ହାଇଦ୍ରାବାଦ: ଖୁବଶୀଘ୍ର ପରାଦାକୁ ଆସିବ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଲାପତା ଲେଡିସ' । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଆମୀର ଖାନଙ୍କ ପୂର୍ବତନ ପତ୍ନୀ ତଥା ଚଳଚ୍ଚିତ୍ର ନିର୍ମାତା କିରଣ ରାଓ । ଏହି ଚଳଚ୍ଚିତ୍ରଟି ଏକ କମେଡି-ଡ୍ରାମା ଫିଲ୍ମ ଅଟେ । ତେବେ ବର୍ତ୍ତମାନ କିରଣ ଫିଲ୍ମର କାଷ୍ଟିଂ କାଉଚ ବିଷୟରେ ଏକ ଖୁଲାସା କରିଛନ୍ତି । ଯେଉଁଥିରେ ସେ କହିଛନ୍ତି, ଆମୀର ନିଜେ ଏହି ଫିଲ୍ମରେ ଏକ ଭୂମିକା ପାଇଁ ଅଡିସନ ଦେଇଥିଲେ । ହେଲେ ରବି କିଶନଙ୍କ ଅଡିସନ ପରେ କିରଣ ଏହି ଭୂମିକା ପାଇଁ ଆମୀରଙ୍କୁ ପ୍ରତ୍ୟାଖ୍ୟାନ କରିଥିଲେ ।
ନିକଟରେ ଏକ ସାକ୍ଷାତକାରରେ ନିର୍ଦ୍ଦେଶକ କିରଣ ରାଓ ପ୍ରକାଶ କରିଛନ୍ତି ଯେ ଲାପତା ଲେଡିଜରେ ଏକ ଭୂମିକା ପାଇଁ ସେ ଆମୀର ଖାନଙ୍କୁ ପ୍ରତ୍ୟାଖ୍ୟାନ କରିଛନ୍ତି । ବର୍ତ୍ତମାନ ସେହି ଭୂମିକାରେ ରବି କିଶନ ନଜର ଆସିଛନ୍ତି । କିରଣଙ୍କ ଅନୁଯାୟୀ, ଆମୀର ଚରିତ୍ରରେ ଅତ୍ୟଧିକ ପ୍ରଭାବିତ ହୋଇଥିଲେ ଏବଂ ଏହି ଭୂମିକା ପାଇଁ ଏକ ଲୁକ୍ ଟେଷ୍ଟ ମଧ୍ୟ ଦେଇଥିଲେ । ଯାହା କିରଣ ରାଓ ମଧ୍ୟ ଭଲ ବୋଲି କହିଥିଲେ । ତେବେ କିଶନଙ୍କ ଅଡିସନ ଦେଖିବା ପରେ କିରଣ ତାଙ୍କୁ ଏହି ଭୂମିକା ପାଇଁ ଏକ ଉପଯୁକ୍ତ ଫିଟ୍ କରି ରବି କିଶନଙ୍କୁ ଏହି ଭୂମିକା ପାଇଁ କାଷ୍ଟ କରିଥିଲେ ।
ଏହା ପରେ କିରଣ ଥଟ୍ଟାରେ କହିଥିଲେ, 'ମୁଁ ଆମୀର ଖାନଙ୍କୁ ପ୍ରତ୍ୟାଖ୍ୟାନ କରିଥିଲି', ଏବଂ ବିଚାର ବିମର୍ଶ ପରେ ଆମୀର ମଧ୍ୟ ଏହି ନିଷ୍ପତ୍ତି ସହ ସମ୍ପୂର୍ଣ୍ଣ ସହମତ ହୋଇଥିଲେ। କିରଣ ଏହା ମଧ୍ୟ କହିଛନ୍ତି ଯେ, ଆମୀର ବିଶ୍ବାସ କରିଛନ୍ତି ଯେ କିଶନ ଏହି ଭୂମିକାରେ ଏକ ଭିନ୍ନ ମୋଡ଼ ଆଣିବେ ଏବଂ ଏହାକୁ ଭଲ କରିବେ ।' କହିରଖୁଛୁ କି, ନିକଟରେ ଏହି ଫିଲ୍ମର ଟ୍ରେଲର ରିଲିଜ ହୋଇଥିଲା । ଏହାକୁ ଦର୍ଶକ ବେଶ ପସନ୍ଦ କରିବା ସହ ଏହି ମଜାଦାର ଫିଲ୍ମକୁ ଅପେକ୍ଷା କରିରହିଛନ୍ତି ।
ଏହା ମଧ୍ୟ ପଢନ୍ତୁ: ରିଲିଜ ହେଲା କିରଣ ରାଓଙ୍କ ଫିଲ୍ମ 'ଲାପତା ଲେଡିସ' ଟ୍ରେଲର
ସୂଚନା ଥାଉ କି, ନିର୍ମାତା ଭାବେ ଅନେକ ଫିଲ୍ମ ପ୍ରସ୍ତୁତ କରିଥିବା ବେଳେ 'ଧୋବି ଘାଟ' (୨୦୧୦) ଫିଲ୍ମ ସହ ସେ ନିର୍ଦ୍ଦେଶନାରେ ଡେବ୍ୟୁ କରିଥିଲେ । ବର୍ତ୍ତମାନ 'ଲାପତା ଲେଡିସ' ହେଉଛି ତାଙ୍କ ନିର୍ଦ୍ଦେଶିତ ଦ୍ବିତୀୟ ଫିଲ୍ମ । ଏହି ଫିଲ୍ମ ଜିଓ ଷ୍ଟୁଡିଓ ଦ୍ବାରା ନିର୍ମିତ ହୋଇଥିବା ବେଳେ ଲୋକପ୍ରିୟ ତାରକା ରବି କିଶନ, ନିତାଂଶି ଗୋୟଲ, ପ୍ରତୀଭା ସନ୍ତା, ସ୍ପର୍ଶ ଶ୍ରୀବାସ୍ତବ ଏବଂ ଛାୟା କଦମ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଏହି ଫିଲ୍ମ ଚଳିତ ବର୍ଷ ମାର୍ଚ୍ଚ ୧ ରେ ରିଲିଜ ହେବ ।
