ହାଇଦ୍ରାବାଦ: ଦର୍ଶକଙ୍କ ମନ ଜିତିଲା ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା ୨' । ଆଶା ଠାରୁ ଭଲ ପ୍ରଦର୍ଶନ କରୁଛି ଫିଲ୍ମ । ପାଖାପାଖି 350 କୋଟି ଟଙ୍କା ବଜେଟରେ ନିର୍ମିତ 'ପୁଷ୍ପା 2' ଓପନିଂ ଦିନ ଏହାର 90% ବଜେଟ୍ ଆୟ କରିସାରିସାରିଲାଣି । ପ୍ରଥମ ଦିନରେ ଦମଦାର ପ୍ରଦର୍ଶନ ସହ ବମ୍ପର କଲେକ୍ସନ କରିଥିବା ବେଳେ ଦ୍ୱିତୀୟ ଦିନରେ ମଧ୍ୟ ଧୂଆଁଧାର ପ୍ରଦର୍ଶନ କରିଛି । କେବଳ ଭାରତରେ ନୁହେଁ ସାରା ବିଶ୍ୱରେ ଫିଲ୍ମର ତାର ଜଲୱା ଦେଖାଇ ମୋଟା ଅଙ୍କର କଲେକ୍ସନ କରିଛି । ଦୁଇ ଦିନ ମଧ୍ୟରେ ଫିଲ୍ମ ମୋଟ 400 କୋଟିରୁ ଅଧିକ ବ୍ୟବସାୟ କରିସାରିଲାଣି । ତେବେ ଦ୍ୱିତୀୟ ଦିନରେ ଫିଲ୍ମ କେତେ କଲେକ୍ସନ କଲା ଏବଂ ମୋଟ କେଲକ୍ସନ କେତେ ହୋଇଛି ? ଜାଣନ୍ତୁ,
'ପୁଷ୍ପା 2' ବକ୍ସ ଅଫିସ କଲେକ୍ସନ
ଅଲ୍ଲୁ ଅର୍ଜୁନ ଏବଂ ରଶ୍ମିକା ମନ୍ଦାନାଙ୍କ ଯୋଡି ଦର୍ଶକଙ୍କୁ ବହୁତ ମନୋରଞ୍ଜନ କରୁଛି । 'ପୁଷ୍ପା 2' ପ୍ରଥମ ଦିନରେ ବିଶ୍ୱ ବକ୍ସ ଅଫିସରେ 294 କୋଟି ଟଙ୍କା ବ୍ୟବସାୟ କରି ଇତିହାସ ରଚିଛି । ଏଥିସହ ଫିଲ୍ମ 'ପୁଷ୍ପା 2' ଭାରତରେ ମଧ୍ୟ ଦୁଇ ମଧ୍ୟରେ 250 କୋଟି ପାର୍ କରିଛି ଏବଂ କେବଳ ହିନ୍ଦୀ ବେଲ୍ଟରେ ପ୍ରଥମ ଦିନରେ 72 କୋଟି ଟଙ୍କା ବ୍ୟବସାୟ କରି ନୂଆ ରେକର୍ଡ ସୃଷ୍ଟି କରିଛି । ଦ୍ୱିତୀୟ ଦିନରେ ରୋଜଗାର ସହ ପୁଷ୍ପା ୨ ଶାହାରୁଖ ଖାନଙ୍କ ଚଳଚ୍ଚିତ୍ର 'ଜବାନ' ସମେତ ସମସ୍ତ ଚଳଚ୍ଚିତ୍ରର ରେକର୍ଡ ଭାଙ୍ଗିଛି । ଦ୍ୱିତୀୟ ଦିନରେ ଜବାନ୍ ଭାରତରେ 70 କୋଟିରୁ ଅଧିକ ଆୟ କରିଥିଲା ।
ଭାରତରେ 250 କୋଟି ପାର୍
