ଓ୍ବାଂଶିଟନ: ଆମେରିକା ଇତିହାସରେ ପ୍ରଥମ । ଏହି ସୁପରପାୱାର ରାଷ୍ଟ୍ରର ରାଷ୍ଟ୍ରପତି ନିର୍ବାଚନ ପାଇଁ ପ୍ରଥମ ଥର ପ୍ରାର୍ଥୀ ହେଲେ ଜଣେ ଭାରତୀୟ ବଂଶୋଦ୍ଭବ । ବର୍ତ୍ତମାନ ଉପରାଷ୍ଟ୍ରପତି ଥିବା କମଳା ହାରିସଙ୍କୁ ପ୍ରାର୍ଥୀ କଲା ଡେମୋକ୍ରାଟିକ ପାର୍ଟି । ରାଷ୍ଟ୍ରପତି ପ୍ରାର୍ଥୀପତ୍ରରେ ସ୍ବାକ୍ଷର କରିଥିବା ନେଇ ସେ ନିଜେ ଟ୍ବିଟ୍ କରି ଘୋଷଣା କରିଛନ୍ତି । ପ୍ରଥମ କୃଷ୍ଣକାୟ ମହିଳା ଓ ଦକ୍ଷିଣ ଏସୀୟ ଆମେରିକୀୟ ଭାବେ ଆମେରିକାର ମୁଖ୍ୟ ପଦରେ ଲଢିବେ କମଳା । ଗତଥର ଉପରାଷ୍ଟ୍ରପତି ନିର୍ବାଚନରେ ବାଜି ମାରିଥିବା ହାରିସ୍ ଏଥର ରାଷ୍ଟ୍ରପତି ନିର୍ବାଚନ ଲଢିବେ ।
Today, I signed the forms officially declaring my candidacy for President of the United States.
— Kamala Harris (@KamalaHarris) July 27, 2024
I will work hard to earn every vote.
And in November, our people-powered campaign will win. pic.twitter.com/nIZLnt9oN7
'ପ୍ରତ୍ୟେକ ଭୋଟ୍ ଜିତିବାକୁ କଠିନ ପରିଶ୍ରମ କରିବି':
ଟ୍ବିଟ୍ କରି କମଳା ହାରିସ କହିଛନ୍ତି, ''ଆଜି ଆନୁଷ୍ଠାନିକ ଭାବେ ଆମେରିକାର ରାଷ୍ଟ୍ରପତି ନିର୍ବାଚନରେ ପ୍ରାର୍ଥୀ ଭାବେ ଫର୍ମରେ ଦସ୍ତଖତ କରିଛି । ପ୍ରତ୍ୟେକ ଭୋଟ୍ ନିଜ ସପକ୍ଷରେ କରିବାକୁ ମୁଁ କଠିନ ପରିଶ୍ରମ କରିବି । ନଭେମ୍ବରରେ ଆମର ଲୋକଶକ୍ତି ଅଭିଯାନର ବିଜୟ ହେବ । ''
ହାରିସଙ୍କୁ ଓବାମାଙ୍କ ସମର୍ଥନ:
![US PRESIDENTIAL ELECTIONS](https://etvbharatimages.akamaized.net/etvbharat/prod-images/27-07-2024/22058935_thumbnai.jpg)
ଶୁକ୍ରବାର ଦିନ, ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା ଆମେରିକାର ରାଷ୍ଟ୍ରପତି ପଦ ପାଇଁ ଉପରାଷ୍ଟ୍ରପତି କମଲା ହାରିସଙ୍କୁ ସର୍ବସାଧାରଣରେ ସମର୍ଥନ କରିଥିଲେ । ରାଷ୍ଟ୍ରପତି ନିର୍ବାଚନରେ ହାରିସଙ୍କ ବିଜୟ ନିଶ୍ଚିତ କରିବା ପାଇଁ ଆମେ ଯଥାସାଧ୍ୟ ଚେଷ୍ଟା କରିବୁ ବୋଲି କହିଛନ୍ତି ଓବାମା । ଟ୍ବିଟ କରି ଓବାମା କହିଛନ୍ତି, "ଏହି ସପ୍ତାହର ଆରମ୍ଭରୁ ମୁଁ ଓ ମୋର ପତ୍ନୀ ଆମର ବନ୍ଧୁ କମଲା ହାରିସଙ୍କୁ ଫୋନ କରିଥିଲୁ । ଆମେ ତାଙ୍କୁ କହିଥିଲୁ ଯେ ସେ ଆମେରିକାର ଜଣେ ଚମତ୍କାର ରାଷ୍ଟ୍ରପତି ହୋଇପାରିବେ ଏବଂ ତାଙ୍କ ପ୍ରତି ଆମର ପୂର୍ଣ୍ଣ ସମର୍ଥନ ରହିଛି । ନଭେମ୍ବରରେ ଅନୁଷ୍ଠିତ ହେବାକୁ ଥିବା ନିର୍ବାଚନରେ ଜିତିବା ପାଇଁ ଆମେ ସବୁ ପ୍ରକାର ପ୍ରୟାସ କରିବୁ । ହ୍ବାଇଟ ହାଉସ ପ୍ରେସ ସେକ୍ରେଟେରୀ କରାଇନ ଜାନ କହିଛନ୍ତି ଯେ, ଆମେରିକାର ଉପରାଷ୍ଟ୍ରପତି କମଲା ହାରିସଙ୍କ ଅପେକ୍ଷା ଡେମୋକ୍ରାଟିକ୍ ପାର୍ଟିର ରାଷ୍ଟ୍ରପତି ପ୍ରାର୍ଥୀ ହେବାକୁ ଅନ୍ୟ କେହି ଯୋଗ୍ୟ ନୁହଁନ୍ତି ।
ହାରିସ-ଟ୍ରମ୍ପଙ୍କ ମଧ୍ୟରେ ଲଢେଇ:
ଆସନ୍ତା ନଭେମ୍ବର 5 ତାରିଖରେ ଆମେରିକାରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବ । ଏଥର ମଧ୍ୟ ରିପବ୍ଲିକାନ ଓ ଡେମୋକ୍ରାଟିକ ପାର୍ଟି ମଧ୍ୟରେ ଜୋରାଦାର ଲଢେଇ ଦେଖବାକୁ ମିଳିବ । କମଳା ହାରିସ ଓ ଡୋନାଲ୍ଡ ଟ୍ରମ୍ପ ହେବେ ମୁହାଁମୁହିଁ । କାହା ଉପରେ ଭରସା କରିବେ ଜନତା ? କିଏ ଜିତିବ ଲୋକଙ୍କ ଆସ୍ଥା ? ଆଗାମୀ ଡିବେଟରେ କାହାର ପଲ୍ଲା ରହିବ ଭାରି ? ତା' ଉପରେ ସମସ୍ତଙ୍କ ନଜର । ଆମେରିକା ନିର୍ବାଚନରେ ଗତ ମାସରେ ବାଇଡେନ ଓ ଟ୍ରମ୍ପଙ୍କ ମଧ୍ୟରେ ପ୍ରଥମ ଡିବେଟ ହୋଇଥିଲା । କିନ୍ତୁ ଏଥିରେ ବାଇଡେନଙ୍କ ଉପରେ ଭାରି ପଡିଥିଲେ ଟ୍ରମ୍ପ । ଜୁଲାଇ 22 ତାରିଖରେ ଆମେରିକା ରାଷ୍ଟ୍ରପତି ରେସରୁ ଓହରିବା ନେଇ ଜୋ ବାଇଡେନ ଘୋଷଣା କରିଥିଲେ । ଏହାପରେ ଉପରାଷ୍ଟ୍ରପତି କମଳା ହାରିସଙ୍କ ନାମକୁ ଡେମୋକ୍ରାଟିକ୍ ଦଳର ନୂଆ ରାଷ୍ଟ୍ରପତି ଚେହେରା ଭାବେ ନୋମିନେଟ୍ କରିଥିଲେ ବାଇଡେନ୍ । ବାଇଡେନଙ୍କ ଓହରିବା ନିଷ୍ପତ୍ତିକୁ ପ୍ରଶଂସା କରିଥିଲେ ପୂର୍ବତନ ରାଷ୍ଟ୍ରପତି ବାରାକ୍ ଓବାମା ।
କମଲା ହାରିସ କିଏ?:
![KAMALA HARRIS](https://etvbharatimages.akamaized.net/etvbharat/prod-images/27-07-2024/22058935_th.jpg)
ବର୍ତ୍ତମାନ ଆମେରିକାର ଉପରାଷ୍ଟ୍ରପତି ରହିଛନ୍ତି କମଲା ହାରିସ । 2021 ଜାନୁଆରୀ 20 ତାରିଖରେ ସେ ଆମେରିକାର ଉପରାଷ୍ଟ୍ରପତି ଭାବେ ଶପଥ ଗ୍ରହଣ କରିଥିଲେ । ପ୍ରଥମ ଥର ପାଇଁ ଜଣେ କୃଷ୍ଣକାୟ ମହିଳା ଓ ଦକ୍ଷିଣ ଏସୀୟ ଆମେରିକୀୟ ଭାବେ ସେ ଏହି ପଦବୀ ପାଇଁ ନିର୍ବାଚିତ ହୋଇଥିଲେ । 59 ବର୍ଷୀୟା ହାରିସ 1964ରେ କାଲିଫର୍ଣ୍ଣିଆର ଓକଲ୍ୟାଣ୍ଡରେ ଜନ୍ମଗ୍ରହଣ କରିଥିଲେ । ତାଙ୍କ ମାତା ଶ୍ୟାମାଲା ଗୋପାଳନ ଜଣେ ସ୍ତନ କର୍କଟ ଗବେଷକ ଥିଲେ ଯିଏକି ୟୁ.ସି ବରେଲିରେ ଏଣ୍ଡୋକ୍ରିନୋଲୋଜିରେ ଡକ୍ଟରେଟ ପଢିବା ପାଇଁ 1960ରେ ଆମେରିକା ଆସିଥିଲେ । ଯେଉଁଠାରେ ସେ ଅର୍ଥନୀତି ଅଧ୍ୟୟନ କରୁଥିବା ଜାମାଇକର ଡୋନାଲ୍ଡ ହାରିସଙ୍କୁ ଭେଟିଥିଲେ । କମଲାଙ୍କର ଏକ ଭଉଣୀ ମାୟା ହାରିସ ଅଛନ୍ତି, ଯିଏକି ଜଣେ ରାଜନୈତିକ କାର୍ଯ୍ୟକର୍ତ୍ତା ଏବଂ ହିଲାରୀ କ୍ଲିଣ୍ଟନ ରାଷ୍ଟ୍ରପତି ଅଭିଯାନରେ କାର୍ଯ୍ୟ କରିଛନ୍ତି । କମଲା ଯେତେବେଳେ 7 ବର୍ଷ ବୟସର ଥିଲେ ତାଙ୍କ ପିତାମାତାଙ୍କର ଛାଡପତ୍ର ହୋଇଯାଇଥିଲା । 2009ରେ ତାଙ୍କ ମାଆଙ୍କର ଦେହାନ୍ତ ହୋଇଥିଲା ।
ସର୍ବାଧିକ ଭୋଟ ବ୍ୟବଧାନରେ ଉପରାଷ୍ଟ୍ରପତି ହୋଇଥିଲେ କମଲା:
ଆମେରିକା ଗାଣତାନ୍ତ୍ରିକ ବ୍ୟବସ୍ଥା ଅନୁସାରେ, ସିନେଟର ସଭାପତି ଭାବରେ ଉପରାଷ୍ଟ୍ରପତି କମଲା ଆମେରିକା ଇତିହାସରେ ଜଣେ ରେକର୍ଡ ହାସଲକାରୀ ନେତ୍ରୀ ଭାବେ ପରିଚୟ ସୃଷ୍ଟି କରିଛନ୍ତି । ଆମେରିକା ଇତିହାସରେ ସେ ସର୍ବାଧିକ ଭୋଟ ବ୍ୟବଧାନରେ ବିଜୟୀ ହୋଇଥିବା ଉପରାଷ୍ଟ୍ରପତି ମଧ୍ୟ । 200 ବର୍ଷର ରେକର୍ଡକୁ ଅତିକ୍ରମ କରିବାରେ ସଫଳ ହୋଇଥିଲେ କମଲା । ସେହିପରି ତାଙ୍କ କାର୍ଯ୍ୟକାଳରେ ବିଭିନ୍ନ ପ୍ରସଙ୍ଗରେ ଗୁରୁତ୍ୱପୂର୍ଣ୍ଣ ଭୋଟ ପଡିଥିଲା । ଜଳବାୟୁ ସଙ୍କଟର ମୁକାବିଲା ପାଇଁ ସର୍ବବୃହତ ବିନିଯୋଗ ହୋଇଥିବା ଐତିହାସିକ ମୁଦ୍ରାସ୍ଫୀତି ହ୍ରାସ ଆଇନକୁ ପାସ୍ କରିବା ପାଇଁ ତାଙ୍କ ଅଧ୍ୟକ୍ଷତାରେ ଆମେରିକା କଂଗ୍ରେସରେ (ସଂସଦ) ନିର୍ଣ୍ଣାୟକ ଭୋଟ ପଡିଥିଲା ।