ହାଇଦ୍ରାବାଦ: 'ଜବାନ' ପରେ ନିର୍ଦ୍ଦେଶକ ଅଟଲି କୁମାର ଆଉ ଏକ ଆକ୍ସନ୍ ଥ୍ରୀଲର ଫିଲ୍ମ ସହ ଧମାକା କରିବାକୁ ଯାଉଛନ୍ତି । ଯେଉଁଥିରେ ଲୋକପ୍ରିୟ ଅଭିନେତା ବରୁଣ ଧୱନ ମୁଖ୍ୟ ଭୂମିକାରେ ନଜର ଆସିବେ । ଆଜି ଅଟଲି ଫିଲ୍ମର ଟାଇଟଲ ଘୋଷଣା କରିଛନ୍ତି । ବରୁଣ ଧୱନ ଷ୍ଟାରର ଫିଲ୍ମର ଦମଦାର ଟିଜର ରିଲିଜ କରି ଫିଲ୍ମର ଟାଇଟଲ ଘୋଷଣା କରିଛନ୍ତି ନିର୍ମାତା । ଏଥିସହ ଫିଲ୍ମ ମଧ୍ୟ କେବେ ରିଲିଜ ହେବ ସେନେଇ ମଧ୍ୟ ପ୍ରକାଶ କରିଛନ୍ତି । ଫିଲ୍ମର ନାଁ 'ବେବି ଜନ' ରଖାଯାଇଥିବା ବେଳେ ମେ ୩୧ରେ ପ୍ରେକ୍ଷାଳୟରେ ରିଲିଜ ହେବ ।
ଅଟଲି ନିଜ ସୋସିଆଲ ମିଡିଆ ଏକ୍ସ ଏବଂ ଇନଷ୍ଟାଗ୍ରାମରେ ନୂଆ ପୋଷ୍ଟର ସେୟାର କରିଛନ୍ତି । ଏହା ସେୟାର କରି ସେ କ୍ୟାପସନରେ ଲେଖିଛନ୍ତି, ବର୍ଷ ୨୦୨୪ର ସବୁଠାରୁ ବଡ ଆକ୍ସନ ଏଣ୍ଟଟେନର ଫିଲ୍ମ 'ବେବି ଜନ' ମେ ୩୧ରେ ସିନେମାହଲରେ ରିଲିଜ ହେବ । ଏଥିରେ ସେ ଟିଜର ଏକ ଲିଙ୍କ ମଧ୍ୟ ସେୟାର କରିଛନ୍ତି । ଏହି ଫିଲ୍ମରେ ବରୁଣଙ୍କୁ ନୂଆ ଲୁକରେ ଦେଖିବାକୁ ମିଳିଥିବା ବେଳେ ଏକ ମିନିଟ ପାଞ୍ଚ ସେକେଣ୍ଡ ଏହି ଟିଜରରେ ବରୁଣ ଧୱନ ଦମଦାର ଅବତାରରେ ନଜର ଆସିଛନ୍ତି ।
- " class="align-text-top noRightClick twitterSection" data="">
ସୂଚନା ଥାଉ କି, ବରୁଣ ଧୱନଙ୍କ ଏହି ଫିଲ୍ମ ନାଁ ପୂର୍ବରୁ 'VD 18' ରହିଥିଲା । ବର୍ତ୍ତମାନ ଫିଲ୍ମର ଟାଇଟଲ 'ବବି ଜନ' ରଖାଯାଇଛି । ପିଳ୍ମର ସୁଟିଂ ସମୟରେ ଆହତ ହୋଇଥିଲେ ବରୁଣ । ଏହି ଫିଲ୍ମର ସୁଟିଂ ସମୟରେ ଲୁହା ରଡ୍ ବାଜି ଅଭିନେତାଙ୍କ ଗୋଡରେ ଆଘାତ ଲାଗିଥିଲା । ଅଭିନେତା ନିଜ ସୋସିଆଲ ମିଡିଆରେ ଆହତ ଗୋଡ଼ର ଫଟୋ ସେୟାର କରି ଏହାର ସୂଚନା ଦେଇଥିଲେ ।
ଏହା ମଧ୍ୟ ପଢନ୍ତୁ: 'ଦୁଲହନିଆ ୩'ରେ ବରୁଣଙ୍କ ସହ ରୋମାନ୍ସ କରିବେ ଜାହ୍ନବୀ
କହିରଖୁଛୁ କି, ଏହି ଫିଲ୍ମରେ ବରୁଣଙ୍କ ସହ ସାଉଥ ଲୋକପ୍ରିୟ ଅଭିନେତ୍ରୀ କୀର୍ତ୍ତି ସୁରେଶଙ୍କୁ ଦେଖିବାକୁ ମିଳିବ । ପ୍ରଥମ ଥର ପାଇଁ ଉଭୟ ତାରକା ଏହି ଫିଲ୍ମ ସହ ଏକାଠି ସ୍କ୍ରିନ ସେୟାର କରିବାକୁ ଯାଉଛନ୍ତି । ଏଥିସହ ଏହି ଫିଲ୍ମରେ ଭାମିକା ଗାବି, ରାଜପାଲ ଯାଦବ, ଜ୍ୟାକି ଶ୍ରଫଙ୍କୁ ମଧ୍ୟ ଦେଖିବାକୁ ମିଳିବ । ଅଟଲି ଏବଂ ମୁରାଦ ଖେତାନୀଙ୍କ ଦ୍ବାରା ଏହି ଫିଲ୍ମ ନିର୍ମିତ ହୋଇଛି । ମେ ୩୧ରେ ପରଦାକୁ ଆସିବ ଫିଲ୍ମ । ତେବେ ଟିଜର ଦେଖିବା ପରେ ଫ୍ୟାନ୍ସ ଉତ୍ସାହର ସହ ଏହି ଫିଲ୍ମ ଦେଖିବାକୁ ଅପେକ୍ଷା କରିଛନ୍ତି ।
