ହାଇଦ୍ରାବାଦ: ଅଭିନୟ କ୍ୟାରିୟର ବ୍ୟତୀତ ପରିବାରକୁ ନେଇ ସାଉଥ ଲୋକପ୍ରିୟ ଅଭିନେତା ନାଗାର୍ଜୁନଙ୍କ ନାମ କ୍ରମାଗତ ଭାବରେ ଶିରୋନାମାରେ ରହିଆସିଛି । ଅଭିନେତାଙ୍କ ଘରେ ବର୍ତ୍ତମାନ ସାହାନାଇ ବାଜିବାକୁ ଯାଉଛି । ବଡ ପୁଅ ତଥା ଅଭିନେତା ନାଗା ଚୈତନ୍ୟଙ୍କ ବିବାହ କିଛି ଦିନ ମଧ୍ୟରେ ହେବାକୁ ଯାଉଛି। ନିକଟରେ ନାଗା ଚୈତନ୍ୟଙ୍କ ନିର୍ବନ୍ଧ ଅଭିନେତ୍ରୀ ଶୋବିତା ଧୂଲିପାଲାଙ୍କ ସହ ହୋଇଥିଲା । ଚଳିତ ମାସରେ ଉଭୟ ବିବାହ କରିବେ ବୋଲି କୁହାଯାଉଛି । ଏନେଇ କୌଣସି ଅଫିସିଆଲ ଘୋଷଣା ହୋଇନାହିଁ । ଏହାରି ମଧ୍ୟରେ ନାଗାର୍ଜୁନଙ୍କ ସାନ ପୁଅ ତଥା ଅଭିନେତା ଅଖିଲ ଆକ୍କିନେନିଙ୍କ ନିର୍ବନ୍ଧ ସରିଛି । ଅଖିଲ ତାଙ୍କ ଗାର୍ଲଫ୍ରେଣ୍ଡ ଜୈନବ ରବିଜୀଙ୍କ ସହ ନିର୍ବନ୍ଧ କରିଛନ୍ତି । ସୋସିଆଲ ମିଡିଆରେ ଉଭୟ କପଲଙ୍କ ଫଟୋ ସେୟାର କରି ଏହି ଖୁସି ଖବର ଦେଇଛନ୍ତି ନାଗାର୍ଜୁନ । ଏହି ସମୟରେ, ନାଗାର୍ଜୁନଙ୍କ ପରିବାରର ସାନ ବୋହୂ ଜୈନାବ କିଏ? ତାଙ୍କୁ ନେଇ ଆଲୋଚନା ହେଉଥିବା ବେଳେ ଜାଣନ୍ତୁ ସେ କିଏ?
We are thrilled to announce the engagement of our son, @AkhilAkkineni8, to our daughter in law to be Zainab Ravdjee!
— Nagarjuna Akkineni (@iamnagarjuna) November 26, 2024
We couldn't be happier to welcome Zainab into our family. Please join us to congratulate the young couple and wish them a lifetime filled with love, joy, and… pic.twitter.com/5KM7BU00bz
ଅଖିଲ ଅକ୍କିନେନିଙ୍କ ସରିଲା ନିର୍ବନ୍ଧ
ମଙ୍ଗଳବାର ଦିନ ନାଗାର୍ଜୁନ ତାଙ୍କ ଏକ୍ସ ହ୍ୟାଣ୍ଡେଲରେ ଏକ ନୂତନ ପୋଷ୍ଟ ସେୟାର କରିଛନ୍ତି। ଯାହା ମାଧ୍ୟମରେ ସେ ସାନ ପୁଅ ଅଖିଲଙ୍କ ନିର୍ବନ୍ଧ ଘୋଷଣା କରିଛନ୍ତି। ଏହି ପୋଷ୍ଟରେ ଅଖିଲ ଏବଂ ତାଙ୍କ ପ୍ରେମିକା ଜୈନବ ରାଓଜୀଙ୍କ ରୋମାଣ୍ଟିକ ଅନ୍ଦାଜରେ ନଜର ଆସିଛନ୍ତି । ଏହା ସେୟାର କରି ସେ କ୍ୟାପସନରେ ଲେଖିଛନ୍ତି, "ଆମ ପୁଅ ଅଖିଲ ଆକ୍କିନେନି ବୋହୂକୁ ଜୈନବ ରାବଜୀଙ୍କ ସହ ନିର୍ବନ୍ଧ ଘୋଷଣା କରି ଆମେ ଖୁସି । ଜୈନାବଙ୍କୁ ଆମ ପରିବାରରେ ସ୍ୱାଗତ କରି ଆମେ ଅଧିକ ଖୁସି ହୋଇପାରିଛୁ। ଯୁବ ଦମ୍ପତିଙ୍କୁ ଅଭିନନ୍ଦନ ଜଣାଇବାକୁ ଦୟାକରି ଆମ ସହ ଯୋଗ ଦିଅନ୍ତୁ ଏବଂ ସେମାନଙ୍କୁ ପ୍ରେମ, ଆନନ୍ଦ ଏବଂ ଆପଣଙ୍କର ଅଗଣିତ ଆଶୀର୍ବାଦ ଦିଅନ୍ତୁ। "
ଜୈନବ ରବଜୀ କିଏ?
