ହାଇଦ୍ରାବାଦ: ବଲିଉଡ ବାଦଶାହା ଶାହାରୁଖ ଖାନ ଆଉ ଏକ ଉପଲବ୍ଧି ନିଜ ନାଁରେ କରିଛନ୍ତି । ଗତ ଶନିବାର, ଅଗଷ୍ଟ 10ରେ ସୁପରଷ୍ଟାର ଲୋକାର୍ନୋ ଫିଲ୍ମ ଫେଷ୍ଟିଭାଲରେ ଯୋଗ ଦେଇଥିଲେ । ଏଠାରେ କିଙ୍ଗ ଖାନଙ୍କୁ ଲାଇମଟାଇମ ଆଚିଭମେଣ୍ଟ ଆୱାର୍ଡ ତଥା 'ପାର୍ଡୋ ଅଲ୍ଲା କ୍ୟାରିଅର ଆୱାର୍ଡ' ପୁରସ୍କାରରେ ସମ୍ମାନିତ କରାଯାଇଛି । ଏଥିପାଇଁ ସେ ସମସ୍ତଙ୍କୁ ଧନ୍ୟବାଦ ଜଣାଇବା ସହ ଖୁସିବ୍ୟକ୍ତ କରିଛନ୍ତି । କେବଳ ଏତିକି ନୁହେଁ ଏହି ଚଳଚ୍ଚିତ୍ର ମହୋତ୍ସବରେ ୨୦୦୨ରେ ମୁକ୍ତିଲାଭ କରିଥିବା ତାଙ୍କର ଫିଲ୍ମ 'ଦେବଦାସ' ମଧ୍ୟ ପ୍ରଦର୍ଶିତ ହୋଇଥିଲା । ଏହି ସମାରୋହରୁ ଏବେ କିଙ୍ଗ ଖାନଙ୍କ ଅନେକ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
Huge congratulations to SRK for receiving the ‘Pardo alla Carriera Ascona-Locarno Tourism’ award at the Locarno Film Festival! ❤️
— Shah Rukh Khan Universe Fan Club (@SRKUniverse) August 10, 2024
A well-deserved honor for his outstanding contributions to cinema! 👑@iamsrk @FilmFestLocarno#ShahRukhKhan #Locarno77 #PardoAllaCarriera… pic.twitter.com/AhH9mJ1gcO
କୃତଜ୍ଞତା ଜଣାଇଲେ କିଙ୍ଗ ଖାନ
ଶାହାରୁଖ ଖାନ ଏହି ଇଭେଣ୍ଟରେ ବ୍ଲାକ ରଙ୍ଗର ସୁଟରେ ନଜର ଆସିଥିଲେ । ପୁରସ୍କାର ପାଇବା ପରେ ଶାହାରୁଖ ଖାନ ଟ୍ରଫି ଦେଖାଇ କହିଥିଲେ- 'ଏହା ବହୁତ ଭାରୀ । ମୁଁ ସମସ୍ତଙ୍କୁ ଧନ୍ୟବାଦ ଦେବାକୁ ଚାହେଁ, ମୋତେ ଏହି ସୁନ୍ଦର, ଅତି ସାଂସ୍କୃତିକ, ଅତି ସୃଜନଶୀଳ ଏବଂ ଅତି ପ୍ରେମର ସହ ସ୍ୱାଗତ କରିଥିବାରୁ ଧନ୍ୟବାଦ । ମୁଁ ପରଦାରେ ଯାହା ଦେଖାଉଛି ତାହାଠାରୁ ମୋ ପାଇଁ ଏହା ବହୁତ ବଡ଼ । ଏହି ସହର ମୋତେ ଭାରତରେ ମୋ ଘର ପରି ଅନୁଭ କରାଇଛି । ତେଣୁ ମୋତେ ଏଠାରେ ନିମନ୍ତ୍ରଣ କରିଥିବାରୁ ଆପଣଙ୍କୁ ବହୁତ ଧନ୍ୟବାଦ ।
'ମୁଁ ପାସ୍ତା ଏବଂ ପିଜା ମଧ୍ୟ ତିଆରି କରିପାରିବି'
