ହାଇଦ୍ରାବାଦ: ଆଉ ମାତ୍ର ଅଳ୍ପ ସମୟର ଅପେକ୍ଷା । ରିଲିଜ ହେବ ସାଉଥ ସୁପରଷ୍ଟାର ପ୍ରଭାସଙ୍କ ବହୁ ପ୍ରତିକ୍ଷୀତ ଫିଲ୍ମ 'କଲ୍କି ୨୮୯୮AD' ଟ୍ରେଲର । ଏହାକୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଥିବା ବେଳେ ଆଜି ସନ୍ଧ୍ୟାରେ ଫିଲ୍ମର ଟ୍ରେଲର ରିଲିଜ ହେବ । ଏନେଇ ସୋସିଆଲ ମିଡିଆରେ ସୂଚନା ଦେଇଛନ୍ତି ଫିଲ୍ମର ନିର୍ମାତା । ସେପଟେ ଆମେରିକାରେ ବର୍ତ୍ତମାନ ଫିଲ୍ମ ପାଇଁ ଆଡଭାନ୍ସ ବୁକିଂ ଆରମ୍ଭ ହୋଇଛି ।
କେଉଁ ସମୟରେ ଟ୍ରେଲର ରିଲିଜ ହେବ?
'କଲ୍କି 2898AD' ନିର୍ମାତା ଇନଷ୍ଟାଗ୍ରାମରେ ଫିଲ୍ମର ନୂଆ ପୋଷ୍ଟର ସେୟାର କରିଛନ୍ତି । ଏହା ସହ ସେ ସୂଚନା ଦେଇଛନ୍ତି ଯେ କଲ୍କି 2898ADର ଟ୍ରେଲର ଜୁନ ୧୦ ଅର୍ଥାତ୍ ଆଜି ସନ୍ଧ୍ୟା ୭ଟାରେ ମୁକ୍ତିଲାଭ କରିବ । ଚଳଚ୍ଚିତ୍ରର ପୋଷ୍ଟର ବିଷୟରେ କହିବାକୁ ଗଲେ, ଯଦିଓ ଏଥିରେ କାହାର ଚେହେରା ପ୍ରକାଶ କରାଯାଇନାହିଁ । କିନ୍ତୁ ଏଥିରେ ଏକ ଯୁଦ୍ଧ ଦୃଶ୍ୟର ଝଲକ ଦେଖିବାକୁ ମିଳିଛି ।
ଆମେରିକାରେ ଆରମ୍ଭ ଆଡଭାନ୍ସ ବୁକିଂ
ନିର୍ମାତା ବୈଜୟନ୍ତୀ ମୁଭିସ ନିଜ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ଲେଖାଅଛି, "ବୁକିଂ ବର୍ତ୍ତମାନ ଆରମ୍ଭ ହୋଇଛି ।" ପୋଷ୍ଟର କ୍ୟାପସନରେ ଲେଖାହୋଇଛି, "ରାଇଡର୍ସ ପ୍ରସ୍ତୁତ ଅଛନ୍ତି । ଗିଅର୍ ଶୀର୍ଷରେ ଅଛି । ଚାଲ ଯିବା । 'କଲ୍କି 2898AD' ବୁକିଂ ବର୍ତ୍ତମାନ ଖୋଲା ଅଛି । ଏହି ପୋଷ୍ଟରରେ ଜଣେ ପ୍ରଶଂସକ ପ୍ରତିକ୍ରିୟା ଦେଇ ଲେଖିଛନ୍ତି, "କଲ୍କି ୨୦୦୦କୋଟି ଲୋଡିଂ କରୁଛି ।" ଅନ୍ୟ ଜଣେ ଲେଖିଛନ୍ତି, ଫିଲ୍ମ ଦେଖିବାକୁ ଉତ୍ସାହିତ । କହିରଖୁଛୁ କି, ଏହି ଚଳଚ୍ଚିତ୍ରଟି ଜୁନ ୨୬ରେ ଆମେରିକାରେ ପ୍ରିମିୟର ହେବାର କାର୍ଯ୍ୟକ୍ରମ ରହିଛି ।
'କଲ୍କି 2898AD' କେବେ ହେବ ରିଲିଜ ?
ଭାରତରେ ଏହି ଫିଲ୍ମ ୨୭ ଜୁନରେ ମୁକ୍ତିଲାଭ କରିବାକୁ ଯାଉଛି । କଲ୍କି 2898ADର ନିର୍ଦ୍ଦେଶନା ନାଗା ଅଶ୍ୱିନ ଦେଇଥିବା ବେଳେ ବୈଜନ୍ତୀ ମୁଭିଜ ଦ୍ବାରା ଏହା ନିର୍ମାଣ ହୋଇଛି । ଯେଉଁଥିରେ ଅନେକ ବଡ ବଡ ଷ୍ଟାର ନଜର ଆସିବେ । ଯେଉଁଥିରେ ପ୍ରଭାସଙ୍କ ବ୍ୟତୀତ ସାଉଥ ଅଭିନେତା କମଲ ହାସନ, ଅମିତାଭ ବଚ୍ଚନ, ବଲିଉଡ ଅଭିନେତ୍ରୀ ଦୀପିକା ପାଦୁକୋନ, ଦିଶା ପାଟାନୀ ଏବଂ ପଶୁପତିଙ୍କୁ ମୁଖ୍ୟ ଭୂମିକାରେ ନଜର ଆସିବେ । ରିପୋର୍ଟ ଅନୁଯାୟୀ, ଫିଲ୍ମର ବଜେଟ ପ୍ରାୟ 500 କୋଟିରୁ ଅଧିକ ବୋଲି କୁହାଯାଉଛି । ଏହି ଚଳଚ୍ଚିତ୍ରଟି ସାରା ବିଶ୍ୱରେ ତେଲୁଗୁ, ହିନ୍ଦୀ, ତାମିଲ, ମାଲାୟାଲମ୍, କନ୍ନଡ ଏବଂ ଇଂରାଜୀ ଭାଷାରେ ରିଲିଜ କରାଯିବ ।
ଏହା ମଧ୍ୟ ପଢନ୍ତୁ: 'କଲ୍କି ୨୮୯୮AD' ଟ୍ରେଲର ରିଲିଜ ପୂର୍ବରୁ ଦୀପିକାଙ୍କ ନୂଆ ପୋଷ୍ଟର ଆଉଟ୍, ପତ୍ନୀଙ୍କ ଲୁକ ଦେଖି ଫିଦା ରଣଭୀର
ବ୍ୟୁରୋ ରିପୋର୍ଟ, ଇଟିବି ଭାରତ
