ହାଇଦ୍ରାବାଦ: ଖୁବଶୀଘ୍ର ଓଟିଟିରେ ରିଲିଜ ହେବାକୁ ଯାଉଛି ବହୁ ପ୍ରତିକ୍ଷୀତ ୱେବ ସିରିଜ 'ପୋଚର' । ଆଜି ନିର୍ମାତା ଏହାର ଟ୍ରେଲର ରିଲିଜ କରିଛନ୍ତି । ଏହି ସିରିଜଟି ହାତୀଙ୍କ ଶିକାର ଏବଂ ତସ୍କରୀ ନେଇ ନିର୍ମିତ ହୋଇଥିବା ବେଳେ ଟ୍ରେଲର ଦେଖି ଲୋକଙ୍କ ଉତ୍ସାହ ବଢିଯାଇଛି । ୨୩ ଫେବୃଆରୀରେ ଆମାଜନ ପ୍ରାଇମ ଭିଡିଓରେ ଏହି ସିରିଜ ରିଲିଜ ହେବ ।
- " class="align-text-top noRightClick twitterSection" data="">
'ପୋଚର' ବଲିଉଡ ଅଭିନେତ୍ରୀ ଆଲିଆ ଭଟ୍ଟ ପ୍ରସ୍ତୁତ କରିଛନ୍ତି । ଏହି ସିରିଜର କାର୍ଯ୍ୟନିର୍ବାହୀ ନିର୍ମାତା ଆଲିଆ ଭଟ୍ଟ ଥିବା ବେଳେ ସିରିଜର ନିର୍ଦ୍ଦେଶକ ହେଉଛନ୍ତି ଏମି ପୁରସ୍କାର ବିଜେତା ରିଚି ମେହେତା । ଏହି ସିରିଜ ୨୩ ଫେବୃଆରୀରେ ଆମାଜନ ପ୍ରାଇମ ଭିଡିଓରେ ରିଲିଜ ହେବ । ଏହା ହିନ୍ଦୀ ସମେତ ଇଂରାଜୀ, ତାମିଲ, ତେଲୁଗୁ ଏବଂ କନ୍ନଡ ଭାଷାରେ ମୁକ୍ତିଲାଭ କରିବ । ଏହା କୁହାଯାଉଛି ଯେ ଏହା ଏକକାଳୀନ ୨୪୦ ଦେଶରେ ମୁକ୍ତିଲାଭ କରିବ । ଏହି ସିରିଜରେ ମୁଖ୍ୟ ଭୂମିକାରେ ରୋଶନ ମାଥ୍ୟୁ, ନିମିଷା ସଜୟନ ଏବଂ ଦିବେନ୍ଦୁ ଭଟ୍ଟାଚାର୍ଯ୍ୟ ନଜର ଆସିବେ ।
'ପୋଚର' ଏହି ସିରିଜଟି ଏକ ପ୍ରକୃତ ଘଟଣା ଉପରେ ଆଧାରିତ । ଟ୍ରେଲରରେ ହାତୀମାନଙ୍କର କ୍ରମାଗତ ହତ୍ୟା ହେବାର ଝଲକ ଦେଖିବାକୁ ମିଳିଛି । ଏହି ଟ୍ରେଲର ହୃଦୟ ବିଦାରକ ଅଟେ । ଏହି ବେଆଇନ ଶିକାରରେ, ପୋଲିସ ସହ ଅନେକ ଲୋକ ସାମିଲ ଥିବା ବେଳେ କିପରି ସମସ୍ତଙ୍କ ପର୍ଦ୍ଦାଫାସ କରାଯାଇଛି ଏବଂ କିଭଳି ନିଜ ସ୍ୱାର୍ଥ ପାଇଁ ମଣିଷ ଏହି ନୀରିହ ଜୀବଜନ୍ତୁଙ୍କ ଜୀବନ ନେଉଛି ସେନେଇ ଫିଲ୍ମରେ ଦର୍ଶାଯାଇଛି ।
ଏହା ମଧ୍ୟ ପଢନ୍ତୁ: ସଂଜୟ ଲୀଲା ବଂଶାଲୀଙ୍କ ଆଗାମୀ ଫିଲ୍ମ 'ଲଭ ଆଣ୍ଡ ୱାର'; ଏହି ତାରକା ଆସିବେ ନଜର
ଆଲିଆ ଭଟ୍ଟ ତାଙ୍କ ପ୍ରଡକ୍ସନ କମ୍ପାନୀ 'ଇଟରନଲ ସନସାଇନ' ମାଧ୍ୟମରେ କାର୍ଯ୍ୟନିର୍ବାହୀ ନିର୍ମାତା ଭାବେ ଏହି ସିରିଜର ଏକ ଅଂଶ ହୋଇପାରିଛନ୍ତି । ଏହି ସୂଚନା ଆଲିଆ ନିଜେ ସେୟାର କରିଥିଲେ । ଆଲିଆ କହିଥିଲେ ଯେ ଏହି ସିରିଜର ଏକ ଅଂଶ ହେବା ମୋର ପ୍ରଡକ୍ସନ୍ ହାଉସ୍ 'ଇଟରନଲ ସନସାଇନ'ର ସମଗ୍ର ଟିମ ପାଇଁ ଏକ ଗୌରବର ବିଷୟ । ରିଚିଙ୍କ ଏହି ସିରିଜ୍ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଅଛି । ଏହାର କାହାଣୀ ମୋତେ ବହୁତ ପ୍ରଭାବିତ କରିଛି ।
ଏହା ମଧ୍ୟ ପଢନ୍ତୁ: ଖ୍ରୀଷ୍ଟମାସରେ ଫ୍ୟାନ୍ସଙ୍କୁ ଭେଟି ଦେଲେ ଆଲିଆ-ରଣବୀର, ଝିଅ ରାହାଙ୍କ ଦେଖାଇଲେ ଚେହେରା
