ହାଇଦ୍ରାବାଦ: କଙ୍ଗନା ରାଣାୱତଙ୍କ ଆଗାମୀ ଚଳଚ୍ଚିତ୍ର 'ଏମରଜେନ୍ସି' ରିଲିଜ୍ ପୂର୍ବରୁ ମଧ୍ୟ ବିବାଦରେ ଛନ୍ଦି ହୋଇଛି । ଫିଲ୍ମ ରିଲିଜକୁ ବ୍ୟାନ କରିବାକୁ ବିଭିନ୍ନ ସଙ୍ଘଠନ ପକ୍ଷରୁ ଦାବି କରାଯାଉଛି । ଶିରୋମଣି ଗୁରୁଦ୍ୱାରା ପାର୍ବନ୍ଧକ କମିଟି (SGPC) ଏବଂ ଅକଲ ତଖତଙ୍କ ପରେ ଏବେ ଅଷ୍ଟ୍ରେଲିଆରେ ଅବସ୍ଥିତ ଶିଖ ପରିଷଦ ପୂର୍ବତନ ଭାରତୀୟ ପ୍ରଧାନମନ୍ତ୍ରୀ ସ୍ୱର୍ଗତ ଇନ୍ଦିରା ଗାନ୍ଧୀଙ୍କ ଉପରେ ଆଧାରିତ ଏହି ରାଜନୈତିକ ଡ୍ରାମା ଫିଲ୍ମ ଉପରେ ପ୍ରତିବନ୍ଧକ ଲଗାଇବାକୁ ଦାବି କରିଛି।
'ଏମରଜେନ୍ସି' ଉପରେ ପ୍ରତିବନ୍ଧକ ଲଗାଇବାକୁ ଦାବି
ଏକ ଗଣମାଧ୍ୟମ ବିବୃତ୍ତିରେ ଅଷ୍ଟ୍ରେଲିଆର ଶିଖ ପରିଷଦ ଐତିହାସିକ ଘଟଣାଗୁଡ଼ିକର ଭୁଲ ତଥ୍ୟ ଉପସ୍ଥାପନ କରିବା ଏବଂ ଶିଖ ସହିଦମାନଙ୍କ ପ୍ରତି ଅସମ୍ମାନ ଥିବାରୁ ଏବେ ଏହି ଫିଲ୍ମ ଦେଶରେ ଅଶାନ୍ତି ସୃଷ୍ଟି କରିବା ଆଶଙ୍କାରେ 'ଏମରଜେନ୍ସି' ଉପରେ ପ୍ରତିବନ୍ଧକ ଲଗାଇବାକୁ ଦାବି କରିଛି। ଏକ ରିପୋର୍ଟରେ କୁହାଯାଇଛି ଯେ 'ଆପଣଙ୍କ ପ୍ରେକ୍ଷାଳୟରେ ଏହି ଚଳଚ୍ଚିତ୍ରର ସ୍କ୍ରିନିଂ ପାଇଁ ଆମେ ବହୁତ ଚିନ୍ତିତ। ଏହି ଚଳଚ୍ଚିତ୍ରରେ ଭାରତର ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଏବଂ ଶିଖ ଶହୀଦଙ୍କ ବୀରତ୍ୱର ଭୂମିକା ଚିତ୍ରିତ ହୋଇଛି ଯାହା ଅତ୍ୟନ୍ତ ଅପମାନଜନକ। ଏହି ଚଳଚ୍ଚିତ୍ରଟି ଐତିହାସିକ ଘଟଣାଗୁଡ଼ିକୁ ଭୁଲ ଭାବରେ ଉପସ୍ଥାପନ କରିଛି, ଯାହାକି ଶିଖ ସମ୍ପ୍ରଦାୟ ପାଇଁ ଗୁରୁତ୍ୱପୂର୍ଣ୍ଣ ଏବଂ ଯନ୍ତ୍ରଣାଦାୟକ ଅଟେ ।
ଫିଲ୍ମ 'ଦେଶରେ ଅଶାନ୍ତି ସୃଷ୍ଟି କରିପାରେ'
ଏଥିରେ ଏହା ମଧ୍ୟ କୁହାଯାଇଛି, 'ଏହି ଚଳଚ୍ଚିତ୍ର ଶିଖ ପଞ୍ଜାବୀ ସମ୍ପ୍ରଦାୟ ତଥା ଅଷ୍ଟ୍ରେଲିଆରେ ହିନ୍ଦୁ ସମର୍ଥକଙ୍କ ସମେତ ଅଣ ହିନ୍ଦୁ ସମର୍ଥକଙ୍କ ମଧ୍ୟରେ ଅଶାନ୍ତି ସୃଷ୍ଟି କରିବାର ସମ୍ଭାବନା ରହିଛି। ଏହି ଚଳଚ୍ଚିତ୍ରରେ ବିଶିଷ୍ଟ ଶିଖ ସମ୍ପ୍ରଦାୟର ନେତା ସାନ୍ତ ଜର୍ନେଲ ସିଂ ଖାଲସା ଭିଣ୍ଡରାୱାଲେଙ୍କ ନକାରାତ୍ମକ ଚିତ୍ର ଚିନ୍ତା ବଢାଇ ଦେଇଛି। ଏହି ଚଳଚ୍ଚିତ୍ରର ସ୍କ୍ରିନିଂ ଅଷ୍ଟ୍ରେଲିଆର ଶିଖ ଏବଂ ହିନ୍ଦୁ ସମ୍ପ୍ରଦାୟ ମଧ୍ୟରେ ରାଜନୈତିକ ତିକ୍ତତା ବୃଦ୍ଧି କରିବ ଏବଂ ଶିଖମାନଙ୍କ ଧାର୍ମିକ ଭାବନାକୁ କ୍ଷତି ପହଞ୍ଚାଇବ। ଏଣୁ ଏହି ଫିଲ୍ମ ରିଲିଜ ଉପରେ ରୋକ୍ ଲଗାଯାଉ ।
ପୂର୍ବରୁ ମଧ୍ୟ ବ୍ୟାନ ପାଇଁ ଉଠିଥିଲା ଦାବି
ଏହାପୂର୍ବରୁ ଶିରୋମଣି ଗୁରୁଦ୍ୱାର ପ୍ରାବନ୍ଧକ କମିଟି (SGPC) ଏବଂ ଶ୍ରୀ ଅକଲ ତାଖତ ସାହି କଙ୍ଗନା ରାଣାୱତଙ୍କ ଆଗାମୀ ଚଳଚ୍ଚିତ୍ର ଉପରେ ପ୍ରତିବନ୍ଧକ ଲଗାଇବାକୁ ଦାବି କରିଥିଲେ । SGPC ସଭାପତି ଆଡଭୋକେଟ ହରଜିନ୍ଦର ସିଂ ଧାମି ମଧ୍ୟ ଫିଲ୍ମରେ ଶିଖ ମାନଙ୍କୁ ନକାରାତ୍ମକ ଚିତ୍ରଣ କରିଥିବା ଅଭିଯୋଗ କରି ଫିଲ୍ମ ଉପରେ ତୁରନ୍ତ ପ୍ରତିବନ୍ଧକ ଲଗାଇବାକୁ ଦାବି କରିଥିଲେ । ସେ ଚଳଚ୍ଚିତ୍ର ସେନ୍ସର ବୋର୍ଡକୁ ମଧ୍ୟ କଟାକ୍ଷ କରି କହିଥିଲେ ଯେ ଶିଖ କାର୍ଯ୍ୟକର୍ତ୍ତା ଜସୱନ୍ତ ସିଂହ ଖାଲଡାଙ୍କ ଜୀବନ ଉପରେ ଆଧାରିତ ଫିଲ୍ମ 'ପଞ୍ଜାବ 95'ରେ 85ଟି ସିନ କାଟି ଦିଆଯିବା ସତ୍ତ୍ୱେ ରିଲିଜ୍ ହୋଇନାହିଁ । ଏପରି ସମୟରେ ଶିଖ ମାନଙ୍କ ଭୁଲ ଚିତ୍ରଣ ସତ୍ତ୍ୱେ ତୁରନ୍ତ 'ଏମରଜେନ୍ସି' ଫିଲ୍ମକୁ କିପରି ଅନୁମୋଦନ କରାଯାଇଛି । ସରକାର ଏହା ବିଷୟରେ ଭାବିବା ଦରକାର ।
କାର୍ଯ୍ୟାନୁଷ୍ଠାନ ପାଇଁ କେନ୍ଦ୍ର ମନ୍ତ୍ରୀଙ୍କୁ କଲେ ଦାବି
ଆଡଭୋକେଟ୍ ଧାମି କହିଛନ୍ତି ଯେ ଫିଲ୍ମ ସହ ଜଡିତ ଅନେକ ମାମଲା ସାମ୍ନାକୁ ଆସିଛି, ଯେତେବେଳେ ଶିଖ୍ ଚରିତ୍ର ଏବଂ ଶିଖଙ୍କ ଧାର୍ମିକ ଚିନ୍ତାଧାରା ସଠିକ୍ ଭାବରେ ଚିତ୍ରିତ ନହେବା କାରଣରୁ ଶିଖ୍ ଭାବନାକୁ ଆଘାତ ଦିଆଯାଇଛି । ସେ କଙ୍ଗନାଙ୍କ ଫିଲ୍ମ ଏମରଜେନ୍ସିକୁ ତୁରନ୍ତ ବନ୍ଦ କରିବାକୁ ଭାରତ ସରକାରଙ୍କ ସୂଚନା ଏବଂ ପ୍ରସାରଣ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ଦାବି କରିଥିଲେ। ସେ କହିଛନ୍ତି ଯେ ଏହା ପରଠାରୁ ଏହା ନିଶ୍ଚିତ ହେବା ଉଚିତ ଯେ ଶିଖ ବିରୋଧୀ ଭାବନା ଥିବା କୌଣସି ଫିଲ୍ମ ରିଲିଜ ହେବ ନାହିଁ।
ଶିଖ ସଦସ୍ୟଙ୍କୁ ସେନ୍ସର ବୋର୍ଡରେ ସାମିଲ କରିବାକୁ ପରାମର୍ଶ
ଆଡଭୋକେଟ୍ ଧାମି କେନ୍ଦ୍ରୀୟ ଚଳଚ୍ଚିତ୍ର ସେନ୍ସର ବୋର୍ଡରେ ଜଣେ ଶିଖ ସଦସ୍ୟଙ୍କୁ ସାମିଲ କରିବାକୁ ପରାମର୍ଶ ଦେଇଥିଲେ, କାରଣ ଶିଖ ସଦସ୍ୟଙ୍କ ଅନୁପସ୍ଥିତି ଯୋଗୁଁ ଏକପାଖିଆ ନିଷ୍ପତ୍ତି ନିଆଯାଉଛି । ସେ କହିଛନ୍ତି ଯେ ଶିରୋମଣି କମିଟି ଏହାର ସାଧାରଣ ସଭାରେ ଅନେକ ଥର ସଂକଳ୍ପ ପାରିତ କରି ଶିଖଙ୍କ ପ୍ରତିନିଧୀଙ୍କୁ କେନ୍ଦ୍ରୀୟ ଚଳଚ୍ଚିତ୍ର ସେନ୍ସର ବୋର୍ଡରେ ସାମିଲ କରିବାକୁ ଦାବି କରିଛି, କିନ୍ତୁ ଦୁଃଖର ବିଷୟ ସରକାର ଏହାକୁ କାର୍ଯ୍ୟକାରୀ କରୁନାହାଁନ୍ତି। ଶିରୋମଣି କମିଟି ସଭାପତି କହିଛନ୍ତି ଯେ ଏହି ଚଳଚ୍ଚିତ୍ର ଉପରେ ପ୍ରତିବନ୍ଧକ ଲଗାଇବା ଅତ୍ୟନ୍ତ ଜରୁରୀ, କାରଣ ଏହି ଚଳଚ୍ଚିତ୍ର ରିଲିଜ ଶିଖ ସମ୍ପ୍ରଦାୟରେ ଅନେକ କ୍ରୋଧ ଏବଂ ଅସନ୍ତୋଷ ସୃଷ୍ଟି କରିବ।
ଏହା ମଧ୍ୟ ପଢନ୍ତୁ: କଙ୍ଗନା ରାଣାୱତଙ୍କ ଫିଲ୍ମ 'ଏମରଜେନ୍ସି'କୁ ମିଳିଲା ନୂଆ ରିଲିଜ ଡେଟ୍
'ଏମରଜେନ୍ସି' ଫିଲ୍ମ ବିଷୟରେ କହିବାକୁ ଗଲେ,
ଏହି ଫିଲ୍ମରେ କଙ୍ଗନା ଅଭିନୟ କରିବା ସହ ନିର୍ଦ୍ଦେଶନା ମଧ୍ୟ ଦେଇଛନ୍ତି । ଏହି ଫିଲ୍ମରେ କଙ୍ଗନା ପୂର୍ବତନ ଭାରତୀୟ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରରେ ଅନୁପମ ଖେର ଏବଂ ଦିବଙ୍ଗତ ଅଭିନେତା ସତୀଶ କୌଶିକ, ମିଳିନ୍ଦ ସୋମନ, ଶ୍ରେୟସ ତାଲପଡେ, ବିଶକ ନାୟର ମଧ୍ୟ ଅଭିନୟ କରିଛନ୍ତି । ଏହି ଚଳଚ୍ଚିତ୍ରରେ, ୧୯୭୫ରେ ଭାରତର ଅନ୍ଧକାର ଅଧ୍ୟାୟ ଏମିରଜେନ୍ସି ବିଷୟରେ ଦର୍ଶାଯାଇଛି । ୬ ସେପ୍ଟେମ୍ବର ୨୦୨୪ରେ ପ୍ରେକ୍ଷାଳୟରେ ରିଲିଜ ହେବ । ତେବେ ଦୁଇ ଦୁଇଥର ଫିଲ୍ମ ରିଲିଜ ତାରିଖ ଘୁଞ୍ଚିବା ପରେ ପୁଣି ସେପ୍ଟେମ୍ୱରରେ ଫିଲ୍ମ ରିଲିଜ ହେବ ବୋଲି ଜଣାପଡିଥିବା ବେଳେ ଏବେ ଫିଲ୍ମକୁ କରାଯାଉଥିବା ବିରୋଧ କ'ଣ ମୋଡ଼ ନେଉଛି ତାହା ଦେଖିବାକୁ ବାକି ରହିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
