ହାଇଦ୍ରାବାଦ: ବଲିଉଡ ଲୋକପ୍ରିୟ ନିର୍ମାତା ଏକତା କପୁର ୧୪ ବର୍ଷ ପରେ ପୁଣି ଦର୍ଶକଙ୍କୁ ମନୋରଞ୍ଜନ କରିବାକୁ ପ୍ରସ୍ତୁତ ରହିଛନ୍ତି । 'ଲଭ-ସେକ୍ସ-ଧୋକା' ର ସିକ୍ୱେଲ ସହ ଫେରିଥିବା ବେଳେ ଦଶର୍କ ଫିଲ୍ମକୁ ଉତ୍ସାହର ସହ ଅପେକ୍ଷା କରିଛନ୍ତି । ନିକଟରେ 'ଲଭ-ସେକ୍ସ-ଧୋକା 2' ଟିଜର ରିଲିଜ ହୋଇଥିଲା । ଏକ ମିନିଟର ଏହି ଟିଜର ଦର୍ଶକଙ୍କୁ ଆଶ୍ଚର୍ଯ୍ୟ କରିଦେଇଥିଲା । ବର୍ତ୍ତମାନ ଫିଲ୍ମର ଟ୍ରେଲର ରିଲିଜ ହୋଇଛି । ଯାହା ଦର୍ଶକଙ୍କ ଉତ୍ସାହକୁ ବଢାଇଦେଇଛି ।
- " class="align-text-top noRightClick twitterSection" data="">
'ଲଭ-ସେକ୍ସ-ଧୋକା 2' ଫିଲ୍ମ ଇଣ୍ଟରନେଟ୍ ପ୍ରେମ ଏବଂ ଉତ୍ସାହ ଉପରେ ଆଧାରିତ । ଟେକ୍ନୋଲୋଜି ଦୁନିଆରେ କିଭଳି ସମ୍ପର୍କ ଗଠନ ହୁଏ, ସେଥିରେ କେଉଁ ସମସ୍ୟା ଉପୁଜେ ଏବଂ ଏଥିରେ କେଉଁ ଜଟିଳତା ଅଛି । ଏହି ସମସ୍ତ ଜିନିଷ ଏହି ଫିଲ୍ମରେ ଦର୍ଶାଯାଇଛି । ୨ ମିନିଟ ୩୪ ସେକେଣ୍ଡର ଟ୍ରେଲରରେ ଭ୍ୟୁସ୍ ପାଇଁ ବର୍ତ୍ତମାନ ଯୁବ ପିଢି ମଧ୍ୟରେ ପାଗଳାମି ଏବଂ ଟ୍ରାନ୍ସଜେଣ୍ଡରଙ୍କ ପ୍ରତି ଯୌନ ହିଂସା ଭଳି ଝଲକ ଦର୍ଶାଯାଇଛି । ଭିଡିଓଟି ଆଡଲ୍ଟ ସିନ ବେଶ ରହିଥିବା ବେଲେ ଫିଲ୍ମକୁ 'ଏ' ସାର୍ଟିଫିକେଟ ପ୍ରଦାନ କରାଯାଇଛି । ତେବେ ଟ୍ରେଲର ଦେଖି ଦର୍ଶକଙ୍କ ଉତ୍ସାହ ବଢିଯାଇଛି ।
'ଲଭ-ସେକ୍ସ-ଧୋକା ୨' କେବେ ରିଲିଜ ହେବ?
'ଲଭ-ସେକ୍ସ-ଧୋକା-୨' ମଧ୍ୟ ଦିବ୍ୟାକର ମୁଖାର୍ଜୀ ନିର୍ଦ୍ଦେଶନା ଦେଉଥିବା ବେଳେ ବାଲାଜୀ ମୋସନ ପିକ୍ଚର୍ସ, ବାଲାଜୀ ଟେଲିଫିଲ୍ମସ ଏବଂ କଲ୍ଟ ମୁଭିଜର ଡିଭିଜନ, ଦିବାକର ବାନାର୍ଜୀ ପ୍ରଡକ୍ସନ ମିଳିତ ଭାବେ ଏହି 'ଲଭ ସେକ୍ସ ଔର ଧୋକା-୨' ଚଳଚ୍ଚିତ୍ରକୁ ପ୍ରସ୍ତୁତ କରୁଛନ୍ତି । ଏହି ଫିଲ୍ମରେ ପ୍ରେମ, ପ୍ରତାରଣାକୁ ନେଇ ପର୍ଯ୍ୟବେସିତ । ଏହି ଚଳଚ୍ଚିତ୍ର ସହିତ ଉର୍ଫି ଜାଭେଦ ବଲିଉଡରେ ଡେବ୍ୟୁ କରୁଛନ୍ତି। ଏହା ବ୍ୟତୀତ ଅଭିନେତ୍ରୀ ସ୍ୱସ୍ତିକା ମୁଖାର୍ଜୀ, ତୁଷାର କପୁର (କ୍ୟାମିଓ), ସୋଫି ଚୌଧୁରୀ, ଅନୁ ମଲ୍ଲିକ, ଅଭିନାଭ ସିଂଙ୍କ ସମେତ ଅନେକ ତାରକା ଏହି ଫିଲ୍ମରେ ନଜର ଆସିବେ । ଫିଲ୍ମଟି ଏପ୍ରିଲ ୧୯ରେ ରିଲିଜ ହେବାକୁ ପ୍ରସ୍ତୁତ ଅଛି ।
ଏହା ମଧ୍ୟ ପଢନ୍ତୁ: 'ଲଭ ସେକ୍ସ ଔର ଧୋକା 2' ପାଇଁ ଏତେ ହଜାର କଳାକାରଙ୍କ ଅଡିସନ ନେଇଛନ୍ତି ନିର୍ଦ୍ଦେଶକ
ସୂଚନା ଥାଉ କି, 'ଲଭ-ସେକ୍ସ-ଧୋକା ୨' ଫିଲ୍ମଟି 'ଲଭ-ସେକ୍ସ-ଧୋକା'ର ସିକ୍ୱେଲ ଅଟେ । ଫିଲ୍ମର ପ୍ରଥମ ଭାଗ ୨୦୧୦ରେ ମୁକ୍ତିଲାଭ କରିଥିଲା । ଦିବ୍ୟାକର ମୁଖାର୍ଜୀଙ୍କ ନିର୍ଦ୍ଦେଶିତ ଫିଲ୍ମ LSD ଅନେକ ଆଲୋଡ଼ନ ସୃଷ୍ଟି କରିଥିଲା । ଏହା ଥିଲା ରାଜକୁମାର ରାଓଙ୍କ ଡେବ୍ୟୁ ଫିଲ୍ମ । ଏଥିରେ ନୁସରତ ଭରୁଚ୍ଚା ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଏହି ଚଳଚ୍ଚିତ୍ରର କାହାଣୀ ଏମଏମଏସ ସ୍କାଣ୍ଡେଲ ଏବଂ କାଷ୍ଟିଂ କାଉଚ ଉପରେ ଆଧାରିତ ଥିଲା ।
