ହାଇଦ୍ରାବାଦ: ବକ୍ସ ଅଫିସରେ ଶ୍ରଦ୍ଧା କପୁର ଏବଂ ରାଜକୁମାର ରାଓଙ୍କ ଅଭିନୀତ ହରର କମେଡି ଚଳଚ୍ଚିତ୍ର 'ସ୍ତ୍ରୀ 2' ଧମାକା କରୁଛି । 15 ଅଗଷ୍ଟରେ ରିଲିଜ ହୋଇଥିବା ବେଳେ ଏହି ଫିଲ୍ମ ରିଲିଜର ମାସେ ପରେ ବି ଦମଦାର ପ୍ରଦର୍ଶନ କରୁଛି । ବର୍ତ୍ତମାନ ଏହି ଫିଲ୍ମ 600 କୋଟି କ୍ଲବରେ ଏଣ୍ଟ୍ରି କରି ନୂଆ ରେକର୍ଡ ନିଜ ନାଁରେ କରିଛି । 50 କୋଟି ବଡେଟରେ ନିର୍ମିତ ଏହି ଫିଲ୍ମ ବକ୍ସ ଅଫିସରେ ଧୂଆଁଧାର କଲେକ୍ସନ କରି ସମସ୍ତ ବଲିଉଡ ଫିଲ୍ମ(ପଠାନ, ଜବାନ, ବାହୁବଳୀ 2) କୁ ପଛରେ ପକାଇଛି ।
39 ଦିନର 'ସ୍ତ୍ରୀ 2' କଲେକ୍ସନ
ସାକନିକଙ୍କ ରିପୋର୍ଟ ଅନୁଯାୟୀ, 'ସ୍ତ୍ରୀ 2' 39 ତମ ଦିନରେ 5 କୋଟି ଟଙ୍କା ବ୍ୟବସାୟ କରିଛି । 'ସ୍ତ୍ରୀ 2' ର ନିର୍ମାତା ମାଡୋକ ଫିଲ୍ମସଙ୍କ ଅନୁଯାୟୀ ଏହି ଚଳଚ୍ଚିତ୍ରଟି ମୋଟ(gross) 713 କୋଟି ଟଙ୍କା ଏବଂ ଭାରତରେ 604.22 କୋଟି ଟଙ୍କା ଆୟ କରିଛି । ଏହାସହ 'ସ୍ତ୍ରୀ 2' ଘରୋଇ ବକ୍ସ ଅଫିସରେ 600 କୋଟି ଟଙ୍କାର କ୍ଲବରେ ପ୍ରବେଶ କରି ଭାରତୀୟ ସିନେମାର ପ୍ରଥମ ହିନ୍ଦୀ ଚଳଚ୍ଚିତ୍ର ହୋଇପାରିଛି । 'ସ୍ତ୍ରୀ 2' ନିର୍ମାତା ଏହି ସଫଳତା ପାଇଁ ଦର୍ଶକଙ୍କୁ ଧନ୍ୟବାଦ ଜଣାଇଛନ୍ତି ।
ଏହି ଫିଲ୍ମକୁ ପଛରେ ପକାଇଲା
ସ୍ତ୍ରୀ 2-604.22 କୋଟି
ଜବାନ- 583 କୋଟି
ଆନିମଲ- 556 କୋଟି
ପଠାନ- 543.05 କୋଟି
ଗଦର 2- 525.7 କୋଟି
ବାହୁବଳୀ 2- 510.99 କୋଟି
କେଜିଏଫ 2- 434.70 କୋଟି
ଏହା ମଧ୍ୟ ପଢନ୍ତୁ: ଇତିହାସ ରଚିଲା 'ସ୍ତ୍ରୀ 2', ବନିଲା ସବୁଠାରୁ ଅଧିକ ଆୟ କରିଥିବା ଫିଲ୍ମ
'ସ୍ତ୍ରୀ ୨' ଷ୍ଟାରକାଷ୍ଟ ଓ କାହାଣୀ
ଦୀନେଶ ଭାଇଜାନ ଏବଂ ଜ୍ୟୋତି ଦେଶପାଣ୍ଡେ ଏକାଠି ଏହି ଚଳଚ୍ଚିତ୍ର ନିର୍ମାଣ କରୁଥିବା ବେଳେ ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅମର କୌଶିକ । ଫିଲ୍ମର କାହାଣୀ ନିରେନ ଭଟ୍ଟ ଲେଖିଛନ୍ତି । ଏଥର ମଧ୍ୟ 'ସ୍ତ୍ରୀ ୨'ରେ ଶ୍ରଦ୍ଧା କପୁର ଏବଂ ରାଜକୁମାର ରାଓ ନଜର ଆସିଛନ୍ତି । ଏମାନଙ୍କ ବ୍ୟତୀତ ପଙ୍କଜ ତ୍ରିପାଠୀ, ଅପରକ୍ଷୀ ଖୁରାନା ଏବଂ ଅଭିଷେକ ବାନାର୍ଜୀ ମଧ୍ୟ ନଜର ଆସିଛନ୍ତି । ଚଳଚ୍ଚିତ୍ରର କାହାଣୀ ବିଷୟରେ କହିବାକୁ ଗଲେ ଏଥର ଚନ୍ଦେରୀ ଜଣେ ମହିଳାଙ୍କ ସହ ନୁହେଁ ବରଂ ଜଣେ ସରକଟାର ସମ୍ମୁଖୀନ ହୋଇଛନ୍ତି । ଶ୍ରଦ୍ଧା କପୁର ହେଉଛନ୍ତି ସେହି ସ୍ତ୍ରୀର ଝିଅ ଯିଏ ପ୍ରଥମ ଚଳଚ୍ଚିତ୍ରର ସସପେନ୍ସ ହୋଇ ରହିଥିଲେ। ଏପରି ସମୟରେ ରାଜକୁମାର ରାଓ ଚନ୍ଦେରୀକୁ ସ୍ତ୍ରୀ ପରି ସରକଟା ଠାରୁ ବି ରକ୍ଷା କରୁଥିବାର ନଜର ଆସିଛନ୍ତି ।
ବ୍ୟୁରୋ ରିପୋର୍ଚ, ଇଟିଭି ଭାରତ