'ପୁଷ୍ପା 2' ଭାରତରେ ସମସ୍ତ ଭାଷାରେ 174.9 କୋଟି ଟଙ୍କା ସହ ଓପନିଂ କରିଥିଲା । ଦ୍ୱିତୀୟ ଦିନରେ ପୁଷ୍ପା ଭାରତରେ 90.10 କୋଟି ଟଙ୍କା ଆୟ କରିଛି । ସାକନିକଙ୍କ ରିପୋର୍ଟ ଅନୁଯାୟୀ, ଭାରତରେ 'ପୁଷ୍ପା 2' ଦୁଇ ଦିନ ମଧ୍ୟରେ 250 କୋଟିରୁ ଅଧିକ ଆୟ କରିଛି । ଘରୋଇ ବକ୍ସ ଅଫିସରେ 'ପୁଷ୍ପା 2' ର ମୋଟ ନେଟ 265 କୋଟି ବ୍ୟବସାୟ କରିଛି । ଏଥି ସହ ପୁଷ୍ପା 2 ଦୁଇ ଦିନ ମଧ୍ୟରେ ବିଶ୍ୱରେ 400 କୋଟି ଟଙ୍କା ପାର୍ କରିଛି ।
'ପୁଷ୍ପା 2' ଭାଷା ଅନୁଯାୟୀ କଲେକ୍ସନ
| ହିନ୍ଦୀ | ତେଲୁଗୁ | ତାମିଲ | କର୍ଣ୍ଣାଟକ | ମାଲାୟାଲମ | ||
| ପ୍ରିଭ୍ୟୁ ଶୋ | 10.65 କୋଟି | |||||
| ପ୍ରଥମ ଦିନ | 164.25 କୋଟି | 70.3 କୋଟି | 80.3 କୋଟି | 7.7 କୋଟି | 1 କୋଟି | 4.95 କୋଟି |
| ଦ୍ୱିତୀୟ ଦିନ | 90.1 କୋଟି | 55 କୋଟି | 27.1 କୋଟି | 5.5 କୋଟି | 0.6 କୋଟି | 1.9 କୋଟି |
| ମୋଟ | 265 କୋଟି | 125.3 କୋଟି | 118.05 କୋଟି | 13.2 କୋଟି | 1.6 କୋଟି | 6.85 କୋଟି |
ଏହା ମଧ୍ୟ ପଢନ୍ତୁ: ଇତିହାସ ରଚିଲା 'ପୁଷ୍ପା 2', ପ୍ରଥମ ଦିନର ରୋଜଗାର ସହ ବନିଲା ସବୁଠୁ ବଡ ଓପନର୍ ଫିଲ୍ମ
ସମସ୍ତ ଭାରତୀୟ ସିନେମାର ରେକର୍ଡ ଭାଙ୍ଗିଲା 'ପୁଷ୍ପା 2'
'ପୁଷ୍ପା 2' ରାମଚରଣ ଏବଂ ଏନଟିଆରଙ୍କ ଫିଲ୍ମ 'RRR'ର ଓପନିଂ ଦିନର ରେକର୍ଡ ଭାଙ୍ଗିଛି । ଯାହା 225 କୋଟି ଆୟ କରିଥିଲା । ଏହିପରି 'ପୁଷ୍ପା 2' ବିଶ୍ୱ ଭାରତୀୟ ଏବଂ ଦକ୍ଷିଣ ସିନେମାର ସବୁଠୁ ବଡ ଓପନର୍ ହୋଇପାରିଛି ଏବଂ ଅଲ୍ଲୁ ଅର୍ଜୁନଙ୍କ କ୍ୟାରିୟରର ସବୁଠାରୁ ବଡ ଓପନର୍ ମଧ୍ୟ ହୋଇଛି । ପୁଷ୍ପା ଫିଲ୍ମ ଆଜି ରିଲିଜ୍ ହେବାର ତୃତୀୟ ଦିନରେ ଏବଂ ସପ୍ତାହ ଶେଷରେ 500 କୋଟି କ୍ଲବରେ ଏଣ୍ଟ୍ରି କରିବ ବୋଲି ଆଶା କରାଯାଉଛି ।
ଏହା ମଧ୍ୟ ପଢନ୍ତୁ: 'ପୁଷ୍ପା 2' ସ୍କ୍ରିନିଂରେ ଫ୍ୟାନ୍ ମୃତ୍ୟୁ ଘଟଣା; ମୃତକ ପରିବାରକୁ 25 ଲକ୍ଷ ଦେବେ ଅଲ୍ଲୁ ଅର୍ଜୁନ
ବ୍ୟୁରୋ ରିପୋର୍ଟ, ଇଟିଭି ଭାରତ
