ହାଇଦ୍ରାବାଦ: ପୁଣିଥରେ ଚର୍ଚ୍ଚାରେ ରହିଛନ୍ତି ସୋସିଆଲ ମିଡିଆ ସେନ୍ସେସନ ଉର୍ଫି ଜାଭେଦ । ହେଲେ ଏଥର ନିଜ ଡ୍ରେସ କୋର୍ଡକୁ ନେଇ ବରଂ କିଙ୍ଗ ଖାନଙ୍କ ପାଇଁ ସେ ଲାଇମ ଲାଇଟରେ ରହିଛନ୍ତି । ଉର୍ଫି ଜୋଭେଦ ବର୍ତ୍ତମାନ ଶାହାରୁଖ ଖାନଙ୍କୁ ଭେଟିଛନ୍ତି । ଅନେଇ ଉର୍ଫି ନିଜ ସୋସିଆଲ ମିଡିଆରେ କିଙ୍ଗ ଖାନଙ୍କ ସହ ଏକ ଫଟୋ ମଧ୍ୟ ସେୟାର କରିଛନ୍ତି । ଯାହାକୁ ଦେଖି ଫ୍ୟାନ୍ସ ଏବଂ ନେଟିଜେନ୍ସ ଆଶ୍ଚର୍ଯ୍ୟ ହୋଇଯାଇଛନ୍ତି ।
ଉର୍ଫି ଜାଭେଦ ଇନଷ୍ଟାଗ୍ରାମ ଷ୍ଟୋରୀରେ ବଲିଉଡର ବାଦଶାହାଙ୍କ ସହ ତାଙ୍କ ଫଟୋ ପୋଷ୍ଟ କରିଛନ୍ତି । ଫଟୋର କ୍ୟାପସନରେ ସେ ମୋ ପ୍ରିୟ ଲୋକ ସହ ଭେଟନ୍ତୁ ବୋଲି ଲେଖିଛନ୍ତି । ଏହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି । ଏହି ଫଟୋରେ ଉର୍ଫିଙ୍କୁ ଦେଖିଲେ ଲାଗୁଛି ଯେମିତି ଶାହାରୁଖଙ୍କୁ ଭେଟିବାକୁ ଆସିଛନ୍ତି । ଏଭଳି ପରିସ୍ଥିତିରେ, ଏହି ଫଟୋ ଦେଖି ଲୋକମାନେ ବିଭିନ୍ନ ପ୍ରକାରର କଳ୍ପନା ଜଳ୍ପନା ଆରମ୍ଭ କରିଦେଇଛନ୍ତି । କିଛି ଲୋକ ଏପରି ଅନୁଭବ କରିଛନ୍ତି ଯେ ସେ ଶୀଘ୍ର ବଲିଉଡରେ ପ୍ରବେଶ କରିପାରନ୍ତି, କିଙ୍ଗ ଖାନଙ୍କ ସହ ସେ ନଜର ଆସିପାରନ୍ତି ବୋଲି କହିଛନ୍ତି ।
ଫଟୋ ପଛର ସତ କ'ଣ ?
ଶାହାରୁଖ ଖାନଙ୍କ ସହ ଉର୍ଫି ଭେଟିନାହାନ୍ତି । ଏହି ସେଲଫି ସ୍ନାପଚାଟର ଫିଲ୍ଟରର କମାଲ ଅଟେ । ଯେଉଁଥିରେ ଆପଣ ଯେକୌଣସି ତାରକା ସହିତ ଆପଣଙ୍କର ସେଲ୍ଫି ଫଟୋ ପ୍ରସ୍ତୁତ କରିପାରିବେ । ଉର୍ଫିଙ୍କ କାର୍ଯ୍ୟ ସାମ୍ମୁଖ୍ୟ ବିଷୟରେ କହିବାକୁ ଗଲେ, ତାଙ୍କର ନୂଆ ଧାରାବାହିକ ଫଲୋ କର ଲୋ ୟାର ପ୍ରାଇମ ଭିଡିଓରେ ଲଞ୍ଚ କରାଯାଇଛି ଏବଂ କୁହାଯାଉଛି ଯେ ଉର୍ଫି ଏକତା କପୁରଙ୍କ ଲଭ ସେକ୍ସ ଅର ଧୋକା-୨ରେ ମଧ୍ୟ ନଜର ଆସିପାରନ୍ତି ।
ଏହା ମଧ୍ୟ ପଢନ୍ତୁ: ସୁନ୍ଦରତା ପାଇଁ କରିଥିଲେ ଲିପ ଫିଲର, ବିଗିଡିଗଲା ଓଠ
ସୂଚନା ଥାଉ କି, ସବୁବେଳେ ନିଜ ଫ୍ୟାଶନକୁ ନେଇ ଚର୍ଚ୍ଚାରେ ରହିଥାନ୍ତି ଉର୍ଫି ଜାଭେଦ । ସୋସିଆଲ ମିଡିଆରେ ନିଜର ଅଜବ ପୋଷାକ ପାଇଁ ଲାଇମଲାଇଟରେ ରହିଥାନ୍ତି ଉର୍ଫି ଜାଭେଦ । ତାର, ପଲିଥିନ, ଦଉଡି, ମୋବାଇଲ୍, ସୂତା ଭଳି ଜିନିଷରେ ଆଉଟଫିଟ ପ୍ରସ୍ତୁତ କରି ସବୁବେଲେ ଚର୍ଚ୍ଚାରେ ରୁହନ୍ତି ଉର୍ଫି । ଏଥିସହ ନିଜ ବୋଲ୍ଡ ଅନ୍ଦାଜ ପାଇଁ ବି ଆଲୋଚନା ରହିଥାନ୍ତି । ତେବେ ସେ ନିଜ ଆଉଟପିଟ ଏବଂ ବୋଲ୍ଡ ଅନ୍ଦାଜ ପାଇଁ ଅନେକ ଥର ଟ୍ରୋଲର ମଧ୍ୟ ଶିକାର ହୋଇଛନ୍ତି ।
ଏହା ମଧ୍ୟ ପଢନ୍ତୁ: ଉର୍ଫି ଜାଭେଦଙ୍କ ଫ୍ୟାଶନ ସେନ୍ସକୁ ନେଇ ଏମିତି କହିଲେ ବେବୋ
