ହାଇଦ୍ରାବାଦ: ମନୋରଞ୍ଜନ ଜଗତକୁ ଝଟକା । ଆଉ ନାହାନ୍ତି ହଲିଉଡର ଜଣାଶୁଣା ଫିଲ୍ମ ନିର୍ମାତା ଜନ ଲ୍ୟାଣ୍ଡୋ । ମୃତ୍ୟୁବେଳକୁ ତାଙ୍କୁ 63 ବର୍ଷ ବୟସ ହୋଇଥିଲା । ତାଙ୍କ ମୃତ୍ୟୁ ତାଙ୍କ ପୁଅ ଜାମି ଲ୍ୟାଣ୍ଡୋ ସୂଚନା ଦେଇଛନ୍ତି । ସେ ଲୋକପ୍ରିୟ ବ୍ଲକବ୍ଲଷ୍ଟର ହଲିଉଡ ଫିଲ୍ମ ଟାଇଟାନିକ ଏବଂ ଅବତାର ପରି ଓସ୍କାର ବିଜେତା ଚଳଚ୍ଚିତ୍ର ନିର୍ମାଣ କରି ବେଶ ପ୍ରସିଦ୍ଧ ହୋଇଥିଲେ । ତେବେ ତାଙ୍କ ମୃତ୍ୟୁର କାରଣ ଜଣାପଡିନଥିବା ବେଳେ ତାଙ୍କ ଆକସ୍ମିକ ମୃତ୍ୟୁରେ ହଲିଉଡ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଛି । ଟାଇଟାନିକ୍ ଏବଂ ଅବତାର ଫିଲ୍ମର ଟିମ ନିର୍ମାତାଙ୍କ ବିୟୋଗରେ ଦୁଃଖ ପ୍ରକାଶ କରିବା ସହ ଶ୍ରଦ୍ଧାଞ୍ଜଳି ଜଣାଇଛନ୍ତି ।
“The Avatar family grieves the loss of our friend and leader, Jon Landau. His zany humor, personal magnetism, great generosity of spirit and fierce will have held the center of our Avatar universe for almost two decades. His legacy is not just the films he produced, but the… pic.twitter.com/fsR77qHoO2
— Avatar (@officialavatar) July 7, 2024
ଜନ ଲ୍ୟାଣ୍ଡୋଙ୍କ କ୍ୟାରିଅର
ଜନ ଲ୍ୟାଣ୍ଡୋ ୧୯୮୦ରେ ପ୍ରଡକ୍ସନ୍ ମ୍ୟାନେଜର ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ । ତାଙ୍କର କଠିନ ପରିଶ୍ରମ ସହ ସେ ଗୋଟିଏ ପରେ ଗୋଟିଏ ସଫଳତାର ସିଢି ଚଢିଥିଲେ । ପରେ ସେ ଟାଇଟାନିକ୍ ଉପରେ ନିର୍ଦ୍ଦେଶକ ଜେମ୍ସ କ୍ୟାମେରନଙ୍କ ହାଇ ବଜେଟ୍ ଚଳଚ୍ଚିତ୍ର ନିର୍ମାଣ କରିଥିଲେ । ଜେମ୍ସ କ୍ୟାମେରନ୍ ଏବଂ ଜନ୍ ଲ୍ୟାଣ୍ଡଙ୍କ ଚଳଚ୍ଚିତ୍ର ମୋଟ ୧୧ଟି ଓସ୍କାର ପୁରସ୍କାର ଲାଭ କରିଥିଲା । ଏହି ଯୋଡି ଏପର୍ଯ୍ୟନ୍ତ ରିଲିଜ୍ ହୋଇଥିବା ଶ୍ରେଷ୍ଠ ୪ଟି ସର୍ବାଧିକ ଆୟ କରିଥିବା ଚଳଚ୍ଚିତ୍ର ମଧ୍ୟରୁ ତିନୋଟି ନିର୍ମାଣ ମଧ୍ୟ କରିଛନ୍ତି । ଟାଇଟାନିକ୍ ବ୍ୟତୀତ 2009 ଚଳଚ୍ଚିତ୍ର ଅବତାର ଏହି ତାଲିକାରେ ଏକ ନମ୍ବରରେ ଥିବାବେଳେ 2022 ସିକ୍ୱେଲ୍ ଅବତାର: ଦ ୱେ ଅଫ୍ ୱାଟର୍ ତୃତୀୟ ସ୍ଥାନରେ ରହିଛି । ସାରା ବିଶ୍ୱରେ ୧୦୦ ମିଲିୟନ୍ ଡଲାରରୁ ଅଧିକ ଆୟ କରିଥିବା ଟାଇଟାନିକ୍ ହେଉଛି ପ୍ରଥମ ଚଳଚ୍ଚିତ୍ର ।
ଏହା ମଧ୍ୟ ପଢନ୍ତୁ: ଦୁନିଆକୁ ଅଲବିଦା କହିଲେ ଫିଲ୍ମ ନିର୍ମାତା କୁମାର ସାହାନି
ଜନ ଲ୍ୟାଣ୍ଡୋଙ୍କ ପରିବାର ବିଷୟରେ କହିବାକୁ ଗଲେ, ଜୁଲାଇ ୨୩, ୧୯୬୦ ରେ ନ୍ୟୁୟର୍କରେ ଜନ୍ମ ହୋଇଥିବା ଲ୍ୟାଣ୍ଡୋ ଚଳଚ୍ଚିତ୍ର ନିର୍ମାତା ଏଲି ଏବଂ ଏଡି ଲ୍ୟାଣ୍ଡୋଙ୍କ ପୁତ୍ର । ୧୯୭୦ରେ ପରିବାର ଲସ ଏଞ୍ଜେଲସକୁ ପଳାଇଥିଲେ । ୧୯୯୩ରେ ଜନଙ୍କ ମାଆ ଏଲି ଲ୍ୟାଣ୍ଡୋଙ୍କ ଦେହାନ୍ତ ହୋଇଥିଲା । ଜନଙ୍କ ବାପା ତଥା ଲଙ୍ଗ୍ ଡେ’ର ଜର୍ନି ଇନଟୁ ନାଇଟ୍, ହପସ୍କୋଚ ଏବଂ ଦ ଡେଡଲି ଗେମ୍ ଭଳି ଚଳଚ୍ଚିତ୍ରର ଓସ୍କାର ମନୋନୀତ ନିର୍ମାତା ଏଡି ଲ୍ୟାଣ୍ଡୋ ୨୦୨୨ରେ ଦେହାନ୍ତ ହୋଇଥିଲା । ଜନ ଲ୍ୟାଣ୍ଡୋଙ୍କ ଦୁଇ ଭଉଣୀ ଏବଂ ଗୋଟିଏ ଭାଇ ରହିଛନ୍ତି । ବ୍ରଡୱେ ନିର୍ଦ୍ଦେଶକ ଟିନା ଲ୍ୟାଣ୍ଡୋ, ସିମ୍ଫୋନୀ ସ୍ପେସ୍ କାର୍ଯ୍ୟନିର୍ବାହୀ ନିର୍ଦ୍ଦେଶକ କ୍ୟାଥି ଲ୍ୟାଣ୍ଡୋ ଏବଂ ଷ୍ଟାର୍ ଟ୍ରେକ୍ ନିର୍ଦ୍ଦେଶକ ଲେସ୍ ଲ୍ୟାଣ୍ଡୋଙ୍କ ଭାଇ ଥିଲେ ଜନ । ସେହିପରି ନିର୍ମାତା ତାଙ୍କ ପତ୍ନୀ ଜୁଲିଙ୍କ ସହ ତାଙ୍କ ପୁଅ ଜାମି ଏବଂ ଯୋଡି ବଞ୍ଚିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