ଏହାପରେ ଶାହାରୁଖ ଖାନ କହିଛନ୍ତି, ''ମୋର ଇଟାଲୀ ଭାଷା ଏବଂ ରୋଷେଇରେ ଉନ୍ନତି ଆସିଛି । ମୋର ଏକ ସୁନ୍ଦର ଦିନ ଥିଲା, ଖାଦ୍ୟ ଭଲ ଥିଲା, ମୋର ଇଟାଲୀ ଭାଷା ଉନ୍ନତ ହେଉଛି ଏବଂ ମୋର ରାନ୍ଧିବାରେ ମଧ୍ୟ ଉନ୍ନତି ହେଉଛି । ମୁଁ ପାସ୍ତା ଏବଂ ପିଜା ମଧ୍ୟ ତିଆରି କରିପାରିବି । ମୁଁ ଏଠାରେ ଲୋକାର୍ନୋରେ ଶିଖୁଛି । ମୁଁ ମୋର ହୃଦୟରୁ ଏବଂ ଭାରତ ତରଫରୁ ଆପଣଙ୍କୁ ଧନ୍ୟବାଦ ଦେବାକୁ ଚାହୁଁଛି । ନମସ୍କାର ଏବଂ ଧନ୍ୟବାଦ, ଭଗବାନ ଆପଣଙ୍କୁ ଆଶୀର୍ବାଦ କରନ୍ତୁ ।''
ଏହା ମଧ୍ୟ ପଢନ୍ତୁ: ଜି ସିନେ ଆୱାର୍ଡ ୨୦୨୪ରେ 'ପଠାନ-ଜବାନ' ଜଲୱା; କିଙ୍ଗ ଖାନ ଶ୍ରେଷ୍ଠ ଅଭିନେତା, ଅଟଲି ଶ୍ରେଷ୍ଠ ନିର୍ଦ୍ଦେଶକ
Shah Rukh Khan steals the show at Locarno as he receives the prestigious Pardo Alla Carriera Award and wows everyone with his epic speech filled with charm and wit! ❤️✨@iamsrk @FilmFestLocarno#ShahRukhKhan #Locarno77 #PardoAllaCarriera #GlobalSuperstar #LocarnoFilmFestival… pic.twitter.com/MeNE6UwV9k
— Shah Rukh Khan Universe Fan Club (@SRKUniverse) August 10, 2024
ଲୋକାର୍ନୋ ଚଳଚ୍ଚିତ୍ର ମହୋତ୍ସବ ବିଷୟରେ କହିବାକୁ ଗଲେ, ୧୯୪୬ ମସିହାରେ ପ୍ରତିଷ୍ଠିତ ହୋଇଥିବା ଲୋକାର୍ନୋ ଚଳଚ୍ଚିତ୍ର ମହୋତ୍ସବ ହେଉଛି ବିଶ୍ୱର ସର୍ବ ପୁରାତନ ବାର୍ଷିକ ଚଳଚ୍ଚିତ୍ର ମହୋତ୍ସବ । 77ତମ ଲୋକାର୍ନୋ ଚଳଚ୍ଚିତ୍ର ମହୋତ୍ସବ 7 ଅଗଷ୍ଟରୁ ଆରମ୍ଭ ହୋଇଥିବା ବେଳେ ଅଗଷ୍ଟ 17, 2024ରେ ଶେଷ ହେବ । ଏହି ସମୟ ମଧ୍ୟରେ ଉତ୍ସବର 77ତମ ସଂସ୍କରଣରେ 225ଟି ଚଳଚ୍ଚିତ୍ର ପ୍ରଦର୍ଶିତ ହେବ, ଯେଉଁଥିରେ 104ଟି ବିଶ୍ୱ ପ୍ରିମିୟର୍ ଏବଂ 15ଟି ଡେବ୍ୟୁ ଫିଲ୍ମ ଅନ୍ତର୍ଭୁକ୍ତ ।
Hold onto your hearts and feel the buzz! King Khan's global craze knows no bounds – that infectious excitement is simply irresistible! ❤️🔥@iamsrk @FilmFestLocarno#ShahRukhKhan #Locarno77 #PardoAllaCarriera #GlobalSuperstar #LocarnoFilmFestival #KingKhan pic.twitter.com/oKI9i2MevK
— Shah Rukh Khan Universe Fan Club (@SRKUniverse) August 10, 2024
ବ୍ୟୁରୋ ରିପୋର୍ଟ, ଇଟିଭି ଭାରତ
