ହାଇଦ୍ରାବାଦ: ଦୀର୍ଘ ଦିନର ଅପେକ୍ଷା ହେଲା ଅନ୍ତ । ଶେଷରେ ପରଦାକୁ ଆସିଲା ଅଲୁ ଅର୍ଜୁନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ପୁଷ୍ପା ୨: ଦ ରୁଲ'। ଫିଲ୍ମ ରିଲିଜ ପୂର୍ବରୁ ଫିଲ୍ମର ପ୍ରିମିୟର ଶୋ' ଆୟୋଜିତ ହୋଇଥିଲା । ଆନ୍ଧ୍ରପ୍ରଦେଶ, ତେଲେଙ୍ଗାନା ଏବଂ ବେଙ୍ଗାଲୁରୁରେ ଏହି ଶୋ' ଚାଲିଥିବା ବେଳେ ହାଇଦ୍ରାବାଦରେ ପରିବାର ସହ ଅଲ୍ଲୁ ଅର୍ଜୁନ ଏବଂ ରଶ୍ମିକା ମନ୍ଦନା ସାମିଲ ହୋଇଥିଲେ । ଉଭୟ ଫ୍ୟାନ୍ସଙ୍କ ସହ ଫିଲ୍ମ ଦେଖିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
#WATCH | Telangana: Actor Allu Arjun arrives at Sandhya theatre in Hyderabad for the premiere show of his film 'Pushpa 2: The Rule'. pic.twitter.com/Pkzra7Y1ja
— ANI (@ANI) December 4, 2024
ଫ୍ୟାନ୍ସ ସହ ଫିଲ୍ମ ଦେଖିଲେ ଅଲ୍ଲୁ ଅର୍ଜୁନ- ରଶ୍ମିକା ମନ୍ଦାନା
ହାଇଦ୍ରାବାଦର ସନ୍ଧ୍ୟା ଥିଏଟରରେ ଏହି ପ୍ରିମିୟର ଶୋ' ଆୟୋଜିତ ହୋଇଥିଲା । ଯେଉଁଥିରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦନା ସାମିଲ ହୋଇଥିଲେ । ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଅଲ୍ଲୁ ଅର୍ଜୁନ ତାଙ୍କ କାରରେ ଥିଏଟର ବାହାରେ ଦେଖିବାକୁ ମିଳିଚି । ଏକ ବ୍ଲାକ ସାର୍ଟ, ପ୍ୟାଣ୍ଟ ଏବଂ ଧୂସର ଜ୍ୟାକେଟ୍ ପିନ୍ଧି ଆଲୁ ବହୁତ ସୁନ୍ଦର ଦେଖାଯାଉଥିଲେ । ଗଣମାଧ୍ୟମ ରିପୋର୍ଟ ଅନୁଯାୟୀ, ଅଲ୍ଲୁ ଅର୍ଜୁନ ପିନ୍ଧିଥିବା ଏହି ପୋଷାକ ତାଙ୍କୁ ବିଜୟ ଦେବରାକୋଣ୍ଡା ଉପହାର ଦେଇଥିଲେ। ସାଉଥ୍ ସୁପର ଭେନ୍ୟୁରେ ପ୍ରବେଶ କରିବା ମାତ୍ରେ ପ୍ରଶଂସକଙ୍କୁ ଅଭିବାଦନ ଜଣାଇଥିଲେ । ଏହି ସମୟରେ ଫ୍ୟାନ୍ସଙ୍କ ସହ ମୁଭି ଦେଖିଛନ୍ତି ଅଲ୍ଲୁ ଏବଂ ରଶ୍ମିକା । ଥିଏଟର ଭିତରୁ କିଛି ଭିଡିଓ ସୋସିଆଲ ମିଡିଆରେ ମଧ୍ୟ ସାମ୍ନାକୁ ଆସିଛି। ଭିଡିଓରେ ରଶ୍ମିକା ମନ୍ଦାନା ଏବଂ ଅଲ୍ଲୁ ଅର୍ଜୁନ ଜଣେ ମହିଳାଙ୍କ ସହ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି । ଏହି ସମୟରେ ଅଲ୍ଲୁ ଅର୍ଜୁନଙ୍କ ସହ ତାଙ୍କ ପତ୍ନୀ ସେହ୍ନା ଏବଂ ପିଲାମାନେ ସାମିଲ ଥିଲେ ।
#WATCH | Telangana: Actor Allu Arjun at Sandhya theatre in Hyderabad for the premiere show of his film 'Pushpa 2: The Rule'. pic.twitter.com/xFgbqFL9n8
— ANI (@ANI) December 4, 2024
ପ୍ରିମିୟର ଶୋ'ରେ ଅଘଟଣ
ସୂଚନା ଥାଉ କି, ଅଲ୍ଲୁ ଅର୍ଜୁନଙ୍କ ଝଲକ ଦେଖିବାକୁ ଥିଏଟରରେ ଭିଡ଼ ଜମିଥିଲା । ଫଳରେ ଠେଲାପେଲା ହୋଇଥିଲା । ଫଳରେ ଜଣେ ମହିଳା ପ୍ରଶଂସକଙ୍କ ମୃତ୍ୟୁ ହୋଇଥିବାବେଳେ ଅନେକ ଲୋକ ଆହତ ହୋଇଥିଲେ। ମୃତ ମହିଳାଙ୍କ ଦୁଇ ସନ୍ତାନ ମଧ୍ୟ ଏହି ଆହତମାନଙ୍କ ମଧ୍ୟରେ ଅନ୍ତର୍ଭୁକ୍ତ।
ଏହା ମଧ୍ୟ ପଢନ୍ତୁ: 'ପୁଷ୍ପା 2' ପ୍ରିମିୟର ଶୋ'ରେ ଠେଲାପେଲା; ଜଣେ ମୃତ, ଅନେକ ଆହତ
ନିର୍ଦ୍ଦେଶକ ସୁକୁମାରଙ୍କ 'ପୁଷ୍ପା ୨: ଦ ରୁଲ' ଆଜି ଅର୍ଥାତ୍ ଗୁରୁବାର ଏକାଧିକ ଭାଷାରେ ମୁକ୍ତିଲାଭ କରିଛି । କହିରଖୁଛୁ କି, 'ପୁଷ୍ପା ୨' 'ପୁଷ୍ପା: ଦ ରାଇଜ'ର ସିକ୍ବେଲ ଅଟେ । ଯାହା 2021 ଡିସେମ୍ବରରେ ମୁକ୍ତିଲାଭ କରିବା ପରେ ବକ୍ସ ଅଫିସ୍ରେ ଧମାକା କରିଥିଲା । ଏହି ଚଳଚ୍ଚିତ୍ର ବେଶ ଲୋକପ୍ରିୟତା ହାସଲ କରିବା ସହ ବ୍ଲକବ୍ଲଷ୍ଟର ହୋଇଥିଲା । ତେବେ ପ୍ରଥମ ଭାଗ ପରି 2ୟ ଭାଗରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା, ଫାହାଦ୍ ଫାସିଲ, ସୁନୀଲ, ଅଜୟ, ରାଓ ରମେଶ, ଅନାସୁୟା ଏବଂ ଅନ୍ୟ କଳାକାର ନଜର ଆସିଛନ୍ତି ।
ବ୍ୟୁରୋ ରିପୋର୍ଟ, ଇଟିିଭି ଭାରତ
