ହାଇଦ୍ରାବାଦ: ଭେଟେରାନ୍ ସାଉଥ୍ ସିନେମା ନିର୍ଦ୍ଦେଶକ ଏସଏସ ରାଜାମୌଲିଙ୍କ ଫିଲ୍ମ 'ବାହୁବଳୀ'ର ଦୁଇଟି ଭାଗ ବକ୍ସ ଅଫିସରେ ଧାମକା କରିଥିଲା । ପ୍ରଭାସ ଏବଂ ରାଣା ଡଗୁବତୀଙ୍କ ଅଭିନୀତ ଏହି ଚଳଚ୍ଚିତ୍ର ବେଶ ଲୋକପ୍ରିୟତା ହାସଲ କରିବା ସହ ରୋଜଗାର କ୍ଷେତ୍ରରେ ଇତିହାସ ରଚିଥିଲା । ତେବେ ଏହାର ୩ୟ ଭାଗକୁ ଫ୍ୟାନ୍ସ ଅପେକ୍ଷା କରିଥିବା ବେଳେ ରାଜାମୌଲି ଏହାର ସିରିଜ ଘୋଷଣା କରିଛନ୍ତି । ନିକଟରେ ସେ ଫିଲ୍ମର ଆନିମେଟେଡ ସିରିଜ 'ବାହୁବଳୀ: କ୍ରାଉନ ଅଫ ବ୍ଲଡ' ଘୋଷଣା କରିଥିବା ବେଳେ ଆଜି ଏହାର ଟ୍ରେଲର ରିଲିଜ କରିଛନ୍ତି । ଏତିସହ ଏହା ଓଟିଟି ପ୍ଲାଟଫର୍ମରେ ରିଲିଜ ହେବାକୁ ଥିବା ବେଳେ କେବେ ଏବଂ କେଉଁ ପ୍ଲାଟଫର୍ମରେ ଏହାକୁ ଦେଖିବେ ଲୋକେ ତାହା ପ୍ରକାଶ କରିଛନ୍ତି ।
- " class="align-text-top noRightClick twitterSection" data="">
'ବାହୁବଳୀ: କ୍ରାଉନ ଅଫ ବ୍ଲଡ'ର ଟ୍ରେଲର ନିର୍ଦ୍ଦେଶକ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଏହା ସେୟାର କରି ସେ କ୍ୟାପସନରେ ଲେଖିଛନ୍ତି,' ମାହିଷ୍ମତୀଙ୍କ ରକ୍ତରେ ଲେଖାଯାଇଥିବା ଏକ ନୂଆ କାହାଣୀ । ମେ' ୧୭ରେ ଓଟିଟି ପ୍ଲାଟଫର୍ମ ଡିଜନି ପ୍ଲସ୍ ହଟଷ୍ଟାରରେ 'ବାହୁବଳୀ: କ୍ରାଉନ ଅଫ ବ୍ଲଡ' ରିଲିଜ ହେବ । କହିରଖୁଛୁ କି, ଏହା ଏକ ଆନିମେଟେଡ ୱେବ ସିରିଜ ହୋଇଥିବା ବେଳେ ଏଥିରେ ବାହୁବଳୀର ଇତିହାସ ବିଷୟରେ ବିସ୍ତୃତ ଭାବରେ କୁହାଯିବ । ତେବେ ଏହି ଟ୍ରେଲରକୁ ଦେଖିବା ପରେ ସିନେ ପ୍ରେମୀମାନେ ଉତ୍ସାହର ସହ ଏହି ୱେବ ସିରିଜ ରିଲିଜ୍ ପାଇଁ ଅପେକ୍ଷା କରିଛନ୍ତି ।
ଏହି ସିରିଜ ବିଷୟରେ ସୂଚନା ଦେଇ ଚଳଚ୍ଚିତ୍ର ନିର୍ମାତା ରାଜାମୌଲି କହିଛନ୍ତି, ବାହୁବଳୀର ଦୁନିଆ ବହୁତ ବଡ ଏବଂ ଫିଲ୍ମ ଫ୍ରାଞ୍ଚାଇଜ୍ ଏହାର ପ୍ରମାଣ ଅଟେ । ତଥାପି, ଅନୁସନ୍ଧାନ କରିବାକୁ ଆହୁରି ଅନେକ କିଛି ଅଛି । କିନ୍ତୁ ଏହି କାହାଣୀ ପ୍ରଥମ ଥର ପାଇଁ ବାହୁବଳୀ ଏବଂ ଭଲାଲଦେବଙ୍କ ଜୀବନ ସହ ଜଡିତ ଅନେକ ରହସ୍ୟ ଉପରୁ ପରଦା ହଟାଇବ । ଏହା ମଧ୍ୟ ଏକ ଅନ୍ଧକାର ରହସ୍ୟକୁ ପ୍ରକାଶ କରିବ କାରଣ ଉଭୟ ଭାଇଙ୍କୁ ମାହିଷ୍ମତୀଙ୍କୁ ବଞ୍ଚାଇବାକୁ ପଡିବ । ସେ ଆହୁରି କହିଛନ୍ତି, ''ଆମେ ବାହୁବଳୀ ଫ୍ୟାନ୍ସଙ୍କ ଏହି ଆନିମେଟେଡ ସିରିଜ ଆଣି ବହୁତ ଖୁସି । ଏହାକୁ ଲୋକେ ବେଶ ପସନ୍ଦ କରିବେ ବୋଲି ଆଶା ।''
ଏହା ମଧ୍ୟ ପଢନ୍ତୁ: OTTରେ ଧୁମ୍ ମଚାଇବ ରାଜାମୌଲିଙ୍କ 'ବାହୁବଳୀ କ୍ରାଉନ ଅଫ ବ୍ଲଡ'
ସୂଚନା ଥାଉ କି, ରାଜାମୌଲି ୨୦୧୫ରେ ପ୍ରଭାସଙ୍କ ସହ 'ବାହୁବଳୀ: ଦ ବିଗନିଙ୍ଗ' ରିଲିଜ କରିଥିଲେ । ଏଥିରେ ଅନେକ ସୁପରଷ୍ଟାର ନଜର ଆସିଥିବା ବେଳେ ଫିଲ୍ମଟି ବ୍ଲକବଷ୍ଟର ବୋଲି ପ୍ରମାଣିତ ହୋଇଥିଲା । କେବଳ ଦେଶରେ ନୁହେଁ ଏହାର ଜାପାନ, ଚୀନ୍ ଏବଂ ଅନେକ ୟୁରୋପୀୟ ଦେଶ ମଞ୍ଚରେ ରେକର୍ଡ ଭାଙ୍ଗିଛି । ଚଳଚ୍ଚିତ୍ରର ଅଦମ୍ୟ ସଫଳତା ପରେ ନିର୍ମାତାମାନେ ୨୦୧୭ରେ 'ବାହୁବଳୀ ୨' ସହ ପୁଣି ପରଦାରେ ଧମାକା କରିଥିଲେ । ଯାହା ସମୁଦାୟ ୧,୮୧୦ କୋଟି ଟଙ୍କା ରୋଜଗାର କରିଥିଲା ଏବଂ ଭାରତୀୟ ବକ୍ସ ଅଫିସରେ ଦ୍ୱିତୀୟ ସର୍ବାଧିକ ଆୟ କରିଥିବା ଚଳଚ୍ଚିତ୍ର ଇତିହାସ ରଚିଥିଲା । ବର୍ତ୍ତମାନ ରାଜାମୌଲି ବାହୁବଳୀଙ୍କୁ ଏକ ଆନିମେଟେଡ ସିରିଜ ସହ ଦର୍ଶକଙ୍କୁ ମନୋରଞ୍ଜନ କରିବାକୁ ଯାଉଛନ୍ତି ।
