ହାଇଦ୍ରାବାଦ: ୨୦୨୪ ବର୍ଷ ଆରମ୍ଭରେ ସୁପରହିଟ୍ ଫିଲ୍ମ 'ହନୁମାନ' ସହ ଭାରତୀୟ ସିନେମାରେ ଧମାକା କରିଥିଲେ ସାଉଥ ସିନେମାର ଯୁବ ଅଭିନେତା ତେଜା ସଜ୍ଜା । ଏହି ଫିଲ୍ମର ସଫଳତା ପରେ ସେ ପୁଣି ପରଦାରେ ନିଜର ଜଲୱା ଦେଖାଇବାକୁ ଯାଉଛନ୍ତି । ଅଭିନେତା ନିଜ ନୂଆ ଫିଲ୍ମର ପ୍ରଥମ ଲୁକ୍ ପୋଷ୍ଟର ରିଲିଜ କରିଛନ୍ତି ଏବଂ ଏହି ଚଳଚ୍ଚିତ୍ରର ଟାଇଟଲ କେବେ ଘୋଷଣା କରିବେ ତାହା ପ୍ରକାଶ କରିଛନ୍ତି ।
ଅଭିନେତା ତେଜା ସଜ୍ଜା ଆଜି ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସେୟାର କରିଛନ୍ତି । ଫଟୋରେ ତେଜା ସଜ୍ଜାଙ୍କୁ ଦମଦାର ଲୁକରେ ଦେଖିବାକୁ ମିଲିଛି । ଏହା ସେୟାର କରି ସେ କ୍ୟାପସନରେ ଲେଖିଛନ୍ତି, ''ମୋର ପରବର୍ତ୍ତୀ ଚଳଚ୍ଚିତ୍ର ମାଷ୍ଟର କାରିଗର କାର୍ତ୍ତିକ ଘଟମେନନି ଏବଂ ପିପୁଲ୍ସ ମିଡିଆ ଫେକ୍ଟ୍ରି ସହ ସହଯୋଗ କରି ମୁଁ ବହୁତ ଖୁସି । ସୁପର ଯୋଦ୍ଧା ପକ୍ଷରୁ ଏକ ଆଶ୍ଚର୍ଯ୍ୟଜନକ ଉପହାର, ଯାହାର ଟାଇଟଲ ଆପଣ ଏପ୍ରିଲ ୧୮ରେ ଜାଣିପାରିବେ । ଆପଣଙ୍କ ସମସ୍ତଙ୍କ ଭଲପାଇବା ଏବଂ ଆଶୀର୍ବାଦ କାମନା କରୁଛି ।''
କହିରଖୁଛୁ କି, କାର୍ତ୍ତିକ ଘଟମେନନି ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ଏବଂ ବିଶ୍ୱ ପ୍ରସାଦ ଏହି ଚଳଚ୍ଚିତ୍ରର ନିର୍ମାତା ଅଟନ୍ତି । ଫିଲ୍ମ ବିଷୟରେ ଅଧିକ ସୂଚନା ଏପ୍ରିଲ ୧୮ରେ ସେୟାର କରାଯିବ । ସୂଚନା ଥାଉ କି, ୨୮ ବର୍ଷୀୟ ତେଜା ସଜ୍ଜା ୧୯୯୮ ମସିହାରୁ ଚଳଚ୍ଚିତ୍ରରେ ସକ୍ରିୟ ଥିଲେ ଏବଂ ଶିଶୁ ଅଭିନେତା ଭାବରେ ଅନେକ ଚଳଚ୍ଚିତ୍ରରେ କାମ କରିଛନ୍ତି । ତେଜାଙ୍କୁ ଶେଷ ଥର ପାଇଁ ହନୁମାନ ଚଳଚ୍ଚିତ୍ରରେ ଦେଖିବାକୁ ମିଳିଥିଲା, ଯାହା ମକର ସଂକ୍ରାନ୍ତି (୧୨ ଜାନୁଆରୀ ୨୦୨୪) ଅବସରରେ ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ରରୁ ତେଜା ବିଶ୍ୱବ୍ୟାପୀ ଲୋକପ୍ରିୟତା ହାସଲ କରିଛନ୍ତି ।
ଏହା ମଧ୍ୟ ପଢନ୍ତୁ: 'ହନୁମାନ' ସ୍ବିକେଲ 'ଜୟ ହନୁମାନ'ର ସୁଟିଂ, ଫିଲ୍ମରେ ହେଲା ରାମଙ୍କ ଏଣ୍ଟ୍ରି
୪୦ କୋଟି ଟଙ୍କା ବଜେଟରେ ନିର୍ମିତ ଏହି ଚଳଚ୍ଚିତ୍ରଟି ୩୦୦କୋଟିରୁ ଅଧିକ ବ୍ୟବସାୟ କରିଥିଲା । କେବଳ ଏତିକି ନୁହେଁ ଏହି ଫିଲ୍ମ ପ୍ରତ୍ୟେକ ଟିକେଟର ୫ଟଙ୍କା ମଧ୍ୟ ଅଯୋଧ୍ୟା ରାମ ମନ୍ଦିର ପାଇଁ ଦାନ କରି ଚର୍ଚ୍ଚାରେ ରହିଥିଲା । ଏଥିସହ ଏହି ଚଳଚ୍ଚିତ୍ରର ଭିଏଫଏକ୍ସକୁ ଦେଖି ଅନେକ ଫିଲ୍ମ ନିର୍ମାତା ଏବଂ ଫିଲ୍ମ ସମାଲୋଚକ ଖୁବ ପ୍ରଶଂସା କରିଥିଲେ । ବର୍ତ୍ତମାନ ଏହି ଚଳଚ୍ଚିତ୍ରଟି ତେଲୁଗୁ ଏବଂ ହିନ୍ଦୀରେ ଓଟିଟି ପ୍ଲାଟଫର୍ମରେ ଷ୍ଟ୍ରିମିଂ ହୋଇଛି । ତେଲଗୁ ଭର୍ସନ ଜି-୫ରେ ରିଲିଜ ହୋଇଥିବା ବେଳେ ହିନ୍ଦୀ ଭର୍ସନ ଜିଓ ସିନେମାରେ ଷ୍ଟ୍ରିମିଂ ହୋଇଛି । ପ୍ରଶାନ୍ତ ବର୍ମା ଏହି ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ ସେ ତେଜାଙ୍କ ସହ 'ହନୁମାନ ୨' ମଧ୍ୟ ପ୍ରସ୍ତୁତ କରିବାକୁ ଯାଉଛନ୍ତି ।
