ମୁମ୍ବାଇ: ଟି-୨୦ ବିଶ୍ୱକପ ୨୦୨୪ ରେ ଭାରତ ବନାମ ପାକିସ୍ତାନ ମ୍ୟାଚ୍ ବହୁତ ଚମତ୍କାର ଥିଲା । ଗତକାଲି (ଜୁନ ୯, ରବିବାର) ଦିନ ପାକିସ୍ତାନ ବିପକ୍ଷରେ ଖେଳାଯାଇଥିବା ମ୍ୟାଚରେ ଭାରତ ଦମଦାର ବିଜୟ ହାସଲ କରିଛି । ୬ ରନରେ ପାକିସ୍ତାନକୁ ହରାଇ ଟି-୨୦ ବିଶ୍ବକପ ମ୍ୟାଚ ଜିତିଲା ଭାରତ । ପରାଜୟ ଆଡ଼କୁ ମୁହାଁ ହୋଇଥିବା ମ୍ୟାଚରେ ଭାରତକୁ ଉଦ୍ଧାର କରିଛନ୍ତି ବୁମରା । ଯାହା ପରେ ଭାରତ ଏହି ବିଜୟ ହାସଲ କରିଛି । ତେବେ ଏହା ଦେଖି ଫ୍ୟାନ୍ସ ସମେତ ସେଲିବ୍ରିଟି ତାଙ୍କର ଫ୍ୟାନ୍ ହୋଇଥିବା ବେଳେ ଟିମ ଇଣ୍ଡିଆର ବିଜୟ ନେଇ ଖୁସିବ୍ୟକ୍ତ କରିଛନ୍ତି । ଏଥିସହ ଏହି ବିଜୟ ପାଇଁ ଭାରତୀୟ ଦଳକୁ ଅଭିନନ୍ଦନ ଜଣାଇଛନ୍ତି । ଅମିତାଭ ବଚ୍ଚନଙ୍କ ଟାରୁ ଆରମ୍ଭ କରି ଆୟୁଷ୍ମାନ ଖୁରାନା, ଶ୍ରଦ୍ଧା କପୁର ସମେତ ଅନେକ ତାରକା ଟିମ ଇଣ୍ଡିଆର ବିଜୟରେ ଝୁମିବା ସହ ଅଭିନନ୍ଦନ ଜଣାଇଛନ୍ତି ।
ବଲିଉଡ ଅଭିନେତା ଅମିତାଭ ବଚ୍ଚନ ଏକ୍ସରେ ମ୍ୟାଚରୁ ବୁମରାଙ୍କ ଫଟୋ ସେୟାର କରି ଦଳକୁ ପ୍ରଶଂସା କରି ଲେଖିଛନ୍ତି, 'ହେ ବାପ ରେ ବାପ! ଭାରତ ବନାମ ପାକିସ୍ତାନ ଖେଳ ଦେଖୁଥିଲି ଏବଂ ଟିଭି ମଧ୍ୟଭାଗକୁ ବନ୍ଦ କରିଦେଲି କାରଣ ମୁଁ ଭାବିଲି ଆମେ ହାରିବାକୁ ଯାଉଛୁ । କିନ୍ତୁ ହଠାତ୍ ମୁଁ ଇଣ୍ଟରନେଟରେ ଦେଖିଲି ଏବଂ ଆମେ ଜିତିଲୁ, ଆମେ ଜିତିଲୁ, ଜିତିଗଲୁ । ଭାରତ, ଭାରତ, ଭାରତ ଭାରତ ... '
ଅଭିନେତ୍ରୀ ପ୍ରୀତି ଜିଣ୍ଟା ବୁମରାଙ୍କ ଖୁବ ପ୍ରଶଂସା କରିଛନ୍ତି । ସେ ଏକ୍ସରେ ଟିମ୍ ଇଣ୍ଡିଆର ଫଟୋ ସେୟାର କରି ଲେଖିଛନ୍ତି, ''ୱା! କି ମ୍ୟାଚ୍ ଥିଲା? କି ପ୍ରତ୍ୟାବର୍ତ୍ତନ? ୧୧୯ ରନ୍ ରକ୍ଷା ପାଇଁ ଭାରତୀୟ କ୍ରିକେଟ୍ ଦଳକୁ ପୂର୍ଣ୍ଣ ମାର୍କ । ଜସପ୍ରୀତ ବୁମରାଙ୍କ ଏପରି ଅବିଶ୍ୱସନୀୟ ପ୍ରଦର୍ଶନ ପାଇଁ ଦେଖି ମଜା ଆସିଗଲା ।'' ସେହିପରି ଆୟୁଷ୍ମାନ ଖୁରାନା ମଧ୍ୟ ଟିମ୍ ଇଣ୍ଡିଆର ପ୍ରଶଂସା କରି ଲେଖିଛନ୍ତି, 'ମ୍ୟାଚ ଦେଖି ବହୁତ ନର୍ଭସ ଥିଲି । ଯଦି ଏହା ଭଲ ଭାବରେ ଶେଷ ହୁଏ ତେବେ ସବୁ ଠିକ୍ ଅଛି । ଋଷଭ ପନ୍ତଙ୍କ ପ୍ରତ୍ୟାବର୍ତ୍ତନ ଭଲ ଥିଲା ଏବଂ ବୁମରାଙ୍କର ଏକ ଗୋଲ୍ଡେନ ହାତ ଅଛି । ଚାଲ ଇଣ୍ଡିଆ । ଏହି T20USA ବିଶ୍ୱକପରେ ପୂର୍ଣ୍ଣ ଶକ୍ତି ସହ ଏଣ୍ଟ୍ରି କର ।'
ରିତେଶ ଦେଶମୁଖ ମଧ୍ୟ ଟ୍ୱିଟ୍ କରି ଲେଖିଛନ୍ତି, 'ଚକ ଦେ ଇଣ୍ଡିଆ: କି ଅବିଶ୍ୱସନୀୟ ପ୍ରତ୍ୟାବର୍ତ୍ତନ। ବହୁତ ଭଲ ଟିମ୍ ଇଣ୍ଡିଆ- ବହୁତ ଭଲ ବୋଲର । ଏଥିସହ ଚଳଚ୍ଚିତ୍ର ନିର୍ମାତା କରଣ ଜୋହର, ସିଦ୍ଧାର୍ଥ ମଲହୋତ୍ରା, ଅନନ୍ୟା ପାଣ୍ଡେ, ବରୁଣ ଧୱନ, ବବି ଦେଓଲ, କାର୍ତ୍ତିକ ଆର୍ଯ୍ୟନ, ଆଥିଆ ଶେଟ୍ଟୀ, ପୁଲକିତ ସମ୍ରାଟ, ଶ୍ରଦ୍ଧା କପୁର, ଅର୍ଜୁନ ରାମପାଲ, ସୋନୁ ସୁଦ, ନେହା ଧୁପିଆ ମଧ୍ୟ ବୁମରା ଙ୍କ ସହ ଟିମ ଇଣ୍ଡିଆର ଖୁବ ପ୍ରଶଂସା କରିବା ସହ ଅଭିନନ୍ଦନ ଜଣାଇଛନ୍ତି ।
ଏହା ମଧ୍ୟ ପଢନ୍ତୁ: T-20 ବିଶ୍ୱକପରେ ମାଟି କାମୁଡିଲା ପାକ, 6 ଓ୍ବିକେଟରେ ଟିମ୍ ଇଣ୍ଡିଆର ଦମଦାର ବିଜୟ
ବ୍ୟୁରୋ ରିପୋର୍ଟ, ଇଟିଭି ଭାରତ
