Neck blackness: ବେକ ଆଖପାଖରେ କଳାପଣ ଏକ ସାଧାରଣ ସମସ୍ୟା । ଏମିତି ବହୁତ ଲୋକ ଅଛନ୍ତି ଯେଉଁମାନଙ୍କର ବେକ କଳା ହୋଇଥାଏ । ସାଧାରଣତଃ ଯୁବକ ଯୁବତୀମାନେ ଏହି କଳାପଣକୁ ନେଇ ଅଧିକ ଚିନ୍ତିତ ଥାଆନ୍ତି । ଏହା ସେମାନଙ୍କର ସୁନ୍ଦରତାକୁ ଫିକା ପକାଇଥାଏ । ସଫା ସୁତୁରାର ଅଭାବ, ବାୟୁ ପ୍ରଦୂଷଣ ଏବଂ ଅନ୍ୟାନ୍ୟ କାରଣରୁ ବେକ ଏମିତି କଳା ପଡିଥାଏ । ଏହି କଳାପଣରୁ ମୁକ୍ତି ପାଇଁ କୌଣସି କ୍ରିମ କିମ୍ବା ଲୋସନ୍ର ଦରକାର ନାହିଁ, ଆପଣ ଘରେ ବସି ଏହାକୁ ଦୂର କରିପାରିବେ । ଏନେଇ ଏକ୍ସପର୍ଟ କିଛି ଘରୋଇ ଉପଚାର ବିଷୟରେ କହିଛନ୍ତି, ଯାହା ଆପଣଙ୍କ କଳାପଣ ସମସ୍ୟା ଦୂର କରିବାରେ ସହାୟକ ହେବ ।
ଦହି ଓ ଲେମ୍ବୁ ରସ:
ବେକର କଳାପଣ ଦୂର ପାଇଁ ଦହି ଓ ଲେମ୍ବୁ ରସ ଏକ ଭଲ ଉପଚାର । ଗୋଟିଏ ପାତ୍ରରେ କିଛି ଦହି ନେଇ ଏଥିରେ ଅଳ୍ପ ଲେମ୍ବୁ ରସ ମିଶାନ୍ତୁ । ଏହି ମିଶ୍ରଣକୁ ବେକରେ ଲଗାଇ 10ରୁ 15 ମିନିଟ୍ ରଖନ୍ତୁ । ଏହା ଶୁଖିଯିବା ପରେ ବେକ ଧୋଇ ଦିଅନ୍ତୁ । ଦହି ତ୍ବଚାକୁ ମଇଶ୍ଚରାଇଜ କରିବା ସହ ମଇଳା ସଫା କରିବାରେ ସାହାଯ୍ୟ କରେ ।
ଲେମ୍ବୁ ରସ:
ଏକ କଟନ ବଲରେ ଲେମ୍ବୁ ରସ ନେଇ ବେକର କଳା ସ୍ଥାନରେ ଲଗାନ୍ତୁ । 20 ମିନିଟ୍ ପରେ ଧୋଇ ଦିଅନ୍ତୁ ।
ଧ୍ୟାନ ଦେବେ, ଲେମ୍ବୁ ରସ ଲଗାଇବା ପରେ ଖରାକୁ ବାହାରିବେ ନାହିଁ । କାରଣ ଲେମ୍ବୁ ରସ ପ୍ରାକୃତିକ ବ୍ଲିଚିଂ ଭାବେ କାମ କରେ ଯାହା ମୃତ କୋଷିକା ଓ ତ୍ବଚାରେ ଜମା ତେଲ ହଟାଇଥାଏ ।
ନଡିଆ ତେଲ ମାଲିସ୍:
ନଡିଆ ତେଲରେ ଅଳ୍ପ ଟିକେ ପାଣି ମିଶାଇ ନିଜ ବେକରେ ମାଲିସ୍ କରନ୍ତୁ । କିଛି ସମୟ ପରେ ଉଷୁମ ପାଣିରେ ଧୋଇଦିଅନ୍ତୁ । ଏହା କଳାପଣ କମ୍ କରିବାରେ କାମ କରେ । ନଡିଆ ତେଲ ବଦଳରେ ଆଲମଣ୍ଡ ଅଏଲ କିମ୍ବା ଅଲିଭ୍ ଅଏଲ ମଧ୍ୟ ବ୍ୟବହାର କରିପାରିବେ ।
ଲେମ୍ବୁ ରସ ଓ ଗୋଲାପ ଜଳ:
ଲେମ୍ବୁ ରସରେ ସମାନ ପରିମାଣର ଗୋଲାପ ଜଳ ମିଶାଇ ଏହି ମିଶ୍ରଣକୁ ରାତିରେ ଶୋଇବା ପୂର୍ବରୁ ବେକରେ ଲଗାନ୍ତୁ । ସକାଳେ ଉଠି ଥଣ୍ଡା ପାଣିରେ ବେକ ଧୋଇଦିଅନ୍ତୁ । ଏମିତି କିଛି ଦିନ କଲେ ଧୀରେ ଧୀରେ ବେକର କଳାପଣ କମ୍ ହୋଇଥାଏ ।
ଉଷୁମ ଆଲମଣ୍ଡ ଅଏଲ:
ଏକ ପାତ୍ରରେ ଆଲମଣ୍ଡ ଅଏଲ ନଖ ଉଷୁମ କରି 10 ମିନିଟ୍ ପର୍ଯ୍ୟନ୍ତ ବେକର କଳା ସ୍ଥାନରେ ମାଲିସ୍ କରନ୍ତୁ । ଏଥିରୁ ଭଲ ଫାଇଦା ମିଳିଥାଏ ।
ଏହି ଘରୋଇ ଉପଚାରଗୁଡିକୁ ନିଜର ଦିନଚର୍ଯ୍ୟାରେ ସାମିଲ କରି ବେକର କଳାପଣ ଦୂର କରିବା ସହ ଚମକଦାର କରିପାରିବେ ।
ଏହା ମଧ୍ୟ ପଢନ୍ତୁ: ମୁଣ୍ଡବିନ୍ଧାକୁ ସାମାନ୍ୟ ଭାବନ୍ତୁ ନାହିଁ, ଏସବୁ ଲକ୍ଷଣ ଥିଲେ ନିଅନ୍ତୁ ଡାକ୍ତରଙ୍କ ପରାମର୍ଶ ଏହା ମଧ୍ୟ ପଢନ୍ତୁ: କାହିଁକି ଶରୀର ପାଇଁ 'ଗୁଡ୍' ଗୁଡ଼ ? ଡାଇବେଟିସ୍ ରୋଗୀ ଖାଇପାରିବେ କି, ଜାଣନ୍ତୁ ଏହା ମଧ୍ୟ ପଢନ୍ତୁ: ବ୍ରେନ ଷ୍ଟ୍ରୋକ ପୂର୍ବରୁ ଦେଖାଯାଏ ଏସବୁ ଲକ୍ଷଣ |
Disclaimer- ଏଠାରେ ଦିଆଯାଇଥିବା ସୂଚନା କେବଳ ଆପଣଙ୍କ ଜାଣିବା ପାଇଁ । ଏହା ଉପରେ ବିଚାର କରିବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଭଲ ।
