ହାଇଦ୍ରାବାଦ: ଆଜି ବଲିଉଡ ଅଭିନେତ୍ରୀ ଜାହ୍ନବୀ କପୁର ତାଙ୍କ ୨୭ତମ ଜନ୍ମଦିନ ପାଳନ କରିଛନ୍ତି । ଏହି ପରିପ୍ରେକ୍ଷୀରେ ଅଭିନେତ୍ରୀ ନିଜ ଜନ୍ମଦିନ ପାଳନ କରୁଥିବା ବେଳେ ସବୁଆଡୁ ଛୁଟୁଛି ଜନ୍ମଦିନର ଶୁଭେଚ୍ଛାର ସୁଅ । ସେପଟେ ଏହି ବିଶେଷ ଦିନରେ ଅଭିନେତ୍ରୀ ଏବଂ ଫ୍ୟାନ୍ସଙ୍କୁ ଭେଟି । ଗୋଟେ ପଟେ ରାମ ଚରଣଙ୍କ ସହ ତାଙ୍କ ଆଗାମୀ ଫିଲ୍ମର ଘୋଷଣା ହୋଇଥିବା ବେଳେ ଅନ୍ୟ ପଟେ 'ଦେବରା'ର ପ୍ରଥମ ଲୁକ ରିଲିଜ ହୋଇଛି ।
'ଦେବରା' ଟିମ ଏକ୍ସରେ ଜାହ୍ନବୀ କପୁରଙ୍କ ଫିଲ୍ମର ପ୍ରଥମ ଲୁକ ରିଲିଜ କରିଛନ୍ତି । ଏହାକୁ ସେୟାର କରି ଦେବରା ଟିମ ତାଙ୍କୁ ଜନ୍ମଦିନ ଶୁଭକାମନା ଜାଣାଇଛନ୍ତି । ଏହି ଲୁକରେ ଜାହ୍ନବୀ କ୍ୟାମେରା ଆଡକୁ ଚାହିଁ ହସୁଥିବାର ନଜର ଆସିଛନ୍ତି । ଜାହ୍ନବୀ ଏହି ଚଳଚ୍ଚିତ୍ରରେ ଜଣେ ଗାଁର ଝିଅ 'ଥଙ୍ଗମ' ଭୂମିକାରେ ଅଭିନୟ କରୁଥିବା ବେଳେ ପ୍ରଥମ ଲୁକରେ ସରଳ ଲୁକରେ ଦେଖିବାକୁ ମିଳିଛି । ଏହି ଫଟୋ ସେୟାର କରି ସେ ଲେଖିଛନ୍ତି, ''ଆମର ଥଙ୍ଗମ, ଜାହ୍ନବୀ କପୁରଙ୍କୁ ଜନ୍ମଦିନର ଅନେକ ଶୁଭେଚ୍ଛା ।'' ଏହି ପୋଷ୍ଟକୁ ଜାହ୍ନବୀ ନିଜ ଇନଷ୍ଟାଗ୍ରାମ ଷ୍ଟୋରୀରେ ମଧ୍ୟ ସେୟାର କରିଛନ୍ତି ଏବଂ ଲେଖିଛନ୍ତି, ସେଟକୁ ଫେରିବାକୁ ଅପେକ୍ଷା କରିପାରୁନାହିଁ ।
ସେପଟେ ରାମ ଚରଣଙ୍କ ତାଙ୍କ ଆଗାମୀ ଫିଲ୍ମ 'RC16' ଘୋଷଣା କରିଛନ୍ତି । ନିର୍ମାତା ମୈଥି ଫିଲ୍ମ ନିଜ ଇନଷ୍ଟାଗ୍ରାମରେ ଫିଲ୍ମରୁ ଜାହ୍ନବୀଙ୍କ ଏକ ଫଟୋ ସେୟାର କରି ଏହି ଘୋଷଣା କରିଛନ୍ତି । ଫଟୋରେ ଜାହ୍ନବୀ ୟେଲୋ ରଙ୍ଗର ଶାଢୀରେ ପାରମ୍ପରିକ ଲୁକରେ ନଜର ଆସିଛନ୍ତି । ଏହି ଫଟୋ ସେୟାର କରି ନିର୍ମାତା ଲେଖିଛନ୍ତି, 'RC16' ଜାହ୍ନବୀ କପୁରଙ୍କୁ ସ୍ୱାଗତ । ଜନ୍ମଦିନର ଶୁଭେଚ୍ଛା ଜାହ୍ନବୀ ।
ସୂଚନା ଥାଉ କି, ଜାହ୍ନବୀ ନିର୍ଦ୍ଦେଶକ କୋର୍ଟଲା ଶିବାଙ୍କ ଫିଲ୍ମ ଦେବରାରେ ସୈଫ ଅଲ୍ଲି ଖାନ ଏବଂ ଜୁନିଅର ଏନଟିଆରଙ୍କ ସହ ନଜର ଆସିବେ । ଏହି ଫିଲ୍ମ ସହ ଉଭୟ ସୈଫ ଏବଂ ଜାହ୍ନବୀ ଟଲିଉଡରେ ଡେବ୍ୟୁ କରିବା ସହ ପ୍ରଥମ ଥର ପାଇଁ Jr. ଏନଟିଆରଙ୍କ ସ୍କ୍ରିନ୍ ସେୟାର କରିବେ । ଦେବରା: ପ୍ରଥମ ଭାଗ ଅକ୍ଟୋବର ୧୦ ତାରିଖରେ ମୁକ୍ତିଲାଭ କରିବ । ସେହିପରି ରାମଚରଣଙ୍କ ସହ ମଧ୍ୟ ଜାହ୍ନବୀ 'RC16' ସହ ପ୍ରଥମ ଥର ନଜର ଆସିବେ। 'RC16' ର ନିର୍ଦ୍ଦେଶନା ଦେବେ ନିର୍ଦ୍ଦେଶକ ବୁଚି ବାବୁ ସାନା ।
ଏହା ମଧ୍ୟ ପଢନ୍ତୁ: ଘୁଞ୍ଚିଲା 'ଦେବରା' ରିଲିଜ ଡେଟ୍, ଏପ୍ରିଲ ନୁହେଁ ଅକ୍ଟୋବରରେ ପରଦାକୁ ଆସିବ ଫିଲ୍ମ
