍ବାସ୍ଥ୍ୟ ସଙ୍ଗଠନ(WHO)ରେ ଗ୍ଲୋବାଲ ହେଲ୍ଥ ଏମରଜେନ୍ସି ବା ବୈଶିକ ଜନସ୍ବାସ୍ଥ୍ୟ ଜରୁରୀ ସ୍ଥିତି ଘୋଷଣା କରିଛି । ସାରା ବିଶ୍ବକୁ ଏହି ଭାଇରସ ବ୍ୟାପି ପାରେ ବୋଲି ଚେତାଇ ଦେଇଛି ହୁ ।
🚨WHO Director-General @DrTedros has determined that the upsurge of #mpox in the Democratic Republic of the Congo (#DRC) & a growing number of countries in Africa constitutes a public health emergency of international concern (PHEIC) under the International Health Regulations… https://t.co/xIq0LwWfjW
— World Health Organization (WHO) (@WHO) August 14, 2024
ଆଫ୍ରିକାରେ କାୟା ମେଲୁଛି ମଙ୍କିପକ୍ସ
ରିପୋର୍ଟ ଅନୁସାରେ, ବର୍ତ୍ତମାନ ସୁଦ୍ଧା ଏହି ଭାଇରସ 116 ଦେଶକୁ ପ୍ରଭାବିତ କରିସାରିଛି । 'acute' ଗ୍ରେଡ 3କୁ ଏମରଜେନ୍ସି ଭାବେ କୁହାଯାଉଛି । WHO କହିଛି କି, ଆଫ୍ରିକାରେ ମଙ୍କିପକ୍ସ ମାଡି ଚାଲିଛି । ଚଳିତବର୍ଷ ଆଫ୍ରିକାରେ 14 ହଜାରରୁ ଅଧିକ ସଂକ୍ରମିତ ହୋଇଥିବା ବେଳେ ସେଥିରୁ 524 ଜଣଙ୍କ ମୃତ୍ୟୁ ହୋଇଛି । ଯାହା କି ଗତବର୍ଷ ଠାରୁ ସଂଖ୍ୟା ଅଧିକ ।
କାହିଁକି ଏହି ଭାଇରସ ନାଁ ମଙ୍କିପକ୍ସ ?
Mpox ବା ମଙ୍କିପକ୍ସ । 1958 ମସିହାରେ ଡେନମାର୍କରେ ଏହି ଭାଇରସ ବିଷୟରେ ଜଣାପଡିଥିଲା । ମାଙ୍କଡ ଦେହରେ ଏହି ଭାଇରସକୁ ଚିହ୍ନଟ କରାଯାଇଥିଲା । ତେଣୁ ଏହାକୁ ମଙ୍କିପକ୍ସ ଭାବେ ନାମିତ କରାଯାଇଛି । ଏହି ଭାଇରସ କାରଣରୁ ଭାଇରାଲ ଫିବର ବା ଜ୍ବର ହୋଇଥାଏ ।
Mpox ଲକ୍ଷଣ କଣ ?
ମଙ୍କିପକ୍ସ ଭୂତାଣୁ ସଂକ୍ରମଣ ହେଲେ ସଂକ୍ରମିତ ବ୍ୟକ୍ତିକୁ ଜ୍ବର ହୋଇଥାଏ । ସାଧାରଣ ଜ୍ବର ଭଳି ଆରମ୍ଭ ହୋଇଥିଲେ ବି ଏହା ପୁରା ଶରୀରକୁ କଷ୍ଟ ଦିଏ । ଲକ୍ଷଣ ଗୁଡିକ ହେଲା- ଜ୍ବର ହେବା, ମୁଣ୍ଡବିନ୍ଧା ହେବା, ମାଂସପେଶୀ ଦରଜ ହେବା । ପ୍ରଥମେ ମୁହଁରୁ ଆରମ୍ଭ ହୋଇ ଏହି ଭାଇରସ ପୁରା ଶରୀରରେ ବ୍ୟାପିଯାଏ ।
ପଶୁଙ୍କ ଠାରୁ ବ୍ୟାପେ ମଙ୍କିପକ୍ସ:
ସଂକ୍ରମିତ ପଶୁଙ୍କ ଠାରୁ ଏହି ଭାଇରସ ମଣିଷକୁ ବ୍ୟାପିଥାଏ । ସଂକ୍ରମିତ ଜୀବଜନ୍ତୁ ସମ୍ପର୍କରେ ଆସିବା ଫଳରେ ଏହା ହୋଇଥାଏ । ଏଥିସହ ଝାଡା-ବାନ୍ତି ସଂପର୍ଶରେ ଆସିବା ଫଳରେ ମଧ୍ୟ ହୋଇଥାଏ । ଜଣେ ବ୍ୟକ୍ତିର ନିଶ୍ବାସରୁ ମଧ୍ୟ ଅନ୍ୟ ଜଣଙ୍କୁ ଏହି ଭାଇରସ ସଂକ୍ରମିତ କରିପାରେ ।
ଚଳିତ ବର୍ଷ ଆଫ୍ରିକାରେ ମିଳିଲାଣି ଏତିକି ମାମଲା:
ଏହି ଭାଇରସ ଆଫ୍ରିକାରେ କାୟା ମେଲିବାରେ ଲାଗିଛି । ଚଳିତବର୍ଷ ଆଫ୍ରିକା ମହାଦ୍ବୀପରୁ 17 ହଜାରରୁ ଅଧିକ ମାମଲା ସାମ୍ନାକୁ ଆସିଲାଣି । ସେଥିରୁ 517 ଜଣଙ୍କ ମୃତ୍ୟୁ ହୋଇଛି । ଯାହାକି ଗତବର୍ଷ ତୁଳନାରେ 169 ପ୍ରତିଶତ ଅଧିକ ।
କେବେ ବ୍ୟାପିଥିଲା ମଙ୍କିପକ୍ସ ?
ଏହି ଭାଇରସ 2022 ମସିହାରେ ସାରା ବିଶ୍ବରେ ବ୍ୟାପଥିଲା । ବିଶେଷ କରି ଯୌନ ସମ୍ବନ୍ଧରୁ ମଧ୍ୟ ଏହା ବ୍ୟାପେ । ଏହାକୁ ଦୃଷ୍ଟିରେ WHO ଏହାକୁ ବୈଶିକ ଜନସ୍ବାସ୍ଥ୍ୟ ଜରୁରୀ ସ୍ଥିତି ଘୋଷଣା କରିଥିଲା । ପରେ ଏହାକୁ ହଟାଯାଇଥିଲା ।
ଏହା ମଧ୍ୟ ପଢନ୍ତୁ: Monkeypox: କୋରୋନା ପରେ ବିଶ୍ବ ମହାମାରୀ ତାଲିକାରୁ ହଟିଲା ମଙ୍କିପକ୍ସ
