ହାଇଦ୍ରାବାଦ: 'ସନମ ତେରି କସମ' ସହ ଫ୍ୟାନ୍ସଙ୍କ ମନ ଜିତିଥିବା ଅଭିନେତା ହର୍ଷବର୍ଦ୍ଧନ ରାଣେ ବର୍ତ୍ତମାନ ଆଗାମୀ ଫିଲ୍ମ 'ଦଙ୍ଗେ' ସହ ପୁଣି ଧମାକା କରିବାକୁ ପ୍ରସ୍ତୁତ । ଏହି ଫିଲ୍ମରେ ଅଭିନେତାଙ୍କୁ ଆକ୍ସନ ଅବତାରରେ ଦେଖିବାକୁ ମିଳିବ । ତେବେ ଆଜି ଫିଲ୍ମର ଟ୍ରେଲର ରିଲିଜ ହୋଇଛି । ଜନ ଆବ୍ରାହମ ସୋସିଆଲ ମିଡିଆରେ ଫିଲ୍ମର ଟ୍ରେଲର ଲଞ୍ଚ କରିଛନ୍ତି । ଟ୍ରେଲରଟି ଦମଦାର ରହିଥିବା ବେଳେ ଲୋକେ ଏହା ବେଶ ପସନ୍ଦ କରିବା ସହ ଫିଲ୍ମକୁ ଉତ୍ସାହର ସହ ଅପେକ୍ଷା କରିଛନ୍ତି । ଚଳିତ ବର୍ଷ ମାର୍ଚ୍ଚ ୧ରେ ରିଲିଜ ହେବେ ଫିଲ୍ମ ।
- " class="align-text-top noRightClick twitterSection" data="">
'ଦଙ୍ଗେ' ଚଳଚ୍ଚିତ୍ରଟି କଲେଜର ଦୁଇ ଗୋଷ୍ଠୀ ସଂଘର୍ଷର କାହାଣୀକୁ ଦର୍ଶାଇଛି । ତେବେ ରିଲିଜ ହୋଇଥିବା ୨ ମିନିଟ ୩୫ ସେକେଣ୍ଡର ଟ୍ରେଲରରେ କଲେଜ ମହୋତ୍ସବରେ ହର୍ଷବର୍ଦ୍ଧନ ରାଣେ ଏବଂ ଏହାନ ଭଟ୍ଟ କିପରି ମୁହାଁମୁହିଁ ହୁଅନ୍ତି ଏବଂ ତା'ପରେ ସେମାନଙ୍କ ମଧ୍ୟରେ ଉଗ୍ରରୂପ ନେଇଛି । ତାହା ଦେଖିବାକୁ ମିଳିଛି । ଏହି ଟ୍ରେଲରକୁ ଫ୍ୟାନ୍ସ ବେଶ ପସନ୍ଦ କରିଛନ୍ତି ଏବଂ କଲେଜର ସେହି ପୁରୁଣା ଦିନକୁ ମନେ ପକାଇଛନ୍ତି ।
ତେବେ ଫିଲ୍ମଟି ମାର୍ଚ୍ଚ ୧, ୨୦୨୪ରେ ବଡ ପରଦାରେ ମୁକ୍ତିଲାଭ କରିବ । ଏହି ଫିଲ୍ମଟି ବିଜୋୟ ନାମ୍ବିଆର ନିର୍ଦ୍ଦେଶିତ ଏକ ଦ୍ୱିଭାଷୀ ଚଳଚ୍ଚିତ୍ର ଅଟେ । ଏହି ଚଳଚ୍ଚିତ୍ରର ହିନ୍ଦୀ ଭାଷା ସଂସ୍କରଣରେ ମୁଖ୍ୟ ଭୂମିକାରେ ହର୍ଷବର୍ଦ୍ଧନ ରାଣେ ଏବଂ ଏହାନ ଭଟ୍ଟଙ୍କୁ ଦେଖିବାକୁ ମିଳିବ । ତାଙ୍କ ବ୍ୟତୀତ ବୀର ସିଂ ଫେମ ଅଭିନେତ୍ରୀ ନିକିତା ଦତ୍ତା ଏବଂ ୱେବ୍ ସିରିଜ୍ ଗନ୍ସ ଆଣ୍ଡ ରୋଜ ଅଭିନେତ୍ରୀ ଟିଜେ ଭାନୁଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ଏହି ଚଳଚ୍ଚିତ୍ରଟି ବିଜୋୟ ନାମ୍ବିଆର, ପ୍ରଭୁ ଏଣ୍ଟୋନି, ମଧୁ ଆଲେକ୍ସଜାଣ୍ଡାର୍ ଦ୍ୱାରା ନିର୍ମିତ ହୋଇଥିବା ବେଳେ ଏହି ଚଳଚ୍ଚିତ୍ରଟି ଟି-ସିରିଜ୍ ଏବଂ ରୁକ୍ ମିଡିଆ ଦ୍ୱାରା ପ୍ରସ୍ତୁତ କରାଯାଇଛି ।
ଏହା ମଧ୍ୟ ପଢନ୍ତୁ: ଜନ ଅବ୍ରାହମଙ୍କ ଫିଲ୍ମ 'ବେଦା'ର ପ୍ରଥମ ଲୁକ୍ ଆଉଟ୍, ଏହି ଦିନ ପରଦାକୁ ଆସିବ ଫିଲ୍ମ
ହିନ୍ଦୀ ବ୍ୟତୀତ ଏହି ଚଳଚ୍ଚିତ୍ର ତାମିଲ ଭାଷାରେ ମଧ୍ୟ ନିର୍ମାଣ କରାଯାଉଛି । ତାମିଲରେ ଏହାର ନାମ ହେଉଛି 'ପୋର(Por)' । ଯେଉଁଥିରେ ଅର୍ଜୁନ ଦାସ, କାଳିଦାସ ଜୟରାମ, ଟିଜେ ଭାନୁ ଏବଂ ସଞ୍ଚନା ନଟରାଜନ୍ ଭଳି ତାରକା ନଜର ଆସିବେ । ନିର୍ମାତାମାନେ ଉଭୟ ତାମିଲ ଏବଂ ହିନ୍ଦୀ ଭାଷାରେ ଟ୍ରେଲର ରିଲିଜ କରିଛନ୍ତି ।
