ହାଇଦ୍ରାବାଦ: ଶରୀରରେ କୌଣସି ପୁଷ୍ଟିକର ଖାଦ୍ୟ ଅଭାବରୁ ଜଣେ ବ୍ୟକ୍ତି ଅନେକ ସ୍ବାସ୍ଥ୍ୟ ସମସ୍ୟାର ସାମ୍ନା କରିବାକୁ ପଡିପାରେ । ତେଣୁ, ପୁଷ୍ଟିକର ଅଭାବକୁ ରୋକିବା ପାଇଁ ଲୋକମାନେ ମଲ୍ଟିଭିଟାମିନ୍ ଟାବଲେଟ(ଔଷଧ) ଇତ୍ୟାଦି ଖାଇବା ଆରମ୍ଭ କରିଥାନ୍ତି । ମଲ୍ଟିଭିଟାମିନ୍ ଶରୀରରେ ଭିଟାମିନ୍ ଅଭାବର ସମସ୍ୟାକୁ ଦୂର କରିଥାଏ, କିନ୍ତୁ ଆପଣ ଜାଣନ୍ତି କି କିଛି ଖାଦ୍ୟ ପଦାର୍ଥ ଅଛି ଯାହା ଏତେ ପୁଷ୍ଟିକର ଅଟେ ଯେ ଏହାକୁ ଆପଣଙ୍କ ଡାଏଟରେ ଅନ୍ତର୍ଭୁକ୍ତ କରିବା ପରେ ଆପଣଙ୍କୁ ଆଉ ମଲ୍ଟିଭିଟାମିନ୍ ଔଷଧ ଖାଇବାକୁ ପଡିବ ନାହିଁ । ପୁଷ୍ଟିକର ଅଭାବକୁ ଏଡାଇବା ପାଇଁ କେଉଁ ଖାଦ୍ୟ ସାମଗ୍ରୀ ଖାଇପାରିବେ, ଜାଣନ୍ତୁ
ସବୁଜ ପତ୍ରଯୁକ୍ତ ପନିପରିବା
ପତ୍ରଯୁକ୍ତ ସବୁଜ ପନିପରିବାରେ ଭିଟାମିନ୍ ଭରପୁର ଥାଏ । କେଲ, ପାଳଙ୍ଗ, ମୋରିଙ୍ଗା ଏବଂ ବନ୍ଧାକୋବି ଭିଟାମିନ୍ ଭରପୁର ମାତ୍ରାରେ ରହିଛି । ଏହି ପନିପରିବାରେ ଭିଟାମିନ୍ A, ଭିଟାମିନ୍ K, ଭିଟାମିନ୍ E, ବିଟା-କାରୋଟିନ୍, ଭିଟାମିନ୍ C, ଫୋଲେଟ୍, ଭିଟାମିନ୍ B1, B2, B5, B3 ଏବଂ B6 ଭରପୁର ରହିଛି । ଏଣୁ ଏହି ଖାଦ୍ୟ ନିଜ ଡାଏଟରେ ସାମିଲ କରିବା ଦ୍ବାରା ଶରୀରରେ ଭିଟାମିନ ଅଭାବ ଦୂର ହୋଇଥାଏ ।
ମସୁର ଡାଲି ଏବଂ ବିନ୍ସ
ମସୁର, ରାଜମା ଏବଂ ଅନ୍ୟାନ୍ୟ ଚଣାରେ ପ୍ରୋଟିନ୍ ଏବଂ ଫାଇବର, ଜିଙ୍କ, ପୋଟାସିୟମ୍, ଆଇରନ୍ ଏବଂ ମ୍ୟାଗ୍ନେସିୟମ୍ ଭରପୁର ଥାଏ । ଏହା ମଧ୍ୟ ଏକ ଉତ୍ତମ ଖାଦ୍ୟ ଅଟେ ଯାହା ପେଟକୁ ପୂର୍ଣ୍ଣ ରଖିଥାଏ ଏବଂ ଓଜନ ହ୍ରାସ କରିବାରେ ସାହାଯ୍ୟ କରିଥାଏ ।
ମାଛ
ମାଛରେ ଭିଟାମିନ୍, ମିନେରାଲ୍ସ ଏବଂ ଫ୍ୟାଟି ଏସିଡ୍ ଥାଏ ଯାହାର ଅନେକ ସ୍ବାସ୍ଥ୍ୟ ଉପକାର ଅଛି । ମାଛରେ ଭିଟାମିନ୍ B12 ଥାଏ, ଯାହା ସୁସ୍ଥ ଲାଲ ରକ୍ତ କଣିକା ବିକାଶ, DNA ପ୍ରଜନନ ଏବଂ ସ୍ନାୟୁଗତ କାର୍ଯ୍ୟ ପାଇଁ ବେଶ ସହାୟକ ହୋଇଥାଏ । ଭିଟାମିନ୍ B12ରେ ଭରପୂର ଏକ ଖାଦ୍ୟ, ଯାହା ଡିମେନ୍ସିଆ ଏବଂ ହୃଦରୋଗର ଭଳି ରୋଗର ଆଶଙ୍କା କମାଇଥାଏ । ଭିଟାମିନ୍ B12ର ଅଭାବ ଦ୍ବାରା ଥକ୍କାପଣ ଏବଂ ରକ୍ତହୀନତା ଭଳି ସମସ୍ୟା ହୋଇଥାଏ । ତେବେ ଏହା ଖାଇବା ଦ୍ବାରା ଶରୀରରେ B12ର ଅଭାବ ଦୂର ହୋଇଥାଏ ।
ଅଣ୍ଡା
ଅଣ୍ଡା ଶରୀରରେ ଶକ୍ତି ଉତ୍ପାଦନ ପାଇଁ ଆବଶ୍ୟକ କରୁଥିବା ସମସ୍ତ ପୋଷକ ତତ୍ତ୍ୱ ଧାରଣ କରିଥାଏ । ଅଣ୍ଡାରେ ଭିଟାମିନ୍ A, B12 ଏବଂ ସେଲେନିୟମ୍ ଭରପୁର ରହିଛି, ଯାହା ଏକ ସୁସ୍ଥ ପ୍ରତିରକ୍ଷା ପ୍ରଣାଳୀ ପାଇଁ ଜରୁରୀ ଅଟେ ।
ଏହା ମଧ୍ୟ ପଢନ୍ତୁ: ଶରୀର ପାଇଁ କେଉଁ ଭିଟାମିନ ଆବଶ୍ୟକ ? ଜାଣନ୍ତୁ ଭିଟାମିନର କାର୍ଯ୍ୟ
ଖଟା ଫଳ
କମଳା, ସାଇଟ୍ରସ୍ ଏବଂ ଲେମ୍ବୁ ପରି ସାଇଟ୍ରସ୍ ଫଳ ଗୁଡ଼ିକରେ ଭିଟାମିନ୍ C ଭରପୁର ମାତ୍ରାରେ ରହିଥାଏ । ଭିଟାମିନ୍ A, ଭିଟାମିନ୍ B6, ଫୋଲେଟ୍ ଏବଂ ପୋଟାସିୟମ୍, ମ୍ୟାଗ୍ନେସିୟମ୍, ଫସଫରସ୍ ଏବଂ ମାଙ୍ଗାନିଜ୍ ପରି ଖଣିଜ ପଦାର୍ଥ ମଧ୍ୟ ଏଥିରୁ ମିଳିଥାଏ ।
