ଆରବ ଉପକୂଳରୁ ଇସ୍ରାଏଲ ସମ୍ବନ୍ଧିତ ଜାହାଜ ଜବତ କଲା ଇରାନ, ଇସ୍ରାଏଲ ସେନା ଦେଲା ପରିଣାମ ଭୋଗିବାର ଚେତାବନୀ - Iran Seizes Israeli Ship

Iran Israeli Seizes Ship Off UAE Coast: ଇସ୍ରାଏଲ- ଇରାନ ତିକ୍ତତା ଉପରେ ସମଗ୍ର ବିଶ୍ବର ନଜର । ଯେକୌଣସି ମୁହୂର୍ତ୍ତରେ ପରସ୍ପର ଉପରେ ଆକ୍ରମଣ କରିପାରନ୍ତି ଉଭୟ ଦେଶ । ଇସ୍ରାଏଲ ସମ୍ବନ୍ଧିତ ଜାହାଜ ଜବତ କଲା ଇରାନ ସେନା । ଇସ୍ରାଏଲ ସେନା କହିଲା ପରିଣାମ ଭୋଗିବାକୁ ପ୍ରସ୍ତୁତ ରୁହ । ଅଧିକ ପଢନ୍ତୁ

ହାଇଦ୍ରାବାଦ: ମଧ୍ୟପ୍ରାଚ୍ୟରେ ପୁଣି ଯୁଦ୍ଧର କଳାବାଦଲ । କ୍ରମଶଃ ଜଟିଳ ହେବାରେ ଲାଗିଛି ଇସ୍ରାଏଲ-ଇରାନ ମଧ୍ୟରେ ତିକ୍ତତା । କୌଣସି ପରିସ୍ଥିତିରେ ଇରାନ, ଇସ୍ରାଏଲ ଉପରେ ଆକ୍ରମଣ କରିବାର ଆଶଙ୍କା ମଧ୍ୟରେ ଇରାନ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରିଛି । ଏମିରେଟ୍ସ ଉପକୂଳରେ ଇସ୍ରାଏଲ ସମ୍ବନ୍ଧିତ ଏକ ଜାହାଜକୁ ଜବତ ମଧ୍ୟ କରାଯାଇଛି । ଇରାନ ସେନାର ଏକ ହେଲିକପ୍ଟରରେ ରିଭୋଲୁସନାରୀ ଗାର୍ଡର ଯବାନମାନେ ସମ୍ପୃକ୍ତ ଜାହାଜରେ ଅବତରଣ କରି ଏହାକୁ କବଜାକୁ ନେଇଛନ୍ତି । ଏକଥା ତେହେରାନ ପକ୍ଷରୁ ଘୋଷଣା କରାଯିବା ପରେ ଇସ୍ରାଏଲ ତୀବ୍ର ପ୍ରତିକ୍ରିୟାଶୀଳ ହୋଇଛି । ଏଥିପାଇଁ ଇରାନକୁ ପରିଣାମ ଭୋଗିବାକୁ ପଡିବ ବୋଲି ଇସ୍ରାଏଲ ଡିଫେନ୍ସ ଫୋର୍ସ (ଆଇଡିଏଫ) ପକ୍ଷରୁ ଖୋଲା ଚେତାବନୀ ଦିଆଯାଇଛି ।

• “Iran will bear the consequences for choosing to escalate the situation any further.”
  
  Watch IDF Spokesperson RAdm. Daniel Hagari’s statement regarding Iranian involvement in the war and its effect on the Middle East: pic.twitter.com/AdaJB2WtJd

  — Israel Defense Forces (@IDF) April 13, 2024

ଇସ୍ରାଏଲ ଡିଫେନ୍ସ ଫୋର୍ସ (ଆଇଡିଏଫ)ର ପ୍ରବକ୍ତା ଡାନିଏଲ୍ ହାଗାରୀ ଏକ ଭିଡିଓ ଜାରି କରି କହିଛନ୍ତି, ଇରାନର ଏପରି କାର୍ଯ୍ୟ ଉତ୍ତେଜନା ବୃଦ୍ଧି କରିବାକୁ ଯଥେଷ୍ଟ । ଏଥିପାଇଁ ଇରାନକୁ ପରିଣାମ ଭୋଗିବାକୁ ପଡିବ । ଇସ୍ରାଏଲର ଏହି ଖୋଲା ଚେତାବନୀ ପ୍ରତିଆକ୍ରମଣର ସଙ୍କେତକୁ ଆହୁରି ସ୍ପଷ୍ଟ କରିଛି । କିଛି ଅନ୍ତର୍ଜାତୀୟ ଗଣମାଧ୍ୟରେ ପ୍ରସାରିତ ଖବର ଅନୁସାରେ, ଏହି କଣ୍ଟେନର ଜାହାଜଟି ପର୍ତ୍ତୁଗାଲର । ଏହା ଗତ କିଛି ଦିନ ହେବ ଆରବ ଉପକୂଳରେ ଥିଲା । ଏହା ଇସ୍ରାଏଲ ସହ ବାଣିଜ୍ୟିକ ଭାବେ ସମ୍ପୃକ୍ତ ମଧ୍ୟ । ତେବେ ଆଜି ଅପରାହ୍ନରେ ଏହାକୁ ଜବତ କରାଯିବା ପରେ ଆରବ ସାଗରର ଇରାନ ଅଧିକୃତ ସାମୁଦ୍ରିକ କ୍ଷେତ୍ର ମଧ୍ୟକୁ ନିଆଯାଇଛି । ଏହି ଜାହାଜରେ ଇସ୍ରାଏଲ ନାଗରିକ ଅଛନ୍ତି, କିମ୍ବା ଅନ୍ୟ କେଉଁ ଦେଶର କେତେ ନାଗରିକ ଅଛନ୍ତି, ସେନେଇ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇପାରିନି ।