ମୁମ୍ବାଇ: ନିକଟରେ ବଲିଉଡ ଅଭିନେତା ହ୍ରିତିକ ରୋଶନ ଚଳଚ୍ଚିତ୍ର 'ଲୁଟକେସ' ପାଇଁ କୁନାଲ ଖେମୁଙ୍କୁ ପ୍ରଶଂସା କରିଥିଲେ। । ଏହା ସହିତ ସେ ନିକଟରେ ରିଲିଜ୍ ହୋଇଥିବା ଚଳଚ୍ଚିତ୍ର 'ମଡଗାଓନ୍ ଏକ୍ସପ୍ରେସ୍' ବିଷୟରେ ମଧ୍ୟ ଭଲ ପ୍ରତିକ୍ରିୟା ଦେଇଛନ୍ତି । ତେବେ ଅଭିନେତା ରବିବାର ଦିନ ତାଙ୍କ ସୋସିଆଲ ମିଡିଆ ଆକାଉଣ୍ଟ ଏକ୍ସ ମାଧ୍ୟମରେ ୨୦୨୦ରେ ରିଲିଜ ହୋଇଥିବା ରାଜେଶ କୃଷ୍ଣନଙ୍କ ଦ୍ବାରା ନିର୍ଦ୍ଦେଶିତ ଫିଲ୍ମ 'ଲୁଟକେସ'ର ଭୁରି ଭୁରି ପ୍ରଶଂସା କରିଛନ୍ତି ।
ହ୍ରିତିକ ଲୁଟକେସରେ ସାନଦାର ପରଫରମାନ୍ସ ପାଇଁ କୁନାଲଙ୍କୁ ବହୁତ ଭଲ ଅଭିନେତା କହିବା ସହିତ ପୁରା ଟିମକୁ ଶୁଭକାମନା ଦେଇଥିଲେ । ସେ ଏକ୍ସରେ କ୍ୟାପସନରେ ଲେଖିଛନ୍ତି, 'ମୁଁ ଏବେ ଲୁଟକେସ ଦେଖିଲି, ବହୁତ ଭଲ ଫିଲ୍ମ ଅଟେ । କୁନାଲ ଖେମୁ ବହୁତ ଭଲ ଅଭିନେତା । ତାଙ୍କର ମଡଗାଓ ଏକ୍ସପ୍ରେସ ପାଇଁ ତାଙ୍କରୁ ବହୁତ ପ୍ରଶଂସା ହେଉଥିବା ଶୁଣିବାକୁ ମିଳିଛି । କିନ୍ତୁ ଲୁଟକେସ ବହୁତ ଭଲ ଫିଲ୍ମ ଅଟେ । ଏହି ଫିଲ୍ମର ନିର୍ଦ୍ଦେଶକ ରାଜେଶ କୃଷ୍ଣନ ଓ ପୁରା ଟିମକୁ ଶୁଭେଚ୍ଛା ।'
ଏହା ମଧ୍ୟ ପଢନ୍ତୁ -ବିବାଦରେ 'ଫାଇଟର', ହ୍ରିତିକ-ଦୀପିକାଙ୍କ ଲିପଲକ ସିନ ନେଇ ନିର୍ମାତାଙ୍କୁ ଲିଗାଲ ନୋଟିସ
ଅଭିନେତାଙ୍କ ଏହି ଟ୍ବିଟରେ ଫ୍ୟାନ୍ସ ଅଲଗା ଅଲଗା କମେଣ୍ଟ ଦେଇଛନ୍ତି । ଜଣେ ୟୁଜର ଲେଖିଛନ୍ତି ଯେ,'ପୁଣି ଥରେ ଦେଖିବାର ସମୟ' । ଆଉ ଜଣେ ଲେଖିଛନ୍ତି ଯେ' କୁନାଲ ଜଣେ ବହୁତ ଭଲ ଅଭିନେତା ଫିଲ୍ମ ପାଇଁ ଶୁଭକାମନା' । ହ୍ରିତିକ ରୋଶନଙ୍କ ଓ୍ବାର୍କପ୍ରଣ୍ଟ କଥା କହିବାକୁ ଗଲେ, ଶେଷଥର ପାଇଁ ସେ ଆକ୍ସନ ଥ୍ରିଲର ଫିଲ୍ମ ଫାଇଟରରେ ନଜର ଆସିଥିଲେ । ଫାଇଟରରେ ତାଙ୍କ ବ୍ୟତୀତ ଦୀପିକା ପାଦୁକୋନ, କରଣ ସିଂ ଗ୍ରୋଭର, ଅନିଲ କପୁର, ଅକ୍ଷୟ ଓବରୟଙ୍କ ଭଳି କଳାକାରଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିଥିଲା । ଏହି ଫିଲ୍ମରେ ହ୍ରିତିକଙ୍କୁ ଶ୍ୟାମଶେର ପଠାନିଆ ଭୂମିକାରେ ଦେଖିବାକୁ ମିଳିଥିଲା । ୨୫୦ କୋଟି ଟଙ୍କା ବଜେଟରେ ନିର୍ମିତ ଏହି ଫିଲ୍ମ ଗଣତନ୍ତ୍ର ଦିବସ ଉପଲକ୍ଷେ ଜାନୁଆରୀ ୨୫ ତାରିଖରେ ରିଲିଜ ହୋଇଥିଲା ।
