ହାଇଦ୍ରାବାଦ: ବଲିଉଡ ଅଭିନେତା ବରୁଣ ଧୱନ ଚଳିତ ବର୍ଷ ତାଙ୍କ ଆକ୍ସନ୍ ଫିଲ୍ମ 'ବେବି ଜନ୍' ସହ ଫେରୁଛନ୍ତି। ଗତ କିଛି ଦିନ ହେବ ସଲମାନ ଖାନଙ୍କ ଫିଲ୍ମରେ ଏଣ୍ଟ୍ରି ନେଇ ଚର୍ଚ୍ଚା ଜୋର ଧରିଛି। ଏହି ସମୟରେ ବରୁଣ ଧୱନ ସଲମାନ ଖାନଙ୍କ ଏଣ୍ଟ୍ରି ନେଇ କନଫର୍ମ କରିଛନ୍ତି । ସେ ସ୍ପଷ୍ଟ କରିଛନ୍ତି ଯେ ସଲମାନ ଖାନ ଫିଲ୍ମ 'ବେବି ଜନ୍'ରେ ଏକ ଜବରଦସ୍ତ କ୍ୟାମିଓ ରୋଲରେ ନଜର ଆସିବେ । ସେ ସୋସିଆଲ ମିଡିଆ ମାଧ୍ୟମରେ ପ୍ରଶଂସକଙ୍କୁ ଏହି ସୂଚନା ଦେଇଛନ୍ତି ।
Minutes Nahi bolunga impact bahut zyaada kaafi mahino ka milega #babyjohn #varunsays https://t.co/J3T4RFtPDh
— VarunDhawan (@Varun_dvn) November 11, 2024
'ବେବି ଜନ'ରେ ସଲମାନ ଖାନଙ୍କ କ୍ୟାମିଓ କନଫର୍ମ
ଗତକାଲି ରାତିରେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ (ଟ୍ୱିଟର) ରେ ବରୁଣ ଧୱନ ask me anything ସେସନ କରିଥିଲେ। ଏହି ସମୟରେ ପ୍ରଶଂସକମାନେ ତାଙ୍କୁ 'ବେବି ଜନ୍' ଚଳଚ୍ଚିତ୍ର ବିଷୟରେ ଅନେକ ପ୍ରଶ୍ନ ପଚାରିଥିଲେ। ଜଣେ ଯୁଜର୍ ଫିଲ୍ମରେ ସଲମାନ ଖାନଙ୍କ କ୍ୟାମିଓ ବିଷୟରେ ଏକ ପ୍ରଶ୍ନ ଉଠାଇଥିଲେ। ଫ୍ୟାନ୍ସ ବରୁଣ ଧୱନଙ୍କୁ ପଚାରିଥିଲେ, 'ବେବି ଜନ ଭାଇ (ସଲମାନ ଖାନ)ଙ୍କ କ୍ୟାମିଓ କେତେ ମିନିଟ୍, ଏଥିରେ ଅଭିନେତା ଉତ୍ତର ଦେଇଛନ୍ତି,' ମୁଁ ମିନିଟ୍ କହିବି ନାହିଁ, ଏହାର ପ୍ରଭାବ ଅନେକ ମାସ ପର୍ଯ୍ୟନ୍ତ ରହିବ। ଯାହା ଶୁଣି ଫ୍ୟାନ୍ସଙ୍କ ଖୁସି ଦ୍ୱିଗୁଣିତ ହୋଇଛି ।
ଏହା ମଧ୍ୟ ପଢନ୍ତୁ: ଆସିଲା ଧୱନଙ୍କ ଫିଲ୍ମ ରିଲିଜ ଡେଟ, ଏହି ଦୁଇଟି ଫିଲ୍ମ ସହ ହେବ ଟକ୍କର !
ଏହି ଦିନ ରିଲିଜ ହେବ ଫିଲ୍ମ
ସୂଚନା ଥାଉ କି, 'ବେବି ଜନ'ର କାହାଣୀ କାଲିଶ ଲେଖିଛନ୍ତି ଏବଂ ନିର୍ଦ୍ଦେଶନା ମଧ୍ୟ ଦେଇଛନ୍ତି । ଏହି ଫିଲ୍ମ ଅଟଲି କୁମାରଙ୍କ ନିର୍ଦ୍ଦେଶିତ ସାଉଥ ଇଣ୍ଡିଆନ ଫିଲ୍ମ 'ଥେରିର' ଅଫିସିଆଲ୍ ହିନ୍ଦୀ ରିମେକ୍ ହେଉଛି 'ବେବି ଜନ' । ଯାହାକି 2016 ମସିହାରେ ମୁକ୍ତିଲାଭ କରିଥିଲା । ଯେଉଁଥିରେ ସାଉଥ ସୁପରଷ୍ଟାର ବିଜୟ ଏବଂ ସାମନ୍ଥା ରୁଥ ପ୍ରଭୁ ମୁଖ୍ୟ ଭୂମିକାରେ ଅଭିନୟ କରିଥିଲେ । ତେବେ ଜିଓ ଷ୍ଟୁଡିଓ ଏବଂ ସିନେ 1 ଷ୍ଟୁଡିଓ ସହଯୋଗରେ ଅଟଲି ଏହାକୁ ନିର୍ମାଣ କରୁଛନ୍ତି । ବରୁଣ ଧୱନଙ୍କ ବ୍ୟତୀତ ଏହି ଫିଲ୍ମରେ ସାଉଥ ଅଭିନେତ୍ରୀ କିର୍ତ୍ତୀ ସୁରେଶ, ଭାମିକା ଗାବୀ, ଜ୍ୟାକି ଶ୍ରଫ, ରାଜପାଲ ୟାଦବ, ଶିବା ଖାଡା ଏବଂ ସାନିଆ ମଲହୋତ୍ରା ନଜର ଆସିବେ । ଏହି ଚଳଚ୍ଚିତ୍ରଟି ହେଉଛି କିର୍ତ୍ତୀ ସୁରେଶଙ୍କ ହିନ୍ଦୀ ଡେବ୍ୟୁ ଫିଲ୍ମ ଏବଂ ସେ ପ୍ରଥମ ଥର ପାଇଁ ବରୁଣଙ୍କ ସହ ସ୍କ୍ରିନ ସେୟାର କରିବେ । 25 ଡିସେମ୍ୱରରେ ଏହି ଫିଲ୍ମ ପ୍ରେକ୍ଷାଳୟରେ ରିଲିଜ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
