- " class="align-text-top noRightClick twitterSection" data="">
ହାଇଦ୍ରାବାଦ: ଦିନକୁ ଦିନ ବଢିବାରେ ଲାଗିଛି ବଲିଉଡ ଅଭିନେତା ଅଜୟ ଦେବଗନଙ୍କ ଫିଲ୍ମ 'ସୈତାନ'ର କ୍ରେଜ । ଏହି ଫିଲ୍ମ କେବଳ ଭାରତରେ ନୁହଁ ବିଶ୍ୱର ଲୋକଙ୍କୁ ଆକୃଷ୍ଟ କରିବାରେ ସଫଳ ହୋଇଛି । ଫିଲ୍ମଟି ମାର୍ଚ୍ଚ ୮ରେ ରିଲିଜ ହୋଇଥିବା ବେଳେ ବର୍ତ୍ତମାନ ରିଲିଜକୁ ସପ୍ତାହେ ପୂରିଛି । ତେବେ ଫିଲ୍ମଟି ସପ୍ତାହକ ମଧ୍ୟରେ ବିଶ୍ୱରେ ୧୦୦କୋଟି କ୍ଲବରେ ସାମିଲ ହୋଇଥିବା ବେଳେ ଭାରତରେ ଏହା ୭୦ କୋଟି ପାର୍ କରିଛି ।
କଳା ଯାଦୁ ଉପରେ ନିର୍ମିତ ଏହି ଫିଲ୍ମରେ ଲୋକେ ଅଜୟ ଦେବଗନ ଏବଂ ଆର ମାଧବନଙ୍କ ଅଭିନୟକୁ ଖୁବ ପ୍ରଶଂସା କରିଛନ୍ତି । ଏହି ଫିଲ୍ମ ବିଶ୍ୱରେ ଧମାକା କରିଛି । ଫିଲ୍ମଟି ସାତ ଦିନ ମଧ୍ୟରେ ବିଶ୍ୱ ବକ୍ସ ଅଫିସରେ ମୋଟ ୧୦୦.୨୫ କୋଟି ଆୟ କରି ସଫଳତା ହାସଲ କରିଛି । ଏହିପରି ଏହି ଫିଲ୍ମ ୧୦୦କୋଟି କ୍ଲବରେ ସାମିଲ ହୋଇଥିବା ଫିଲ୍ମ ୩ୟ ଦିନ୍ଦୀ ଫିଲ୍ମ ଭାବେ ରେକର୍ଡ ସୃଷ୍ଟି କରିଛି । ପୂର୍ବରୁ ହ୍ରିତିକ ରୋଶନ ଏବଂ ଦୀପିକା ପାଦୁକୋନହ୍କ ଫିଲ୍ମ 'ଫାଇଟର' ଏବଂ ସାହିଦ କପୁରଙ୍କ ଫିଲ୍ମ 'ତେରି ବାତୋଁ ମେ ଏସା ଉଲଝା ଜିଆ' ୧୦୦କୋଟି କ୍ଲବରେ ସାମିଲ ହୋଇଥିବା ବେଳେ ଏବେ ସୈତାନ ଏହି ସଫଳତା ହାସଲ କରିଛି ।
ସେପଟେ ଭାରତୀୟ ବକ୍ସ ଅଫିସ କଥା କହିବାକୁ ଗଲେ, ସୈତାନ ସପ୍ତାହକରେ ମୋଟ ୭୦ କୋଟିରୁ ଅଧିକ ଆୟ କରିଛି । ସାକନିକଙ୍କ ରିପୋର୍ଟ ଅନୁଯାୟୀ, ଫିଲ୍ମ ପ୍ରଥମ ଦିନରେ ୧୪.୭୫ କୋଟି ଟଙ୍କା ସହ ଓପନିଂ କରିଥିଲା । ଏହା ପରେ, ଦ୍ୱିତୀୟ ଦିନରେ ଫିଲ୍ମଟି ସପ୍ତାହ ୧୮.୭୫ କୋଟି ଟଙ୍କା ରୋଜଗାର କରିଥିଲା । ତୃତୀୟ ଦିନରେ ୧୯.୩୫କୋଟି ଟଙ୍କା, ଚତୁର୍ଥ ଦିନରେ ୭.୨୫ କୋଟି, ପଞ୍ଚମ ଦିନରେ ୬.୫ କୋଟି , ୬ଷ୍ଠ ଦିନରେ ୬.୨୫ ଏବଂ ସପ୍ତମ ଦିନରେ ଫିଲ୍ମ ୨.୨୩ କୋଟି ଆୟ କରିଚି । ତେବେ ଫିଲ୍ମ ସାତ ଦିନରେ ମୋଟ ୭୬.୨୩ କୋଟି ଆୟ କରିଛି ।
ଏହା ମଧ୍ୟ ପଢନ୍ତୁ: ଅଜୟଙ୍କ 'ଦେ ଦେ ପ୍ୟାର ଦେ 2' ରିଲିଜ ଡେଟ୍ ଆଉଟ
ପ୍ରକାଶ ଥାଉକି, 'ସୈତାନ' ଫିଲ୍ମ ଗୁଜୁରାଟୀ ଫିଲ୍ମ 'ଭସ'ର ହିନ୍ଦୀ ଭର୍ସନ ଅଟେ । ଭସ ଫିଲ୍ମଟି ନିର୍ଦ୍ଦେଶକ କ୍ରିଷ୍ଣାଦେବ ୟାଗ୍ନିକ ନିର୍ଦ୍ଦେଶନା ଦେଇଥିବା ବେଳେ ଫିଲ୍ମଟି ଫେବୃଆରୀ ୧୦, ୨୦୨୩ରେ ରିଲିଜ ହୋଇଥିଲା । ବର୍ତ୍ତମାନ ଏହି ହିନ୍ଦୀ ଭର୍ସନ 'ସୈତାନ' ରିଲିଜ ହୋଇଛି । ଯାହାର ନିର୍ଦ୍ଦେଶନା ଦେଇଛନ୍ତି ନିର୍ଦ୍ଦେଶକ ବିକାଶ ବାହଲ । ଏହି ଚଳଚ୍ଚିତ୍ରଟି ଥ୍ରୀଲର, ସସପେନ୍ସ ଏବଂ କଳାଯାଦୁ ଉପରେ ଆଧାରିତ । ଏହି ହିନ୍ଦୀ ସିନେମାରେ ଅଜୟ ଦେବଗନ୍, ଆର ମାଧବନ୍ ଏବଂ ସାଉଥ ଅଭିନେତ୍ରୀ ଜ୍ୟୋତିକା ନଜର ଆସିଥିବା ବେଳେ ଏହି ୩ ତାରକାଙ୍କୁ ପ୍ରଥମ ଥର ପାଇଁ ଏକାଠି ଦେଖିବାକୁ ମିଳିଛି ।