ଜୈନବ ରବଜୀ ଜଣେ କଳାକାର ତଥା କଳା ପ୍ରଦର୍ଶକ । ହାଇଦ୍ରାବାଦର ବାସିନ୍ଦା ଜୈନବ ଏକ ମୁସଲମାନ ପରିବାରର ଅଟନ୍ତି। ସେ ଶିଳ୍ପପତି ଜୁଲଫି ରବଜୀଙ୍କ ଝିଅ । ବର୍ତ୍ତମାନ ସେ ମୁମ୍ୱାଇରେ ରହୁଛନ୍ତି । ଜୈନବଙ୍କ କଳା ଅନେକ ପ୍ରତିଷ୍ଠିତ ପ୍ରଦର୍ଶନୀରେ ସ୍ଥାନ ପାଇଛି, ତାଙ୍କର ଅନ୍ୟତମ ଉଲ୍ଲେଖନୀୟ ସଂଗ୍ରହ ହେଉଛି 'reflexation' ଯାହାକି 2012 ରେ ହାଇଦ୍ରାବାଦରେ ପ୍ରଦର୍ଶିତ ହୋଇଥିଲା ।ତାଙ୍କ କଳା ପ୍ରତିଭାର ବାହାରେ, ଜୈନାବ ରବଜୀ 2004 ମସିହାରେ ଚଳଚ୍ଚିତ୍ର 'ମେନାକ୍ସି: ଏକ ଟେଲ ଅଫ୍ ଥ୍ରୀ ସିଟି'ରେ ଏକ କ୍ୟାମୋ ଅଭିନୟ ସହିତ ଅଭିନୟ ଆରମ୍ଭ କରିଥିଲେ, ଯାହାକୁ କିମ୍ବଦନ୍ତୀ ଏମ୍ ହୁସେନ୍ ନିର୍ଦ୍ଦେଶନା ଦେଇଥିଲେ । ଯଦିଓ ସେ ଅଭିନୟରେ କ୍ୟାରିଅର କରିନାହାନ୍ତି କିନ୍ତି ସେ ନାଟକ କଳା ପ୍ରତି ତାଙ୍କର ଉତ୍ସାହ ଜାରି ରଖିଛନ୍ତି ।
ଏହା ମଧ୍ୟ ପଢନ୍ତୁ: ଏହି ଦିନ ନାଗା ଚୈତନ୍ୟ-ଶୋଭିତା ଧୂଲିପାଲାଙ୍କ ପଡ଼ିବ ହାତଗଣ୍ଠି, ସାମ୍ନାକୁ ଆସିଲା ବିବାହ ତାରିଖ
ଜୈନବ ଅଖିଲଙ୍କଠାରୁ 9 ବର୍ଷ ବଡ
ଜୈନାବ ଏବଂ ଅଖିଲ ଦୁଇ ବର୍ଷରୁ ଅଧିକ ସମୟ ଡେଟିଂ କରୁଥିବା କୁହାଯାଉଛି ଏବଂ ଏହା ପରେ ଉଭୟ ବିବାହ କରିବାକୁ ନିଷ୍ପତି ନେଇଥିବା ବେଳେ ନିର୍ବନ୍ଧ ସରିଛି । ଅଖିଲ ଟଲିଉଡରେ ଜଣେ ଜଣାଶୁଣା ଚେହେରା । ତେବେ ଜୈନବ ଅଖିଲଙ୍କଠାରୁ 9 ବର୍ଷ ବଡ ଥିବାରୁ ସେମାନଙ୍କ ମଧ୍ୟରେ ବୟସ ପାର୍ଥକ୍ୟ ଏକ ଚର୍ଚ୍ଚାର ବିଷୟ ହୋଇଛି। ଜୈନାବ ଏବଂ ଅଖିଲଙ୍କ ବିବାହ 2025 ଆରମ୍ଭରେ ହେବାର ସମ୍ଭାବନା ଅଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
