ହାଇଦ୍ରାବାଦ: ଆଜି ଅର୍ଥାତ୍ ନଭେମ୍ୱର 7ରେ ସୁପରଷ୍ଟାର କମଲ ହାସନ ତାଙ୍କ 70 ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ତାଙ୍କ ପାଇଁ ଚାରିଆଡୁ ଛୁଟୁଛି ଶୁଭେଚ୍ଛାର ସୁଅ । ଏପରି ସମୟରେ ଝିଅ ଶ୍ରୁତି ହାସନ ମଧ୍ୟ ବାପାଙ୍କୁ ଖାସ୍ ଅନ୍ଦାଜରେ ଶୁଭେଚ୍ଛା ଜଣାଇଛନ୍ତି । ଶ୍ରୁତି ସୋସିଆଲ ମିଡିଆରେ ବାପାଙ୍କ ସହ ଏକ ପୋଷ୍ଟର ସହ ସ୍ପେଶାଲ ନୋଟ୍ ସେୟାର କରି କମଲ ହାସନଙ୍କୁ ଶୁଭକାମନା ଜଣାଇଛନ୍ତି ।
ବାପାଙ୍କୁ ବର୍ଥ ଡେ ୱିସ୍ ଜଣାଇଲେ ଶ୍ରୁତି ହାସନ
ଶ୍ରୁତି ନିଜ ଇନଷ୍ଟାଗ୍ରାମରେ ଜିମରେ ଏକ ଫଟୋ ପୋଷ୍ଟ କରିଛନ୍ତି। ଫଟୋରେ କମଲଙ୍କ ସହ ଶ୍ରୁତି ନଜର ଆସିଛନ୍ତି । ସେ ଫଟୋକୁ ପଛପଟୁ ସେୟାର କରିଛନ୍ତି । ଏହା ସେୟାର କରି କ୍ୟାପସନରେ ସେ ଲେଖିଛନ୍ତି, 'ଜନ୍ମଦିନର ଶୁଭେଚ୍ଛା । ତୁମେ ଏକ ଅନମୋଲ୍ ହୀରା । ତୁମ ସହ ଚାଲିବା ଜୀବନର ମୋର ପ୍ରିୟ ଜିନିଷ ମଧ୍ୟରୁ ଗୋଟିଏ । ମୁଁ ଜାଣେ ତୁମେ ଭଗବାନଙ୍କୁ ବିଶ୍ୱାସ କରୁନାହଁ, କିନ୍ତୁ ତୁମେ ସବୁବେଳେ ତାଙ୍କର ମନୋନୀତ ସନ୍ତାନ ରହିବ । ମୁଁ ଚାହୁଁଛି ଯେ ଆମେ ଆହୁରି ଅନେକ ଜନ୍ମଦିନ ଓ ସ୍ୱପ୍ନ ସାକାର କରିବା ଏବଂ ଉତ୍ସାହର ସହ ଏହାକୁ ପାଳନ କରିବା । ମୁଁ ତୁମକୁ ବହୁତ ଭଲ ପାଏ, ପା ।'
Happy Birthday, dear Kamal Haasan sir! May this year bring you even greater success and joy as you continue sharing your artistry, creativity, and dedication with the world. @ikamalhaasan
— Mohanlal (@Mohanlal) November 7, 2024
ଛୁଟୁଛି ଶୁଭେଚ୍ଛାର ସୁଅ
ସେହିପରି ଅଭିନେତା ମୋହନଲାଲ ମଧ୍ୟ କମଲ ହାସନଙ୍କୁ ତାଙ୍କ ଜନ୍ମଦିନରେ ଶୁଭେଚ୍ଛା ଜଣାଇଛନ୍ତି । ସେ ଲେଖିଛନ୍ତି- 'ଜନ୍ମଦିନର ଶୁଭେଚ୍ଛା କମଲ ସାର୍ । ଏହି ବର୍ଷ ଆପଣଙ୍କ ପାଇଁ ଆହୁରି ବଡ଼ ସଫଳତା ଏବଂ ସୁଖ ଆଣିଦେଉ । ଆପଣ ଏପରି ଆପଣଙ୍କ ସୃଜନଶୀଳତା, ଉତ୍ସର୍ଗୀକୃତ ଏବଂ କଳାକୁ ବିଶ୍ୱ ସହ ସେୟାର କରୁତାନ୍ତୁ ।' ସେହିପରି ଅଭିନେତ୍ରୀ ରାଧିକାଶରତକୁମାର ଏବଂ ସିବାକାର୍ତ୍ତିକେୟନ ଭଳି ଅନେକ ସେଲିବ୍ରିଟି ଏବଂ ଫ୍ୟାନ୍ସ କମଲ ହାସନଙ୍କୁ ଜନ୍ମଦିନ ଶୁଭକାମନା ଜଣାଇଛନ୍ତି ।
Wishing the commanding officer of #Amaran, @ikamalhaasan sir, a great birthday.
— Sivakarthikeyan (@Siva_Kartikeyan) November 7, 2024
Thank you for this great movie sir. ❤️🙏 pic.twitter.com/JESOcgbaKO
ଏହା ମଧ୍ୟ ପଢନ୍ତୁ: ୬୦ ବର୍ଷ ଧରି ଇଣ୍ଡଷ୍ଟ୍ରିରେ ରାଜ୍ କରିଛନ୍ତି କମଲ ହାସନ, ୪ ଥର ହାତେଇଛନ୍ତି ଜାତୀୟ ପୁରସ୍କାର
କମଲ ହାସନଙ୍କ ୱାର୍କପ୍ରଣ୍ଟ ବିଷୟରେ କହିବାକୁ ଗଲେ, ଶିଶୁ କଳାକାର ଭାବେ ଅଭିନୟ କ୍ୟାରିଅର ଆରମ୍ଭ କରିଥିଲେ କମଲ ହାସନ । 1960 ତାମିଲ ଚଳଚ୍ଚିତ୍ର 'କାଲାଥୁର କନ୍ନମ୍ମା'ରେ କମଲ ଶିଶୁ କଳାକାର ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ । ତିନୋଟି ଭିନ୍ନ ଚଳଚ୍ଚିତ୍ର ପାଇଁ ଶ୍ରେଷ୍ଠ ଅଭିନେତା ଭାବରେ ଜାତୀୟ ଚଳଚ୍ଚିତ୍ର ପୁରସ୍କାର ଜିତିଥିଲେ । ଏବେ ତାଙ୍କୁ ଖୁବ୍ ଶୀଘ୍ର 'ଇଣ୍ଡିଆନ୍ 3' ଏବଂ 'ଥଗ୍ ଲାଇଫ୍'ରେ ଦେଖିବାକୁ ମିଳିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
